كان جويا حالة من التردد انى اخد الخطوة دى
خوفت ان اللى رسمته فى خيال لما يتصدم بالواقع و يلاقى انه مختلف تمام يحصل حالة من اللخبطة النفسية و احس انى بكلم حد معرفوش
و كان لما حد يسال مين منكم رايح حفلة توقيع كتاب مدونات مصرية للجيب كنت بقول هحاول علشان عارفة انى ممكن فى اخر لحظة اقول لا خاليه عالم افتراضى و بس
لكن اخدت قرارى انى لازم اروح لما اابى دخلت عندى و سابت لى تعليق انها هتروح لان نازل لها حاجات فيها .. قلت هروح علشانها و علشان ابارك لها
وصلت المكان المحدد فى تمام الساعة 6.30 لاقيت يافتة مكتوبة عليها اسم المكتبة و لاقيت فى ناس واقفة على السلم .. قلت اكيد الناس دى مكسوفة تدخل او لسه بيتعرفوا .. طلعت و دخلت المفرمة اقصد المكتبة
بصراحة لما دخلت و اخدتنى قوة الدفع لحد جوه افتكرت وقتها فيلم ابو العروسة لما عمل فرحة بنته فى الشقة و قلت الحقى نفسك و خدى ساتر و اقفى على جنب علشان اى حد يزقنى كده ولا كده اكون فى ضل الحيطة .. و بدا صاحب دار النشر الكلام فى الميكرفون بعد تجريبه ببس و تش و صلى على رسول الله
و لحد هنا و قررت انى امشى بعد ما حسيت بزغللة و حرقان فى العين و انسداد فى القناة اللولبية السمعية مع نقص حاد فى الاكسجين و انتشار روائح مسيلة للدموع ..ده غير صوابع رجلى اللى بقت سوى الارض من كتر ما انداس عليها
قلت خلاص ادور على ابى ولو ملاقيتهاش همشى نو واى
دخلت اوضة تانية وانعكس اليوم 180 درجة
وقبلت ناس كتير اعرفهم -اعرف مدونتهم - واد ايه كان ده يستاهل فقدان السمع و الصوابع و غيرهم
قبلت محمد عبد الغفار اللى حوارى معاه مكملش 10 دقايق و مع كده لو حد يسمعه يقول دول اصدقاء من 10 سنين
اابى و خطيبها - ربنا يسعدهم - و اللى اكتشفت انها برغم ثورتها و بتنجانها لكن بتتكسف جدا و وشها بيحمر
رودى - بنت مصرية - و بنتها الجميلة نور اللى كنت لابسة جزمة سندريلا
فاتيما -روح قلب ماما - و اد ايه حسيت انها قوية برغم ظروفها .. ربنا يعينها
و احمد سكر اللى فعلا زى السكر و اد ايه هو اخ و خدوم جدا
سووووو و بخفة دمه خطف المصاصة من ايد نور بنت رودى و قالها هاتى دى باليشكولاتة و اكلها منها
و سوسو - مفقوعة مرارتها - اللى عرفت ليه حماتها بتعمل فيها كده .. لان شكلها طيب جدااااااااااااااااااو زى القمر ماشاء الله - لها حق تغير فيفى منها
و ناس تانية كتير بس مقدرتش لضيق الوقت انى اتكلم معهم زى خالد همس الاحباب - محمد مفيد - رئيسة حزب الاحلام - كلاكيت تانى و تانى - اهوده عيبه - همسات عشق- مى بهاء- برنسيس دودو - و القادم اجمل - يوميات عيل مصرى
و كانت المفاجاة الكبيرة اوى اوى ليا
انه يقرر يسافر و ينزل القاهرة علشان يحضر معنا الحفلة
مكنتش مصدقة انه ممكن يعمل كده و تخيلت انه من الشخصيات اللى تحب تكون بعيدة عن التجمعات نتيجة لنبرة الحزن اللى بحسها فى كلامه
لكن عملها و جيه و شارك معنا
