Monday, June 16, 2008

اللغة و الناس

ان اللغة كالكائن الحى تنمو و تتشكل مع مرور الزمن و ان اهملنا اللغة و لم نحافظ عليها تفنى و تموت ولا يبقى منها الا بعض الكلمات كما بقى لنا من اللغة الفرعونية القديمة مثل كلمة امبو و سح و غيرهم و التى نعتبرها لغة بدائية و طفولية

و لكن حبنا الله بلغة جميلة و محفوظة لانها لغة القران الكريم و هى اللغة العربية الفصحى


و لكن نرى الان ان نتيجة الثقافات المختلفة بلغات اخرى و نتيجة امية الكثيرين و عدم اهتمام الاخرين باللغة العربية الفصحى و الاعتماد على اللغة العامية .. نجد دخول بعض المصطلحات الجديدة و الغريبة على اللغة و يظن البعض منا انها من اساس اللغة


ايضا نتيجة الاستعمار نجد الناس يتم بينهم تبادل بين اللغات فى الالفاظ فنجد مثلا فى الفرنسية بعض الالفاظ عربية الاصل و ذلك لاحتلالها دول المغرب العربى فترة طويلة من الزمن و ايضا العكس صحيح فالعربية بها بعض الالفاظ الفرنسية الاصل و اصبحت الان من استخدامات اللغة العربية ، ولذلك لان من اهم خطوات الاحتلال لدول اخرى انتشار مدارس لتدريس لغة الدولة المستعمرة حتى تستطيع ان تنشر فكرها بسهولة


وبالنظر ايضا لسلوكيات الناس نجد انهم يميلوا دائما للغة السهلة البسيطة فى النطق فنجد ظهور حالة التخفيف فى اللغة كطريقة يلجا لها الناس مع بعض الكلمات فيستعيضون عنها بكلمات اخرى افضل لهم من حيث الخفة فى النطق

فمثلا هناك بعض الكلمات يقوم الناس بتبديل حروفها مثل كلمة حفر لنجدها اصبحت فحر

او تخفيف حرف القاف الى الهمزة مثل قلب لتصبح الب

او تبديل حرف بحرف اخر مثل برغوث لتصبح برغوت

و فى احيان كثيرة لا تهمز الناس مثل كلمة هنأه فيقولون هناه


هذا كله يأتى بجانب ظهور مصطلحات لاختراعات جديدة و اكتشافات حديثة لا يوجد لها بديل لغوى


و هنا يأتى دور المسئولين عن اللغة و الحفاظ عليها مثل المجمع اللغوى و معاهد الدراسات و الابحاث اللغوية و الكليات الخاصة بتدرسها و المعاهد الازهرية

فيجب عليهم ان يكونوا على علم دائم بالتطور العلمى و ما ينتج عنه من مصطلحات جديدة و يحاولون ايجاد تعريب لمصطلحاتها سريعا ، لان دائما الاسم الاول للشىء يكون هو الملاصق للذهن و يكون مع الوقت احلاله باسم اخر حتى ان كان اسم بلغته الام يواجه صعوبة شديدة و لكن اللغة القوية هى التى تستطيع ان تحتوى كل المصطلحات الجديدة و تعطيها مصطلح جديد

اختيار كلمات سهلة النطق للتعريب حتى لا يحدث لها تخفيف او لحن فيذهب معنها مع الوقت و تختفى


الاهتمام بدور الاعلام و الصحافة فى توصيل اللغة الصحيحة للناس و ذلك بتدرس اللغة فى كليات الاعلام و الصحافة و وجود معاهد متخصصة لتدريس اللغة العربية الفصحى للصحفيين و المذعيين و غيرهم
وجود مراجعين دائما للنطق السليم للغة فى ما يتم عرضه من مسلسلات و برامج و لذلك لمدى تأثر الناس بمشاهدة وسائل الاعلام

اقامة مسابقات و جوائز تشجيعية للشباب فى الالقاء و الكتابة باللغة العربية الفصحى و الخط العربى


و اخيرا

يجب ان نعلم جميعا ان اللغة العربية هى خط الدفاع الاول عن هويتنا العربية و ان ضاعت من بين ايدينا ضاع امل الوحدة العربية


83 comments:

Empress appy said...

نعم يا اخت قوس قزح لقد احسنتى القول والفعل يا ابنتى الغاليه
طيب مش عارفه والله فشلت ايه الخيبه دى ايون هى لغتى ومش عارفه انا يابنتى عندى كارثه الناس لما بتسمعنى اقول طنطا تفتكرنى بقول تنتا طيب اعمل ايه فى نفسى منه لله التعليم ابو كارت احمر ولا ايصال احمر ده ههههههههههههه
تسلم ايديكى يا قمر بالقاف مش الالف

رئيس جمهوريه نفسى said...

