Monday, May 19, 2008

هى فى الالوان كالأحمر



كشعلة النيران الحمراء التى تقفز بجنون فوق اسطح البيوت الريفية محدثة حريقا لعنان السماء .. تتقافز افكارها فى عقول من يقرا لها محدثة ثورة ضد السلبية


كالقلم الاحمر الجاف الذى نصحح به الصواب من الخطأ .. تصحح هى مفاهيم نعرفها و نمر عليها مرور الكرام و لكن معها نقف و نستمع و نفهم اكثر و اكثر


كالورد الاحمر البلدى نشم معه عبير مصرنا الحبيبة .. معها احس بعبق المراة المصرية بمعنى الكلمة


كالبطيخ الاحمر فى ليلة صيف حارة ننشده ليرطب جوفنا و ينعشنا .. خفة دمها تروح عن قلوبنا و تسحرنا


كنادى الاهلى و اعلامه الحمراء و فرحة مصر بفوزه فى بطولة افريقية او عربية .. فرح المدونون بعودتها سالمة الينا


هانم تتربع فى قلوبنا بجلبابها الاحمر .. و هى تبتسم و تقول قاعدة على قلوبكم




سلامتك من كل الالام فرنسا

31 comments:

Unknown said...

الله عليكى يا رينبو

تصدقى مش عارفة ليه كنت متخيلة صورة فرنسا فعلا من اول البوست ؟

الف حمد رجعوها بالسلامة لينا

tarek alghnam said...

اختى الكريمة
بارك الله فيكى
لانى جديد فى البلوجر
فلا اعلم عنها شيئا ولكن كلما دخلت مدونة اجد مظاهرة حب لها
ربنا يمتعها ويمنعك بالحب والصحة والعافية
تقبلى تحياتى
وادعوكى لقراءة الضحية بمدونتى المتواضعة
وشكرا الف شكر لتواصلك الذى اسعدنى

همس الاحباب said...

حمدلله على سلامتها
وبجد اختيارك للالوان شىء رائع جدا
واللون الاحمر فعلا ينفع قوى مع اختنا الكبيرة فرنسا هانم
لفتة جميلة منك
وربنا يديم المحبة بينا جميعا
تحياتى وتقديرى
خالد

كاميليا بهاء الدين said...

تصدقى عندك حق

هى فعلا علامة مميزة

فى حياتنا فى عالمنا هذا

ولا نتخيله بدونها

ربنا يخليها لنا كلنا يارب

ومش يحرمنا منها ابدا


تحياتى لرقه قلبك

قوس قزح said...

عاليا حليم
اسمعى بس سيبك من كلامى و تعالى هنا
ما انتى امورة اهو والفيديو يجنن و شخطى فيهم بلا دى و اثبتى انك شخصية قوية و مش بتوافق و خلاص :)


كل سنة وانتى طيبة و معانا

قوس قزح said...

طارق الغنام

كل ما هتقرا لها اكتر هتعرف ليه هى محبوبة كده

انا اللى سعدت بقراءة موضوعك عن حب الرسول عليه افضل السلام و عائشة فعلا موضوع مؤثر فى النفس

تحياتى

قوس قزح said...

همس الاحباب

ميرسى يا خالد لكلمات الجميلة ، يمكن انا كتير بربط بين اى حد او اى حاجة و الالوان و فعلا فرنسا هى كده لونها احمر
زى النار على العلم

و يارب يديم الخير بينا و المحبة على طول

تحياتى و مودتى

قوس قزح said...

كاميليا

انتى كمان كاميليا علامة مميزة
و لو اختار لون لكى هيكون لون
misty rose
لانه رقيق مثلك

تحياتى

رئـــــيسـة حزب الأحلام said...

بجد لمسه جميلة منك اختى وجميلة هذة الروح الجميلة الموجودة بين المدونين وبعضهم



الف تحية لكى
والف حمد الله على سلامتك يافرنسا وعودا احمد للتدوين

رندا said...

اجمل شئ قلب يحب بصدق
واجمل شئ صداقة عنوانها الوفاء
انتى اجمل شئ ياداليا
صداقتك جميلة ووفائك اجمل

فرنسا
الف حمد الله على سلامتك
من اى مكروة
ربنا يعافيكى
كلنا بندعيلك
وكلنا جنبك

تحياتى لاخلاصك يادولى

رندا

Empress appy said...

احلى حاجه سمعتها عنها انتى بجد احلى جارة وارق كمان

قوس قزح said...

رئيسة حزب الاحلام

الاحلى ان الحب الموجود ده حب بعيد عن المظاهر و مصالح الحياة

حب بين الافكار

شكرا لزيارتك

قوس قزح said...

صديقتى الغالية رندا

انتى الاجمل لان بالرغم من عدم معرفتك بفرنسا الا انكى كنتى متواجدة و مشاركة معنا فى القلق عليها و ده من حبك لاصدقاءك اللى حسيتى بقلقهم عليها


شكرا لمشاعرك الجميلة

قوس قزح said...

