Friday, August 29, 2008

الدرع و النبوت


على قناة ديسكفرى الخاصة بتناول الاختراعات و الاكتشافات كان فى من يومين موضوع عن السترة الواقية من الرصاص
و السترة دى زى ما كلنا عارفين ان الرصاص لايمكن اختراقها و يصل لجسم الانسان لكن اللى ميعرفوش البعض ان السترة دى بيكون سهل ان يخترقها اى شىء حاد زى الخنجر او الابر او اى شىء له حرف مدبب
المهم الجماعة بتو ع الاختراعات الخاصة بالحكاية دى قعدوا يعملوا تجارب كتيرة جدا لحد ما قدروا يتوصلوا لمادة جديدة خفيفة فى الوزن و مرنة و ميزتها انها بتتحول لمادة جامدة جدا زى السيراميك مجرد ما اى حاجة تحاول اختراقها
اه و الله
يعنى المادة دى ملوا بها قطعة سفنجة و كان شكلها عادى زى اى سفنجة فى الدنيا لكن مجرد ما حاولوا انهم يغرزوا فيها اى حاجة زى سكينة او ابرة و بمجرد ما ذرات المدة دى تتحرك كل الذرات دى تتحد مع بعضها و تعمل زى الجدار الصلب و تتنى طرف السكينة او الابرة و متعديش من السفنجة

و علشان يتاكدوا اكتر انها تستحمل جابوا واحد من المارينز و معاه قوس ( مش قوس قزح لا قوس بجد ) و سهم مصنع بطريق انه
يكون قوى جدا و سريع جدا و عملوا تجربة على السترة الواقية القديمة و فعلا السهم اخترقها بسهولة لحد نصه ، غيرواها بالمادة الجديدة و جربوا تانى لكن السهم بمجرد ما خبط فيها اترمى على الارض كانه خبط فى حيطة و عمل علامة بسيطة فيها ميزيدش عمقها عن اتنين ملم
و بعد تجارب عديدة اخدت شهور منهم - خدوا بالكم من عديدة و شهور دى - قرروا ان المادة دى يتحقن بها كل سترات الوقاية من الرصاص
و مش بس كده لكن كمان قرروا انهم يعملوا منها قفازات يستخدمها الاطباء اللى بيتعملوا مع مرضى الامراض المعدية
و كمان الناس اللى بتتعامل مع جمع الزبالة و تقسيمها و الناس اللى بيشتغلوا امن و بيضطروا يفتشوا شنط الناس
كل ده علشان يحافظوا على حياة الانسان اللى بيقدم خدمة لبلده




71 comments:

رئيس جمهوريه نفسى said...

كل يوم بيثبت فعليا انى بينا وبين البشر او عموما التفكير العلمى الصحيح قفزات مش بس خطوات وعايزه تعرفى دى قارنى بين ميزانية البحث العلمى فى مصر واى دولة تانى حتلاقى انى ميزانية البحث العلمى فى مصر مش حتجيب تمن لاعب كرة قدم

همس الاحباب said...

سبحان الله
وفوق كل ذى علم عليم
سبحان الله الذى علم الانسان مالم يعلم
بس مع الاسف فيه ناس عايزة تتعلم وناس عايزة تانتخ
وده الفرق بين دولة متقدمة ودولة اخرى فى القاع
موضوع جميل وفكرته رائعة
بس يا ترى ناوية تجيبى سترة بعد ما تترشحى للرئاسة ولا ايه كل سنة وانتى طيبة ورمضان كريم
ولسه بدرى على تخاريف الصيام
هههههههه

يا مراكبي said...

طيب وإيه لازمتها الصوره البريئة اللي في آخر البوست دي؟

كده الداخلية هتاخد خبر بالإختراع ده وتجيبه للبشوات

وش زعلان

Anonymous said...

طيب ما انتي اهو بتبحثي في معلومات علميه ما انتي شاطرة اهو
عبد الجليل

مـحـمـد مـفـيـد said...

عندما شعروا بقدر وقيمه الانسان فأنهم يبحثون عن وسائل حمايته
عكس عندنا

Bob said...

