Wednesday, March 25, 2009

هات كتابك و خد كتاب

تحديث
اول حاجة
يوم الجمعة محتاجين حد يكون محضر نفسه علشان يحكى قصة للاطفال و حد تانى يتكلم معهم عن المدونات
لانى اكتشفت ان سياسة الولاد هناك .. علمنى حاجة او انا اعلمك حاجة
يعنى عيب اوى نروح و منقدرش نعلمهم حاجة و هم اللى يعلمونا

تانى حاجة
حفلة توقيع كتاب الاستاذ شيرين تبدا 6 مساء مش 7 مساء



هات كتابك




يوم الجمعة 3 - 4 هيكون معادنا ان شاء الله ليوم هات كتابك و اليوم ده هنحاول فيه نعمل تنمية ثقافية لاطفال العشوائيات و هتكون مشاركتنا عبارة عن اى كمية من الكتب و المجلات الخاصة بالاطفال ممكن تشارك بكتب و مجلات قديمة او جديدة للعلم الاطفال اللى هناك مش ايتام و اليوم ده مالوش علاقة بيوم اليتيم
تفاصيل الموضوع على بيكيا


و اللى فوق ده البانر لليوم للى يحب يعلن عنده عن اليوم ده






خد كتاب



اما يوم الاحد 5 - 4 ده هيكون حفلة توقيع كتاب ليست الا بعض اوراق للمدون الاستاذ / شيرين الكردى و ده هيكون الساعة 7 مساءا فى مكتبة ديوان فى مصر الجديدة
تفاصيل الموضوع على مدونة



ارجوكم اللى ناوى يحضر اى اجتماع من الاتنين يبلغنى هنا او على الايميل الموجود على البروفايل علشان مهم المرة دى نعرف العدد المشارك

31 comments:

Asmaa N. said...

اتمنى تبادل الروابط مع مدونتي فاشون فور عرب
المدونة تختص بي كل ما يهم المرأة العربيه في عالم الازياء, الجمال, الماكياج, الاتيكيت و مواضيع ونصائح من اكبر خبراء التجميل و خبراء الموضه
الرابط المدونة: http://fashion4arab.blogspot.com/
برجاء ارسال الرد علي :
جروب فاشون فور عرب على جوجل
http://groups.google.com/group/Fashion4arab?hl=en
البريد الخاص بالمدونة
Fashion4arab@gmail.com

حنين القلب said...

كان نفسى اكون معاكم

بس انتى عارفه انا محظور عليه الخروج بره اسكندريه

اتمنى ليكم قضاء وقت ممتع
وربنا يقدرك على الخير يا حبيبتى

hasona said...

السلام عليكم

فكرة جميلة

تصوري كل يوم فيه أبداع
وأفكار خلاقة

،،،،،

علي الهامش

مبروك علي اللقاء
وان شاء الله يتكرر كتير
ويصبح تقليد شهري


ربنا يجمعكم علي الخير دايما


تحياتي ودعواتكم

Asmaa mahaba said...

حلوه قوى الفكره دى يا حماتى ومبروك للاستاذ شرين عقبالك
معرفش ظروفى حتبقى ايه انا على وش ااستمحانات للاسف دعواتك

فاتيما said...

أنا فرافيرو يا دوللى
فى الأتنين إن شاء الله
وإعملى حسابى
أشوفك على ألف خير يومينها بقى
بوسة و حضونة

يا مراكبي said...

فكرة جريئة جدا .. ما تخطرش على بال حد أبدا

أحييكم بشدة

Empress appy said...

انا بقى مش جايه الا لما واحده تعدي عليه وبالعربيه زفلط بتاعتها ابقى قولى ليها علشان لازم وحتما ولابدنا تعدي عليا عند البيت يا كده يا مش لاعبه نيهاهاهاهاهاها

mahasen saber said...

الاجتماعين اهم من بعض

اجتماع الكتاب رائع وفكرته تحفه

واستاذنا شريف لا يمكن نفوت فرحتنا معاه بحفلة توقيع كتابه الاول
ربنا يوفقله كل خير

ويعينك على كل خير يا دولى يا جميله

عارفه بحب اسم دولى قوى اصل كان فيه فيلى لبربارا استريسند اسمه بايباى دولى حاجه زى كده المهم كانت ظريفه فيه وطبعا كان اسمها دوللى فيه

ربنا يبارك فى كل دوللى واهمهم قوس قزح طبعا

Beram ElMasry said...

السلام عليكم ورحمة الله وبركاته
اتمنى زيارتكم لمدونتى وابداء الراى فى الموضوع المطروح السلام ومن نسالم ، فلا تتاخروا ولا تبخلو ا بالمشاركة
لك تحياتى والسلام عليكم ، ولا سلام مع اليهود
بيرم المصرى

Anonymous said...

ان شاء الله مشارك
عبد الجليل

ahmed_k said...

السلام عليكم إزيك يا داليا
والله فكره جميله موضوع كتب الأطفال
فعلا أفكارك رائعه وتستحق التقدير
بس يا ريت الولاد يقروا الكتب دي
وأنا بودي أحضر بس مش عارف ظروفي فلو أمكن حآجى إن شاء الله أفضل واقف
يعني مش لازم كرسي أهو الواحد يعتبر نفسه في الجيش

صبرني يارب said...

