Thursday, February 12, 2009

فالنتين و طيارة ورق





كل سنة وانتم طيبين بمناسبة عيد الحب
و يارب دايما تكونوا فى حالة حب للخير زى ما اتعودنا معاكم
عيد الحب السنة دى عايزينه يكون مختلف
عايزين نقول الناس اللى مش بتحتفل به اننا يهمنا نكون معاهم يومها و نقولهم اننا بنحبهم
و ده هنقدر نعمله من خلال جمعية صحبة خير يوم السبت 14 فبراير
اللى عاملة يوم لمشاركة الاطفال و الناس فى العشوائيات مشاعر الحب و الاهتمام و نقولهم ان كل اللى بيعملوه اد ايه مهم لهم و لنا و للبلد كلها
و تفاصيل اليوم كالاتى
12:00 - 12:30
تعريف باهداف الجمعية و نشاطها و انجازاتها
12:30 - 01:00
مسرحية الاطفال اللى كنا اعلنا عنها قبل كده و هى من تأليف اطفال اشوارع و تمثيلهم
01:00 - 02:30
مسابقات و ماتش كرة
02:30 - 03:00
استراحة
03:00 - 04:30
طيارات ورق اطفال الشوارع عملوها و هيطيروها فى الجو و دى شعار الحلم لاسطبل عنتر
يومها هتكون نقطة التجمع من الساعة 11 لحد 11:30
فى محطة الزهراء لمترو الانفاق
او عند محطة بنزين التعاون اللى عند كورنيش المعادى
و دى ارقام الناس اللى هتكون فى انتظارنا يومها
مهاب 0128068016
هالة 0106399441
على 0105393135
نفين 0105215288
ياريت نشارك فى اليوم ده بوجودنا معهم و كمان هيكون فى صندوق تبرعات للى يحب يشارك فى مساعدتهم ماديا
وكل عيد حب و انتم بخير




لحد هنا كلامى و الجزء الجاى كلام ابى بتنجانى و مهم جدا لانه فيه موضوع محتاج مساندة منا لمدونة فى مشكلة




طبعا اللى كاتب كل اللى فوق ده قوس قزح اكيد مش انا انا معرفش اكتب الكلام بالشكل ده يعنى لازم تلاقوا حاجات واقعه وحاجات متلخبطه وكلام مش مفهوم بما انى اصلا مبكونش فاهمه


المهم اللى هيجي يدخل يقولى فى التعليقات علشان ادعيله


واللي مش هيجي يدخل برضه يقولى علشان اقرا الفاتحه للنداله :))))انا هلعب كوره مع الاولاد واللى هيجي هيلعب معانا وهخليه يقف جون كمان عاوزين نعمل حاجه كويسه واليوم هيبقى لذيذ تخيلوا طول اليوم مع اطفال يا سلام بجد ومش اي اطفال دول محتاجين يحسوا اننا بنعاملهم كويس


انا بجد فرحانه كأنه يوم عيد علشان هلعب معاهم وهتبسط طبعا مصلحتى اولا وبما انى بيغلب عليا طابع الاطفال


فهكون مبسوطه




ملحوسه كونتوسه:- مدونه وصحفيه جميله انا شخصيا معرفهاش اسمها اسر ياسر عرفت حكايه حصلت ليها من عند استاذ احمد شقير وهى محتاجه لدعمنا لها معنويا ان شاء الله هكتب عن الموضوع على يوم الاحد من وجهه نظري بس يا ريت تشوفوا الحاله اللى وصلت لها البلد اسر دي ممكن تكون اختى وبنت زي واخت اي ولد فيكوا
انطح هنا هتروح عندها
و ده جروب على الفيس بوك لمساندتها


كان معكم لواء طيار اعالى السحاب والترع ابى هانم انظر حولك




حكمه الامبراطوره


لما الدنيا تديك ضهرها لف وشك وعاكسها الدنيا زي البنت الحلوه بتحب اللى يدلعها


وعجبى




و تكميل لحكمة ابى بتنجانى




و ان الدنيا مضحكتش فى وشك اديها قفاك و متعبرهاش اصل فى بنات متجيش الا كده






27 comments:

Anonymous said...

ربنا يخليكوا لفعل الخير دايما

ان شاء الله موجود

رابطة هويتي اسلامية said...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

Anonymous said...

ان شاء الله لو ربنا يسر هكون معاكوا

رئيس جمهوريه نفسى said...

طيب خلى اابي تقرة الفاتحة في الندالة دلوقتى لانى تقريبا بتحددو ايام عند يكون يا عندى فيها شغل يا صابح عندى شغل بس ياريت يا داليا والنبى عايز صورة فى الخباثة كدة لكابتن برعى وهو بيلعب كرة

ربنا يقدركم دائما على فعل الخير ان شاء الله ويارب يكون فى ميزان حسناتكم ان شاء الله

أحمد سعيد بسيوني said...

كان الله في عونكم و وفقكم لك خير

قوس قزح said...

sherif

يشرفنى و يسعدنى وجودك دايما

قوس قزح said...

اسامة عبد العال

ان شاء الله تقدر تشارك بس انت انوى و ربنا يسهل

قوس قزح said...

رئيس جمهورية نفسى
بس كده
غالى و الطلب رخيص
انا هوصى الولاد يجننوها و يدخلوا فيها اجوال كمان هههههههههه

و ياسيدى لو على المشاركة حدد انت امتى تكون فى القاهرة و احنا نظبط يوم ان شاء الله

قوس قزح said...

