Thursday, January 29, 2009

اوراق التيوليب




أبحر فى عالم الخيال

باحثا عما وراء القلوب المقيدة بالواقع

أبحث عن الملائكة

ملائكة الحب و هى تنثر من بين يديها المشاعر

كأوراق التيوليب الاحمر

فأحاول ان امسك بها حتى اتذوق عطرها الخلاب

و لكن اتذكر ان وحدى

فى هذا الخيال

فتتسلل يد الواقع لتجذبنى لارضها

و ابتعد و انا اتمنى العودة

لعلنى فى المرة المقبلة اجد ونيس لى

يحاول ان يلمس التيوليب معى
فنتذوق عطره معا

37 comments:

Mafrousa said...

الله عليكي
بس انتى مش لوحدك انا معاكي فى الخيال الحلو ده
بس الونيس اللى انتى تنشديه ربما يكون موجود فى حياتك
و لكنه لا يعرف الابحار مثلك فى عالم الخيال
علميه الابحار


انا حاسة انى شامة ريحة الورد
تحياتي لاحلى قلب واقعي مليان بالحب

Empress appy said...

طيب هاتى ونيس بتاع مسلسل ونيس يبقىمعانا يمكن ينفع
حرام عليكي يا بنتى انتى بتضربى على الوتر الحساس ليه
مالها اغنيه اشرف يا وهبه دماغ تمام ضيعتى الدماغ للاصطدام بالواقع الاليم تاني ما كنا ساكتين
بس انا شايفه انها جديده اوي بس حلوه اوي يا عمنا

فاتيما said...

دوللى
يا وش الخير
ليه يا بنتى كدا
على رأى آبى هتقلبى علينا المواجع
ماحنا ساكتين أهو و مبنكلمشى
بس غالباً كل فى الهم قلب
كلنا إنتى يا حبيبتى
بحبك أنا لما تكتبى النوع من الكتابات
بيبقى فيها عمق و رقة
يعنى فيها منك كتير
بوسة
و حضونة
و اوراق تيوليب
هنثرها عليكى زى ما بيعملوا مع العرايس فى ليالى فرحهم

شفـقــة و إحســــان said...

ايه الكلام ابو ريحة حلوة معطرة ده
بجد انتى رقيقة اوى اوى
وبعدين ما انا اهو ممكن تاخدينى ونيس؟؟
تحياتى ليكى يا قمر

dodda said...

انا كمان بحب التيوليب
ممكن اجى؟؟
والا انت عايزه حد معين؟؟

ميرا ( وومن ) said...

يا سلام علي التيوليب الأحمر

ولو اني مشفتهوش بس ابحرت في الخيال

وافقت علي رنة الماسينجر لآني نسيت الناس اللي ركناهم عليه
فظيعة فظيعة فظيعة

خدتني وجابتني بس ليه كدة بس

حاسة ان كلنا عمالين ندوس علي الوتر الحساس مش عارفة ليه

تسلم إيديكي يا قمر

ahmed_k said...

ههههههههههه
عارفه أول ما قرأت العنوان جاء زي ما يكون أوراق التواليت هههههههه
فإستغربت قلت أيه الحكايه ؟؟؟
اتاريها تيوليب
المهم جميل ان نسرح بخيالنا بعيدا عن الواقع المؤلم أحيانا والصعب أحيانا اخري
ولكن لنحذر فالخيال والحياة فيه عندما تكون عادة تبعدنا عن واقعنا فنصحى فنجد أن الزمن مر منا دون أن ندري
ودون ان نتداركه لتصحيح واقعا قد كنا نهرب منه

Asmaa Fathi said...

جميلة بجد

دائما يكون الخيال هو المكان الوحيد الذى نهرب اليه

نترك ورائنا الكثير من الهموم والالم واحلام قد تقف الكثير من العقبات امامنا فلا نستطيع تحقيقها

تحياتى

Fahd said...

منذ زمن افتقدت هذه الكلمات الرقيقة


كنت اكتبهازمان

زمن كان المشاعر غزيرة

والبال رائق

والنفس مرتاحه

ولكن يبدو اننا كلما اوغلنا في الحياة كلما فقدنا مشاعرنا واحاسيسنا مع مرور الوقت


اشكرك ان ايقظتي شيئا ما اوشك ان ينتهي

قوس قزح said...

واحدة مفروسة

الابحار فى الخيال صعب تعليمه لازم يكون من الاساس فى استعداد لان لو مش موجود هتكتشفى ان اللى بتحاولى تعلميه شايفك غريبة الاطوار

انتى ونيس رقيق .. و بخاف عليكى اوقات من رقتك دى المغلفة بالقوة الوهمية

بدون ما تشعرى احنا بنكون سوا فى هذا العالم الرقيق :)

قوس قزح said...