بسم الله الرحمن الرحيم
يا كسوفى يا كسوفى اصلى انا لما بتكلم مع حد اليف لاختلاف اللهجات ومعانى الكلمات ببقى مجبر ااقوم بدور المتحدث والمترجم
للاسف الشديد اللغة العربيه بيحصل ليها اهدار كامل وده من منطلق راجع للاتى اساس الاسلام القران وشوفى اى حد مش بيقرى القران سلوكه ايه وتخيلى فى رمضان لما كل واحد ماسك مصحف بيكون سلوك الشعب ايه فطمس اللغه العربيه هدفه ضرب التعاليم الاسلامية والاسلام فى مقتل
موضوع التاثر بالاحتلال هو نجح والدليل انى الجزائر لغه اولى عندها فرنسية والمغرب لازم علشان الواحد يشتغل لازم يجيد الفرنسيه واحنا الى اتاثرنا هما لا ومجمع اللغه العربيه متوقف عن العمل ومفيش جديد او تنقيح للغه
كمان الثقافه الجديده بحشر كلمات انجليزيه او فرنسيه كل حسب تعليمة فى وسط الحديث دون ضروره لمجرد التميز
على ذكر الوحده العربيه والاتحاد العربى واللغه
انتى معاكى تليفون محمول ولا جوال ولا هاتف خليوى
كل بلد بتختار الى يناسبه وده ابسط مثال وعلى فكره ده مش اختلاف لهجات ده بقى اختلاف لغه تام
تحياتى على البوست الرائع واسف على الاطالة

قوس قزح said...

ههههههههههههههههه
لا يا ابى انتى وضعك مختلف طبعا
انت واحدة صاحبة كوكب و من حقك يكون لكى لغة خاص
بس والنبى بلاش تنشرها بين الناس ، اعملى عليها حقوق الملكية اللغوية محفوظة

نورتينى

قوس قزح said...

رئيس جمهورية نفسى

تصدق بقى ان اكتر الناس فى مصر قربنا للغة العربية هم اهل الصعيد

اما عن القران فللاسف الشديد فى كتير حاليا لا يجدون قرائته و ان استطاعوا فلا يدركون معانيه ولا الطريقة الصحيحة للنطق
اما بالنسبة لدول المغرب ففى محاولات كثيرة من اللغويين هناك للرجوع للعربية و ان كانت تهاجم من العاميين و الصحافة و الاعلام بحجة ان اللغة العامية اقرب لفهم رجل الشارع

كمان التعريب اوقات بيكون صعب يعنى مثلا كلمة حاسوب بذمتك دى كلمة سهلة ؟؟
احنا محتاجين نطور اللغة بجانب احيائها مرة تانية

اشكرك على الاطالة المفيدة

سنووايت said...

جميلة لغتنا , لغة غنية جدا
وللأسف الاستعمار علي مدار السنين اثر كتير عليها
والانترنت كان ليها دور كبير في المشاركة في القضاء عليها
بس علي فكرة مش س اللغة العربية الانترنت والتكنولوجيا الرقمية أثرت علي لغات تانية زي الانجليزية , يعيني يختصروا حروف ويدلوا حروف مكان حروف للتسهيل او لجعل اللغة احدث وانسب للعصر اللي نعيش فيه

علي فكرة دا تاني موضوع اقراه النهاردة عن لغتنا الجميلة وانا كنت كتت مرة عنها في احد الموضوعات فاعتقد دا مؤشر كويس ان لسة فيه أمل
وطالما القران موجود فهو حافظ لها الي ما شاء الله

عارف..افرح جدا لما اقرا تدوينة ابالفصحي وباحس سعادة وانا بأقراها

س علي الرغم من ان الناس بتقلب القاف ألف , مفيش حد بيقول "أوس أزح" تفتكري ليه :)

محمد عبد الغفار said...

اه صح ، بس مخطط التدمير قوى اوى اوى

Mero.. said...

همممممممممممم
والله الفكرة صح كمبدأ ..
لكن عندي مثال ان كلمة "الآرائك " كلمة فارسية دخلت اللغة العربية ووردت في القرآن..لأنها جديدة..بيتهيألي مفيش مشكلة إني أدخل كلمة جديدة على اللغة حتى لو من لغة تانية في سبيل إني أسهل التواصل بين الناس خاصة إن معظم الاختراعات ملهاش تسميه منطقية بالعربي..كفاية كلمة سندوتش ..مستحيل أقول لحد بالعربي اديني شاطر ومشطور وبينهما طازج من اللحم "دا اقتراح طه حسين" سندوتش اسهل وتبقى بعد كدا من اصل اللغة العربية..
انا آسف أنا مش متأكد إن كانت النقطة دي داخلة في موضوعك بس في ماعداها أوافقك تماما
تحياتي :)

رندا said...

موضوع فعلا يستحق المناقشة
عارفة يادوللى المشكلة فى اية
المشكلة فى المدارس الى مش بتعلم
اللغة العربية زى زمان
والاهل طبعا عندهم عقدة الخواجة
ولما الابن او الابنة لسانهم بيتعوج تلاقى الاهل
فرحانين بيهم جدا ويقولوا اصل ابنى مش بيعرف يتكلم عربى فى فخر وتباهى