بابا ابو خالد شكراً من قلبى انك اسعدتنا النهارده و خاليتنا نشوفك
انت فعلا نعم الاب لنا
كان نفسى اشوف فرنسا ربنا يشفيها
و اشوف نوران بت خيخة و اى كلام
و راندا و كاميليا و شيرين و كتيييييير غيرهم
فعلا انا كنت غلطانة لما تردد انى اروح و ياريت كل واحد متردد يعرف ان هو الخسران ولازم المرة الجاية يشارك و يجى
فعلا كان يوم من الايام اللى بيظهر فيها قوس قزح
ميرسى لكم اوى و بحبكم اوى
.jfif)
.jpg)
60 comments:
فعلا كان يوم جميل
وحار
:)
انا مش مصدقة نفسى
اخيرا عصفور المدينة طار لحد مدونتى و حط بصمته عليها
انا شوفت حضرتك امبارح :)
بس طبعا انا كنت مسيرة بقوة الدفع و مقدرتش اوصل اسلم عليك
بس فعلا كان يوم جميل و شاحن و حار
شرفتنى بمرورك
أبنتى الغالية / داليا
أنا من زادنى الله شرفا أنى أراك
و هذا الجمع الجميل الطيب
و حزنت عندما أنصرفتى كنت أتمنى
أن تجلسين معنا أطول و قت
حقا على رأى فرنسا الحبيبة
أنها حقا عائلة محترمة جدا جدا
فرحت كثيرا أنى عرفتكم
دمتى إنسانة رقيقة الحس
و أنتى كما تخيلتك أنا تماما
احلي ام نوررر ربنا يخليكي انك جيتي واسلام صمم يا حبيبتي انه لازم يعرف عرفتي منين الجبنه الرومي قولت له من تعليقك مكنش نصدق انكم بتقروا تعليقات الناس عندي وفرح قوي بس اضربت بسببكم هههههههه بس عادي كنت سعيده يبكم وحلمي كبر واتحقق بوجودكم بجد كلكم ربنا ميحرمنيش منكم ولا من قوه الدفع اللى جابتكم
ابو خالد
عارف لما بقرا اسمك بيجى فى بالى على طول اغنية انغام يا ارق و اطيب قلب
ربنا يخليك لنا
والحمدلله انى كنت زى خيالك
بس يارب يكون حلو :)
يارب دايما تنورنى كده
اااابى
انا والله كمان فرحت اوى انى شفتك
و من اولها كده بيضربك لا لا لا لازم تخدى موقف و تخطفيه على الكوكب و تسيبى عليه خرفانك :))
و بعدين المرة دى متتحسبش احنا فعلا لازم نعمل مقابلة فى مكان كويس و نجمع الناس كلها
مووووة ربنا يسعدك
ام نور
انا سعيد جدا بيكى وبمعرفتك وده كان شىء من الخيال انى اشوف حضرتك
وما كنتش مصدق نفسى انا وبتعرف بحضرتك
بس يوم كان جميل
وان شاء الله اللى جاى ايكون احسن
واتكون فرصة للتعارف اكثر واكثر
تحياتى وتقديرى
خالد
همس الاحباب
ايه يا خالد حكاية حضرتك حضرتك دى
انا شكلى جد اوى كده ولا ايه :)
انا كمان فرحت بكم اوى
و المرة الجاية تجيب همس معاك ان شاء الله
والله كان نفسي اكون موجووووووووود
كان نفسي اعيش الحساس ده
ناس شابفاها في خيالك
وفجاه بقو واقع
يا بخت
ومبروك حفل التوقيع
بجد كان يوم جميل واكثر من رائع
بس ياريت كل واحد يحط بادج علية مدونتة دة هيسهل حاجات كتير
تحياتى ويارب يتكرر
الأخت ( قوس قزح ) أو ( rainbow ) أو ( داليا ) .. أو أيا ما كان الاسم ... أنا باخاطب الروح الجميلة ..
أسعدتني زيارتك
و آسف على عدم حضوري امبارح توقيع الكتاب و ده عشان حاجات كتير أهمها ( الظروف الماديه - الظروف النفسيه - الظروف الدراسيه - كل ما سبق ) اختاري مما بين القوسين .....
