Monday, July 13, 2009

كل سنة وانت اخ عزيز

تحديث مش مهم اوى يعنى بس معرفش ليه خالد مصمم عليه
هو ان عيد ميلاده مش النهارده و انه يوم 17
مع انى شايفة 13 لايق عليه جداااااا
بس هو حر بقى هو الخسران

النهارده -او يوم 17 - عيد ميلاد اخ عزيز علينا كلنا
انسان فعلا وقت الشدة بتلاقيه جنبك
من غيرما يكون منتظر اى حاجة منك
اينعم هو بيغلس علينا كتير
و دايما يأوح فينا
بس علشان طيبة قلبه الواحد بيعدى له حركاته دى

كل سنة و انت طيب يا ابو همس
و عقبال 100 سنة
و بردو نفضل على قلبك و نفضل نغلس عليك :))

و علشان انا بعزك اوى قلت اجيبلك التورتة و الهدية حاجة واحدة علشان الشيلة متكونش تقيلة عليك و انت مروح




اما دول بقى للناس اللى هتحتفل بعيد ميلادك السعيد












كل سنة وانت طيب ودايما منور البلوجز

32 comments:

محمد حمدي said...

كل سنه وانت طيب يا جميل وعقبال الف سنه

وعقبال متعمليلى بوست زى ده كده يوم عيد ميلادى

:) :) :)

فاروق عادل said...

كل سنه وهو طيب وعقبال100سنة

Unknown said...

كــــــــــــــــل لحظة
وابو همس وكل اصدقائك وانتِ
ايضاً بالف الف خير وصحة وعافية

أمل حمدي said...

فعلا في الشدة وفي الفرح بتلاقيه

لو كل كلام الدنيا الحلو ما يوفيه

أخ وابن وصاخب كل حاجة حلوة فيه

كل سنة وانت طيب يا ابو همس الاحباب يا طيب

ربنا يبارك في عمرك

تقديري لداليا حبيبتي

فاتيما said...

الله !!!
هوه عيد ميلاد خالد مع عيد ميلاد همس فى وقت واحد ؟!!
مكنتش أعرف المعلومة دى يا دوللى
طب يا حبيبتى فيكى الخير عرفتينا
على فكرة انتى كتبتى الحاجة اللى تقريباً كلنا حاسين بيها
و بنوافقك عليها يا وش الخير
و هى إننا بنتمنى لخالد طولة العمر
و السعادة و يكون وسطينا ..
لأنه فعلاً لما بيغيب فى أى مناسبة بنفتقده جدااااااااا
كل سنة و هو زى ما هوه
شخص إستثنائى ..
و اخونا الغالى

حنين القلب said...
This comment has been removed by the author.
همس الاحباب said...

ههههههههههه
هههههههههههه
يا نهار ابيض
عيد ميلاد مين ده
يا ينتى انا يوم 17-7 مش 13
جبتى اليوم ده منين
المفروض ارجع بطن امى تانى واتولد يوم 13 علشان خاطر حضرتك
هههههههههههههه

همس الاحباب said...

عامة الف مليون شكر
ودايما صاحبة واجب يا ام نور
ربنا يبارك فى حضرتك
ويديم المعروف ما بينا جميعا
بس انا مصمم انه 17-7
بدات اشك فى نفسى
ههههههههه

Empress appy said...

كل سنه وانت طيب يا خالود ةوانا عاوزه الهديه بقى

صيدلانيه طالعه نازله said...

كل سنه و انت طيب يا خالد
دايما جامعه الناس فى المناسبات السعيده
يا دوللى

قوس قزح said...

شوفت يا خالد حتى بعد التحديث الناس داخلة تهنى
انا بقولك 13 لايق عليك جدااااااااا
فكر بس تانى
و نعمله النهارده و نخلص بقى قبل ما التورتات تبوظ

karim said...

كل سنة و هو طيب و عقبال 100 سنة, بس و النبى ماتنسوش تعزمونى علشاان التورتااات شكلها يجنن موووت, تحياتى

Kiara said...

كوووووووووووووووول سنة وانت طيب ياخالد

عيد ميلاد سعيد ومن ربك قريييييييييييب

موناليزا said...

كلك ذوق يادودو
وكل سنة وانت طيب يا استاذ خالد

mahasen saber said...

ابو همس فعلا رقيق كما الهمس

كل سنه وهو بالف خير وسلام

ويا رب دايما كل سنه وهو فى افضل حال وصحه وخير وسعاده

حلوة الدنيا said...

كل سنة وانت طيب يا خالد ويا عن مش هتفرق 13 من 17 كلها ارقام فرديه وهي فرصة ترتبلنا حفلة لحد يوم 17 ماييجي

مهندس مصري بيحب مصر said...

كل سنة و هو طيب و بألف خير

ahmed_k said...

كل سنه وابو همس بخير وسعاده
والعمر المديد والسعيد له بإذن الله

لفته جميله منك يا داليا ودايما صاحبة واجب

خالص تحياتي

micheal said...

كل سنة وانت طيب يا خالد

Asmaa mahaba said...

السلام عليكم
ازيك يا حماتى العزيزه اخبارك ايه حاكد عليكى المعاد تانى ان شاء الله الخميس ابتداء من الساعه 11ان شاء الله فى انتظارك يا جميل
اوعى اوعى اوعى تنسى اوصلى الكليه ورنيلى حطلع اجيبك ياله اشوفك على خير ان شاء الله

سبهللة said...