لا بجد معلومات جديدة وشديدة
بس هبقى غتت واقولك مين اللى جايبلك المعلومات دى
ياترى مين اللى وراكى؟
ههههههههههههه
نرجو المزيد
بهاء

mohamed said...

أولاً أزيك

ثانياً
كل سنة وانتي طيبة

ثالثاً بقى
كان في واحد ربنا يكرمه عالم في النانوتكنولوجي حكلنا الحاجات دي بتتعمل ازاي وكان نفسه ان الدراسات دي تتعمل في مصر وإن قيمتها الاقتصادية والعائد بتاعها عالي جداً

اخيراً الصورة هايلة

كاميليا said...

طب وايه لازمة الصورة اللى فى اخر البوست؟
ههههههههه

ما احنا كنا حلوين وعايشين مع التقدم العلمى ومقدار الانسان والحفاظ على حياته بالبحث والتجارب

عموما اذا كان فيه مستفيد من الاختراع ده فى العالم العربى .. هيكون اصحاب السلطة

تحياتى وحبى

dodda said...

موضوع جميل زيك

ولكن انا عندى اللى اجمد مليون مره من اختراعهم.....

الله خيرٌ حافظاً وهو ارحم الراحمين

ربنا يحفظك واحبائك من كل سوء
كل سنه وانت طيبه وبألف خير

اللهم بارك لنا فى رمضان

أحمد كمال said...

و يا ترى احنا استوردنا كام واحدة من الموديل الجديد ده ؟

و اللي ما قلتيهوش يا ترى المادة الواقية دي تستحمل ضرب النبابيت ؟

maha zein said...

يا حلاوة يا ولاد
شوف العالم
قال ايه سترة ومعرفش ايه وحركات
بس يا ريت بقه يصدرولنا السترات دي
يعني مشيحتكروها علي بلادهم
بس عادي احنا بردو اللى اخترعنا القوس (مش قوس القزح يعني)
لا القوس اللى اتحدف بيه السترة
اومال ايه
كل سنة وانتي بصحة وسلامة
وربنا يساعدكم علي فعل الخير
عوزين بقه ذي ما قلتي نفطر في دار ايتام
او في فطار جماعي ونلم فيه تبرعات للايتام
يعني اي حركات كده في رمضان
ونشجع بعض

snohe said...

كل عام وانت بخير بمناسبة شهر رمضان المبارك




شكرا

بطوط حبوب said...

دى رساله للناس الى ناويه تقتل اى زعيم ؟؟؟؟

:D

كل سنه وانتى طيبه ورمضان كريم

رندا said...

حبى القمر الى انا مقصرة معاة على الاخر
معلش ياحبى اعمل اية انتى فاهمة بقى

انا جيت اقولك
رمضان كريم عليك وعلى اسرتك الكريمة
تقبل الله صيامك وقيامك وغفر الله ذنبك

اراك ان شاء الله بعد رمضان فى المدونة
وطبعا اركى على طول انتى فاهمة فين طبعا موووة
دمتى فى قلبى

رمضان كريم

رندا

محمد عبد الغفار said...

يا حلولى

appy said...

يا سوسه انتى بجد
الا قوليلى الاول حاجه على الماشى هما عوروا كام واحد لغايه لما وصلوا للاختراع او ضحوا ههههههههههههه

المهم هذا هو الانجاز وده الفرق
يمكن حياتهم او حياة اى جندى عندهم اغلى بكتير من اى حاجه انا احنا لازم نضحى اذا كان بقوا بيضحوا بالظباط يبىق العساكير مش هيضحوا
لسه سنين كتير على ما يبقى لنا قيمه يا مامى صدقينى

قوس قزح said...

رئيس جمهورية نفسى

هو يعنى ايه البحث العلمى ؟؟
انت يا محمود بتجيب الكلام ده منين
مين قالك ان فى بحث علمى فى مصر
بطل اوشعات يا رجل بقى :)

صباح الصباح said...