لكن و الله كان نفسي أوي أحضر عشان اقابل الكل .. الناس اللي بتحسسني بالعلو و السمو النفسي ...
عموما شكرا لنقلك الصورة كاملة
سلام عليكم
طب تصدقي ان كده عوق وقلق
يعني اعملي مراعاة لشعور الاخرين زيي مثلا
قال جايه عشان اابي وبس
اي نعم انتي ماتعرفينيش ولا علقتي عندي وانا برضه ماعلقتش عندك
بس برضه يعني
وبعدين ايه بقى
انا ونور بنت رودي في كصة حب عزيمه عزيمه عزيمه يامصر .. بتجمعنا
اخد منها مصاصه .. تاخد مني دعوة حلوه
كده يعني
ملحوظه
انا سعيد جدا جدا اني اتعرفت بانسانه محترمه وبنت بلد وجدعه زيك والله العظيم
وربنا يكرمك في نور ابنك .. بس ماتمريش على نور خطيبتي .. وربنا ينورلهم طريقهم بالخير يارب
سلامووووووووووز
بجد كان يوم من اجمل ايام المدونين
وكلكم كنتم منوريين
ايه ده طيب انا مشفتكيش يابت انتي
تمشي من غير ما اشوفك
فعلا كان يوم جميل
ربنا يديمه
كان يوم جميل ورائع
كنا نود التعرف لكن لم يحدث
قدر الله وماشاء فعل
تحياتي
لا لا يا جماعة بالراحة عليا
فى اسماء منورة عندى لاول مرة و اسماء جامدة بجد
اسكندرانى
حبيب اسكندرية و فيروز
انا اللى كان نفسى تكون موجود
مكنتش هسيبك و اوجع دماغك من الرغى عن اسكندرية
بس ولا يهمك شوف انت امتى تكون فى مصر واحنا ننظم حفلة للترحيب بعودتك
نورررررتنى من هنا لحد عندك :))
رئيسة حزب الاحلام
و الله انا اقترحت كده انا كمان
لان ممكن جدا يكون اللى واقف جنبك حد قريب منك اوى و متعرفيش انه هو الحد ده
بما انك رئيسة الاحلام يبقى حاولى تنفذ لنا حلم اللقا التانى
فرحت انى اتعرفت بكى اوى :)
الاتربى اللولبى
اسهلها عليك و قولى داليا
انا اللى اسعدنى جدا انك عرفتنى على رضا ابو النجا لانى بحب الرباعيات
و لو انت بتحبها روح زور مدونة dodda
كاتبة رباعية جميلة اوى
اما عن الاقواس فاختار كل ما سبق
ربنا يعينك
و كان نفسنا تكون موجود
ان شاء الله مرة تانية تقدر تيجى
و عليكم السلام و رحمة الله و بركاته
سوووووووووووووو
يا سيدى ولا تزعل
المرة دى علشان ابى المرة الجاية علشانك
و هبقى اجيب كيس مصاصات معايا لك انت و نور و نقعد كلنا على البورصة نمز فيهم :))
ابى قالت ان كل يوم خميس بيكون فى تجمع هناك
ان شاء الله احاول اكون موجودة :)
و بعدين تعالى هنا .. انت فى الحلقة 17 ؟؟
و عايزة اقرا من الاول ؟؟ طيب مفيش ملخث ؟؟
انا اضايقت انى مشيت من غير ما اسلم عليك معرفش كنت مزوغ فين
لك عندى سلام :)
محمود الدوح
فعلا كان من اجمل الايام و كنت منور معنا
و ان شاء الله تتكرر تانى :)
اسعدتنى بزيارتك
لمااااااااااضة
انا كان نفسى اشوووفك جدا
انا اصلى بموت فى اللماضة
و زعلت لما عرفت انك كنتى موجودة و متعرفتش عليكى
اسمعى المرة الجايى لازم و حتما ولابد نتقابل
مبسوطة انك زورتنى اوى
و مبسوطة ان لكى فى الكتاب حاجة عقبال كل مرة :)
طبعا انا حزينة لسببين الاول اني مشفتكيش برغم انى كنت واقفة وعمالة اصور وحركات وكنت بدور علي الناس
ثانيا لانك مذكرتنيش في الناس الي كان نفسك تشوفيهم فى بوستك بالاسم