احمدسعيد بسيونى

جزاك الله خيرا على دعواتك

فشكووول said...

ربنا يقويكم يا قوس قزح وتقدروا تفرحوا الولاد اللى حتزوروهم
بس انت خليتى ابى هانم بتنجانى تكتب عندك وتقول كلام كله بتنجان فى بتنجان وحتخلى المدونه بتاعتك بتنجان وساعات حتلاقيها برنجان
هى اسر ياسىر عرفات دى بنت ياسر عرفات اللى هو ابو عمار .. الاسم قريب من كده
تحياتىيا قوس قزح ويا ابى هانم بتنجانى

همس الاحباب said...

امممممممممم
كده ندالة
ما فيش فايدة فيكم
ربنا يستر
تحياتى

صبرني يارب said...

ربنا يكرمكم يارب

تجمع قبل الدراسه بيوم يا غتته
ما عليناااااااا

وبالنسبه لموضوع اسر هاروح اشوف ايه الموضوع

ازيك يا دولي وحشاااااني موت

mahasen saber said...

يا ريت اى حاجه زى كده تقولوا من قبلها باسبوع على الاقلل لاما هقرا الفاتحه انا فى عدم التنسيق

لو ربنا يسر هحضر طبعا انا والمقروض ابنى
بجد نفسى اربى روحه على التجمعات دى

وان شاء الله هحاول بأذن الله تعالى

ازيك يا قوس

وازيك يا ابى

Mafrousa said...

و الله الفكرة حلوة اوي
ياريت الناس كلها تقدر تشارك و تروح و تشجع الاطفال دول على عمل حاجة كويسة
تحياتي ليكي و لعرض الموضوع

اما يارحاب ممكن تقري الفاتحة بس بلاش على الندالة لان ممكن يكون فيه ظروف خاجة عن ارادة الواحد
مش شرط كل من لم يحضر يبقى ندل


اما عن البلوج انا فعلا زرتها و سيبتلها تعليق
تحياتي ليكو

رندا said...

دوللتى

كل يوم بعرف اكتر انك جميلة اوى اوى
وكل يوم بيزيدنى شرف انى اتعرفت عليكى وكل يوم بتكبرى اوى
ربنا يبارك فيكى ويثيبك على فعل الخير ويكون فى ميزان حسناتك

تستاهلى كل الدعوات من جوة قلبى

اما عن لعب الكورة لا معطلكيش بقى
انا رجلى مش ناقصة هههههه
كدة هرجع فى الجبس تانى ياكابتن دولى
بحبك اوى على فكرة

إيمان قنديل said...

ربنا يقدركوا على فعل الخير دايما ويملا قلوبكم بالإيمان

الرابطة وبناء الأمة said...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

ahmed_k said...

طب يعني دلوقتي أنا أنسخ التعليق اللي كاتبه عند آبي ولا أيه
على أساس أن البوست زي بعضه
عموما أنا رغم اني مش بحتفل بعيد الحب ولا حاجه عشان لسه متجوزتش ولما اتجوز برضو مش ححتفل
رغم كده أنا كنت جاي وشديت الرحال وطلعت من الغردقه إنهارده الفجر ومشيت حوالي 80كم والعربيه عملت حركات بايخه فقلت أرجع أحسن ما تقف مني خالص في الصحراء التي لا زرع فيها ولا ماء
فأنا بجد كان نفسي أشاركم اليوم الجميل ده مش لأنه عيد حب لأ لأنه عيد بتجمعكم ولمتكم وبالجمعيه الرائعه صحبة خير والأطفال اللي بترعاهم
بس للأسف مليش نصيب
خيرها في غيرها

أطيب وأخلص امنياتي

(احمد سكر ) said...

ربنا يوفقكم

ودعواتك ااقدر اخلع من الشغل واجى


تحياتى

Unknown said...

بارك الله فيكى يا داليا
ودايما فى الخير بأذن الله متجمعين
انا اسفة والله مش هقدر اجى المرة دى سامحينى

فشكووول said...

اشكرك على الزياره ياقوس قزح والله نورتينى وشرفتنيى وانت دايما سباقه
تحياتى

dodda said...

الحمد لله انى جيت
مبسوطه اوى من المكان اولا
وبفكر فى اللى اتكلمنا فيه
ادعيلى

بجد مش مجامله انا مبسوطه انى قابلتك
ويا رب دايما فى الخير

محمد عتلم said...

بتنجانى
هوا انا كل ماروح اى حته الاقيكى موجوده ؟؟ اعديلك فى حته خيلتينى

محمد عتلم said...

قوس قزح
ازيك
انا كان نفسى اكون معاكو والله بس ملحوقه انشاء الله

قوس قزح said...

فاشكول
هى مش اسر ياسر عرفات
هى اسر ياسر بس
جيبت عرفات دى منين !!
كل ده من البتنجان هههههههه

متخفش عليا من البتنجان انا بحبه :)

قوس قزح said...

همس الاحباب
معلش يا خالد
و الله عرفت متاخر
انت عارف فى العالب بقول قبلها بمدة
معلش خيرها فى غيرها
و انت بصراحة دايما سباق بالخير
متكونش طماع بقى :)

قوس قزح said...

صبرنى يا رب
و الله ما انا اللى محددة اليوم
دى دعوة من غادة جبر من جمعية صحبة خير

و بعدين انتى كل مرة بتقولى هحاول اجى
اعملها مرة بقى
عايزة اشوووووفك

يا اما هنطب عليكى عندك
انتى حرة