طيب قوليلى

فين زى زمان حصة الخط
ها
فين
كان فى نسخ ورقعة
والكل بياخد عليهم درجات
لا وكمان مدرس العربى كان بيعاقب لوحد خطة مش كويس ويقولة اكتب الصفحات دى فى البيت
والاهل كانوا بيغضبوا لو ابنهم خطة وتعبير كلماتة مش فيها عربى صحيح
الكل كان زمان مهتم اكتر
الان بيعملوا المؤنث مذكر والمذكر مؤنث هو دة الى بيحصل
انا كل خوفى على اللغة من الاجيال القادمة هتروح معالمها خالص
الكل هيتكلم بلغة الروشنة الجديدة
واعتقد ان سبب ضعف اللغة عند البعض
وسببها الرئيسى الكمبيوتر
الدخول على كل المواقع باللغة الانجليزية مش بالعربى لسهولة الكلمات فيها عند البعض
والتشبة بالغرب
وايضاالى بيتكلم بالعربى فى وسط مجموعة شباب روش طحن هههه
يبقى يعععع
دة ولد او بنت بيئة
فعلا انا شوفت الناس دى واستغربت جدا
للتفكير الغير منطفى عندهم
حتى اللغة الانجليزية
بقت فيها فرانكوا اراب
شوفى اى حد بيتكلم على الشات
مش بيتكلم بالعربى
هتلاقى لغة غريبة فيها ارقام
7 يعنى حرف الحاء
2 يعنى همزة
وهكذا
مش عيب معرفة اللغات بس العيب
نسيان لغتنا
زوجى مرة كان حاضر محاضرة لوزير ما
اتكلم فى الاول بالانجليزى
وبعد كدة قال
ياجماعة كلنا عرب يعنى نتكلم بالعربى الكل احترمةجدا

بوست حلو قوى طول مافى ناس زيك يادوللى بيحبوا لغتهم مش ممكن ابدا
هتختفى اللغة

قلب ميان حب لدوللتى

رندا

عصفور المدينة said...

اللغة والناس والهوية

من لا يعتز بلغته فليس له هوية والهوية هي الضمانة ضد ذوبان الثوابت

dodda said...

احب اللغه العربيه الفصحى
لكن لا ننكر جمال العاميه

انها عربيه ايضا

اعتقد ان المطلوب هو عدم استخدام كلمات اجنبيه مخلوطه يالعربيه
على طريقة الفرانكو اراب....
ودى حاجه مش صعبه وممكن المحاوله تفيد
اما ان نكتب جميعا بالفصحى فلا بمكن ان يكون ..لان هذا سيودى بحياةالكثيرمن المدونات

همس الاحباب said...

الموضوع يستحق منا الاهتمام والمحافظة على هويتنا العربية ولغتنا العربية لغة القران
فهناك من يحارب تلك اللغة ويحاول انا ينسفها من الوجود ويكفى اننا كمسلمين اصبح الكثير منا لا يجيد القراءة ولا الكتابة باللغة العربية وهذه كارثة كبرى فى مجتمعاتنا العربية فيكفى ان اكثر من 65 % من اهل المغرب لا يجيدون العربية ولغتهم الاساسية اصبحت الفرنسية
فكيف يقراؤن القران ويدرسون علوم السنة والحديث
نعم الموضوع جد خطير
تحياتى وتقديرى لمشاركتك فى تلك الحملة وتوضيح بعض النقاط الهامة
جعله الله فى ميزان حسناتك
تحياتى يا ام نور

قوس قزح said...

سنو وايت
طبعا فى لغات كتير اتأثرت بالمصطلحات الجديدة بس اختصار مصطلح بنفس اللغة مش مشكلة

اما عن اوس ازح ففى بعض الناس بتكتبه قوز :) ، و الحمدلله انها لسه محافظة على القاف و متخفيفيتش للكاف و الا كانت تبقى وحشة اوى :))

قوس قزح said...

محمد عبد الغفار

اهو الواحد ينول شرف المحاولة

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

Unknown said...

فعلا اللغة العربية محتاجة لنظرة من علماء اللغة والمجمع اللغوى لاشتقاق ألفاظ معاصرة وصحيحة لمواكبة المخترعات الحيدثة ولمسايرة التطور العلمى الذى يحدث بمنتهى السرعة
شكرا على التدوينة الجميلة
وانا كتبت بوست فى إطار الحملة مستنى زيارتك

tote said...

موضوعك هايل ولكن لا اعتقد ان الكثير من الناس يفكرون فى هم اللغة ويتركون باقى الهموم مثل العيش والشغل ومشاغل كثيرة ولكن بالنسبة لى انا مهتمة جدا باحياء اللعغة العربية واتمنى منك زيارتى وشكرا لك

قلب يحترق said...

الموضوع هايل بجد

حبيت جدا الجزء في الحملة دي اهتمامها

بلغة القرءان الكريم

بس في جزء حابة اوضحه

التغييرات اللي حصلت في اللغة دي مش شرط

تكون مخططات لأن ده الحال مع كل لغات

العالم تقريبا

واقربهم الانجليزي

هتلاقي اللغة الانجليزية اللي بنتعلمها

غير الموجودة في امريكا او بريطانيا


وحتي من بلد لبلد النطق بيختلف و

طريقة التواصل بتختلف

بس أهم حاجة في حملتنا دي اننا نهتم

باللغةعلشان هي لغة القرءان الكريم

وكمان حاجة حلوة جدا اننا نهتم

بقراءة القرءان الكريم بأحكام القراءة والتجويد

بوست مميز احييكي عليه

maha zein said...

