Tuesday, September 15, 2009

هنعيد وهنفرفش .. بس مش هنتحرش



فى كتير من المدونات دعوة لعدم التحرش فى العيد
و بيتكلموا عن المتحرش و ازاى هو انسان خسيس
و ازاى لازم نحس بالامان و نطلع من رمضان لسه محافظين على القيم الروحانية اللى فيه
و ده لينك الجروب صاحب الدعوة

لكن انا عايزة اتكلم عن حد تانى
عن الشخص اللى بيتفرج على التحرش و لا كأنه بيتفرج على فيلم اكشن
و مش بيحاول يساعد البنت اللى بيتحرشوا بها
و ده شوفته فى الفيديو بتاع التحرش سوا فى العيد او الاستاد
الشباب واقف يتفرج عاااادىجدا و منهم اللى مبتسم زى ما يكون لاقى فرصة يتفرج على موقف زى ده

ان كان المتحرش انسان مريض نفسيا فالشخص المتفرج لا عنده نخوة و لا شهامة و لا رجولة بالاضافة انه جبان

المصيبة هى ان كان المتحرش شخص واحد فالشباب اللى بتتفرج بيكونوا مئة

هى اللامبالاة هتوصل بينا لفين
محتاجين ايه يحصل قدامنا علشان نتحرك و نقف جنب انسان محتاج مساعدة
و ياترى لما نساعد هنساعد المتحرش و لا المتحرشة بها
كلمة و انا مالى هتفضل تكبر لحد ما تتلف حوالين رقابتنا
و نلاقى فى يوم من الايام المتحرشين بيهاجموا البيوت زى الحرامية و هم عارفين ان رجالة البيت هتعمل نفسها نايمة

انا مش هنادى بان هعيد و افرفش بس من غيرتحرش
لكن هنادى بان هعيش و اموت من غير ما اشوف تحرش و اسكت

41 comments:

بت خيخة وأي كلام said...

الو

بت خيخة وأي كلام said...

الوووو الوووووو

حد هنا

بت خيخة وأي كلام said...

يا حلاوتى يا هنايا يا سعدي
انا اول تعليق

بت خيخة وأي كلام said...

طب هو مافيش
هانعيد وهانفرفش وعايزين نتحرش

هو كله مافيش تحرش كدة
طب والناس المكبوتة دى تعمل ايه و تروح تتحرش فين

ماهو لازملها عيد
وزحمة عيد
والعيد فرحة
علشان يطلعوا كبتهم
ويتحرشوا ببنات الناس


الناس عندها طاقة
وطاقتهم مهدرة مش عارفين يطلعوها فى شغل لان مافيش شغل الناس مخنوووووووووقة


شغلوا الشباب وهما هيتلموا
لأن طاقتهم كلها هيطلعوها فى الشغل هيرجعوا بيتوهم تعبانين
وهيدلقوا فى سريارهم علطول

وخلوا البنات تتلم فى لبسها علشان مايبقاش عند الشباب حجة او مبرر للتحرش

قوس قزح said...

ايوووووووووون

قوس قزح said...

انا هنا اهو
الووووووووووووو

قوس قزح said...

اه تصدقى انك اول تعليق
مش عادتك يعنى
ههههههههههههههههه

Appy said...

سيبينى على البت اللى فوقى دي اللى عماله تلعب دي
نشغلهم اه نقول للبنات ماشى بس برضه مش مبرر ليهم ما فيه محجبات يا قرعه هانم بيتحرشوا بيهم
كلام داليا مظبوط الناس مبقاش عندها نخوه ولا رجوله بجد ولو واحده اضربت فى الشارع محدش بيحوش عنها
انا نفسي فعلا اشوف نخوه بس هتيجى منين اذا كان فى يوم من الايام اب قال لابنه متعاكس جارتك بس عاكس اى حد بره
وسمعينى زغروطه بقى عاااااااااااا

قوس قزح said...

لا فى طبعا
هنفرفش و نعيد

و مش قصة عدم شغل و فراغ يا خوخة
لان البنات عندهم بردو نفس الفراغ
و مش اقصد ان البنات كمان تتحرش
بس فى حاجة يا جماعة اسمها تفريغ عواطف عن طريق حب نضيف

و الله يا خوخة البنات على قفا مين يشيل و عايزين يتحبوا و يحبوا

مش لازم يعنى الموضوع يكون فيه ***

قوس قزح said...

