Monday, August 31, 2009

تحديث هام


اولا

مكان الفطار هيكون تسيباس بدل ابو خالد و ده اقتراح بنت خيخة
و هو فى اول شارع الهرم
و اسعار وجباته تترواح بين 30 و 35
و الوجبات هى
دجاج مشوي 32.50 جنية
سمبوسك لحمة - ورق عنب - نصف فرخة مشوية - أرز خلطة - طحينة

شيش طاووق 30.50 جنية
سمبوسك جبنة - كبيبة -أوراك دجاج مشوية - أرز خلطة - طحينة

دجاج بانية 32.50 جنية
سمبوسك لحمة -ورق عنب - صدور دجاج بانيه - بوم فريت - مكرونة فرن - طحينة

كفتة مشوية 29.50 جنية
سمبوسك جبنة - كبيبة - كفتة بلدي مشوية علي الفحم - أرز خلطة - طحينة

دجاج صيني 31.50 جنية
شوربة خضروات صيني - سمبوسك جبنة - كبيبة - قطع دجاج مع الصوص الصيني مع الخضراوات - أرز أبيض - سلطة

إسكالوب بانية 35.00 جنية
سمبوسك جبنة - كبيبة - شرائح لحم بتلو بلدي - بوم فريت - مكرونة فرن - طحينة

كباب وكفتة 35.00 جنية
سمبوسك جبنة - ورق عنب - كباب وكفتة بلدي مشوي - أرز بالخلطة - طحينة

كوردن بلو 32.00 جنية
سمبوسك لحمة - كبيبة - كوردن بلو - بوم فريت - مكرونة فرن - سلطة خضرا

طاجن خضروات باللحمة 31.50 جنية
سمبوسك جبنة - كبيبة - خضروات الموسم باللحم - أرز أبيض - سلطة خضرا

طاجن بطاطس باللحمة 31.50 جنية
سمبوسك لحمة - ورق عنب - بطاطس باللحم البلدي - أرز أبيض - سلطة خضرا

مع كل وجبة عصير و شوربة وحلويات شرقية

اهم حاجة اللى هيطلب مشويات يبلغنى قبلها حتى لو السبت الصبح علشان المشوى بياخد وقت فى التحضير

ثانيا

انا قلت نضرب عصفورين بحجر و طلبت من جمعية صحبة خير تعمل هى الوجبات
علشان تكون مصدر رزق للستات فى منطقة اسطبل عنتر
و بيقوم بالاشراف عليهم القائمين بادارة الجمعية
و هتكون الوجبة بنفس مواصفات الوجبة الاولى
بس الفرق ان هتتبدل ثمرة الفاكهة بعلبة عصير و 3 بلحات


جدوال اليوم كالاتى ان شاء الله

الساعة 3 التجمع قدام مستشفى ابو الريش اليابانى
الساعة 3:30 هنقسم نفسنا لفريقين واحد للتوزيع فى مستشفى ابو الريش و التانى فى مستشفى المنيرة
الساعة 4 معاد وصول الوجبات
الساعة 5:30 التحرك لتسيباس فى شارع الهرم


بالنسبة للناس اللى عايزة تدفع الفلوس قبلها
ممكن من خلال مقابلة مع الاستاذ خالد
فى اى مكان قريب من مكان شغله او بيته سوا الجيزة او الهرم او الدقى
او ممكن من خلالى يوم الاربعاء لو هم فى مصر الجديدة او مدينة نصر



اللى مش هيقدر يبلغنا قبل يوم الاربعاء بعدد الوجبات اللى هيتبرع بها
ممكن وقتها نجمع المبالغ دى و نهديها لاى من الحالات الحرجة و بتحتاج دوا غالى

جزاكم الله كل خير

51 comments:

mostafa rayan said...

اول تعليق .. حلو اوي
بس يا داليا على بال مانروح من السيده لحد الهرم هناخد اكتر من ساعه
كمان مش كل الناس معاها عربيات علشان تقدر تروح فلو هنركب موصلات ولا مترو هتوصل بعد المغرب
انا شايف اننا نفطر فى مطعم قريب من السيده علشان نلحق
تحياتى لك

ستيتة said...