اةةةةةة
كلامك كدة شكلة تقطيم وان اللى بالى بالك عالم كفتجية وما يعرفوش الاختراعات دى
انتى نسيتى مش احنا اللى اخترعنا (الخرارة)
فاكرة فيلم تيتو؟؟
ههههههههههههههههه

قلب مصرى said...

طبعا إحنا أنص من الناس اللى بره دى، إحنا نقعد ونأنتخ ونحط رجل على رجل ونسيبهم هم يشتغلوا ويتعبوا ويجربوا وبعدين إحنا نشترى كل ده على الجهاز.


طبعا ده سخرية من الوضع.

قوس قزح said...

همس الاحباب

لا بتوع الرياسة لها دروع بشرية و دروع غير بشرية

تصدق ان فى رؤساء كتير بينزلوا يشتروا حاجتهم منالسوبر ماركت زينا زيهم

متاخدش فى بالك دى تخاريف قبل الصيام

كل سنة وانت طيب

قوس قزح said...

يا مراكبى

و هى الداخلية مش عارفة ؟
غريبة كنت فاكرة ان كبيرهم بس بيلبسها

اما الصورة فدول اللى مستنين يشوفوا هلال رمضان :)

قوس قزح said...

عبد الجليل
و الله ده بالصدفة و انا معدية قدام التليفزيون :)

وميض ابتسامة said...

شىء جميل ان الانسان يفكر ويخترع ..بس الاجمل لو كان الشىء ده مفيد للناس مش مدمر للبشرية .. "علم الانسان مالم يعلم " سبحانه وتعالى
طالما الاختراع مفيد فهنيئا لنا جميعا .. واكثر الله من هؤلاء العلماء

مدونتك رائعة ..وكل عام وانت بخير

maxbeta3zaman said...

أنا واحد يحب كل فكرة جديدة وكل جهد يؤدى الى فائدة للناس أو توفير لجهد عضلى او لوقت , وأنا مشترك فى موقع جميل جدا اسمه
howstuffworks.com
تصلنى منه رسائل أسبوعيه تشرح كل مايظهر من اختراعات فى جميع المجالات انصحك بزيارته , كان حلم طفولتى أن أكون مخترعا ومازلت اتابع ذلك الحلم وانتهز أى فرصة لوجود مشكلة ما تحتاج حل غير تقليدى لأتقدم بالحل الجديد تماما ,الآن أركز على سيارتى القديمة جدا مو 76 لأدخل فيها كل مااستحدث من تقنيات شرفونا فى بلوجنا , وأنا صديق شريف الحميم وبطل حكاية القنبلة الفولية

(احمد سكر ) said...

انتى اخدتى بالك من الجمله دى

(الذرات بتتحد مع بعضها بسرعه رهيبه

وتكون جدار يستحيل اختراقه

اااااااااه لو نتحد زى شوية الذرات دى

كل سنه وانتى طيبه ياداليا
احمد

bastokka طهقانة said...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

اسكندراني اوي said...

يا سلام يا سلااام
جميل اوي الاختراع ده
وينفع اوي للناس اللي زي حالاتنا بيتعاملو مع الحديد والحاجات الصلبه اوي

..............................
كل سنه وانتي طيبه ورمضان كريم

قوس قزح said...

محمد مفيد

وصلك هدف البوست

تحياتى

موناليزا said...

ياااه الا احنا فين فى الاختراعات دى!!!

كل سنة وانتى طيبة ويارب يكون رمضان سعيد علينا جميعا

قوس قزح said...

bob
اللى ورايا ربنا
ايه رايك بقى :)

و ترجو المزيد من ايه بالظبط ... النبابيت ؟؟ :)

تحياتى

قوس قزح said...

mohamed
اولا
الحمدلله ازيك انت

ثانيا
و انت طيب و بخير يارب

ثالثا
عنده حق طبعا ان الاختراعات دى قيمتها عالية .. بس مين يسمع بقى !!

اخيرا
تحياتى :)

قوس قزح said...