Appy

ده اكتر ونيس واقعى و حالم فى نفس الوقت فى الدنيا هههههههه

حظك بقى انى ضربت على الوتر فى وقت الدماغ و ده اكيد اثره وحش اوى عليكى انتى و اشرف هههههههه


ربنا يخليكى .. انا مبسوطة انها عجبتك

قوس قزح said...

فاتيما

صلة رحمة المدونين

ربنا يخليكى يا فاتيما
هى حاجات كده بتظهر فى اوقات لما اواحد يتأثر بموقف او انسان معين

و بعدين انا هاجى ايه جنب مشاعرك اللى بنلمسها على الشاشة معاكى

انتى مرهفة الحس علشان كده بتعجبك و تشد ايه كلمة تمس المشاعر

احلى حضن و اجمل بوسة لاحن ام فى الدنيا

قوس قزح said...

شفقة و احسان

ربنا يخليكى .. ده انتى تنورى العالم كله سوا فى الخيال او الواقع
كفاية ضحكتك الجميلة
نورتنى بكلماتك الرقيقة

قوس قزح said...

dodda

كل الاحباب مدعوين للمشاركة
المهم يكونوا من عشاق التيوليب
علشان يقدروا يتعاملوا معاه برقة زيك

قوس قزح said...

وومن

متعرفيش التيوليب ؟ انا هبعت لك دستة على الايميل علشان تعرفى اد ايه هو زهر رقيق زى الحلم بالظبط

قوس قزح said...

ahmed_k

انا توقعت كده و انا بكتب العنوان و مش لوحدك اللى شافها كده

الخيال عمره ما يكون تأثيره سلبى على الواقع الا لو خيال مريض
لكن كل حاجة فى الواقع ما هى الا كانت بعض الاحلام
حتى انت و انا و كلنا .. كنا احلام لاهلنا اننا نكون بذرة حبهم

لازم نحلم بس من غير هروب من الواقع
تحياتى

Ahmed Kamal said...

لعلك واجدة في الواقع ما هو أجمل من أوراق التيوليب ، و بالقطع واجدة ونيس ، فهل ما وجدتيه في الخيال ، أجمل مما أوجدتيه في الواقع ؟

تحياتي لخيالك الجميل

البت المشمشية حلوة بس شقية said...

ياااااااااااااااا
تصدقى
والله العظيم كنت فكرة التليوب ده حاجة عيب
يالهوى على دماغى الحمد لله انى عرفت الحقيقة قبل ما اموت

Unknown said...

كلماتك مزيج من الجمال والحزن
فلنجعلها الجمال الحزين كلمات
عاشق يبحث عن لحظة عشق وصفاء
لحظة حب خالصة
بجد رغم قصر البوست الا نه جميل جداا
ومعبر

Anonymous said...

سيدتى

الحمدلله ان خلق لنا الخيال واحة نهرب اليها حين يشتد قيظ الحياة

وسواء كان هذا الونيس فى خيالك أو واقعك .. فهو بالتأكيد يلمس اوراق التيوليب دون ان تدعيه لذلك

هناك من البشر من هم أرق من الملائكة .. وانت منهم بالتأكيد

والذين على هذه الشاكلة .. هم رحمة للبشر

ميرا ( وومن ) said...

اخص عليكي يا دودو

صحيح انا اكتر شئ بحبه الورد البلدي الأحمر وجميع ألوان لكن اعرف التيوليب قطعاً

لأنها زهزة جميلة جداً بس معرفش الأحمر انا اعرف الأبيض لآنه الأكثر انتشاراً في محلات الورد اللي بشوفها

جايز وصل عندكم قبل ما يوصل عندنا

طارق هلال said...

تعليقى على هذا الكلام الجميل
هو البوست الجديد على مدونتى
تحياتى لكى

!!! عارفة ... مش عارف ليه said...

التيوليب

ننتشي لمجرد رؤيتها

ملمسها كم هو ساحر

نبلغ معاه اقصى درجات السعادة

ونسقط على أوراقها العبرات

حينما تحنو على خفقان قلوبنا


تحية لك
وليــد

قوس قزح said...

gana magde

اجل عزيزتى .. فلقد صدق من قال لو بطلنا نحلم نموت

الخيال و الاحلام هى الملجأ الوحيد لنكون فيه نحن بدون قناع او خجل

تحياتى

قوس قزح said...

fahd

سعيدة بانى كنت سبب فى ايقاظ مشاعر جميلة بداخلك
و اتمنى ان ارى انتاجك قريبا


تحياتى

قوس قزح said...