هتقولي لا والله مقصدتش اذكر حد وانسي حد
هقولك بردو زعلانة لاني كنت راحة مخصوصو وحطة فى دماغى اشوف ناس معينة انتي كنتي منهم ودعياكي اني اشوفك بالاسم
بس عادي
مش هزعل منك المره دي
بس كان يوم حلو اوي
بجد
رغم الحر
والعرق
والزهق
يلا حسن الختام
اكيد هتتكرر المناسبة دي ونشوف بعض تاني
صاحب المضيفة
انا كمان والله
خيرها فى غيرها
اليوم كان جميل بس الزحمة و الحر بوظته
اسعدنى مرورك
مها زين
مها حبيبى انا روحتلك هناك عندك فى المدونة ازاى نسيتك
و كنت بدور عليكى بجد فى الحفلة
انا مش نسياكى والله و لو تلاحظى ان الاسماء اللى كتبها اسماء ناس مراحيتش من اساسه علشان كده كان نفسى اشوفهم
و على فكرة ممكن اوى اكون شوفتك و معرفتكيش
انتى كنتى بتصورى فيديو ؟
بصى
لكى مقابلة مخصوصة و الله فى الوقت اللى تحدديه
و متزعلش ابدا زعلك على عينى يا قمر
\والله كان يوم جميل جدا وسعدت جدا بيه بالرغم انى مشفتش ناس كتير هتلكم عن لقائهم فى مدونتى ان شاء الله
وكان نفسى اشوف قوس قزح بس لقيت الدنيا ليل قلت اكيد مش هيظهر الا الصبح
تحياتى
ايمن
ممكن تكون شوفتناو خبطنا فى بعض كمان
بس الحر و الزحمة كانوا عملين شبورة حجبت الرؤية :)
تتعوض ان شاء الله
و هستنى البوست بتاعك
على فكرة حضرتك من الناس اللي كنت أحب أشوفهم لكن للأسف كنت باعتمد على الفوضى الخلاقة في التعرف على الناس ..
اجمل اللقا فاتني للاسف , بجد زعلت جدا اني ما كنتش موجودة واتعرفت علي ناس كتيييييير بس المرة الجاية ان شاء الله يكون لينا لقاء
ايوووووووووة ايوووووووووة
غظينى غظينى يادولى ماشى
كل دة يحصل ورندا مش معاكوا
وش بيعيط بقى )
وسوو كمان مش عتق المصاصة هههههه
ربنا يجمعكوا على الخير يارب دايما
فعلا اجمل شئ تلاقوا ناس جميلة تتعرفوا عليها
ربنا يسعد قلبكم يارب
واية البورصة
الى بيقعدوا عليها كل خميس طيب خلى بالك بقى احسن تشربوا فيها شاى
يحاسبوكوا على سعر البورصة اليومين دول
فبدل ماتشربوا شاى اشتروا سهمين فيها هههه
طبعا حضرتك يادولى مش بعتى اى سلام
صح مش قلتلك يعنى ماشى ماشى
طبعا نسيتى صح
هبقى اجى البورصة بقى انا عرفت الطريق
دمتى حبيبتى قوى
رندا
واضح أن رغم الزحام
أنك سعيدة باليوم
واضح ان المدونين معظمهم فرحانين بالكتاب
وده المهم
خالص تحياتي
احمد كمال
انا رديت عليك قبل ما اقرا كلامك :)
هتلاقى ردى عندك فى البلوج
ان شاء الله تتكرر مرة تانية من غير فوضى
سنووايت
انتى من الناس اللى كان نفسى اشوفها
لازم نعمل لقاء تانى بس يكون الناس خلصت امتحاناتها علشان اكبر عدد يقدر يجى
رندا
انتى عارفة اللى فى سبق مع الزمن
انا كنت كده عايزة اعرف اكبر قدر من الناس و فى نفس الوقت لازم امشى بسرعة لان بيتى بعيد
انا كنت بتعرف على الناس و بقولهم باى فى نفس الوقت
المرة الجاية يا ستى تسلمى بنفسك عليهم
و متخفيش هعزمك على الاسهم هههههههههه بس تعالى انتى
محمد ابراهيم محروس
جداااااااااا يا محمد
انت مش متخيل اد ايه اليوم ده عامل ليا لحد النهارده حالة من الفرحة الداخلية