كاميليا
الصورة دى صورة توضحية فقط .. لايه بقى كل واحد و دماغه :)

و طبعا الاستفادة منها هتكون لناس قليلة جدا يمكن واحد بس فى البلد او اتنين :))

اسعدنى مرورك جدا

قوس قزح said...

dodda

ونعم بالله

بس فى كمان ولا تلقوا بانفسكم فى التهلكة

يعنى لازن يكون عندنا اللى نقدر نواجه به اى حد و منرميش نفسنا كده بدون حماية صح


كل سنة وانتى طيبة و بخير
و رمضان كريم

قوس قزح said...

احمد كمال

استوردنا خمس وحدات
وفكر انت بقى هم اتوزعوا على مين :)

اما عن ضرب النبابيت فالناس دى ميعرفوهاش لانها انقرضت عندهم خلاص و بقى بدلها العصا الكهربائية

قوس قزح said...

مها زين

نستورد ايه ؟ و لمين ؟ و ليه ؟
انت بتهرجى شكلك صح ؟

اما عن عمل يوم خيرى فى رمضان ان شاء الله هتعرفوا التفاصيل فى خلال الاسبوع ده

تحياتى و رمضان كريم

قوس قزح said...

snohe
و انت بخير و صحة و لله اقرب

شكرا على المعايدة الجميلة

قوس قزح said...

بطوط حبوب

دى رسالة لكل واحد شايف عسكرى الامن المركزى واخد حقه
و بتكلم عن العساكر بس

كل سنة وانت طيب وبخير و حبوب :)

قوس قزح said...

رندا

حبى متقوليش كده ابدا المدونة دى بتنور بوجودك فى اى وقت
و انا عارفة الظروف
و ربنا يعينك


و بعدين انتى ناوية تقفلى فى رمضان ولا ايه؟

طيب اقابلك هناك بقى :)

كل سنة وانتى و اسرتك و كل احبابك بخير يارب

قوس قزح said...

محمد عبد الغفار

دى اخت حالو بتاع رمضان :)

قوس قزح said...

appy
انا اللى سوسة بردو !!!
تصدقى بقى ان مفيش اى حد اصاب فى التجارب دى و كانوا حريصين جدا على انهم يجربوا على اماكيت و مع اى اى حد الا بعد التاكد التام من سلامتهم

اما عنا فكفاية علينا سلامتها ام حسن من العين و من الحسد :)
و نكتب على كل درع
العين صابتنى و رب العرش نجانى

يا سوسة :)

قوس قزح said...

صباح الصباح

انا متكلمتيش على الكفتجية ولا الكلابجية

انا بتكلم عن العلم الحديث

و خالى الواحد قاعد فى بيته اليومين المفترجين دول لحسن يزور الخرارة :)

قوس قزح said...

قلب مصرى

يارب نشترى فى الاخر
اهو على الاقل بنفكر نشترى حياة بنى ادم

و كل سنة وانت طيب يار جل يا طيب

قوس قزح said...

وميض ابتسامة

اللهم اكثر من علماءنا كمان

نورتنى بالزيارة
و كل سنة و انت بخير

قوس قزح said...

maxbeta3zaman

طيب والله كويس جدا و ربنا يوفقك و يوصلك للطريق الصح اللى تقدر منه انك فعلا تكون مخترع عظيم

و ان شاء الله هزورك قريب :)
تحياتى

قوس قزح said...

احمد سكر

مااحنا لو عملنا زى ما بتقول لا هيهمنا اختراعات ولا اى شىء فى الدنيا هقف قصادنا

كل سنة وانت طيب يا احمد يا سكر سنترفيش :)

قوس قزح said...

bastokka طهقانة

و انتى طيب وبخير و دايما فى سعادة

و على فكرة انا متابعة المدونتين و معرفش ان صاحبتهم شخصية واحدة
والمدونتين احلى من بعض

تحياتى

قوس قزح said...

اسكندرانى اوى

هو الاختراع ده هينفع فى حاجات كتير اوى
بس معتقدش اننا هنشتريه الا لما يبقى مدعم :)


كل سنة و انت طيب و بخير

قوس قزح said...