الله بجد
بوست هادف جدا
والله المشكلة دي كنت بحاول اصيغها والله ومقدرتش
بجد ابدعتي
وجيتي علي الجرح
فعلا
مود الامركة خلاص
بقه جوانا
واللغة بقت في الطراوة
حتي احنا نفسنا
غصب عننا بقينا نغلط
وبقينا نقول كلام غلط
مفيش غير القران الي ممكن يعدل لسانا بجد
يا ريت الناس كلها تتعلم تجويد
بجد
ربنا يباركلك
عيد ميلادي كان النهاردة علي فكرة
انا بدعةكي في الحفلة الي عملتها عندي في مدونتي

قوس قزح said...

mero
دخول كلمة للغة و اندماجها بين مرادفتها شىء طبيعى نتيجة اختلاط اللغات بشرط ان نجيد لغتنا جيدا و طريقة نطقها بدون ان نتاثر باللكنة للغة الاخرى

على فكرة ساندويتش فى العربية اسمها شطيرة و جمعها شطائر

اشكرك على مرورك :)

Unknown said...

إسمحي لي أن أختلف معك قليلا
فأنا أعتقد أن السبب الرئيسي لضعف اللغة العربية هو إحتكار علماء اللغة و المجامع اللغوية لها
لماذا لا ندع المجال للغة العربية لتنمو مثلها مثل أي لغة أخرى على ألسنة الناس و ليس داخل حضانات لغوية و معامل أكاديمية ضيقة

قوس قزح said...

رندا

كلامك صحيح و انا عايشة تلك التجربة مع ابنى و ده نتيجة انه ممنوع يتكلم عربى فى المدرسة الا فى حصة العربى و الدين بجانب ان الكمبيوتر و البلاى استيشن و الكرتون كلهم بالانجليزى

حتى فى النادى المدرب و اصحابه بيتكلموا انجليزى

بس الحاجة الوحيدة اللى فعلا فرقت معاه و خاليت العربى بتاعه مش ضعيف

هى دروس القران اللى بياخدها فى الجامع ، اتعلم منها النطق الصح ، ده بجانب ان الشيخ بيشرح المعنى و بيوضحه
وفى نفس الوقت كان بياخد اول ما دخل المدرسة درس خط لان خطه مش كان زى نكش الفراخ لا كان عامل زى ما هو مسميه خناق البط :)

الحلول موجودة بس لازم ندور عليها

نورتينى صديقتى الغالية

الربان said...

تحياتي

بالفعل اللغات تؤثر و تتأثر...كلمات
كثيرة في العربية اصلها تركي نتيجة للاحتلال العثماني للدول العربية...

أيضا كما ذكرت حضرتك كلمات كثيرة عربية دخلت الي اللغة الفرنسية نتيجة الاحتلال الفرنسي...

يمكن يكون هذا هو السبب في تسمية" اللغات الحيه " يعني التي تؤثر و تتأثر.

تحياتي و تقديري

الإتربي اللولبي said...

الأخت قوس قزح

الأزمه دلوقتي ما عادتش أزمة المصطلحات الفصحى اللي تم تعميمها ولا نطق الناس للكلام أصلا ...

المصيبه بقت أعلى من كده

فيه ناس ما تعرفش الفرق بين يُعِِدّ و يَعُدّ .. مع إنه فرق كبير ...

كذلك يَحِلّ و يَحُلّ ....

لما تبقى مصيبتنا في ثراء لغتنا لدرجة عدم التمييز بين المعاني اللي بيشملها لفظ واحد يبقى عليه العوض

قرأت بوست بورصة التعليقات و قررت إني أكون فرد حر غير تابع للبورصه

شكرا على تعليقك الرقيق

سلام عليكم

قوس قزح said...

عصفور المدينة

موضوع الهوية ده مشكلة اخرى ، و للاسف كتير من الشباب بيتهرب من هويتنا العربية و كأنها شىء مخجل :(

قوس قزح said...

dodda
المطلوب مش اننا كلنا نكتب بالفصحى ، لا طبعا لكن المطلوب اننا كلنا نكون بنعرف نكتب بها صح
مطلوب المعرفة اولا و بعد كده كل واحد حر فى التعبير باللغة اللى يفضلها

بس ان يكون الواحد على الاقل بيعرف يكتب و يتكلم بلغته الاصلية

قوس قزح said...

همس الاحباب

فعلا المشكلة اكثر وضوحا فى دول المغرب العربى و لكن لو بصيت لدول الخليج الامارات و الكويت و غيرهم هتلاقى ان اللغة الانجليزية منتشرة جدا فى التعامل بين الناس و كمان فى لبنان اللغة الفرنسية مستخدمة بكثرة بينهم

و نلاحظ من ده ان الدول اللى المستوى المادى فيها عالى اغلب اولادها خريجين مدارس لغات و بيتخرجوا للحياة اغلب كلامهم باللغة اللى اتعلموا بها
و مع الوقت هنلاقى اللغة العربية لغة الفقراء بينهم

قوس قزح said...

امل فتحى عزت
اشكرك على مرورك و على كلماتك
و ان شاء الله ازورك فى اقرب فرصة و استمتع بقراءة قصتك :)

قوس قزح said...

ايمن بدر

المشكلة فعلا ان المجمع اللغوى فى مصر فى عالم تاااااااانى و لا كأن فى تتطور ولا كأن فى دواخل على اللغة

البوست بتاعك جميل جدا و خفيف :)

رئـــــيسـة حزب الأحلام said...

موضوع جميل جدا
وليتنا نستطيع ان نوفى اللغة العربيه حقها
تحياتى لكى

شهرزاد said...

