Saturday, April 4, 2009

هو روش و هى وش






فى كافيه فى منطقة الزمالك يحتوى على اربع ترابيزات صغيرة حولها تلات كراسى او اربعة .. اجد هناك دايما بعض طلبة الكليات المحيطة للكافيه يأتون للاستراحة قليلا من المحاضرات و الاستمتاع بكوب من النسكافيه الفاخر مع سيجارة او قطعة جاتوو


يكون استمتاعى انا بمشاهدة نظراتهم و رد فعلهم كنوع من مشاهدة تطور الجيل الجديد


بالرغم من ملاحظاتى الكثيرة الا اننى انتبهت لنقطة تحول مهمة لدى الجنسين


فأجد ان البنت تسعى لاثبات انها ب 100 رجل و لكن لسه فى الجدعنة و انما فى اسلوب الكلام فهى قامت بتظبيط فلان و طرقعت فلانة و تكلمت بأسلوب حاد مع دكتورها فى الجامعة او شتمت التاكسى الذى اقرب منها و هى تتمخطر فى وسط الطريق


و اجد االشاب لم ينسى ان يظبط حرف البوكسر حتى يظهر من البنطلون الايلا للسقوط و لم ينسى انتقاء الكوفيه الروز حتى تكون فاشون مع وضع القليل من زبدة الكاكاو وايطالة شعره حتى الاكتاف


لقد اختلطت المفاهيم عند الشباب بين الصفات الانسانية و الصفات الخاص بجنسه فليس معنى ان تكون البنت ذات شخصية قوية و متحملة للمسئولية ان تتمتع بصفات الرجل و بخشونة الفاظه


و لا معنى ان يكون الولد رقيق المشاعر ان يرتدى اللون الروز و يتحدث بميوعة و دلال


يجب علينا الفصل جيدا بين الصفات الانسانية و التى يمكن ان يتمتع بها الجنسين و بين الصفات الخاصة بكل جنس على حدة


كأنسان يجب ان نتمتع بالشجاعة و سماحة الاخلاق ، الجد و اللين ،الكبرياء و العطف ، الحب و الود ، الاختيار الجيد لما هو مناسب لنا و لمجتمعنا


لكن كأنثى فلابد من وجود الحياء و الرقة و الانوثة و الصوت المنخفض و الملابس المناسبة كانثى و كرجل لابد ان يتمتع بالرجولة و ان يشعر من حوله بالامان و الحماية و ان يكون قيادى و مسيطر على الموقف
و هنا لا اطلب من الفتاة ان تكون مجرد كائن ناعم و ضعيف و لا ان يكون الرجل وحش كاسر
و لكن الاعتدال فى الصفات الانسانية مطلوب و الميل للصفات الخاصة بكل جنس مطلوب اكثر
و ليس من الصعب الجمع بينهم فلا ارى ان الرجل بحنوه على من حوله و رقته فى اظهار مشاعره .. ضعيف



ولا البنت التى لا تتنازل عن حقها و تحصل عليه بكل الوسائل .. مسترجلة
و لكن عندما ارى ولد يرى فتاة يتم التحرش بها و هو يطلب من صديقه ان يشاهد معه جراءة المتحرش و انهيار الفتاة
هنا اقول عزيزى اهلا بك فى عالم الانوثة
و عندما ارى فتاة تشتم و تسب و تلعن فى الشارع معلنة عن قوتها العضلية المتمثلة فى حذائها
هنا اقول عزيزتى اهلا بكى فى عالم الفتونة
لا تفقدوا ملامح جنسكم معتقدين ان هذا ما يلفت النظر لكم
فالله خلق الانسان على فطرة صعب ان تتغير
فالرجل دائما يجذبه المراة الرقيقة ذات الحياء
و الفتاة دائما ما يجذبها الفتى القوى القائد المسيطر الذى تشعر بجانبه بالامان





عيش كما خلقك الله فانه احسن خلقك فلا تغيره

65 comments:

همس الاحباب said...

