Wednesday, March 19, 2008

اصفر


دايما تحب تكون هى احسن حد ، تحب تكون ملتفة للنظر ، صوتها عالى ، ضحكتها عالية ، شايفة نفسها بتفهم فى كل حاجة ، صعب انها تعتذر ، اى حاجة كويسة حد تانى غيرها يعملها او يجيبها لازم تقلل من قيمتها ،بتعرف ازاى تحقر من اللى قدامها ، و بتعرف ازاى تسيطر على اللى قدامها مش لقوة شخصيتها لكن لانها بتعرف ازاى تحرج و تجادل حتى لو على باطل

انا شوفت لون شخصيتها اصفر

لكن

فى الجانب الاخر للشخصية شوفت فى عيونها ملامح الخوف و الجبن من كل شىء

العطف على الاضعف و مراعاته

التأثر بأى موقف لدرجة البكاء

المحاولة دايما للتقرب من ربنا



احترت هى اصفر ولا هى لون العسل توهبه النحلة برضا و لو فكرنا نقرب من مملكتها تقرصنا حتى لو هتموت بعدها ؟؟



عليا اختار

اما اكون من الرعاية وانول الرضا

او اقولها يا نحلة لا تقرصنى ولا عايزة نحلك




4 comments:

princess dodo said...

شخصية مثلها تثير الجدل
لو كنت مكانك لاخترت ان ابتعد
ربما لأننى دائما افعل
ما يعرف بأن ( اشترى دماغى )
لكننى ايضاً لست ضد ان
تقتربى ليس كما ذكرتى
بأن تكونى من رعاياها
لتنالي الرضا
ولكن لأن تكتشفى تلك الشخصية
ف هناك بعض الاشخاص
من فرط القهر والظلم الذى يعانون منه
يتصرفون بهذا الشكل
مع الناس
ليظهروا امامهم بموقف القوى
الذى بداخله ضعف وظلم
وكما قلتِ بداخل عينيها نظرة خوف

.
.

موضوع اكثر من رائع

تحياتى لكِ

Rainbow said...

برنسيس دودو
يشرفنى جدا تكونى اول حد يفتتح التعليق فى مدونتى

فعلا رايك فى محله ان الافضل الابتعاد و اشترى دماغى :)
بس فى ناس صعب تبعدى عنهم خصوصا لو فى صلة رحم
للاسف الواحد مش بيختار مين يكون فى عيلته و مين لا :(

تحياتى و مودتى

maha zein said...

حلوة اوي وجديدة اسلوب اختيارك للالولن كبوست تعبري فيه عن الي جواكي في شكل لون
حلو التميز ده
وصفك للون متجسد فيها رائع
تحياتي ليكي
وحلوة اوي بردو بتاعت الاحمر
نفسي اعلق علي كل بوستاتك لكن انا للاسف ورايا ابحاث هامة هكتفي اني اقرا واكتم اعجابي جوايا علي امل اني اتفنجر عندك في مرة بعد لما افضا بإذن الله

Rainbow said...

مها زين
ربنا معاكى و عايزين ابحاث تثبت عبقرية البنوتات المصريات

و يا ستى تعالى اتفنجر فى اى وقت :)

نورتينى و تحياتى