أبى

ربنا يخليكى
و اوعى بعد الجواز تبقى مش جارتى هزعل بجد

نورتينى

حمامة said...

شكلك بتحبيها اوى
اول مرة اسمع انها تعبانة
الف سلامة عليها

:)

دعاء مواجهات said...

يااااة علييك ياهدهوود

انا لسة عارفة من شوية بحكاية تعب فرنسا دى واتاكدت منك كمان

بجد هى كل اللى انتى قولتية واكتر كمان

انتى ريقة اوى وجميلة اوى

مستنيااكى ياقمر

سلااام

قوس قزح said...

حمامة

اسعدنى مرورك تانى
هى بصراحة تتحب اوى
ربنا يشفها

قوس قزح said...

دعاء مواجهات
نورتينى بزيارتك مع انك تقصدى حد تانى :)

بس لو تسمحى استغل الفرصة و ازورك يمكن يكون لى نصيب واكون زى هدى لكى


تحياتى
داليا

أبو خالد said...

داليا الغالية
تعبيرك عن غياب فرنسا
شفاف و جميل
جعلنى أحب اللون الأحمر
فعلا يا داليا نحن أسرة و احده
و من مدونتك الرقيقة
أدعوا الله العلى القدير
أن يشفى فرنسا شفاء لا يغادر سقما
هى و مرضانا و مرضى المسلمين
آمين آمين آمين

المـــفـــــــقــــــــوعـــــة مــرارتـهــا said...

ربنا مايحرمناش من بعض ولا من حبنا لبعض

rainbow said...

كنت اقاوم تلك الدوخة الحمقاء واحاول التركيز لاكتب اى شىء ولم اسنطع طوال الاليومين الماضيين
للاسف التهاب الاذن الداخلية المزمن هاجمنى مرة اخرة بشراسة واكثر ما ضايقنى هو ابتعادى فى ذلك التوقيت لكن بعض مكالمات التليفون ردت لى ابتسامتى بعودة فرنسا ثم شيرين

فرصة ذهبية ان وجدت القوة لافتح نافذتك الحبيبة والقى السلام تحية ديننا الجميل والقى الحب عليكى وعلى كل عين تابعت كلمات تعليقى الضئيل

مرحبا فرنسا الجميلة
نورتى شيرين

احبك فى الله قوس قزح بشرطة !!0

هدى

Empress appy said...

انا جايه الحفله ليه فيها حاجات هتتنشر هستناكي بجدددددددد يا ريت
تيجي ياحبيبتي بجد هتبقى فرصه حلوه وقولي لاي حد تعرفيه

Ehab said...

حمدا لله على سلامتها
تسلمي انتي وهي
ربنا يحفظك
جميل احساسك ووصفك ليها قوي
ربنا يباركلك

سلاااااااااااااااااااااااااام

قوس قزح said...

اللهم امين

ابو خالد

دائما يشرفنى مرورك على مدونتى
و انا اعلم انك ذو الخطوة العزيزة

ربنا يخليك ليا انت و فرنسا و كل احبابى فى هذا العالم الافتراضى

قوس قزح said...

حماتى ملاك
امين يا سوسو
ولا يحرمك من فيفى ابدا :))

قوس قزح said...

rainbow الاصلية

الف سلامة عليكى يا هدى
انا عارفة اد ايه مؤلم الالتهاب ده
ربنا يعينك

انا سعيدة جدا بتشريفك عندى .ز مع انى خايفة تحصل قفلة بين الاقواس :))

انا كمان بحبك :)

قوس قزح said...

ابى
بجد والله انتى لكى شغل فيهم ؟ انا مكنتش اعرف
يبقى كده اكيد جاية ان شاء الله

مع انك مش هتكون فاضى لى يا جميل و مشغول بالامضاءات و اضواء الشهرة ;)

قوس قزح said...

الشنكوتى الكبير

شكرا على زيارتك الجميلة
و يارب دايما نكون كلنا احباء فى الله

تحياتى

كلاكيت تانى وتانى said...

وجودك ومعرفتى بيكى كانت اجمل وانشاء الله نلتقى دائمت ع خير ونتابع صداقتنا من خلال الكى بورد ومن خلال الحياة فما جمعه العقل لا يفرقة سوى العقل نجتمع مرة اخرى انشاء الله
تحياتى لك ولمدونتك التى تقطر رقة وعذوبة

قوس قزح said...

كلاكيت تانى و تانى

نورتنى و اكيد يتكرر اللقا
فى العالم الافتراضى و فى العالم الواقعى
سعدت بلقاك جدا :)

ادم المصرى said...

والله دا كلام احسن من الشعر انا من الكلام حبتها يارب يديم المعروف بس

اتمنا لو تزورونى فى مدونتى