بوست جميل
وقد أدهشني انتشار الموضوع في أكثر من مدونة
جزاكم الله خيرا

لقد أصبتي يا سيدتي بموضوعك الجميل
أن اللغة هي الهوية
وإن ضاعت اللغة ضاعت الهوية
وللأسف يا سيدتي
أننا نتعرض لغزو ثقافي خارجي
يؤثر فينا
لدرجة انه يحاول أن يقتلعنا من الجذور
فالنهوض بلغتنا يحتاج إلى النهوض بالامة وتعزيز دور الثقافة العربية وصد الغزو الثقافي الخارجي
ونشر الوعي حول اللغة العربية
وان من يتكلمها هو المثقف الراقي

تحياتي لكي

shreen said...

اتفاق تام يا داليا

انها لغتنا
لغة الضاد

لابد ان نحافظ عليها
فقوم بلا لغة
قوم بلا هوية

وبعدين المصيبة الاكبر
اننا بقى فى منا ناس بتفرح لما ولادهم مش يتكلموا عربى كويس

بيعتبروها ثقافة

والانيل انى اعرف ان فى مدارس
بتحرم على الطلاب انهم يتكلموا عربى طول ما هم داخل المدرسة

مش بالذمة نبقى شعب محتاج اعادة توجية

قوس قزح said...

tota
ماهو بردو الناس مشغولة بهمومها عن الدين معنى كده ان الدعاة يبطلوا يدعوا للرجوع للدين
اسعدنى مرورك و اهتمامك باللغة و حبك لها :)

قوس قزح said...

قلب يحترق
اللى بنسمعه من الامريكان فى المسلسلات و الافلام ده اللغة العامية لكن الكل بيعرف ازاى يكتب اللغة الانجليزية الاساسية بشكل صحيح .. حتى لما اى رئيس امريكى يزور اى دولة غير متحدثة بلغته مش بيعمل زينا و يروح متكلم بلغة البلد لا بيتكلم بلغته حتى لو كان عارف يستخدم لغة البلد دى

هم عارفين ازاى يحافظوا على لغتهم و ازاى يعملوا لهم تاريخ من لا شىء

يا ريت نتعلم منهم ازاى نعمل لنفسنا شخصية و وجود بدل ما نتعلم الهايف بس

شكرا على مرورك :)

قوس قزح said...

مها زين

حبيبتى و الله انا كنت برد على كام تعليق و اقوم و لسه شايفة دلوقتى تعليقك .. بس الحمدلله انا كنت عندك قبل ما اجى هنا :)

و بعدين يا بكاشة هو موضوع واحد بس اللى وقع منى .. تقومى تقولى انى زهقت منك ؟؟

كل سنة وانتى طبية و جميلة دايما

قوس قزح said...

tarek
زى ما بيقولوا يا طارق ادى العيش لخبازه

ينفع تقول لحد اخبز عيش اصلك بتاكله و بتستطعمه كويس !!!

الحكاية لازم يكون لها قواعد و ده مش بس فى اللغة العربية ده فى اى لغة كده

اشكرك على مرورك

قوس قزح said...

الربان

نورتنى بزيارتك الغالية

و ياريت تعمل لنا موضوع تجمع فيه الكلمات اللى اصلها غير عربى .. بما ان مدونة حضرتك بحس انها موسوعة جميلة :)


تحياتى

قوس قزح said...

الإتربي اللولبي

التشكيل ده مشكلة تانية و الناس دلوقتى مش بتشوفه ولا بتركز معاه و بيعتمدوا على فهم الكلمة من سياق الجملة او الموضوع
انا متاكدة ان اى حد من خريجى مدارس اللغات مسك القرأن و قرا منه فى كلام بسيط كتير مش هيقدر ينطقه صح ولا يفهم معناه .. وللاسف مش بس خريجى اللغات :(

اسعدنى قرار الحرية :)

Ahmed Othman said...

آه
أتيت على جرح عميق بوجداني
لا أعلم لماذا يكرهون الفصحى
رغم عمقها و دقتها
ما أصعب أن أرى بين المدونين من يكتب الفصحى بركاكة بالغة
و أخطاء ساذجة
مؤلم حقا ما استبيح في حق الفصحى

و أكثر ما يؤلم
أن نجد أولئك الذين يتخيلون أن مستوى التحضر و الرقي
لا يأتي إلا بلكنات و مفردات غربية
شيء جيد أن نعلم ابناءنا لغة أخرى
و لكن ليس بالضرورة على انقاض لغتنا الأم
تحية لك
و للمناقشة الجادة

maha zein said...

انا موافقة تمام
عاوزة اجي اقابلكم علي البورصة
هتكون تحفة جدا
مع اني صراحة مش بحب كافيه البورصة ده وبحس بقلق عليه
اصلا مش بعد عليه اصلا غير مرتين بس مع خالتو
بس انا هكون مطمنة طالما انتي جاية والناس الكومل جايين

بعدين بقه انا هكون مبسوطة لو احتفلت بعيد ميلادي بتاع زمان ده معاكم
يا ريت طيب تعرفيني التفاصيل او تقوليلي طب هعمل ايه وهعرفكم اذاي
والساعة كام والحركات دي

Ahmed Kamal said...

جزاك الله خيرا على الموضوع ، و على الاشتراك في حملة الأخ الدكتور أبو يحيى و آدم ، نحن فعلا مقصرون في حق لغتنا ، و حتى كتابتنا العامية تفتقد أبسط قواعد الإملاء ، و الارتباط باللغة الأم ..