كلك واجب
كل سنة وانت طيب ياخالد
بس ايه كل التورت دى ؟؟
هايلة
وعلى اعتبار انى بأعرف اعمل تورت هايلة
اقدر اقولك ان التورت دى تزيينا صعب جدا وبياخد وقت كبير
بس اقولك ايه شكل الحفلة دى كلفتك كتير اوى
بصراحة الصرف باين
عشان يعرف ابو همس انه غالى عليكى

ميرا ( وومن ) said...

كل سنه وانت طيب يا خالد وعقبال 100 سنه

كل سنه وانت مدون
كل سنه وانت اخ عزيز

انا هاروح اجيب طبق بقي علشان اخد حتة تورتاية
لا طبق ايه علي التورت دي كلها عاوزة سرفيس

يالا مش مهم بقي نبوظ الرجيم علشان خاطرك

يا مراكبي said...

طيب وفين الجزر؟

;-)

قيس بن الملووووح said...

كل سنه وانتم طيبين بس انا ياولاد معنديش شنان اكل التورته
تحياتي

همس الاحباب said...

ام نور
كل سنة وانتى طيبة ودايما قلبك كبير وصاحبة واجب والف مليون شكر على اللفتة الجميلة دى منك
واسمحيلى ارد على زوراك الكرام هنا
لانه كفاية اخلاقهم وتعبهم فى التعليق

همس الاحباب said...

محمد حمدى
وحضرتك طيب
وبصحة وسعادة ونصيحة بلاش قوس قزح
******
فاروق عادل
وانت طيب يا باشا
***
نورهاتى
وحضرتك طيبة ولالف خير
***
ماما امولة
وانتى طيبة وده من ذوق حضرتك وكرم اخلاقك
ربنا يديم المعروف ما بينا
***
فاتيما
ام يوسف الغالية
وانتى طيبة وبص حة وسعادة
وربنا يكرمك يا رب ويقر عينك برؤية يوسف دائما
كل الشكر لحضرتك
***
ابى هانم
وانتى طيبة يا قمر
عايزة الهدية
ههههههههه
من عيونى خديها من داليا
****
صيدلانية طالعة نازلة
وانتى طيبة يا دكتورة
*********
قوس قزح
ههههه
تصدقى فكرة حلوة
ممكن نعمل 2 عيد ميلاد كل سنة ونريح نفسنا
ههههه
****
كريم
وحضرتك طيب وبصحة وسلامة
*******
كيارا
وانتى طيبة يا ست الكل
وعقبال ما نفرح بيكى
******
موناليزا
وانتى طيبة يا فندم وربنا يدبم ما بينا المعروف
*****
محاسن صابر
كل سنة وحضرتك طيبة
وميرسى على كلماتك الرقيقة
ربنا يبارك فى حضرتك
********
هشام جعلونى مريضا
وانت طيب يا باشا
انت شابف كده ماشى يا معلم
********
مهندس مصرى
وانت طيب يا هندسة
******
احمد k
وانت طيب ويصحة وسعادة
وكل سنة وانت طيب وعقبال 100 سنة طالما من مواليد شهر 7
*******
مايكل
وانت طيب يا مايكل

همس الاحباب said...

سبهللة
وانتى طيبة يا ام اياد
ربنا يبارك فى حضرتك
********
وومن
وانتى طيبة يا ميرا
وعقبال ما نفرح بيكى
سرفيس حنه واحدة
دوس يا معلم
بلا رجيم بلا غيره

******
يا مراكبى
ههههههه
الجزر فى النظر يا هندسة
******
قيس وانت طيب يا باشا
مش مهم الشنان البس طقم يا عمنا
*******
كل سنة وحضراتكم جمبعا بخير وربنا يديم محبتنا فى الله جميعا
تحياتى

حنين القلب said...
This comment has been removed by the author.
عاشقه الرومانسيه said...

كل سنه وانت طيب ياخلوووووووود
ويارب السنه الجايه تحقق كل احلامك يااارب
خلاص انا من اللخبطه دى
حفظتتتت تاريخ ميلادك
7/17
وان شاء الله مش هانساه تانى
لانه هيكون عيد جواز اخويا ان شاء الله

قوس قزح said...

كل سنة و كلكم طيبين
و خالد قام بالواجب اهو ورد عليكم
ماهو عيد ميلاده بقى

اقول لسومة معلش يا جميل فاتنى المعرض بس ان شاء الله تتعوض

و لسبهللة .. الحفلة دى كلفتنى كتير جدا خصوصا التورتة اللى جواها هدية :))

يا مراكبى .. الجزر موجود بس بعد التورتة :)

قيس ..فكرنى فى عيد ميلادك نجيبلك طقم شنان :))

عاشقة الرومانسية .. مبروم لاخوكى و عقبالك يارب :)

!!! عارفة ... مش عارف ليه said...

كل سنة وانت طيب

وانت كمان طيبة

وكل البلجرز طيبين

وعقبال ميت سنة والناس

كلها قاعدةعلى قلب بعضها

بس أنا عندي سؤال واحد بس ؟

التورت دي حقيقية ولا بلاستيك ؟؟؟؟

أصل شكلها حلو اوووووي

وصعبان عليا أن حد يهبشششششش فيها


على العموم لو مكلنهاش

احنا غيرنا هيقوم بالواجب

عن إذنكم هروح البوفيه شوية وراجع :$


سي يووووو

حنين القلب said...

كل سنه وانت طيب يا خالود

وعقبال مليون سنه
كل سنه وانتى بتحتفلى باصدقائك يا دوللى

وحشتينى يا داليا