Wednesday, January 21, 2009

فلسطين .. الجمعة

يوم الجمعة ان شاء الله معادنا للتجمع لزيارة المرضى الفلسطينين فى مستشفى فلسطين
الحالات فى المستشفى كالاتى
الرعاية المركزة حالتين منهم حالة حدث لها بتر للساقين
الدور الاول حالة واحدة مصاب بطلق نارى من دبابة و تم اجراء عملتين له فى الركبة و قاموا بتركيب شريحة و بلاتين و الحالة الحمدلله فى تحسن
الدور التانى يوجد به جناحين
الجناح الاول : يوجد به 11 حالة ما بين استئصال طحال و كلي و حروق و فقد عيون
الجناح الثاني : يوجد به 15 حالة من بينهم سيدة كما يوجد به عائلة عصفور - المصاب بمستشفى الاسماعيلية الذى طلب من المدونة آبى زيارة اهله بمستشفى فلسطين - من ضمنهم طفل صغير عمره 10 سنوات و حالته الصحية حرجة
الدور الثالت يوجد به جناحين
الجناح الاول : يوجد به طفلين
الجناح التانى : يوجد به 14 حالة
الجميع طبعا يشعر باحباط و خذلان عالمي و ان لا احد يعوضهم عن الكارثة الانسانية التي يعيشونها
الرعاية الطبية و التمريض و الاكل مستواهم جيد و الحمدلله
هم لا يريدون اشياء عينية و ان ارادوا فهم لا يمتلكون شنط سفر لوضع اغراضهم بها
فمن يريد التبرع عليه ان يتبرع بشنط سفر الي جانب المال فهو افضل شئ
فكل شخص ادري بما يحتاجه حتي يعود لعائلته به و لكن يجب مراعاة انهم يملكون عزة نفس رهيبة
التجمع يوم الجمعه الجايه دى 23/1/2009 قدام المستشفى الساعه 3 بعد الضهر
المستشفى عنوانها : 64 شارع الثورة فى مصر الجديدة
اللى عاوز يسال فى حاجه يبعت لآبى على الميل butterfly_549@hotmail.com
الميل ده مش ماسنجر يعنى ايميلات بس اللى ناوى يشترك ياريت يبلغها

7 comments:

شفـقــة و إحســــان said...

ربنا يكرمكم يا داليا يارب
هو ده النشاط ولا بلاش بس يارب نقدر نيجى
جزاكم الله كل خير
وانتى دايما سباقة يا دودو
سلام يا قمر

!!! عارفة ... مش عارف ليه said...

مع الأسف يقتصر الدور في الكويت
على التبرعات فقط
ولا يوجد هذا التواصل الحميم

لكن على الجانب الأخر هناك بعض الصور المضيئة ومنها

تم بيع الكوفية الفلسطينية التي كان يرتديها "عباس هنية" في مزاد خيري بمبلغ مائة ألف دينار كويتي (350 ألف دولار).

همس الاحباب said...

اوك
علم وجارى التنفيذ
انا هاخد البوست كوبى عندى
ممكن
ولا عندك مانع
ولو حتى عندك مانع هاخده برده
سلام

داليا ..قوس قزح said...

شفقة واحسان

ربنا يخليكى يا جميل
انتم كمان ما شاء الله عليكم همة و نشاط فى كل المشاركات
ربنا يخليكم لبعض
و هستناكى بكرة ان شاء الله

تحياتى

داليا ..قوس قزح said...

عارفة مش عارف ليه
انا ماليش دعوة بالدول
احنا نبدا بنفسنا
ن بصراحة الدول قالت اه هتتبرع و مشوفناش حاجة و سمعنا من اهل غزة ان فى فلوس راحت لهم

اما عن تمن الكوفية ده يا ترى راح لمين ؟؟

نورتنى يا وليد بزيارتك و ان شاء الله لما تنزل مصر هتدبس معنا فى المشاوير دى :)

تحياتى

داليا ..قوس قزح said...

همس الاحباب

جزاك الله خيرا
و طبعا انت مش محتاج استئذان يا ابو همس

Unknown said...

بالتوفيق يارب
ان شاء الله ناس كتير تجى ويكون فى ميزانكم يارب
انا للاسف مش هقدر اجى
لكن ربنا معاكم
سلمى لى بالله عليكى على الناس هناك