لكن لا أريد أن أطيل عليك ، زيارتي هذه المرة من أجل موضوع سري ، و أرجو أن تتفضلي معي إلى رحايا العمر لنتحدث في الموضوع لتجنب إثارة القلق و المشاكل أمام قراء مدونتك ، لكن أرجوك أحضري اللون الأبيض معك ، سنحتاج إلى الكثير منه !

دينا فهمي said...

لا فض فوك (:

tarek alghnam said...

اختى الرائعة قوس قزح
مدونتك رائعة
استفاد كلما دخلتها
بارك الله فيكى
ودائمة متالقة
تقبلى تحياتى
ودمتى بود

قوس قزح said...

وجه جديد

من الواضح انك من محبى اللغة الفصحى و ذلك يجعلنى ادعوك للمشاركة فى حملة لغة الضاد بموضوع فى مدونتك عن اللغة الفصحى او كتابة اى موضوع باللغة الفصحى بدون ان يرد فيها اى كلمة عامية او كلمة غير عربية

اسعدنى مرورك

قوس قزح said...

مها زين

ردى عليكى فى مدونتك

ان شاء الله ابلغك بالمعاد و المكان

قوس قزح said...

احمد كمال

عندك حق فعلا اللغة العامية ايضا اصبحت غير صحيحة

اى اننا اصبحنا بدون لغة صحيحة سوا عامية او فصحى

اذن ماهى لغتنا الصحيحة ؟؟

قوس قزح said...

امرأة تقول الذي لا يقال

بعض ما عندكم :)

قوس قزح said...

طارق الغنام

يسعدنى دائما مرورك
و اشكرك على كلماتك الرقيقة

Baha'i Family - اسرة بهائية said...

شكرا لك قوس قزح لاثارتك هذه القضية الهامة
بالفعل اتفق معك ان اللغة العربية الاصيلة شابها الكثير من التشويهات
وصراحة يؤسفنى (مع احترامى للجميع وتقديري لاسبابهم المختلفة التى تدعوهم الى ذلك فكل شخص حر طبعا) ان اجد مدونات باللغة العامية! فصراحة اللغة العربية ثرية جدا جدا وبها بلاغة تفتقر اليها الكثير من اللغات الاخرى،
فلماذا لا نحاول جميعا التدوين والتعليق باللغة الفصحى
هذا مجرد اقتراح!؟

داليا ..قوس قزح said...

رئيسة حزب الاحلام

اسعدنى مرورك مع العلم انى مقصرة معاكى جدا بس اعذرنى لانى مش قادرة اتابع خطواتك السريعة المتجددة

تحياتى لك

داليا ..قوس قزح said...
This comment has been removed by the author.
داليا ..قوس قزح said...

شهرزاد
نعم عزيزتى فهناك حملة يقوم بها الاخ المدون د/ ابو يحيى و ادم للعودة لاستخدام اللغة العربية الفصحى فى الكتابة
ادعوكى للمشاركة بها عزيزتى ان احببتى فى ذلك الرابط http://sunlightatnight.blogspot.com/

اشكرك على مرورك

داليا ..قوس قزح said...

غاليتى شيرين

دى حقيقة ان مدارس اللغات تطلب من الطالب عدم التحدث باللغة العربية الا اثناء حصص المواد التى تدرس بالعربى

مع العلم انهم فى تلك الحصص لا يراعون ان تكون اللغة فصحى و سليمة
و ايضا مستوى مدرسين اللغة العربية ضعيف
للاسف نجدهم يبحثون عن خريجى مدارس اللغات و الجامعات الاجنبية لتدريس اللغة الانجليزية
ولا يبحثون عن خريجى المعاهد الازهرية و الكليات المختصة بتدريس اللغة العربية لتدريس اللغة العربية

دائما يسعدنى ان ارى اسمك فى عالم التدوين حتى و ان كان تعليق قديم فى مدونة اخرى

دمتى سعيدة

Anonymous said...

بوست جميل

Asmaa mahaba said...

جزاكى الله كل خير يا قوس قوزح لكن انا ليا اعتراض على حاجه ....بنسمى الكمبيوتر حاسوب وهو فى الاصل اسمه كمبيوتر ونقول اتكلموا عربى...بنسمى الموبايل جوال واللى اخترعه قال عليه موبايل او سيلفون....بنسمى التليفزيون تلفاز وفاكرين انها لغه عربيه....وهكذا من المصطلحات العلميه اللى بنعربها .....انا ضد تعريب كل المخترعات العلميه زمان كانوا بياخدو مصطلحات الحسن ابن الهيثم وميغيروش فيها حاجه ...اننا نعرب مخترعاتهم دا ضعف مننا ....ومتقوليش دا قوه لان لغتنا بحورها واسعه وبتشمل كل شىء .....باختصار اما نخترع احنا حاجه نطلق عليها لغتنا ....لكن مش نتفلسف ونطلق لغتنا على مخترعاتهم.....ونقول اعتزاز بلغتنا....واحنا اصلا الامه العربيه معندهاش عزه....عز اللغه العربيه لن ياتى الا من عزه امه اللغه العربيه ....الانجليزى اصبح لغه العالم لان العلم من الدول الغربيه ديما بياتينا واللى عاوز يتعلم علمهم لازم يفهم لغتهم ...انما هم يفهموا لغتنا ليه عشان يتعلموا جهلنا ...عشان يفهموا زلنا
مش عارفه فهمتى قصدى ولا لا هو الكلام ملخبط شويه بس يا ريت يوصلك المعنى
تحياتى ليكى سومه_87

blue-wave said...