صباح الخير يا داليا
بالنسبة لموضوع الوجبات اللي ها تتوزع فكتر خير أستاذ خالد تعبناه معانا ووصلنا الأمانة
بالنسبة لتوزيع الوجبات بعتذر عن التواجد في المستشفى لأن ظروفي يومها آخرها أكون في الفطار ان شاء الله

ها اطلب وجبة فراخ بانيه يا جميل

ربنا يتقبل منكم تعبكم يارب وكل سنة وانتم طيبين

ستيتة said...

آه معلش ها أخد كمان تعليق وأزعجك
لو وصلنا المطعم قبل وصولكم الحجز باسم مين
يعني باسم المدونين
والا باسم شخص محدد علشان نذكره وندخل ناخد وضعنا ونشمر عن اكمامنا؟ ويمكن ناكل اكلكم بكل براءة :)

الطائر الحزين said...

كل عام أنتم بخير

karim said...

انا هافطر هناك مخصوص علشان اشوفكم اخيرا نفسى نتقابل قوى

قوس قزح said...

mostafa rayan

انا كده ممكن اصرخ بالطليانى
يامصطفى احنا بقالنا اسبوع بنفكر فى المكان و سالنا فى اكتر من حتة
مشكلة السيدة زينب ان اغلب الاماكن اللى فيها صغيرة مفيهاش مطاعم كبيرة

المستشفى جنبها محطة مترو الانفاق هتركبها للتحرير وتبدل المترو لمترو الجيزة و هتنزل من المترو - هبقى اسالك اسم المحطة ايه بالظبط بس هى المحطة اللى فوق نفق الهرم - تسيباس بالظبط بينه و بين المحطة من 50 ل 100 متر اقل من خمس دقايق مشى

يا سيدى هبقى اركب معاكم المترو لانى عارفة المكان

قوس قزح said...

ستيته حسب الله الحمش

صباح الفل يا جميل
جزاكى الله خير

بالنسبة للمطعم ان شاء الله لما توصلى
هتعملوا ايه
هتعملوا ايه
هتعملوا ايه

هتستنينا ههههههههههه

مفيش حد يمد ايده على اى لقمة لحد ما نوصل بقى :))

هنهون عليكى بردو نكون فى الشوارع و انتى فى التكييف و بتفطر قبلنا ؟؟؟؟

على العموما لما توصلى ان شاء الله هتسالى على استاذ مصطفى مدير المطعم و تقولى له انك من تجمع مدام داليا

هتنورينا و الله
انا سعيدة انى هشوفك جدا

قوس قزح said...

الطائر الحزين

و انت طيب و بخير دايما يارب

قوس قزح said...

karim

ههههههههههه يعنى هتتفرج على الماتش و تيجى
مااااااااااااشى

بس انت شكلك ناسى اننا اتقابلنا قبل كده فى حفل توقيع كتاب خالك
و كنت انا و ابى و فاتيما و اسامة عبد العال

المهم هتشرفنا بحضورك حتى ان كنت مزوغ علشان الماتش :)

... amr said...

صباح الخير يا وش الخير - كما قالت فاتيما - :) انا اتفقت مع خيخة بخصوص موضوع الفلوس دة و ان شاء الله أشوفك في تسيباس

كل سنة و انتي طيبة

شمس النهار said...

صباح الخير
انت اللي جزاكي الله عنا وعنهم كل خير انت الحقيقه والمجموعه اللي معاكي ماشاء الله عليكم ربنا يحميكم وتقدروا تعملوا خير كمان وكمان

قوس قزح said...

amr

طيب الحمدالله
و الله خيخة فى المواضيع دى مبتبقاش خيخة ابدا
اشوفك على خير يارب
و كل سنة وانت طيب

قوس قزح said...

شمس النهار

جزاكى الله خير يا احلى شمس منورة
و الله لو مشاركتكم معنا مكناش قدرنا نعمل اى حاجة
حبكم للمشاركة هو السبب مش احنا :)

عاشقه الرومانسيه said...