Appy

ايوه طبعا سمعته فى المنتشئة
لكن و ايه يعنى اما يتحرش ببنات منطقة غيره
و ده اللى باتكلم فيه
المتحرش بيتحرش علشان متاكد ان محدش هيلموه
مش لان رغبته الجنسية مرضية و لا البنت لابسة مش عارفة ايه

قوس قزح said...

بس شكلكم كده يا عيال يا اندال متجمعين فى الكومنتات
مااااااشى
انا كمان هعمل مودريشين و هعمل تجمع هناك
ههههههههههههه

اسامه عبدالعال said...

وصلنا لمرحله غريبه ومخيفه من السلبيه

عمرو said...

هى حالة نطاعه عامه !!
ماينقالش عليها غير كده
كبار و صغار
يعنى طول الليل و النهار خناقات و دم بين الناس لكل الأسباب و أتفها لكن عمرنا ما شافنا خناقه بسبب أن حد بيحاول يوقف متحرش عند حد الأدب و ده تصرف غريب من مجتمع شرقى مسلم عربى فرعونى ولاد أم الدنيا ..
لا أعتقد أن قلة الشغل هى السبب لأن فيه ثوابت أخلاقيه مالهاش دعوه بمشاكل البطاله خالص لكن لها دعوه بمشاكل نفسيه تانيه ..
كل سنه و أنتى طيبه و ربنا يستر ..

mahasen saber said...

صدقتى يا داليا اذا كان التحرش والمتحرش آفه فاليى بيشوف كارثه زى دى ويسكت فأكيد ده كارثه اخرى اكبر وانيل

ربنا يلطف بينا لان القيم والثوابت والاخلاق بتختفى زى البخار كده بسرعه قوام

Sherif said...

لاأرى ان المشكلات تحل بالشعارات .. مهما كانت بليغة او تبدو مؤثرة

الدنيا تحل بأن نعى لماذا يحدث هذا .. وهو رأى قديم لى بأننا تحولنا الى قضاة .. ولم نعمل كمحامين أبدا لنفهم لماذا

لماذا يحدث التحرش؟ هل هؤلاء مرضى نفسيون فعلا ومالسبب فى هذا المرض .. الاحباط من انهم لايجدون شيئا يستغرقهم يلتفون حوله؟
هل لانهم شباب لايشبعون حاجتهم بالصورة التى ترضيهم وترضى ربهم لصعوبة الزواج وارتفاع سنه؟

هل لغياب رد فعل امنى مهمته حماية البنات والنساء فى الشوارع ؟

إن مجرد رفع هذا الشعار يوصم شباب مصر بتلك الصفة التى انا متأكد انها لاتمثل كل الشباب .. مهما تعددت الحوادث

لهذا لست مع هذا الشعار .. لكنى مع اى انشطة أخرى ثقافية وفنية واجتماعية تجمع شباب الجنسين فيشتركان فى شئ جميل ومفيد ولو بسيط .. تماما كما تفعلين انت .. ولديك مشروعا لم يبدأ اتمنى له النجاح .. لانه سيجمع بعض الناس على شئ جيد

فى رأيى ان نرفع شعارا ايجابيا .. كأن نقول مثلا ازرع شجرة .. وعدم القاء الضوء نهائيا على شئ سيئ .. بل نبذه وتجاهله .. وانما نسلط الضوء المبهر على شئ ايجابى ونجاح مهما كان بسيطا .. فهذه الاشياء هى التى تبنى مصريتنا مرة أخرى

Yusuf said...

اعتقد ان الشعار المفروض يبقا

هنعيش من غير تحرش

الفكرة كلها كانت في السكوت علي التحرش اللفظي اللي بالطبع كان لازم يتحول لفعل يدوي

انا مش هناقش سيكولوجيا المتحرشين او البنات اللي بتلبس ومش بتلبس او الناس اللي بتكتفي بمتعة المشاهدة

انا هقول بس
ربنا يهدي الجميع

Mohamed Hamdy said...

لو بس تحطى لينك الجروب تبقى عملتى خدمه جامده اوى

http://www.facebook.com/group.php?gid=158203229767

شكرا مقدما

adel said...

العيد قرب
كل الشعب يشتري مانع التحرش
عبارة عن مطواة قرن عزال
معها قزازة مايه نار
ولو بتشتغلي و معاكي برادس كتير
اشتري صاقع كهربا

يمنع تجربة المنتج علي المعلن اللي هو انا
هههههههههههه

أليس في بلاد العجائب said...