موناليزا

انت هتقوللى احنا بتوع الاخترعات كلها انتى مش شايفة الصورة ولا ايه ؟؟

كل سنة وانتى طيبة وبخير و دايما سعيدة

ňįĝŗő said...

داليا هانم
كل سنة و حضرتك طيبة يا أفندم
كل عام و انت إلى الله أقرب و على طاعته أدوم

بلغنا الله شهر رمضان الكريم و أعاننا على صيامه و قيامه على الوجه الذي يُرضيه عنا و أعاده علينا أعواماً عديدة و أزمنة مديدة و بلغنا فضل قيام ليلة القدر


يلا سلام

Gannah said...

كل عام وانت الى الله أقرب
وعلى طاعته أقدر
وكل عام وأنت بخير
رزقنا الله العفو والمغفرة ودعوات لا ترد
لا تنسينى من صالح دعائك يا دودو
أدامك الله لى صحبة طيبة
تحياتى

Ahmed Al-Sabbagh said...

كل سنة وانتى والأسرة الكريمة طيبين وبخير

ورمضان كريم

بعودة الايام

اللهم بلغنا رمضان وانت راضٍ عنا

تقديرى ومحبتى

أحمد

ahmed_k said...

فعلا علشان للأنسان عندهم قيمه
تطوروا وأصبحوا أصحاب حضاره
وفي بلادنا علشان مفيش للإنسان أي قيمه
تراجعنا وتخلفنا عن ركب الحضاره

وموضوعك جميل يا قوس قزح

وتقبلي اخلص تحياتي

رمضان كريم

الربان said...

تحياتي

كل يوم هناك الجديد....لكننا في مصر اغلقنا ابواب الابتكارات و الاختراعات
و اصبحنا نعتمد علي استيراد اشياء بعينها....

الزي الخاص برجال الاطفاء في مصر ما زال
بدائيا... و اجهزة التنفس و المعدات الحديثة شبه معدومة....


أشكرك لاضافتك الي معلوماتنا العامة فهي معلومة جديدة ، علي الاقل بالنسبة
لي.


تحياتي و تقديري و كل عام و انتم بخير.

Sherif said...

كل سنة وانت والاسرة الكريمة بخير

احلى حاجة .. الصورة اللى فى الآخر
جواها معانى كتير

تحياتى للبوست الجميل

همس الاحباب said...

كل سنة وانتى طيبة
ورمضان كريم
والاسرة الكريمة بالف صحة وسعادة
دمتى بخير اختى العزيزة

!!! عارفة ... مش عارف ليه said...

المعلومة جيدة جداً
وطبعاً يذكر قيمة المعلومة دي خوف الناس دي من إنها تواجه من غير دروع

إنما الاستخدام السلمي لها لوقاية الإنسان من الأمراض والأوبئة زي ما وضحتي يعتبر شيئ إيجابي جدااا

ودي ميزة التطور العملي حتى لو في مجال عسكري

والموقف ده مشابه لتكنولوجيا الفضاء وإن الساعات الرقمية مكنتش موجودة لولا استخدامها في علوم الفضاء وتطبيقاته وبعد فترة من استخدامها بدء تداولها كساعة يد رقمية

شكراً جزيلاً على المعلومة


كل سنة وانت طيبة.. رمضان كريم

تحياتي
وليد

خديجة محسن "لؤلؤة الاسلام" said...

ما شاء الله مدونة رائعة
و شكرا لك اختى على هذا الموضوع
و على هذه المعلوما تا المفيدة حقا
و جزاك الله خيرا
و كل عام و انتم بخير
رمضان ككريييييييييييييييييييييييييم

عدى النهار said...

كل رمضان وإنتي وأسرتك طيبين وبخير والمسلمين جميعاً

الدفاع said...

كل عام وانتم بخير
بلغكم الله رمضان وجعلكم من المغفور لهم بصيامكم باذن الله

احمد الشاعر said...

للآسف الناس هيفضلوا متأخرين عمرهم ما هيعرفوا ياخدوا التكنولوجيا اللي وصلنالها...