ان شاء الله هيكون يوم مميز
وكفايه وجودك انتى وابو همس فى الموضوع
ربنا يزيدكم من فضله

dreem said...

ازيك دودو
معلش يا اوختى النت كل ما اكتب تعليق ما يوصلش
عايزة رقم الاستاذ خالد علشان اقابله بكرة اديله الفلوس

Anonymous said...

لازلت عند موقفى

Ahmed Al-Sabbagh said...

مش هينفع نروح من المستشفى للهرم
انتى عارفة الهرم بيبقى شكله عامل ازاى قبل الفطار
انا مش موافق على الاقتراح ده

Ahmed Al-Sabbagh said...

عموما ربنا يسهل واقدر اجى وندب المشوار ده

!!! عارفة ... مش عارف ليه said...

إن شاء الله
يكون يوم موفق
والاهم في الموضوع كله
هو الناس اللي رايحين لهم
وربنا يتقبل منا جميعاً صالح الأعمال

وليد

كيكى عوووووو said...

وعندك واحد كفتة مشوية وصلحوه
!!!!!!
والله العظيم كانت اقتراحاتى اوفر وتلم من الحبايب الف ماعلينا
سؤال رفيع عشان مفهمتش مش انتى برضة هتاخدى حق الوجبات فى اليوم ولا ايه؟؟
يعنى لم اشوف كل واحد يدفعلك ع قد ما قال صح
اةقولى صح
ونبى لانتى قايله

Anonymous said...

مدام داليا

جزاكم الله خير
مش عارف حاسس ليه ان الاخوة المدونين مشتتين واكثر تركيزا فى الوجبة الى هياكلوها فى تسيباس
واقل تركيزا فى عدد الوجبات التى سيتبرعوا بها لاهل المرضى
واوقات الدفع واماكن الدفع
والا شخاص الذين سيقومون بالتوزيع
وذلك بشكل واضح ومؤكد من طرف كل مدون

لان اكثر ما اخشاه هو التقاعس من الافراد عن التزامهم سواء بالمشاركة المادية او الجسدية
مما يشكل عبء مالى وجسمانى على الاخرين وكمان وجود اكتر من جهة لتنظيم الموضوع
مثل حضرتك واستاذ خالد وخيخة وابى
ارجو منكم جميعا توحيد وتكثيف الجهود سويا لان الوقت يمر سريعا
الامر يجتاج قليل من التنسيق والتنظيم بينكم حتى يؤتى ثماره بشكل قوى ومؤثر

الموضوع من وجهة نظرى ينقسم الى شقين
1- مادى وهو عدد الوجبات التى سيتبرع بها كل شخص وطريقة ووقت الدفع ويفضل ان يكون قبل اليوم التبرع واقترح ان يضع احد ما رقم حسابه فى اى بنك من البنوك المصرىة حتى يتسنى لاى شخص ان يودع التبرع الخاص به بدون احراج ويؤكد ذلك برسالة او ترك تعليق عند اى من المدونين
وان كان من خارج مصر ان يقوم بعمل حوالة كما اوضحت نوران فى مدونتها
وفى حالة المعرفة الشخصية او الوجود الشخصى للمدون نفسه فلو افترضنا ان كل واحد مسئول عن مجموعة من المدونين المتواصلين معه بشكل شخصى او عن طريق مدونته سيمكن من خلاله معرفة عدد الوجبات المتبرع بها وتنسيق وقت وطريقة الدفع

2- جسمانى واقصد به كم شخص سيقوم بالتوزيع فى المستشفيات وهذا الامر يحتاج معرفة عدد وحجم الوجبات وامكانية النقل باكثر من سيارة وكم شخص لديه سيارة وعلى استعداد لنقل الطعام من جمعية صحبة الخير الى المستشفى وعدد الاشخاص الذين سكونون موجودين للتوزيع قبل يوم السبت وتقسيم المجموعات كما ويحتاج منكم ايضا معرفة عدد الاسرة فى كل مستشفى ومتوسط الاشغال حتى يكون التقسيم شبه متوازن بين الافراد
وهنا اطلب منكم محاولة تبكير المواعيد حتى لا يكون الامر مجرد افطار صائم بل اكثر واكبر من ذلك
زيارة المريض و هذه فضلها عظيم
الامر يحتاج قدر كبير من التنظيم والتنسيق بينكم
اعانكم الله وقواكم وسدد فى الخير خطاكم وتقبل منكم صالح الاعمال والاقوال

منذر

قوس قزح said...