عيش كما خلقك الله فانه احسن خلقك فلا تغيره
بداية من النهاية
لانه برغم روعة البوست
واسلوبه الجميل
الا انكى اختصرت المجمل فى ايجازك لتلك الجملة
تسلم ايديكى على هذه الكلمات
تحياتى

Empress appy said...

هههههههههههههههههه ماشي
ماشي
ماشي علشان كده مش باينه النهارده طيب وحياه حبك يا ناسينى لاوريك
بصى هفوق واظبط وبعدين اعلق لانى محبطه من امبارح بجد

Empress appy said...

اه افوق مش معناها اشرب نيسويك يعنى ولا افطر شيكولا
لا هشرب قهوه واجي

Empress appy said...

اه على فكره برضه الزمن اللى احنا فيه هو اللى عمل كده ها بقى بس

محمد فارس said...

الاخت الغاليه قوس قزح
موضوعك جميل واجمل ما فيه وصفك الدقيق للحياه التي نعيشها الان ونشمئزمنها
وعلي فكره الناس ديه فاكره نفسها صح واحنا المتخلفين ومش عارف الشباب دول لما يتزوجوا هايجيبوا اولاد شكلها ايه
ربنا يرحمنا
مع تمنياتي لك بالسعاده

بلاش فضايح said...

وضحتى نقطة منتشرة جدا بشكل مزعج
فعلا البنات مسترجلة والولاد أحوالهم متسرش عدو ولا حبيب

طيب لو التمسنا العذر للبنات وقولنا انهم مسترجلين علشان الزمن اللى احنا فيه مينفعش فيه البنت الضعيفة الفريسة

طيب الولد ايه اللى غير أحواله؟
بيلبسوا تيشرتات عليها ترتر وخرز
وألوانها البنات تتكسف تلبسها
و حتى فى طريقة كلامه تحسى انه دلع كدة
دة حتى رجالة اليومين دول معدش ليهم شخصية ولا رأى ولا اى حاجة

بس ايه السبب محدش عارف

اسكندراني اوي said...

للاسف الامور اتلخبطت
والمفاهيم اصبحت شوربه
ربنا يرحمنا

Anonymous said...

على فكرة

مرة فى امتحان التويفل زمان كان فيه موضوع عن كده .. وخلاصة الموضوع ان حضارة المجتمعات تقاس بجنوح الرجل لبعض الرقة .. وتخفف المرأة من شدة الليونة الى درجة الميوعة

وضربوا مثلا بالمجتمع الشرقى فى عصر البترودولار الذى لاتسمع فيه غير زئيرالرجل .. وفى المقابل سيدة الصالون التى اقصى ماتستطيعه هو طلاء اظافرها مع خدم كثير من الفلبين وغيرها

اما فى الغرب فالرجل هو أكثر رقة والمرأة تمتاز بجدعنة واداء امور كثيرة كانت حكرا على الرجل

بالتأكيد هذه ليست قاعدة عامة .. لكن رأيى يميل للمرأة الجدعة دون استرجال .. يعنى شقيانة وجادة .. والرجل الجنتل مان

تحياتى

شفـقــة و إحســــان said...

الله عليكى بجد وعلى كلامك....هايل والله انتى قلتى الموضوع باسلوب سلس وجميل وفى نفس الوقت مقنع
بس يارب يفهموا ويتعلموا
تحياتى

شمس النهار said...

ده اصلا عيب في التربيه وغلط من الام
انا كنت بنت علي ولدين ولما كنت احب اقلد اخويا وانا صغيره كانت ماما تفهمني ان البنت بنت والولد ولد وتعرفني ليه وعشان ايه وازاي
وانا اعتقد ان قمة قوة المراه هي انوثتها

حاجات جوايا said...

رائعة أنتى يا داليا
فعلا اللى بيحصل ده بقى كتير أوى
ورغم انى لسه مكملتش ال30 الا انى بقيت حاسة انى دقة قديمة لان الاجيال اللى بعدى اتغيرت تغير جذرى
وبجد بجد بقوا حاجة مثيرة للاشمئزاز
مش كلهم يعنى الحمد لله بس نسبة كبيرة منهم

مستفزة جدا صورة الولد اللى لابس شميز روز ده

خالص ودى
سالى

Anonymous said...