احمد كمال

دايما يكون الخيال اجمل ..و نتمنى ان يصبح واقع
و حتى ان كان الواقع جميل ..سيصبح بدون خيال كالنهر الراكذ الذى لا نرى ما بداخله
ليس كل الخيال هروب..و ليس كل الخيال يبغض الواقع

ولا تنسى عزيزى اننا نجتمع فى عالم خيالى و كل ما يشجى بما يراود خياله


تحياتى لواقعيتك الراضية

قوس قزح said...

البت المشمشية حلوة بس شقية

لا مشمشة متخفيش على نفسك..اصل عمر الشقى بقى و انتى الشقاوة بتنط من ورا نضارتك يعنى هتعرفى كل حاجة فى الدنيا قبل ما تموتى :))

قوس قزح said...

نهر الحب

فى بعض الاحيان نحتاج ان نشعر بمشاعرنا الانسانية الرقيقة ..ولان الحياة كالقطار الذى فقد فرامله .. لا يسعنا الا ان ننظر من نافذته و نحلم باقتراب محطة تغير مسار القطار او تغير من سرعته و تاخذنا الاحلام لما هو ابعد من ذلك ..و فجاة نكتشف اننا خلف لوح زجاجى لا نتحرك و لكن يتحرك الزمن من حولنا .. و من هنا يأتى الحزن ليمتزج مع الجمال


تحياتى

قوس قزح said...

sherif

صديقى العزيز

اتعلم جملة كن جميلا ترى الوجود جميل ؟

اكيد انت تحفظها عن ظهر قلب

لانها تنطبق عليك ..فانت ترى كل ما حولك جميل و ملائكى ..مثلك

تحياتى و مودتى

قوس قزح said...

وومن

وضعت لك على مدونتى سليد شو فيه ازهار التيوليب
اتمنى ان تنال اعجابك


هل هناك من لا يعشق الورد البلدى او كل ماهو يتسم برائحة بلدى !!! ابدا :)

قوس قزح said...

Arabic ID

اراك كالناسك الذى لا يغادر محرابه
لذلك عندما المح اسمك بين الحضور .. ادرك ان ما اتى بك الا كلام مس قلبك الرقيق

فما بالك ان يكون هناك بوست لك ردا على كلمات لى

حلم .. لم اتوقعه

قوس قزح said...

!!! عارفة ... مش عارف ليه

كلماتك دليل على عشقك

فمن يدرك ملمس التيوليب لابد ان يكون من زوار سما العشق

و من يرويها بعبراته لابد ان يكون من مفارقيها عاد الى الواقع

سعيدة وجودك صديق قريب فى الواقع على عاشق هائم لا اعرفه فى السماء

تحياتى

Anonymous said...

ايه ده كله ايه ده كله

خيال وساع

عاطفة ملعلة

كلمات فحلوئية مفهفه

و حاجات حلوة كتير

Diyaa' said...

عايز أضحك علي تعليق شوكت بس الأول

أنا أعرف التيوليب كصورة بس لكن محصليش الشرف وشفته
وفي تعليقين الإتنين عكس بعض بس متطابقين أوي ..وبالصدفة الإتنين باشمهندسين :)
ممكن وإحنا بندور علي الجمال في الخيال نكون فعلاً فوتنا فرصة جميلة في الواقع
لكن في نفس الوقت بيفضل الخيال استراحة جميلة ويا رب وإنتي رايحة تلاقي الونيس :)

قوس قزح said...

شوكت

انت مش شوكت يا شوكت
هههههههه

قوس قزح said...

Diyaa'

المهم الاعتدال فى الجمع بين الاتنين
مينفعش حاجة تجور على حاجة و الا نلاقى نفسنا يا زى الحجر او زى الهوا

تحياتى

Sagy said...

أريج إحساسك أذاب فكرى
ولم يبقى سوي روحى طائرة مع كلماتك
وتخيلت انى تلك الصورة الهائمة التى وضعتيها
وأفقت على أنى هنا على البلوج

احساسك جميل يا داليا

ورغم صعوبة ايامنا وصعوبة الصدق والقيم فيها
إلا أن يقينى بالله أن هناك من سأجدهم فى حياتى مثلك وها انت ذا تملئى ربوعى بجنتك الجميلة واحساسك الراقى

بعد قرائتها اخذت نفس عميق كى أعود

So sensitive and TOUCHED :)