اهلا بك يا استاذ منذر

للاسف دى حقيقة ان الاهتمام و الاسئلة اكتر على الفطار الخاص بينا و انا برجع ده .. او بتمنى ..لان عندهم ثقة فى قدرتهم على القيام بعمل الخير على اكمل وجه
بالنسبة للشقين اللى حضرتك بتتكلم فيهم

1 - عدد الوجبات متفاوت من شخص لاخر حسب قدرته المادية ممكن شخص يتبرع بوجبة و ممكن واحد يتبرع ب 100 و شخص تالت يتبرع بمجهوده بس ..بالنسبة للدفع بيتم عن طريقة مقابلة استاذ خالد او انا للشخص فى اى مكان و الناس اللى مش هتقدر تقابلنا قبل يوم التبرع هيتم تبرعها يوم التبرع بس بتكون مبلغنا قبلها هى حاجزة كام وجبة .. الحساب البنكى لازم يكون تحت اسم جمعية لان قانونا مينفعش اعمل حساب للتبرعات او حتى لتجميع فلوس بدون ورق رسمى يثبت انى جمعية او شركة ..اما الناس اللى هتتبرع يومها بدون ابلغنا بعدد الوجبات علشان نحجزها هيتجمع تبرعهم المادى و يتوزع فى اظرف بين الحالات الحرجة للاطفال

2 - بالنسبة للنقل فجمعية صحبة خير هتوصل لنا الاكل ان شاء الله مجانا لحد المستشفى .. اما عن عدد المشاركين فللاسف مقدرش اعرف هم كمان لان هم نفسهم لما بيكلمونى بيقولوا مش عارفين ظروفهم هتسمح ولا لا .. بس لو العدد قليل هاستعين ان شاء الله ببعض من موظفين المستشفى .. بالنسبة لعدد الحالات فى المستشفى فده هيبلغنى به المسئول عن العلاقات العامة بالمستشفى يوم الاربعاء ان شاء الله لان عدد الحالات متغير بس التغير ده بيكون فى حدود 5 حالات ..المشكلة ممكن تكون فى مستشفى المنيرة لانها مستشفى كبيرة و وقتها هنحاول يكون التوزيع فى اكتر الاماكن احتياجا

بالنسبة لاختيار الساعة 3 كمعاد فده لان فى ناس بيكون عندها شغل يومها و اغلبهم بيخلص على الساعة 2:30 او 3 فلو اتاخر لحد 4 هيوصل على معاد استلام الوجبات ان شاء الله
بس عموما انا ان شاء الله هكون من قبل 3 فى المستشفى للترتيب و استقبال اى حد يوصل بدرى
جزاك الله خير على اهتمامك و طرحك لتساؤلات ممكن كتير بيفكروا فيها و يارب اكون وضحت بطريقة كافية و اى تساءل تانى او اقتراح انا تحت امرك

تحياتى و جزاك الله كل خير و دايما من المشاركين فى الخير معنا

قوس قزح said...

عاشقة الرومانسية

جزاكى الله خير
و ان شاء الله تعملوا يوم عندكم فى اسكندرية و تتوزع الجهود فى كل المحافظات

تحياتى

قوس قزح said...

dreem

رقم خالد موجود على البلوج و هو
0101345140

جزاكى الله خير

قوس قزح said...

sherif

استمر :)

قوس قزح said...

Ahmed Al-Sabbagh

المشوار سهل جدا بالمترو
تسيباس جنب محطة المترو و المستشفى كمان
يعنى بالكتير نص ساعة و نكون هناك

اللى معهم عربيات ممكن يتحركوا بدرى شوية علشان يلحقوا و اعتقد ممكن يروحوا عن طريق البحر الاعظم مش لازم ميدان الجيزة

تحياتى

قوس قزح said...