عيش كما خلقك الله فانه احسن خلقك فلا تغيره
جملة اعجبتني جدا
عبد الجليل

محمد عتلم said...

اه والله صدقتى

عمرو said...

أسعد الله صباحك يا قوس قزح ..
طيب ما كل المفاهيم و المعايير و المقاييس أختلطت بالفعل بسبب مجريات العصر العبثى اللى بنعيشه و ده لا شك فيه فيبقى ليه كمان سلوكيات الولد و البنت مش حيتغيروا ؟؟!!
المشكله فى مدى و كيفية تقبلنا التغير العارم الوارد لينا من بره و مدى هضمنا و اٍستيعابنا له و كيفية فرزه لأخذ ما يناسب مجتمعنا الغلبان المسكين المتخبط اللى فقد البوصله و بقى مش عارف رايح على فين ؟؟
تحياتى لك على هذا البوست ..

طارق هلال said...

الحكاية استسهال
الأسهل المظهر من بناء الشخصية فلذلك يلجأ إليه من يريد التظاهر بصفة ليست منه
والمظهر طبعا سواء بالمبالغة فى التصرف ومراعاة ملاحظة الأخرين لما أريد اقناعهم به
أو بالشكل الذى يوحى بذلك وفقط

وعلى فكرة إن شاء الله هاجى النهاردة حفلة كتاب استاذ شريف ولكن بيتهيألى صعب الساعة ٦

تحياتى ليكى

قوس قزح said...

همس الاحباب

لو كل واحد يرضى بالجملة دى
كان فى حاجات كتير اوى هتفضل ميلة زى ما هى

تحياتى

قوس قزح said...

Appy

هههههههههه لا و الله صدفة ان طول اليوم بره مش اكتر
سلامتك من الاحباط يا جميل

قوس قزح said...

Appy

النيسكويك و الشيكولاتة من حقنا تماما يا فندم فى الفطار

المراة العاشقة الاولى للشيكولاتة
و بعدها الاطفال

و بردو القهوة شغال

لكن لو فؤتى على طبق فتة بالكوارع كده فيها كلام تانى هههههههههههه

قوس قزح said...

Appy

الزمن ممكن يحكم على البنت تكون ب 100 رجل .. لكن مش يحكم عليها تكون زى الرجل

و بعدين زمن ايه المنيل اللى يحم على الولاد يكونوا خنافس ؟؟ هنا بقى اقولك هات الشبب نصطادهم به

قوس قزح said...

محمد فارس

و الله يعنى لو مشينا بنفس المستوى ده يبقى كمان جيلين او 3 اجيال
هيبقى الاغلبية جنس تالت بقى
و لازم وقتها نسال اللى قدامنا اول سؤال فى التعارف انت ولد ولا بنت

تحياتى

قوس قزح said...

nona

و النبى اسكتى لحسن التى شيرتات ام ترتر دى غيظانى اوى
ولا كمان فى جزم بترتر

يعنى الالوان البينك و الموف الفاتح و الاحمر ماااشى هنقول الالوان مفيهاش حاجة
لكن الترتر و الجليتر و البادى و البنطلون اللى هيقع و الجزمة ام ترتر .. دول ايه بقى
اومال البنات تلبس ايه ؟؟

قوس قزح said...

اسكندرنى اوى

شوربة سى فوود طبعا
ههههههه
اذا كان المظهر كده بقى شوربة
الخوف ليكون الجوهر بقى سلطة
علشان كده بشجع الفحص قبل الجواز


تحياتى و نورتنى بالزيارة

قوس قزح said...

sherif

يعنى السبب ايه ؟
هل الرفاهية بتزيد من رقة الرجل .. ولا كتر فشله فى انه يكون قد المسئولية ؟
و المراة هل من الظروف اللى حواليها بتكون مسترجلة .. طيب ليه لما تيجى لها فرصة تكون انثى .. بترفضها ؟؟
و ليه بنت البلد من زمان معروف عنها انها عندها دلال عالى .. مع انها لا هانم ولا حاجة ؟

فى اسباب للحكاية دى .. بس ايه هى ..ده اللى محتاج لدراسة

تحياتى

قوس قزح said...