يا ريتنا بجد نرجع لأصلنا مش فى اللغه بس لكن فى كل حاجه
تحياتى لبوستك الجامد

Ehab said...

علشان نحافظ على لغتنا لازم اصلا يكون عندنا احساس بقيمتها وعلشان نحس بقيمتها يبقى لازم نحس بقيمة هويتنا
وعلشان نحس بقيمة هويتنا لازم نحس بقيمة اصلنا ونشأتنا وعلشان نحس بقيمة الحاجات دي كلها لازم حد يخلينا نحس بقيمتنا احنا نفسنا يعني هي دائره مغلقه
علشان تقفليها لازم كل عناصرها تتكامل وتبقى مظبوطه

لأننا شايفين ان كرامتنا مهانه ومهدره في بلادنا وكرامة الأجانب كلها محفووظه بالتالي بقت الهويه الأجنبيه هي الأحسن علشان كده كله بيجري عايز جواز السفر ابو جنسيه اجنبيه
وكأن الجواز المصري بقى صفيحة زباله
وبالتالي عايزين نفضل قريبين اكتر من الله بتاعت الناس التانيه ولأننا خايفين ننسى اللغات الأجنبيه بنحاول حتى واحنا بنتكلم لغتنا ندخل كل ما هو اعجمي وغريب فيها


علشان نرجع اهتمامنا وتقييمنا للغتنا العربيه لازم الناس تحس ان هم ماداموا عرب ومشريين ولغتهم العربيه كيانهم ومقامهم محفوظ مش كل واحد لسانه معووج حبتين يديني بالجزمه ويبقى احسن مني
وافتكري اغنية عبد الحليم بتاعة ادهم لما بيحكي عن الولد الأجنبي اللي ضربه وهم قالوله ده خواجه وانت مصري يبقى هو احسن منك

وبقالنا ميت سنه من ساعتها اهو ولسه برده الخواجه بيدينا بال........انتي فاهمه بقى

سلاااااااااااااااااااااااام
اخوكي ايهاب

واحد من البلد دى said...

السلام عليكم

بارك الله فيكى

فعلا اللغة هى هوية الإنسان

و أنتظرى منى قريبا قصيدة عن إندثار اللغة بين شبابنا

ولكن بطريقتى الساخرة طبعا

دمتى بكل خير

دعاء مواجهات said...

اشووفك على خيير

هتوحشينى

سلاام ياقمر

لا اله الا الله

momken said...

انا فعرض المجمع اللغوى

............
عندك حق طبعا بس اللغه برضوا سعات كتير بتكون صعبهه ومستعصيه جدا

يعنى فى كلمات صعبه جدا فى اللغه
ومش موجوده فى القران
لكنها موجوده وخصوصا فى الشعر الجاهلى
والشعراء الفطاحل

كمان احب اضيف حته صغيره على البوست بتاعك
هى اختلاف الهجات واللكنات حتى فى البلد الواجد
بما بالك بدول كامله
احيانا بتكلم مع اخوة فى بلدان عربيه تيجى كلمه فى النص
احاول اوصل للكلمه دى من سياق الحديث او الموضوع معرفش غيره

خدى عندى
(عيطت عليه فانس مندلاش)
ترجمى بقى

عربى على فكره
هههههههههههههههههههه
رسالتك جميله وهدفها نبيل

تسلم ايدك

تحياتى

maha zein said...

انتوا لغيتوا بقه الخروجة ولا ايه
انا زهقت بقه وعوزة اخرج انا
ينفع كده
ولا يعني انتوا ما صدقتوا ان البورصة اتلغت تروحوا تكسلوا يعني
فين جديدك ولا ايه الدماغ مش رايقة الايام دي

طبيبك الخاص said...

عارفه اللى بيزعلنى فعلا انى الاقى شخص من دول المغرب العربى زى المغرب مثلا بيتعثر لسانه فى اللغه العربيه اللى المفروض هو منتمى ليها وتجدى لسانه طليق فصيح فى اللغات الاخرى..الموضوع جميل ياقوس قزح ربنا يوفقك يارب

رئيس جمهوريه نفسى said...

العزيزه داليا
فينك وفين جديدك يارب تكونى بخير ان شاء اللة

كلام على بلاطة said...

كلام جميل
يا قوس
تمسكى بلغتك
تحياتى

Anonymous said...

لاتخافى .. لغتنا بخير .. ومن الصعب ان تندثر مادمنا على ظهر الدنيا ونقرأ القرآن

باقى ان اللغة تحتاج لتطوير .. لنواكب العصر والتكنولوجيا

كمالاينبغى ان تصيبنا حساسية من استخدام المصطلحات كما نشأت أول مرة .. فالفونسيون لايجدون غضاضة فى قول
le week end
مع انها انجليزية .. كما ان الانجليز يقولون عن الجبر
Algebra
مع ان الكلمة عربى

بحبك يامصر said...

يسعدنى ان يكون مرورى الاول بمدونتك يصادف موضوع مهم كهذا
انا اكتب بالعاميه لانى اجدها اسهل عن التعبير عما بداخلى واسهل للمتلقى ايضا ولكن لغتنا فعلا اصبحت مهدده المصطلحات الغريبه التى نسمعها يوميا من الناس فى الشوراع تجعلنا نقلق
ولكن مادامت هى لغة القرأن فلا خوف عليها
شكرا وتحياتى ليكى

داليا ..قوس قزح said...