عارفة ..مش عارف ليه

جزاك الله خير
و سعيدة انك هتشرفنا يومها بوجودك
و عندك حق اهم حاجة فى اليوم ده هم الناس و الاطفال اللى فى المستشفى و بعد كده مش مهم


تحياتى

فاتيما said...

يا وش الخير
هتشوفى حد ؟!!!
الله طب مبتقوليش ليه يا داليا
طب مانا ممكن اجى بدرى استقبل معاكى الناس و قوليلى عاوزة ايه منى اعمله و انا اعمله
ومعنديش شغل يومها
و هبقى ف البيت يعنى فهبقى
تحت امرك
بخصوص الاطفال ف المستشفى بقى انا عاوزة من سيادتك لما مسئول العلاقات العامة ف ابو الريش اليابانى او المنيرة يقولولك عدد الاطفال هيكون كام تقريبى كدا
تقوليلى لو سمحتى ..ممكن ؟؟
و يا استاذ منذر جزاك الله خيراً
بس متهيألى برضو سبب اهتمام المدونين بوجبتهم خاصة سببه إنه وجبة افطار الصائم تم ترتيبها و بشكل ممتاز من القائمين على الموضوع
داليا و ابى و خالد و خيخة
و بالتالى كل واحد دوره اصبح ينحصر فى ارسال ايميل فى الخباثة بعدد الوجبات اللى عاوز يتبرع بيها عشان ميبقاش بيقولها ف العلن و تفقد ثوابها
بس انا حاسة إن العدد كبير ما شاء الله و الا مكنتش وش الخير تقترح توزيعه على مكانين مش مكان واحد بس
و لا أنا غلطانة ف تخمينى ؟
!!!
انا قصدى ان اهتمامنا بما يخصنا
مش إهمال للسبب الاساسى من المشوار دا كله او ما شابه لأ دا ثقة ف جدارة القائمين عليه بإتمامه كما يجب و متنساش إن ليهم تجربة من السنة اللى فاتت و كانت ناجحة و موفقة
و شكرا ليك ف كل حال
متنسيش يا داليا تقوليلى عدد العيال كااااااااام ؟
بوسة و حضونة يا وش الخير كله

قوس قزح said...

كيكى عوووو

انتى تقصدى انها وجبات ؟
لو وجبات الخير
يفضل انها تدفع قبلها
و ان كان صعب ممكن يبقى يومها بس نتبلغ بالعدد المطلوب علشان نقدر نحجزه

قوس قزح said...

فاتيما

جزاكى الله كل خير
و ان شاء الله هبعت لك ايميل
و اقولك عدد الاطفال
و اقولك كمان انا هروح من الساعة كام هناك
ممكن لو تحبى تيجى بدرى و نعمل حاجة للاطفال لحد معاد التجمع ..ايه رايك؟
انا اليوم ده ممكن اكون من الفجر هناك

هنتفق على الايميل ان شاء الله

أحــوال الهـوي said...

كل سنه وانت طيبة

شكر الله سعيك و رزقك الاجر و الثواب

ولولا ظروف سفري لكنت بينكم


تحياتي

صبرني يارب said...

دوووووووووولي
انا فى اشاعه قويه بتقول انى هاجي

بس للاسف الشديد مش عارفه احدد هاكون لوحدي ولا معايا الفريق القومي

اول ما اتاكد هاتصل عليكى اقولك

بس لو الاشاعه طلعت صحيحه هاجي على الفطار بس

ياااااااااااااااااااااااارب تظبط بقى

(احمد سكر ) said...

بالتوفيق ياداليا

وانا اااسف

لانى مقدرتش السنه دى

اكون من فريق العمل

بس لو عاوزا اى شىء يومها

انا فاضى وبعربيتى تحت امركم

لو عاوزانى اروح اجيب الوجبات ولا اى شىء

بس احس انى شاركت فريق الغمل زى السنه اللى فاتت

ربنا يتقبل يارب

ahmed_k said...