شفقة هانم و احسان بيه

يمكن الاهم قبل ما يفهموا .. اننا نعرف ده سببه ايه

مع ان لو سالتى اى طرف فيهم هيقول بحب البنت اللى فيها انوثة و العكس بردو

طيب ليه بنحاول نكون العكس
حاجة غريبة مش كده ؟

تحياتى

قوس قزح said...

شمس النهار

اكيد طبعا الام عليها عامل فى تربية الاولاد
بس فى بنات بيحصل لهم التحول ده فى مرحلة الجامعة
و فى الوقت ده بيكون تأثير الاهل مش مؤثر اوى
و ده بشوفه فى شباب كتير
انهم بيشوفوا اهلهم مجرد عقبة قدامهم فى طريق الحرية

و اكيد بردو قوة الرجل فى رجولته

تحياتى

تحياتى

موجة said...

السلام عليكم ورحمة الله وبركاتة
كل ده بنشوفة بعنينا يوميا وهى كلمة واحدة اللى تتناسب مع الكلام ده
اقتربت الساعة
بجد
لما تلاقى الدنيا حالها اتشقلب
والحال اتغير
يبقى خلاص
اقتربت الساعة
ربنا يستر بقى علينا
تقبلى مرورى

موناليزا said...

هو دا الكلام
ربنا يعزك

Tamer Nabil Moussa said...

شباب كتير فاهم الحياة غلط

وفاهم الجعنة والشهامة والاحترام غلط

بجد كتير عايز اصلاح اخلاقى بمعنى الكلمة

بوست مميز.

تسلمى علية

تحياتى

Anonymous said...

هيئ هيئ هيئ
والله عندك حق الواحد بقي يخاف يعاكس واحده لتطلع واد خنفس
ربنا يسترها علينا

يا مراكبي said...

عندما تكون هناك تغيرات صارخة في شكل المجتمع .. تكون هناك دائما أحداث أو ظروف جسيمة أدت إلى هذا التغيير

فعلى سبيل المثال .. كان الإنفتاح في السبعينيات هو ما أدى إلى إمتلاك بعض الجهلاء لأموال طائلة أدت إلى إمتلاكهم لزمام الأمور في المجتمع فأفرز ذلك الإنحطاط الثقافي وإنهيار الذوق الفام

والسؤال الآن: ما هي الأسباب التي إستجدت في مجتمعنا لتسكون سببا في هذا الإنهيار الجديد الذي تحدثت عنه .. وهو أن يتحول الرجل في شكلة وأخلاقه إلى إمرأة والعكس؟

أعتقد أنه إنعدام الأمل والتقاتل على قوت اليوم وإنعدام القدوة .. بعد أن أصبح حثالة القوم هم صفوة المجتمع

kochia said...

احييكي علي هذا الموضوع الرائع
وفعلا الموضوع ده بقي ظاهرة فعلا عامة في كل حتة
التربية.. او ظروف المجتمع عملت كدة في البنت
البطالة ..او دلع الاهل للصبيان همل كدة في الولد
الاتنين فقدوا هويتهم اللي خلقها ربنا فيهم
واعتقد الاتنين هيكونوا عناصر في بيوت زوجية فاشلة بعد كدة

موضوع جميل
بس عاوز عمل ومتابعة

تحياتي

صبرني يارب said...

اصل يا دولي العيال بقوا مش تربيين
اه والله العظيم مش متربيين

الاهالي نسيوا يربوا عيالهم مش فاضيين

ahmed_k said...