يارب دايما يكون اللقاء بين المدونين بنفس الفرحة
رينبو
أنا أتشوفت يا قمر بيكى
و حقك عليا الألزهماير بقى و عمايله
ان شاء الله التجمع الجاى هآجى و نقعد على رواقة اكتر من غير زحمة
و لا حر و لا لخبطة زى ما حصل
و تحياتى ليكى من كل قلبى يا جميلة
رغم الزحمه والحر الا انه يوم بديع حقاً
ولضيق الوقت لم نتحدث سوياً
ولكن ملحوقه بأذن الله
الى عصفور
حار من الحراره وحار من الحراره بردو
كان فى حراره وكان فى حراره
قوس قزح
السمه الغالبه التى غلبت الجميع ان الحديث من اول دقيقه مع اشخاص نراهم لأول مره كانه حديث موصول من عشر سنين
واجزم انه شعور الجميع
مبسووووووووووووووطه اني شوفتك بجد
وطبعا انتي ارق واجمل من اي تخيل انا تخيلته
وسعيده جداا باللقاء الجميل وبمعرفتكم
ومتسمعيش كلام سوو نور بنتي لازم تتجوز نور زيها علشان علي الاقل يوفرو فاتورة الكهرباء انتي عارفة انها غالية اليومين دول
ثم انا برضه اجوزها لسوو وهو بياكل اكلها
وميرسي علي شنطة الحلويات اللي جبتيها لي نور
وميرسي بجد انك اديتينا مساحه نتعرف عليكي يعني لو كنتي طلعتي زي خيخه ومجيتيش مكناش شوفناكي
بجد مبسوطه جداااا بهذا اللقاء الجميل واتمناه يتكرر كتير
دمتي بخير
رودي
ربنا يخليكي علي الكلام الجميل إللي قلتيه عليا
تعرفي أن في أي دولة تانية في العالم موضوع أن الناس الأفتراضية دي تنزل أرض الواقع ممكن يعمل مشاكل
لكن عندنا في مصر ... لأة
الحمد لله إني روحت
أنبسطت بشكل انا لحد دلوقتي بأحلم باليوم ده
رغم عدم التنظيم بس كانت فرصة جميلة اننا شفنا بعض
نفسي نعملها تاني ونتعرف كلنا علي بعض أكتر
بجد الناس كلها ناس مالهومش حل
عمري ماشفت مكان فيه الكم ده من الحب
يارب يديمها علينا نعمة
كنت اتمنى اشاركم الحضور
و لكني اشاركم الفرحة
تحياتي
كنت بجد اتنى اقابلك واكلمك
بس انتى عارفه الساونا كانت صعبه قوى
والوقت مر بسرعه ومشيت علشان السفر
ان شاء الله لينا لقاء تانى
وتحياتى ليكى
كان نفسى اشوف و راندا و كاميليا و شيرين و كتيييييير غيرهم
........
احنا كمان كنا نفسنا نشوفك
ونشوف كل الموجودين
ومش بطلنا كلام عنكم
وقرأنا كل المدونات اللى نزلت بوستات عن التجمع الجميل ده
شوفنا كمان الصور الجميلة عند احمد الصباغ
ولو كانت ظروف شيرين الصحية تسمح اكيد كانت حضرت
ورندا كمان لو كانت ظروفها تسمح اكيد كانت مش تتأخر
وأنا لو كنت فى مصر كنت هاكون اول واحدة تلاقينى هناك
ان شاء الله
فى توقيع اول كتاب ليكى
اكون موجودة
تحياتى وحبى
مبروك والي الامام
فاتيما
نورتينى بزيارتك بجد
الله يكون فى عونك البنات كلها كانت عايزة تحس حضنك اووى
هتفتكرى مين ولا مين
انا مبسوطة انى اتعرفت عليكى بجد
و ايوة المرة الجاية نقعد شوية اكتر و نتكلم مع بعض اكتر
محمد مفيد
اهلا اهلا نورت مدونتى المتواضعة :)
الله يكون فى عونك انا شوفت اد ايه كنت مشغول
الشهرة بقى :))
ان شاءالله لنا لقاء تانى
محمد عبد الغفار
الحمدلله انها عدت على خير و مولعيتش
.