وااللي مش شباب وبيتحرش ؟؟
واللي مش ذكور وبيتحرشوا بغيرهن من الجنس نفسه ؟؟
واللي بيشتغل و مفحوت شغل و بردة بيمد ايده وبيقل ادبه بس يحس ان الباب فيه خرم يفوت منه وتلاقيه دخل وبرطع !!!


اذا اعتبرنا مد الايد بس هو اللي اسمه تحرش
يبقي في اولاد اطول من ركبتك حاجة بسيطة وبيتحرشوا بالايد قبل اللسان

واذا اعتبرنا اللفظ و النظرة واللمس و مد الايد .. كل دا تحرشات
يبقي مفيش مربع فيه اربع حيطان الا و هتلاقي فيه متحرش ولو في تفكيره و مخرجتش لطور التنفيذ

اسمحيلي المشكلة مش في كون الناس بتعيد فبتخرج و تتفسح و الشباب متلطع في الشوارع مش لاقي حاجة تلمه

ولا في اللي متربتش و بتخرج تتمايص في الشوارع مع اصحابها و سامحه لاي حد معدي يعاكس و يقرب منهن

ولا الملتزمة اللي حظها التعس حطها في مكان في ناس متربتش

المشكلة في اللي بيربي ويعلم
لما يبقي اللي بيربي مش متربي
واللي بيعلم جاهل بابسط التعاليم
ولما اللسان يطول و اسكت
والايد تتمد واسكت
واللي حاميها حراميها
بتشتكي لاصنام لا ينفعوا احد

لا وابقي انا اللي غلطانة كمان اكمني هعمل فضيحة يعني ملهاش لازمة

هحط نفسي مكان المتحرش بها وهفكر وهفكر وهفكر قبل ما اخد خطوة تجاة المتحرش
مش علشان خايفة منه
علشان خايفة علي نفسي
علشان الناس بتسد ودانها في الحالات دي
بتبقي لا بتسمع ولا بتشوف
والحق فيها ضايع

الاولي يا داليا نشوف حل يمنع التحرش اللي جوه البيت قبل براه
نسبته مش قليلة
ولو سيبنا البيت
في الشغل في
ولو سيبنا الشغل
في العمارة
في الشارع
في السوبر ماركت
في اي وسيلة مواصلات حتي لو راكبة عربية خاصة مقفولة عليكي !!

للاسف مقدرش اقولك حصريا سبب للتحرش لان النماذج اللي عرفتها متحرشين علي كافة اشكال واعمار و مستويات ممكن تتخيليها!!

الله يحفظنا ويستر عوراتنا ويهدينا جميعا لما يحب ويرضي
كل سنة وانتم والمسلمين جميعا بخير

شمس النهار said...

كل سنه وانت طيبه
وبخير وسعاده

الموضوع ومافيه ان الناس بقت خايفه
ام قصادي قالت لأبنها اللي طول النخله وعرض اتوبيس النقل العام
اوعي وحسك عينك تشوف خناقه تاني وتدخل فيها هو انا مستغنيه عنك وحلفته علي المصحف
بالرغم ان الخناقه كانت علشان ولدين كانوا بيعكسوا بنت بألفاظ مش لطيفه

ولما عاتبت الام وقلت لها انت كده بتقتلي النخوه فيه
قالت احسن ماابني يتقتل بمطوة واد صايه بيعاكس بنت
اصلا هي اللي تستاهل انها تتعاكس

ايه رأيك ياستي
عرفتي النخوه راحت فين
ماحدش عارف ان ده لو فعلا مات هيكون شهيد

بت خيخة وأي كلام said...

لما ارد على البتنجانة

انا مقصدش يا بتنجانتى العزيزة
بكلمة ان البنات تتلم فى لبسها
انى اقصد البنات الغير محجبات

انا اقصد على كل المستويات واولهم المحجبات اللى بيلبسوا باديهات وحاجات قصيرة على البنطلون الجينز الضيق اللى هيفرقع من على الاظؤظة

فيه بنات غير محجبات ولبسهم بيكون حشمة


حكاية الناس معندهاش نخوة

لا الناس عندها نخوة بس خايفة

حطى نفسك مكان المتفرج
انتى واحدة ماشية فى الشارع ولاقيتى واحدة بيتحرش بيها من خمسة ستة
هل هتروحى تحوشى عنها ولا هتخافى تقربى لا يتحرش بيكى انتى كمان

ولو راجل ممكن جدا يخاف يدخل وسط العيال الصايعة دى احسن يغزوه بمطوة ولا حاجة
يبقى بدل مايروح لبيته ولعياله هيروح على المشرحة