غير معرف

شكرا

داليا ..قوس قزح said...

سومة .. مجنونة فى بلد عاقل

اولا ازيك وحشتنى :)
ثانيا مفيش مانع ناخد من اللغات التانية و ده فعلا حصل و بيحصل لكن مينفعش ناخد كل الكلام الخاص بالاختراع و يبقى هو ده لغتنا يعنى لو فرضنا ان الحاسوب بقى الكلمة بتاعته العربى هى كمبيوتر مينفعش بقى ناخد كلمة الكى بورد و الماوس و الكيس و الهارد ديسك و كل الكلام الخاص به
مع الوقت هتلاقى ان اللغة ضاعت منا و ده اللى بيحصل مع الناس اللى بتتكلم فرانكواراب
الحل لازم نلاقى كلمات سهلة و واضحة تعبر عن الجديدو فى نفس الوقت نحاول احنا كمستخدمين للغة نستخدمها

داليا ..قوس قزح said...

blue-wave
كل شىء بيبدا بخطوة و ربنا معنا و هو الحافظ للغة اكتر منا

اشكرك على زيارتك الاولى لمدونتى :)

قوس قزح said...

الشنكوتى الكبير

هى فعلا دايرة بس لازم يكون فى نقطة انطلاق
و ابسطها اللغة
ولا انت ايه رايك ؟

قوس قزح said...

واحد من البلد دى

انا فى الانتظار الدائم لجديدك :)

قوس قزح said...

دعاء مواجهات

ترجعى بالسلامة ان شاء الله
و عمرة مقبولة

قوس قزح said...

ممكن

ههههههههههه
طيب هى مندلاش دى عربى ولا فارسى ؟

قولى بس هى ايه و انا هترجم على طول

اوعى يكون معناها مندلاءش زى الجردل :))

اما عن صعوبة بعض الكلمات العربية هى صعبة لانها غير مستخدمة

خد عندك مثلا
كلمة pediatrician و معناها طبيب الاطفال
ولا كلمة controversial و معناها مثير للجدل
بذمتك دول سهلين النطق ؟؟

الاستخدام للغة يجعلها سهلة النطق و خفيفة على الاذن
و لكن تركها و اللجوء لمردافات اجنبية يضعفها و يجعلها لغة قديمة و بالية


اسعدنى مرورك

قوس قزح said...

مها زين

واضح ان الاجماع على اختيار مكان اخر صعب

و محتاجين اكثر من اقتراح بمكان سهل الوصول له و غير مكلف

عندك اقتراح ؟؟

اما عن جديدى .. فانا اكتشفت ان الاجازة الصيفية ليا انا اشغال صيفية شاقة
ان شاء الله احاول قريب يكون فى جديد

قوس قزح said...

طبيبك الخاص
حمدلله على السلامة

عندك حق فى كلامك
و ده لمسته بعد ان ضافنى اخ مدون مغربى على الماسينجر
:( و للاسف نص الكلام لا افهمه منه

حاجة تكسف بجد

قوس قزح said...

رئيس جمهورية نفسه
انا موجودة بس مش لاقية الوقت للجديد

اجازة المدراس دى جات على دماغى انا :)

قوس قزح said...

كلام على بلاطة

اسعدنى اولا مرورك و ثانيا معرفتى بمدونتك

اشكرك

قوس قزح said...

عزيزى شريف

الامر اصبح اكثر من استخدام مصطلح اجنبى
اغلب طلاب المدارس الخاصة لا يفهمون اللغة الفصحى
و للاسف الشديد انى اكتشف ان فهم الفصحى لدى البعض منهم كان نتيجة حلقات الرسوم المتحركة فى قناة اسبيس توون حيث يتحدث بها شخصيات ابطال
الديجيتال و غيرهم

الموضوع اكبر من بعض المصطلحات

لنا الله و هو خير الحافظين

قوس قزح said...

بحبك يا مصر

اللغة العامية موجودة بجانب اللغة الاصلية فى كل اللغات
المهم ان نجيد الاثنين معاً

اشكرك على مرورك

loza said...
This comment has been removed by the author.
فراشة البساتين said...

اللغة العربية هى ام اللغات

لانها لغة القرآن الكريم

فعار علينا ان نبتغى عزا بدونها

............................

اما عن اللغة العامية

فهى حقا الاقرب الى رجل الشارع

وهى لغة لها كل الاحترام

بعيدا عن هذه المصطلحات الغريبة
.......................

يجب علينا ان نعتز بلغتنا اكثر من ذلك

على سبيل المثال

هناك مسئولين من بعض الدول

عند زيارتهم لاى دوله اخرى

يرفضون التحدث الا بلغتهم الرسمية

مع انهم يجيدون الغة الانجليزية مثلا

وذلك احتراما للغتهم

ايا كانت

............................
فما بالنا بلغة القرآن الكريم

اشرف لغات الارض

Unknown said...

اول زياره ليا ...

وان شاء الله حتتكرر كتير لان مدونتك بجد تستحق الزيارة..

عمر

قوس قزح said...

عمر
اسعدنى مرورك جدا
بجد نورتنى و اتمنى نكون اصدقاء

Anonymous said...

EL WE7DA EL 3ARABYA

HAHAHAHAHAAHA
HEHEHEHEHEEHE