طب اعلق أقول ايه على الكلام ده
أقول الله ينور عليكي
ولا لا فض فوك
كلامك يستق الإثنين معا بل أكثر
فللأسف نشاهد تلك المناظر كثيرا
ونسي هؤلاء أن الله لعن المتشبهين من الرجال بالنساء والمتشبهات من النساء بالرجال

موضوع جميل كالعاده
خالص تحياتي

مـحـمـد مـفـيـد said...

لان البنات والشباب فقدوا الاحساس بمفهوم الحياه ولانهم افتقدوا القدوه والتأثر بالغرب
فأصبح المجتمع كالمسخ
لاروح له ولا حياء فيه

micheal said...

هههههههههههههه..الحمد لله ماليش في جوار البوسكرات أم دباديب وقلوب دي خالص وبعدين يا داليا خلي الأخ برعي اللي عندك يسكت وميجبش سيرة النيسكويك تاني ويخليه في البزازة أم دخان..هع هع هع هع
عادي يعني والله شفت وقابلت ولاد ملامحهم وشكلهم الخارجي متديش علي ولاد خالص..شعر ناعم وصوت عادي وبياض فاقع بس ساعة الجد بيبقوا عيال جدعان وشفت ناس منفوخة علي الفاضي وعاملين فيها توتو عضلات وهما من جواهم عيل سييس ولاد سييس ومينفعش الواحد يعتمد عليهم في مواقف
وبرضه أنا بحترم البنات الجدعان اللي يقدروا يسدوا في أي موقف ويقدوا يعتمدوا علي نفسيهم وبكونوا محل ثقة بس أحلي حاجة بقي لما تلاقي بنت شخصيتها قوية وفي نفس الوقت محتفظة بأجمل ما في طبيعتها الأنثوية جواها
المظهر يعني مش كل حاجة
تحياتي ليكي وللكابتن برعي المفتش عبييب قلبي أبو لسان فالت بره منه علي طول
:)

قلب ينبض بالحب said...

مشكلتنا اننا بقينا بنتبادل الادوار وبعدين نيجي ندور على الراجل الي بمعنى الكلمة والست الي في منتهي الاثوة هيجوا دول ازاي واحنا نفسنا بلعب دور مش دورنا وعجبي

Asmaa mahaba said...

وبعدين بقى فى تلقيح الكلام اللى ع الصبح دا قصدك تقولى انى انا اللى كنت قاعده ولا ايه لعلمك بقى دى مش سيجاره عاديه دى ملفوفه مانجو:)
وازاى تيجى الزمالك ومشوفكيش مفيش اختراع اسمه تحلفون موكينيل واستئصالات وحودا فون
موصلش عندكم لسه ولا ايه
قولى تعالى حاجى يعنى تبقى جنبى ومشوفكيش

داليا ..قوس قزح said...

حاجات جوايا

و الله يا سالى هى مالهاش علاقة بالسن خالص
لان فى ناس كبيرة فى السن و بيكون عندها الاعراض دى بردو

هى بس زادت فى الشباب اوى اليومين دول
و انا مستغربة هى عندهم تحت انهى مفهوم
هل هى موضة مثلا و لا حرية و لا ايه
بس فى كل الحالات هى شاذة و مستفزة فعلا

تحياتى

داليا ..قوس قزح said...

عبد الجليل

اشكرك على مرورك
و اسعدنى ان بعض من كلماتى نالت اعجابك

تحياتى

داليا ..قوس قزح said...

محمد عتلم

و النبى يا محمد ابقى صور لنا صورتين تلاتة من العينات دى

و لك عليا انشرهم فى صفحة غرائب و عجائب :))

داليا ..قوس قزح said...