هى الفكرة ان لو واحد حتى شايف وخايف ممكن يقول للناس التانية اللى زيه اللى شايفين وخايفين ياخدوا خطوة ايجابية
لكن لو واحد منهم شجعهم هتلاقيهم كلهم بقوا ايد واحدة
ومهما كانت العيال الصايعة كتير ساعتها الرجالة المحترمة هيكونوا اكتر وساعتها العيال الصايعة هما اللى هيخافوا وهيجروا

بس خلاص



لما اقول كلمتين لداليا بقى

دودو
ازيك
عارفة يا دودو مؤخرا بيجيلى حالة بهججة وفرفشة لما بشوفك او بسمع صوتك او اجى ازورك فى مدونتك او تيجى تزورينى فى مدونتى

زى ما اكون اكتشفت انسانة من عالم جميل


المهم يا قزحيةالقوس

انا كاتبة بوست اسمه صندوق الزمالة
محتاجة منك انك تقريه كويس وتقرى التعليقات اللى عليه
وتقوليلى رايك علشان رايك مهم جدا
ويتوقف عليه حاجات كتير وشغل كبير اوى اوى اوى


سلام

اختك خيخة

شباك موارب/منار said...

داليا اسمحيلي طبعا اقولك كل سنه وانتي طيبه ويارب دايما


بالنسبه بقى لموضوع التحرش
فانا من يجي نص رمضان حذرت صحباتي انهم يخرجوا في العيد لوحدهم او يتمشوا والكلام ده لان برضو مهما عملتوا مازال الموضوع مش جواز وغيره مالمتجوزين بيعاكسوا وبيعملوا افظع من اي شاب لو جتله الفرصه لحد عنده لكن الشاب بيدور على الفرصه بنفسه




كمان بحذر اوي من الاطفال هو لفظ اطفال اكيد غلط عليهم سن الابتدائي والاعدادي بقى مخيف فعلا وزيه زي اي راجل ممكن تصدر منه اي تصرفات


انا عن نفسي بكره في مصر المعاكسات
زهقت منها بجد
نفسي نبقى مجتمه بيفهم
البنات تتلم وتلبس محترم
والشباب يلم نفسه برضو

ربنا يكرمك يارب

قوس قزح said...

اسامة عبد العال

ربنا يستر علينا و على اولادنا من السلبية دى

قوس قزح said...

عمرو

انا خوفى بعد حكاية الغشاء المستورد ده تصيب النطاعة البنات كمان
و تقول و ايه يعنى لما يتحرش و لا يغتصب ما انا معايا غشاء احتياطى
اعتقد السبب الاساس فى كل ده هو الخوف اللى اتبنى جوانا من غير ما نحس .. اللى خالى الناس تطمع فينا

قوس قزح said...

محاسن صابر

اكيد فى حل .. لازم يكون فى طريقة نربى اولادنا بها انهم ميكونوش كده .. ازاى مش عارفة

عاشقه الرومانسيه said...

داليا ياحبيبتى
انا من فتره كتبت بوست ساخر عن نفس الموضوع
هتلاقيه على اللينك ده
http://mero200528.blogspot.com/2009/04/blog-post_9746.html
ابقى اقريه وقولى لى رايك فى ردك على تعليقى
بحبك ياقمر

نور الدين said...

عندك حق ياداليا اكتر حاجة عجبتنى هو التنويه على دور الناس اللى بتبقى واقفة تتفرج وكانها بتشاهد مسرح مش جريمة هتك عرض
شخصيا والله حضرت موقف لا انساه عشرات الشباب اتهجموا على بنتين فى شارع الهرم ومكنش حد واقف يدافع عنهم غير انا واتنين من حراس الكافيهات رغم وجود ناس كتير كانت ممكن تتدخل ووالله خرجنا البنات من بين اديهم اصعب من خرو فريسة من فم ذئب
...
كل سنة وانت طيبة ياداليا وانا بقول نقضيها كحك وروتانا سينما وبلاش خروج خالص وربنا يستر
..
نورالدين محمود

قوس قزح said...