.
.
يمكن كلامك صح لانك حسيت ده مع الناس
بس انا شايفة ان ممكن جدا تكون انت السبب مش هم :)
بنوتة مصرية
احلى بنوتة مصرية و ام احلى بنوتة مصرية
ماشاء الله ربنا يخليها .. عجبنى فيها انها شخصية كده و مش اى حد تروحله
اهى دى البنات :))
و بعدين سو ايه لا لا ده عجوز و عنده 30
احنا نجوزها نور و نعمل قفلة فى البلد :))
انا سعيدة جدا انتى اتعرفت عليكى
بوسة كبيرة منى اوى لنور
المفقوعة مرارتها
لالا كلامى اقل من الواقع كمان
انتى عسولة خالص
و طيوبة كده و هادية و ضحكتك تجنن
هى فيفى غيرانة و الله
انا كنت متخيلة انك ممكن يعنى تكونى قوية و مفترية لكن يا حرام ظلمتك
انا عايزة اشوفك تانى و نتكلم سوا
خفة الدم دى لازم اسمعها منك
اتصرفى بقى :)
سامباتيك
نورتنى باول زيارة
و ياريت فعلا كنا شوفناكى و اتعرفنا عليكى
ان شاء الله مرة تانية
تحياتى
اهو ده عيبه
ههههههههههه حصل و الله حصل
و اتكلمنا سوا
بس الحر يظهر له تأثر السحر و بينسى :))
انا هفكرك فى مدونتك
يارب تفتكرى
كاميليا
انتى بره مصر :(
خسارة كان عندى امل اشوفك قريب
ترجعى بالسلامة يارب
فعلا كان اليوم هيبقى احلى كتير لو كنتم موجودين
عارفة عايزة كمان اضم شيرين فى حضنى اوى علشان تحس انها مش لوحدها
كتابى انا ؟
لالا انا مش بحلم بده .. انا ليا المدونة مش اكتر من مكان للفضفضة
نستنا ديوانك انتى ان شاء الله :)
drpharma
اشكرك على تمنياتك و على مرورك
انا كنت اسعد بكم بجد واليوم كان رائع وفعلا محدش حس بالحر بسبب روح الحب وافرحة اللى كانت جوة الجميع
تحياتى ويارب نتقابل قريب
أنا مبسوطة مووووت ياجميله
انى قابلتك واتعرفت عليكى
وكان نفسى اتكلم معاكى اكتر من كده
بس المكان والجو مكانوش مساعدين
بس ان شاء الله هتتعوض اكيد
تحياتى ليكى ياعسولة
مدونة جميلة
تقبلى مرورى
كلاكيت تانى و تانى
انا سعيدة انى اتعرفت بكى جدا
ولانى معرفش شخصيتك اعتقدت انك هادية و لكن من سؤال الاصدقاء عن تغيير موودك عرفت ان دى حالة طارئة
يارب تكونى بقيتى احسن
cry2day
اسعدنى مرورك
و اسمك جميل .. المهم ميكونش بكرة كمان فى دموع
تحياتى
princess dodo
انتى فعلا برنسيس و زى القمر
ما شاء الله عليكى
كلامك جزء من حلاوة روحك و شكلك
و ان شاء الله يكون لنا لقاء قريب
اسعدنى مرورك
كل المدونا تتكلم عن الكتاب ولقا ء المدونيين
مبروك لكم وربنا يفرحكم كمان وكمان
التدوين في السعوديه ماله اهميه كبيره
وانا شخصيا افضل ابقى الافتراضيين افتراضيين اجمل
تحيتي لك قوس قزح :)
Post a Comment