عمرو

صباحك سكر يا عمرو باشا
عندك حق فى حاجات كتير اتغيرت
بس لما تتغير الاساسيات الواحد مش بيستوعبها بسهولة
و بعدين احنا عندنا سوء هضم و فرز
بناخد الحاجة زى ما هى من غير ما نفهم اصلها
زى لبنطلون الواقع اللى فرحان به الشباب هنا .. اصله من السجون فى امريكا لانهم ممنوع يسلموهم احزمة فكان دايما بنطلوناتهم واقعة كده
شايف احنا بنجيب ثقافتنا منين ؟؟
نختار اسوء الطبقات فى امريكا و نقلدها و نقول موضة

داليا ..قوس قزح said...

arabic ID

و الله وجهة نظر تحترم
بس ايه الشخصية اللى بيحاول الولد يظهرها لما يكون زى البنات فى تصرفاته و لبسه ؟؟
تصرف محير لانه عندى مالوش غير معنى واحد


سعيدة انى اتعرفت عليك يوم حفلة التوقيع
بس للاسف مكنش فى فرصة اننا نتكلم سوا
ان شاء الله تتعوض فى لقاء تانى

تحياتى

داليا ..قوس قزح said...

موجة
و عليكم السلام و رحمة الله و بركاته
مش معنى اقتراب الساعةو ظهور علاماتها اننا نستسلم و نقول خلاص ده حال الدنيا
ده الرسول الكريم لب منا ان لو فى ايدينا زرعة و القيامة قامت بردو نزرعها
علشان كده لو لنا حد بيعمل كده لازم نحاول نتكلم معاه حتى لو بطريق غير مباشر

اسعدنى مرورك

داليا ..قوس قزح said...

موناليزا

و يكرمك بنفس العزة و اكتر

أم أحمد المصرية said...

عزيزتي قوس قزح
انا مصدومة الا وصاف اللي انت بتقوليها دي بجد انا شفت بعض البنات المسترجلين شوية لكن الاولاد اللي بتقولي عليهم هل هم منتشرين لهذه الدرجة و لا اقلية
انا الوم في ذلك الاباء و الامهات و دعيني استخدم اسلوب الشباب و اقول لك الاهالي لا زم يظبطوا ولادهم و يطرقعلهم وقت اللزوم عشان يتعدلوا :))الا الجيل اللي طالع ده انا كل ما حاجة تضايقيني في مصر اقول بكرة ايام ولادنا حيبقي احلي

بـسـمـــة صـــــلاح said...

انا مقراتش البوست دا
بس لما لفيت في المدونه
شدتني اوي بتاعة الليفينج روم
بجد تحفه تحفه تحفه
جنان بجد والخوذة والاوضه كله جميل
انا بردو بعمل حاجات فنيه زي كدا وعملت مرة بيت كامل بكل حاجه فيه مطبخ وقوضة نوم وكله كله
بس للأسف بعد ما تعبت الابله اخدته
بجد استمتعت بوجودي هنا وهكون زائرة ليكي ولو اتأخرت اعرفي انها الثانويه وعمايلها
تقبلي مروري مودتي

صيدلانيه طالعه نازله said...

الاوضاع دلوقتى كلها بقت معكوسه جت على دى يعنى انا باشوف نوعين من البنات دلوقتى نوع عايزه تبقى بنت قوى و عماله تعرى نفسها يمكن ياخدوا بالهم و نوع مسترجل بينفى عنه تهمه انه بنت اما الاولاد معظمهم انقرض و بقوا خيال علمى

rtrcbh said...

ليت الكثير يعى هذه الكلمات ويفهمت

اشكر جدا على هذا الموضوع

ويفهم كل واحد دوره فى الحياة ويعمل ولا يتقمص شخصية الاخر

وكما قال عائض القررنى

كن نفسك ولا تكن الاخرين

جنّي said...

السلام عليكم

احييكي على تدوينتك ولفت النظر لظاهرة انتشرت بكثرة هذه الايام
لقد تمردوا على الفطرة والطبيعة بادعائهم الحرية .. والحرية منهم بريئة .. وتحولو لمسوخ قميئة لا هم رجال ولا هن اناث ..

فعلا نحتاج لان نعيش كما خلقنا الله بلا تمرد او محاربة للفطرة ..

تحيتي

كيكى عوووووو said...

انتى جبتى من لاخر
عيش كما خلقك الله فانه احسن خلقك فلا تغيره ***
تسلمى
***وحشتنى**
عوووووو

كيكى عوووووو said...

يالهوى
الاحقى دة فى فيرس بأسمى
**الفيرس دة مش بتاعى..والله برئ يابيه.الذنب ذنب اصحابى همة الى رمونى عليه
وايييييييييييييييييييية
عووووووووووووووو

MaNoOoSh said...

اول زيارة لمدونتك وان شاء الله مش الاخيرة
عجبنى البوست جداااااا
وانا كنت فى كلية فى الزمالك على فكرة.. ومريت بحالات اذبهلال كتير من المناظر اللى شفتها
فعلا كنت بحس ان البنات مسترجلين والرجالة مستبنتين
وحقيقى الطبيعة الربانية فيها راحة للناس
وحقيقي جدا ان "الرجل دائما يجذبه المراة الرقيقة ذات الحياء
و الفتاة دائما ما يجذبها الفتى القوى القائد المسيطر الذى تشعر بجانبه بالامان"
لان ربنا خلق فى كل من الذكر والانثى طبيعة معينة وخلق كمان فيهم احتياجهم للطبيعة المختلفة فى الاخر
تحياتى

!!! عارفة ... مش عارف ليه said...

موضوع هايل

وفعلا جاي في محله تماما

وليس بغريب على قوس قزح

دقة ملاحظتك دائماً تلفت الإنتباه

لأمور قد يراها البعض حاجة عادية

وتدخل في إطار التطور الطبيعي

للحاجة الساقعة


دومتي بكل خير
وليد

dina said...

صح و الله...دى المشكلة اننا مش بنفصل بين صفات البنى ادم و صفات نوعه ايه...متفقة معاكى تمامااااااا فى كل كلمة فى البوست و نفسى نرجع لطبيعتنا عشان نريح و نرتاح

قوس قزح said...

tamer nabil

للاسف فى مفاهيم كتير بقى الواحد يفهمها غلط
و الناس المسئولة عن الاصلاح هى نفسها عايزة اصلاح

اشكرك على مرورك

قوس قزح said...

اسامة عبد العال

و تعاكس ليه من اصله
مش بلاش شقااااوة
ههههههه
انا عارفة انك مش بتعاكس
بس عندك حق ده فى ولاد انا بحس جنبهم انى رجل بشنابات :))

قوس قزح said...

يا مراكبى

حتى لو الحثالة هم بقوا الصفوة
ليه الحثالة حصل لهم التحول ده !!
انت لو تفتكر ايام افلام زمان
هتلاقى ان فى الاحياء الشعبية و الفقيرة المراة دائما ذات دلال و ترتدى ما يظهر انوثتها و العكس صحيح فنجد الرجل يهتم كثيرا بتربية شاربه و كأنه رمز الرجولة
للاسف ظاهرة اختلاف الاجناس واضحة جدا بين المتعلمين و المثقفين
هل هذا النتيجة الطبيعية للحرية فى الافكار و السلوك ام ماذا ؟

تحياتى

قوس قزح said...

kochia

ماهى دى المشكلة اللى لازم نلحقها
ان الشخصيات دى هيجى عليها يوم و تكون مسئولة عن تربية جيل جديد
تخيلى بقى الجيل الجديد هيكون عامل ازاى !!!!

ياريت تكتبى انتى كمان عن وجهة نظرك فى الموضوع
و نشجع الكل على كده يمكن نقدر نوصل لحل


تحياتى

قوس قزح said...

صبرنى يا رب

عارفة اكتر حاجة بتغظينى من الاهالى اللى ولادهم باظوا ايه ؟
انهم يقولوا احنا كنا مشغولين عنهم علشان نكون لهم حياتهم
و هم نسيوا يكونوا لهم شخصيتهم
الاهل نفسهم محتاجين يفهوا ان سهل اوى الفلوس يقدر ولادهم يحصلوا عليها لما يكبروا
بس الصعب انهم يحصلوا على التربية لان بيكون خلاص آوانها فات

تحياتى

قوس قزح said...

ahmed_k

ربنا يخليك يا احمد و ميرسيه على كلامك

بس بعيد عن الدين
و بعيد عن عقاب ربنا للمتشبهين بالجنس الاخر
السؤال ليه بنعمل كده
مع انى اعتقد ان التحول ده مش بيضيف جمال على الواحد
يعنى لا الرجل المايع شكله حلو
و لا البنت المسترجلة شكلها حلو

حتى لو اعتدلوا خوفا من ربنا .. ليه بيكونوا عايزين العكس
مش عارفة

تحياتى

قوس قزح said...

محمد مفيد

و الله يا محمد لو بصينا للغرب هنلاقى ان الغالبية العظمة منه بيحاول يوصلوا لاقصى ملامح جنسهم
و ده واضح اوى فى اهتمام المراة هناك باظهار ملامح انوثيتها
و الرجل نفس الشىء
و اظن كلنا بنسمع عن تقدم عمليات التجميل بطريقة رهيبة نتيجة اقبال الناس هناك عليها

بس احنا بناخد بس الحاجات الشاذة و نتبعها
بناخد من هناك الشىء اللى ملفت لهم حتى لو سىء
يعنى عندنا سوء اختيار و سوء فهم

قوس قزح said...

micheal

ايوه فعلا فى ناس شكلها غير اللى جواها
و انا مش بتكلم هنا عن شخصيتهم او عن صفاتهم الانسانية
لكن عن الشكل و اللبس و التصرف

و بعدين الولد لو زى ما بتقول كده رجل فى تصرفاته ليه ميكونش رجل فى شكله كمان
يعنى انا لو اتعاملت مع حد بالشكل ده عمرى ما هشوفه رجل جدع ..هشوفه انسان جدع .. مع التحفظ بقى على انه رجل ولا لا

وان كان على شرب النسكافيه و البزازة ام دخان يبقى امرهم سهل اوى
لكن المشكلة بقى لو مع النسكويك زبدة كاكاو او مع البزازة امنية لتربية شنب يقف عليه الصقر هههههههههههههه

mimi said...

بشوفهم كتير في ميدان لبنان

أحمد سلامــة said...

:)
بوست في الجون

ما يحيرني هو هل المتعة شخصة
يعني مستمدة من الاحساس بالخطأ ولا مستمدة من اثبات المقدرة عليه للاخرين ، الروشين التانيين يعني
!!!!!

" الاعتدال فى الصفات الانسانية مطلوب و الميل للصفات الخاصة بكل جنس مطلوب اكثر "

i liked this

Mafrousa said...

ياااه يا دودو
انتى لسه واخده بالك من الظاهرة ديه
انتى شوفتيها فى الكافيه
امال المدارس بقا و الاطفال تقولى عليهم ايه؟؟؟
البنات الصغيرة الاطفال تلاقيهم بيتعاملو زي الصبيان بالظبط
و الاهل مبسوطه ان البنت قال بتاخد حقها
و تلاقيهم فى البيت يقولولها اللى يغلس عليكي غلسي عليه
خدى حقك بذراعك
اللى يشتمك اشتميه
و من هنا بتلاقى البنات فى سن صغير مبسوطه انها ضربت الولد اللى ضربها
و غلست عليه
و بالتالى بتلاقى الاسلوب نفسه فى الكلام اصبح فيه تطجين كأنها ولد
و بتكبر الحكاية ديه فى البنت
و انا بقول ده لان اغلب المدارس دلوقتى بقت مختلطه
و مع العتف اللى بيكون فى البنت فابلتالى علشان تتعدل كفة الميزان بتلاقى الاولاد اصبحوا بنات
بتتمابع
حاجه تفرس
و النبي انتى فتحتى موضوع لو اتكلمنا فيه مش حنسكت
و لو بحثنا عن اسباب الظاهرة ديه حنوصل للبيت للأهل
و ظروف المجتمع اللى بيسود عليه ظاهرة العنف و الفتونه
يابنتى ده اغلب افلام الكرتون دلوقتي فيها عنف
ربنا يسترها على اولادك و يعينك على ربيتهم
و ربنا يصلح حال المجتمع