ربنا يكرمك يا داليا
البرنامج ميه ميه (100% يعني ) وشدوا حيلكم شويه بقه علشان تلحقوا تروحوا الهرم دي البلد بتاعتكم دي في الوقت ده بتكون زحممممممممه مووووت
عموما متقلقيش أنا هنا من البراح والروقان أللي أنا حكون فيه حدعيلكم من قلبي اللي في الجمب الشمال ده

سلااااااااااااام

ahmed_k said...

قوس يا قووووووس
بقولك أيه


















سلميلي على كل المدونين يومها
وقوليلهم متجمعين في الهرم دايما يا رب
تسيباس الهرم أوعي يفهموني غلط

-_- said...

جوعتوني يا بنات

Maryama Qandil said...

احم,,, احم
ان شاء الله اليوم يكون جاامد ويكون متقبل منا جميعاً
ونلحق نروح من السيدة للهرم بالمترو
بالنسبة لمحطة المتور "الجيزة" قريبة جدا من تسيباس
ان شاء الله يكون جميل واتشرف بالتعرف عليكوا,,,حمستوني حمستوني من دلوقتي
:D

بالنسبة للوجبات هقول في كومنت كمان شوية عشان اتأكد من اصحابي مين جااي

Anonymous said...

شوفي يادودو

أنا ان شاء الله هكون معاكو في المستشفى لكن مش هقدر اروح الافطار عشان معزومة بره أنا آسفة جدا
وكان نفسي اشارك واقابلكو اديكو فلوس فطار الاطفال لكن عشان مش بدخل النت كتير في رمضان فماعرفتش آخر التطورات
ان شاء الله هخلص شغل الساعة تلاتة واجيلكو جررررررري
ربنا يتقبل منكو

مها ميهوووو

قوس قزح said...

احوال الهوى

جزاك الله خير على تشجيعك و دعاءك
المرة الجاية ان شاء الله تكون معنا

قوس قزح said...

صبرنى يا رب

يارب المرة دى تيجى علشان نفسى اشوفك بجد

قوس قزح said...

احمد سكر

انا مش عرفة اقولك ايه
بس انت عارف كويس اوى انك مش مقصر يا احمد معايا فى فعل الخير

ان كانت ظروف شغلك مش سامحة انك تشارك كفاية انك اول ما بتكون فاضى بتعرض المشاركة عن طيب خاطر

يارب البرد اللى عندك مش يزيد و تقدر تيجى

قوس قزح said...

ahmed-k

بعينك با احمد
اللى عايز يسلم على حد يجى يسلم بنفسه
وش مطلع لسانه

يا كسلان

قوس قزح said...

sharm

اتفضل نورنا بالمشاركة معنا :)

قوس قزح said...

♥ Am fOpa'D ♥
الشوية عدوا يا جميل :)
بكرة ان شاء الله بقى بلغينى
انا كمان متحمسة .. و قلقانة :)

قوس قزح said...

احسن تستاهل

هنستناكى ان شاء الله
يارب تلحقى تيجى قبل ما نوزع الوجبات

micheal said...

حستني منك بوست عن تفاصيل اليوم ومعلش عندي سؤال ممكن يكون بايخ شويتين يا داليا:أنتوا كنتوا واخدين بالكوا من تعارض موعدكم مع ميعاد مباراة مصر ورواندا؟
:)

اقصوصه said...

فتحتيلي نفسي :)

أحمد سعيد بسيوني said...

جعله الله في ميزان حسناتكم

آمين

Anonymous said...

ان شاء الله تكونوا قضيتوا يوم جميل؟ :)

assafo anaroze said...

يسعد مساك
شفت تفاصيل العمل النبيل اللي عملتوه بابو الريش
جزاكم الله عنه كل خير
و يا رب تكوني بالف خير

mohamed said...

داليا هانم
قوس قزح
ملون بكل ألوان الخير والعطاء
أخلاصك وصدقك
أنتى وأبى هانم وخيخه هانم
وبنات الطب البيطرى وكيارا وخالد همس الاحباب
صوره رائعه تحفظها الذاكره وتبعث فى قلبى أحتراما لاينقطع وأملا فى أنتصار الخير
محمد شوية كلام