على فكره انتم بتنشنوا فى مواعيد عجيبه

ابقى باركي لشرين يا دولي بنيابه عني

مواعيد رخمممممممممممممه
عااااااااااااااااااااااااااااااااا

صوت من مصر said...

بجد فكره اكثر ممممتازه

قوس قزح said...

shop gurl

مدونة جميلة و ان شاء الله نتواصل

تحياتى

قوس قزح said...

حنين القلب

انا عارفةيا حنين

بس عندى احساس ان فى يوم من الايام هنكبر اوى و نلف مدن مصر كلها و وقتها احنا اللى هنيجى لحد عندك

قوس قزح said...

hasona

و الله احنا بنحاول يكون فعلا حاجة مستمرة و دايمة
و ربنا يسهل و نقدر فعلا نسعد الاولاد دول


تحياتى

قوس قزح said...

سومة ..مجنونة فى بلد عاقل

الله يبارك فيكى
ياريت تحاولى تحضرى اى حاجة من الاتنين
لانك وحشتنى جدا

قوس قزح said...

فاتيما

يا سلام يا ست طمطم و هو انا كنت هسيبك بعد ما تروحى اسكندرية ؟؟
لا طبعا لازم تيجى مفيهاش فصال من غير ما تقولى :)

هتنورينا

قوس قزح said...

يا مراكبى

ربنا يخليك
الحمدلله انها عجبتك و يارب تعجب الاطفال كمان

تحياتى

قوس قزح said...

Appy

تصدقى انا بفكر ابيعها و بفلوسها اجيب تاكسى بسواقه
و بعدين هى متعرفش بيتك فينك
و عايزة لها شهرين علشان تعرفه ههههههه

اوعدك المرة اللى بعد بعد بعد الجاية تعملها

يا شريرة يا آبى

قوس قزح said...

mahasen saber

طبعا عارفة الفيلم ده :)

و يارب تحبى اى دوللى تعرفيها

هنستناكى بقى فى الاجتماعين ان شاء الله

بوسة لك و حضن لبيرو

قوس قزح said...

Beram ElMasry

و عليكم السلام و رحمة الله و بركاته
حاضر حالا هروح اشوف الموضوع هناك
و يارب يكون خير و سلام

قوس قزح said...

الاستاذ عبد الجليل

يشرفنى مشاركتك معنا
و فى انتظارك ان شاء الله

قوس قزح said...

ahmed_k

و عليكم السلام
ازيك انت يا احمد ؟
و الله يا احمد احنا هنحاول و يمكن المحاولة تجيب نتيجة
و علشان كده بطلب كتب اطفال مش اى نوع من الكتب يعنى

مكانك محفوظ ان شاء الله فى اى وقت تشرف فيه

قوس قزح said...

صبرنى يارب

يعنى اقطع نفسى ؟
اعمل فيكى اااايه
ان ما فى معاد نافع معاكى

اقولك
نظمى انتى معاد و تعالى
ايه رايك بقى ؟
مالكيش حجة اهوووووووو
يا رخمة هههههههههه

قوس قزح said...

صوت من مصر

اشكرك
و يارب تقدر تشارك معنا واهى فرصة نتعرف عليك

وليد said...

ربنا يوفقكم يارب وتكون عون للخير دايما مع بعض وتتجمعوا فى الجنة ان شاء الله كان نفسى اكون معاكم بس للاسف عندى ظروف دعواتكم وانا معاكم بقلبى وان شاء الله ادعيلكم اليوم يكون موفق وميكونشى فيه مشاكل وان ربنا يتقبله منكم

ميرا ( وومن ) said...

دودو

غن شاء الله معاكم في يوم الكتاب

توقيع بقي أستاذ شريف

الف الف الف مبرووك ليه بس انتم بتغيظوني يعني تسيبوا جاردن سيتي اللي عمري ما روحتها ولا اعرف بتتراح ازاي

وتسيبوا مكتبات البلد كلها وتختاروا المكتبة الوحيدة اللي كان مرواحي ليها رحلة عذااااااب في عذاااااب
ماشي ماشي
ابقي اشتريلي نسخة بقي وخلية أ/ شريف يوقع عليها
:(

عالم ماريونت said...

ممممممممم

بجد فكرة اكثر من رائعة
ملفت للنظر في الجيل الحالي انه لا يقرأ

انا عاجباني المباردة جدا جدا بس نفسي اعرف هتعملو اية في يوم اليتيم؟؟؟؟؟

تحياتي ليكم وربنا يوفقكم


رنا

محمد عتلم said...

الووووو
انا جاى اصبح عليكو
اخبارك ايه يا قوس قزح

rtrcbh said...

السلام عليكم ورحمه الله وبركاته

السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان

( ادم ويحيى ، تجربة تدوين )

اليوم هو استفتاء على تجربة تدوين

اليوم نعرف من هو أبو يحيى وادم وكذلك ادم ويحيى من هم ومن والدتهم

اليوم نعرف حقيقة هذه المدونة وما هي رسالتها الحقيقة وهدفها

اليوم رسالة اعتذار لكم عن بعض الأمور

اليوم رسالة شكر من كل قلبي على أمور أخرى

اليوم استفتاء حول منهج مدونة ادم ويحيى

اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم