Wednesday, July 1, 2009

جزء عتمة






كل واحد
جوه منه
جزء عتمة

هو بس
اللى عاشه
هو بس
اللى حافظ ضلمته

فيه مشاعره
بحلوها و مرها
مشاعر يصعب وصفها

فيه حاجات
يتمنى يعيشها و يحسها
او خبايا بيحاول دفنها

فيه خطايا
نفسه عمره ما يرجعلها
رغم انه حابب طعمها

فيه ذكريات من سنين
خايف تانى يعود لها

جزء صعب حد غيرنا يلمحه
جزء دايما فينا بننكره
كأنه غلطة
كأنه وصمة
اصله عتمة



53 comments:

maiosha said...

جزء دايما فينا بننكره
كأنه غلطة
كأنه وصمة
اصله عتمة
**************
جميييييييييييلة

بجد بجد كلمتين فى الجون

تسلم إيديك

محمد حمدي said...

جزء عتمه؟

عتمه يتسائلون؟

بنوته مصرية said...

عارفة حتي لو عتمة وظلمه او حتي غلطه

بس ليها طعم وذكري جميلة مستحيل انساها لانها محفورة جوايا حتي لو فيها قاسية ومراره بتمناها تعود من تاني

يااه رجعتيني 11 سنه لورا

وحشني كلامك وحشتيني يا دولي

dreem said...

صح

عين فى الجنة said...

فيه خطايا نفسه عمره ما يرجعلهارغم انه حابب طعمها
عجبنى جدا الجزء ده

موناليزا said...

يااااه يادودو
وحشتينا
موضوعك جميل

Anonymous said...

نفسه عمره مايرجع لها .. مع انه حابب طعمها

هنا .. مرحبا بالخيال

قوس قزح said...

maiosha


اشكرك :)

انتى اللى جميلة

تحياتى

قوس قزح said...

محمد حمدى

طبعا يتسائلون .. ماهم مش شايفين حاجة .. الدنيا كحل :)

قوس قزح said...

بنوتة مصرية

ياااااه
انتى فينك يا بنتى
حمدلله على السلامة

انتى كمان وحشتنى

و مش كل عتمة جوانا مش بنحبها .. بس حلاوتها محدش بيفهمها غيرنا علشان كده بنخليها فى العتمة

قوس قزح said...

dreem

نورتنى :)

قوس قزح said...

راجى

خاليك جاااااااامد
هههههههههههه
اوعى ترجع لها
و كفاية عليك انك جربت طعمها

قوس قزح said...

موناليزا

انتى كمان وحشتنى :)
نورتينى

على عبدالله said...

السلام عليكم

أى والله
عند حق

قوس قزح said...

sherif

اهو الخيال ده هو طاقة النور اللى جوانا من غيرها بتكون العتمة مليانة من جوه

اسعد الله خيالك :)

قوس قزح said...

على عبد الله

و عليكم السلام

ربنا يكرمك

تحياتى

!!! عارفة ... مش عارف ليه said...

دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت

-------------

أكيد في حاجات بترفض تموت
حتى ولو عايشة في قلب العتمة


شكراً على البوست الفلسفي ده


وليد

محمد عبد الغفار said...

اكتشتف انه من المكن ان يكون لك شريك فى عتمتك

Diyaa' said...

الإنكار مش هيؤدي للتعلم من الذكريات دي :)

but i like how u wrote it :)
musical :D

عمرو said...

صح تمام
أهو الجزء العتمه ده اللى بأسميخ الغرفه المظلمه اللى جوا كل واحد فينا و مفتاحه معانا لوحدنا و ممنوع حد يدخل الغرفه دى أبداااا
و الغريب فعلا أننا بننكر وجود مثل هذه الغرفه بداخلنا رغم أنها غالبا بتكون المحرك الأساسى لكل تصرفاتنا ..
عجبتنى الفكره أوى و كمان النظم ..
تقبلى تحياتى و تقديرى ..

حزينه said...

كانك بتحكى عن حزينه
عنى انا

حزينه

ناس الأيام said...
This comment has been removed by the author.
لاسع افندى said...

تصدقى كلامك خلانى ادور على الحته العتمه دى جوايا


تحياتى

Anonymous said...

جميل
عبد الجليل

فاروق عادل said...

مظبوط

أحــوال الهـوي said...

اولا باعتذر من تقصيري بزيارة مدونتك
ثانيا انا الخسران بعد قراءة كلماتك التي تقرب الي الفلسفة الممزوجه بالحكمه

فعلا هناك دائما بداخلنا جزء مجهول لا يعلمه احد سوانا و هناك مناطق اخري حتي نحن لا نعلمها

تحياتي

فاتيما said...

إيه دا يا دوللى؟!!!
إزاى مقريتهاش القصيدة دى وقت ما إنتى ما نشرتى البوست
كنت اول ما هشوفك يوم التبرع كنت هعيطلك و أقولك إنك نشنتى على حتة مهمة و موجعة فى قلبى و قلب كل حد
إيه يا بنتى الروعة و إنتقاء الألفاظ و الموسيقى الرقيقة اللى عزفتيهالنا دى
إنتى بتمرى بمرحلة متوهجة يا داليا
و شكل حالة الشجن اللى بتمرى بيها هى السبب و لو هتطلعلنا درر كدا كل شوية أنا بشجعك عليها جداااااا
بوسة و حضونااااااااات

كريم بهي said...

جميل ما خط قلم قصيدتك وشعرك
رائع ان حطيتى قلبك واحساسك فى نقطة عميقة بعمق الانسانية كلها

الكلام انسياني
واضح انه طالع من تجربة احساس ةفكر

تحياتى ليكي
ولكلماتك

كريم بهي

أبو خالد said...

كلمات أشعر و كأنني كتبتها لنفسي من قبل -نعم كثيرا ما تتشابه الأفكار
نعم هناك داخل كل منا ركن مظلم لا يملكه أحد سواه و لا يطلع عليه إلا الله
أبنتي لك أحترامي

ناس الأيام said...

فعلا جزء عتمه دائما فينا وهيفضل جواناطول عمرنا و مش هننساه ابدا

و هيجى اليوم الهنتحاسب عليه

(Mohannd).

Anonymous said...

عارفه ليه
عارفه يوم ماكنت طفل لسه للدنيا مادد اديه
يوم ماكنش لسه شئ نبكى عليه
هو ده اليوم اللى كل واحد نفسه فيه
يوم ماكنش لسه فيه ذنوب ولا خطايا
يوم ماكنت حابب صورتى فى المرايا
يوم ماكان الدنيا نور
والعتمه بس فى القبور
لكن السنين مرت علينا
اخدت منا نور القلب والسكينه
حبينا فيها العتمه العتمه ستر
تحمينا من نفسينا واللى باصين على طول علينا
عشقنا يومها العتمه امان من الغدر
نفرد فيها جناحتنا لنجوم السما والبدر
ورفضنا يومها النور يجي فى العيون

قوس قزح said...

عارفة ..مش عارف ليه

فلسفى !!

في يوم صحيت شاعر براحة و صفا
الهم زال والحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!


احنا اللى بنحبها تحيا جوانا
حتى لو هى خلاص بقى مالهاش وجود


تحياتى

قوس قزح said...

محمد عبد الغفار

وجود شريك للعتمة ده شىء نادر جدا جدا

لو ده حصل يبقى الشخص لاقى تؤام روحه زى ما بيقولوا


و بعدين ايه الغيبة دى !!!!

قوس قزح said...

Diyaa'

الانكار هنا مش بينك و بين نفسك
لكن بينك و بين الناس


بنقول نسينا على حاجات و احنا لسه فاكرين
و بنقول مضايقناش من حاجات و احنا جوانا مجروحين


ما ينطقه اللسان لسه بالضرورة هو ما ينطقه القلب

قوس قزح said...

عمرو

الغرفة دى تخصص رجالى :)
مفيش رجل الا غاوى يدخلها و يقعد فيها لوحده
المراة يمكن بتحب تفضفض ساعات و تشارك فيها ناس و يمكن تخلى ناس معينة تشوف جزء و ناس تانية تشوف جزء تانى علشان الصورة متكونش واضحة و كاملة لحد

لكن الرجل استحالة يعمل ده

تحياتى

tarek alghnam said...

السلام عليكم
عندك حق
بوست رائع
كلنا فينا النور والعتمه
ماشاء الله عليكى مميزه بجد
تحياتى واعجابى

سمكه واحده said...

صح مليون الميه
الحاجه الوحيده اللي محدش يعرفها غير الانسان نفسه بحلوها بمرها
الحاجه الوحيده اللي محدش يقدر يعرفها غير بواسطه الشخص نفسه
جزء عتمه جزء مبهم جزء خفي
في الاخر لا تسمي سوي ذكري
سواء حلوه او حزينه هي ذكريات قديمه
وحشتينييييييييي جدا جدا اند جدا اوي خالص كتير
ربنا يخليكي ليناديما
اخبارك ايه واحوالك وكده يارب تكوني بالف خير بقي خلينا في النور بلاش العتمه لحسن نتكعبل ولا نقع ولا حاجه(وش بيغمز)
تحياتي يا قمر

قوس قزح said...

حزينة

كلنا فينا جزء منك
اقصد من الحزن

المهم منسيبش نفسنا نعيش الجزء ده بس و نحاول نعيش باقى الحياة

قوس قزح said...

لاسع افندى

هو انت مكنتش عارفها ولا ايه :)

تحياتى

قوس قزح said...

عبد الجليل

اشكرك :)

قوس قزح said...

فاروق عادل

نورتنى بالزيارة

قوس قزح said...

احوال الهوى
لا داعى ابدا للاعتذار و زيارتك تشرفنى فى ايه وقت

اما عن المناطق المجهولة .. اعتقد دى ربنا بيسبها مجهولة لنا علشان ناس اخرين يكتشفوها .. و هنا بيحصل توهج بينا و بينهم و تظهر مشاعر جديدة

تحياتى

قوس قزح said...

فاتيما

مش انا قلت لك يومها فى بوست تانى عايزة انزله و مترددة علشان الناس متقولش عليا غم :)

الحمدلله انا نزلته بعد خروجنا سوا و لا كنت مش هستحمل دموعك
بس مبسوطة انه عجبك كده
و لمس حاجة جواكى
و تقدرى تقولى انها مش حالة شجن اد ما هى محاولة للفهم بطريقة اعمق

نورتنى يا طمطم و لكى احلى بوسة و اجمد حضن :)

قوس قزح said...

كريم بهى

اشكرك على كلماتك الرقيقة
و شرفتنى بزيارتك الاولى و لعلها لا تكون الاخيرة

تحياتى

قوس قزح said...

ابو خالد

شرف لى ان اكون مشتركة معك فى افكارك
و يزيدنى شرفا ..متابعتك من جديد لمدونتى

اضفت بريقا للتعليقات كعادتك دائما

تحياتى

قوس قزح said...

spider boy

يا اهلا و سهلا بك فى مدونتى :)

سعيدة جدا بزيارتك
و ان كان الموضوع ده اعتقد انك لسه مش مرت به
ربنا يجعل حياتك كلها نور و بعيدة عن العتمة

تحياتى :)

قوس قزح said...

اسامة عبد العال

العتمة ستر
العتمة امان من الغدر
بس العتمة وحدة
و المشاركة مهما كان لها وشحة
مش بقولك تنسى عتمتك
بس خاليك باصص لدنيتك
و طير و رفرف فى سماها
الدنيا حتى بخطاياها
بنحبها و ندوب فى هواها

قوس قزح said...

tarek alghnam

نورتنى يا استاذ طارق
من زمان مش زورتنى
و اكيد التقصير منى انا

سعيدة جدا بتعليقك و زيارتك

تحياتى

قوس قزح said...

سمكة واحدة

اخيرا ظهرتى ؟
ايه النتيجة طلعت ولا ايه ؟
انتى كمان وحشتنى جدااااا
و عايزة اشوفك بقى
حاولى مرة تشاركى معنا فى التجمعات
و لو مش بتتكشفى على الجنس الخشن .. ابقى تعالى فى التجمعات الحريمى بس
و لكى عليا انور الشارع كله يومها فى عز الضهر ههههه

نورتنى يا جميل

همس الاحباب said...

جزء صعب حد غيرنا يلمحه جزء دايما فينا بننكره كأنه غلطة كأنه وصمة اصله عتمة
وعجبى !!!!!!!!!!!
لا تعليق

شمس النهار said...

ازيك
كلامك جميل
فعلا في حاجات الواحد عاشها
لابيحب يفتكرها
والا يحب يحكيها
منطقه عاتمه ربنا مايرجعها

قوس قزح said...

همس الاحباب

:)

قوس قزح said...

شمس النهار

ربنا يسعد لكى ايامك كلها و ميكونش فى ابدا ايام عتمة

اخبار اوباما ايه :) ؟