شريف محامى الشباب

انا هنا مش بتكلم على المتحرش لكن على المتفرج
يعنى مفيش استفادة هو حصل عليها رضت رغبته
و مش معقول بيتفرج نتيجة الفراغ اللى فى حياته
هنا المشكلة ان فى صفات جديدة ظهرت من النوع الحلوف
و وجود صفات زى دى فى ناس كتير دليل على ان المجتمع نفسه ملامحه اتغيرت
و ده محتاج دراسة على المجتمع كله

بس لى سؤال ..زمان لما حد كان يبقى عليه ضغوط و احلامه مش قادر يحققها كان ليه ممكن ينتحر فى صمت و مكنش ينزل يتحرش بحد ؟

قوس قزح said...

yusuf

اللهم امين

الدعاء خطوة بس مش الخطوة الوحيدة

قوس قزح said...

mohamed hamdy

علم يا فتدم و نفذت :)

قوس قزح said...

adel

انا شوفت الفيديو بتاع مانع التحرش
مسخرررة
الغريب فيه ان ممكن البنت تفصل الجهاز لو الولد عاجبها ههههههههههههههه

قوس قزح said...

اليس فى بلاد العجائب

لا كده الدايرة هتوسع اوى
و هنفتح على نفسنا فتحة مالهاش اخر
و نلاقى ان فى كل بيت من بيوتك يا مصر
حصل فيه موقف من مواقف التحرش المختلف

اما عن الاطفال اللى بتتحرش فدى حقيقة انا عرفتها و حصلت لقريبة لى هى و صاحبتها فى المهندسين من حوالى 10 اطفال
و محدش عمل حاجة و كان الناس بتتفرج و تضحك

على اد ما كلامك منطقى على اد ما يوجع القلب :(

قوس قزح said...

شمس النهار
و انتى طيبة و بخير دايما يارب

هو فعلا الخوف سبب رئيسى فى الحالة دى
ده لان مفيش امان و لا امن
لو القانون يحمى اى حد و يعاقب الغلطان عقاب صارم
كنا هنبقى غير كده

و لو فكرتى فى موقف الست هتلاقى عندها حق من وجهة نظرها ..لان ابنها عندها اغلى من اى بنت حتى لو هيعش ابنها من غير نخوة

قوس قزح said...

بت خيخة

تصدقى لما قريت اسم البوست فى الاول افتكرت اسمه صندوق زبالة
قلت بس خوخة مبهدلة حد عندها هههههههههههههه

ربنا يسعد قلبك دايما و الحمدلله انى ساعات بكون سبب فى ده :)

قوس قزح said...

شباك موارب

اسم مدونتك جميل :)
كل سنة وانتى طيبة و بخير دايما يارب

تفتكرى الحل اننا نقعد فى البيت ؟
طيب لو التحرش بقى مش فى العيد بس هنعمل ايه ؟

و حكاية الاطفال دى كارثة
لان هم شباب بكرة
متخيلة لما يتحرشوا و هم اطفال هيعملوا ايه لمايكبروا ؟؟


ربنا يستر علينا و على بلدنا

عاشقه وغلبانه said...

ياريت والله
انا نفسي يرجع الشارع زي زمان
ناس ماشيه في حاله
خايفين علي بعض
نفسي لما نلاقي اي حد مش ضروري بنت ومحتاجه مساعده مانقفش نتفرج
حاله الامبالاه اللي انتي وصفتيها دي مش بس في التحرش
لا في حاجه فينا غلط
كتير مننا بقي بيشوف الغلط وعادي خالص
وعلي راي اعلانات الحكومه
المصري اللي علي حق هو اللي يقول للغلط لا
ههههههههههههههههههههه

كل سنه وانتي بالف صحه وسلامه
عيد سعيد

mimi said...

عيد سعيد ... هتقضي العيد فين وازاي؟

ربنا يكرمك ويسعدك يارب

mimi said...

ميمي جابت العيدية ... عيد سعيد

http://2.bp.blogspot.com/_wyjXbHak4DY/SOH3035f_ZI/AAAAAAAAAWI/vXOd49itD38/s400/untitled.bmp

محمد عبدالرحمن شحاته said...

كل عام وانتم بخير

شريكة في المطعم said...

كل سنة وانتي طيبة و بألف صحة وسلامةويعود عليكم الايام باليمن والصحة والبركات
تقبل الله منا ومنكم صالح الأعمال

وملهاش لازمه الواحد يخرج يتمشى في العيد يعني ..محبكتش اوي
وبعدين كله كوم وعيال اعدادي دول كوم لوحدهم ...الكبير مهما كان هيبقى له حدود ...اما العيال افظع حاجة فعلا

وعيد سعيد عليكي

dreem said...

ههههههههههههههه
اهو العيد جه ياختشى وجاب معاه تحرششششششششششششش
نشنتى يا ناصحة ؟
الا قوليلى : اخبار عينك ايه ؟
وش بيغمز