على فكره احنا برضو بنحافظ على رجال الأمن بتوعنا...بنعلمهم آزاي يضربوا بالشلاليت والأقلام وما إلا لذلك

ده لأننا لسه ما أمتشفناش الضرب عن بعد(بإستخدام ماده أسمها الرصاص تنطلق من فوهه تشبه ماسورة الميه اللي ف المنور

---------------------------
اسبارطه المحروسه بتتقدم بينا

---------------------------
كل سنه وانت طيبه

rovy said...

كل عام وانتى بخير

رمضان مبارك


كل عام وانتى الى الرحمن اقرب

كل سنه وانتى طيبه

قلب مصرى said...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

أسير الجراح said...

كل سنة وانتى طيبة يا جميل



بس على فكرة انا زعلان منك



لانك قطعتى السؤال مرة واحدة



بس يلا عشان رمضان بقى ههههههههههة



كل سنة وانتى طيبة يا قمر



اسير الجراح

جنّي said...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

mthlykaweyy said...

هاى
اول مره ازروك

مدونه جميله اعرفك بنفسى

انا من من المثليين العرب

ارحب بكى واتمنى نكون اصدقاء

ساذورك وسانتظر زيارتك

واتمنى ان يسود اعالم الحب والسلام ولا نحتاج الى واقى من الرصاص

سانتظر ك

لا تتاخرى

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:
http://www.ouregypt.us/culture/main.html

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

SMA said...

أكل هندي مين؟!!
ياراااجل انتي أخذتي بالك من حكاية الأكل الهندي
معلش ياأُختي العزيزة دي كانت غلطة مطبعية ومش هتتكرر تاني
علشان حصلت مشكلة في صغيرة في حفظ ونشر الرسالة وعلى العموم الحمد لله الأكله طلعت عربيه
وبعدين ولا تزعلي نفسك خالص حطيتلك أكلة ايطالية لسة جاية سخنة من ايطالية وأنا شخصياً الأكلة دي عجبتني علشان فيها مزازة بس يا رب تعجبك وتعجب البقية وكل سنة وانتي طيبة
والسلام عليكم ورحمة الله وبركاته

عاليا حليم said...

أنتي عايزة تقولي بالصورة الي في أخر البوست أن السلطة هي الي حتستفيد من الأختراع ده

:)

عاليا حليم said...

لكل أحبائي المدونين أرجوا زيارتي للتعرف علي تفاصيل ترتيبات أفطار جماعي

Diyaa' said...

هيبقي زي الديناميت ليه وشين
وكل واحد حسب نيته
كنت أعرف معلومة نقطة ضعف السترة الواقية دي من روايات نبيل فاروق
أي آلة حادة كانت بتفتتها حتت :)

بس سبحان الله العقل البشري جواه كتير
أكتر من ما نتخيل...وطبعاً إحنا عمرنا ما هنصنع حاجة زي كده..هنستوردها بس
عشان بسلامته وكل اللي حواليه يحسوا ببعض من الأمان المزيف
لما بينزل إسكندرية بيقفلوها كلها وفي الآخر مش بيدخل المدينة نفسها
نفس القصة في أكتوبر
مرض نفسي

نرجع لموضوع الإستخدام المزدوج وكل واحد ونيته..هتلاقي الصهاينة والحكام العرب الخنازير الجبنا بيستخدموها عشان الصهاينة يقتلوا في الفلسطينيين وحزب الله بأقل قدر من خساير..وعشان الحكام العرب يسرقوا وينهبوا ويبقي
عندهم نسبة أمان أعلي وتبقي نقطة الضعف بس في الرأس
head shot
لكن علي مين.قدره هيطوله ولو في بطن الحوت :)

أما الإستخدام حسن النية فأكيد في الطب وفي البحث العلمي زي مثلاً يبعتوا حد عمق المحيط أو يتسلق جبل حوافه حادة مثلاً أو كده..ميخافوش من إن هدومه تتقطع أو الخوذة الضغط يفجرها لأنها هتكون محمية بالمادة العجيبة دي

أفادكم الله يا ستي :)
وإبقي ركبي واحدة لدراع نور المسكين