Thursday, November 12, 2009

اغلى الحبايب


القمرات دول زى انا و انتى فى المستقبل
و انا بأشكى لك من اخر تجمع و تصميم خيخة انها تتبرع مع ان الهيموجلوبين عندها 8
و رحاب اللى راحت اتخنقت مع سيادة اللواء مدير المكان و طلعت خرفانها عليه بس هو كان معجب بها

و فاتيما اللى اول مرة تيجى متاخرة قال ايه كان ابن يوسف مسهرها طول الليل
و خالد اللى قاعد ساعتين يلم فى الفلوس و يغلط و فى الاخر دفع من جيبه

واحمد سكر اللى مجاش لانه بيصلح فى موتور الطيارة اللى اخترعه
وغيرهم و غيرهم
وانتى توطى عليا و تقوليلى اسمعى عندى فكرة خاليها بعد كده لقاء حريمى و بس بلا فرسة
و علشان كمان نبقى سوا
.
.
.
بدعى ربنا نفضل لاخر لحظة فى عمرنا اصحاب
لا لاخر لحظة فى عمرى انا ..لانى مش هاستحمل الدنيا من غيرك


كل سنة و انتى اغلى الحبايب

67 comments:

صيدلانيه طالعه نازله said...

طبعا انا بحكم ان انا سوسه عرفت ان التورته بتاعه عيد ميلاد مفروسه
ايييييييه ده انا باقول شعر يا اخواننا
و زى ما الشاعر القديم قال مين اللى ما يحبش مفروسه
ههههههههههههههههه
كل سنه و انتى مفروستى الحبيبه و العزيزه
و شكرا ليكى يا داليا اننا دايما متجمعين عندك و معاكى فى المناسبات الحلوه

adel said...

لار و نسيت اخو يوسف كده
:(:(:(

ماعلينا
كل سنة و الشخصية المتدراية طيبة
:)

وحلوة الذكريات اللي لسه هتيجي دي
:):)

mony said...

كل سنه وهى طيبه
بس مين
معرفش
وعلى فكره
ايه دخل القمرات دول
بتبرع الدم
ب ست الحبايب
؟؟؟؟؟؟؟؟؟؟؟؟؟؟

Asmaa mahaba said...

طبعا بحكم انى قريت تعليق علا السوسه عرفت ان التورته بتاعه مفروسه
هههههههههههههههههههههههههه ناس تسوس
وناس تستفيد
كل سنه وهى وانتى وكلنا طيبين نسيتى تحطى فى الصوره واحده حشاريه داخله بمناخيرها وسنها مش كبير قوى وشعرها منكوش :)) سوسى بقى انتى كمان يا حماتى واعرفى هى مين
معلش اى تجمع بيحصل فيه مشاكل
وبعدين اللواء اما كان معجب بايبى مفيهوش فايده كدا خالص مش يجيبلها عريس عاوزه اجوزها وافرح بيها واشيل عيالها :(
وخيخه طول عمرها خيخه اصلا لازم تخيخ والا متبقاش خيخه :))
همس والنبى طيب وغلبان والمره اللى فاتت بخيت فيه بهزار وروحت واخده الفلوس وخارجه فكاها هههههههههههههه خضيته
................
لا بلا تجمعات نسائيه بلا شلفنطح احنا عاوزين تجمعات خيريه على طول وبعدين مش لازم كلها تبرع وفلوس ممكن نعملها تجمعات تثقيفيه لابناء الملاجىء والامهات البديله مثلا انا بدات مشروع اسمه فينه نوح اساسه الحاجات دى وانتى معايا اجبارا اصلا ابقى تعالى واقريه هو لا فيه تجمع ولا فيه يحظنون ولا جمعيه ولا اى حاجه غير اننا .....؟
تعالى اقريه:p
والنعمه ما انا قايلالك ولا حغششك بس هى :(

Asmaa mahaba said...

خدتى بالك من يحظنون دى :)) وفينه بدل سفيه

Cute Kitty **sookra said...

مساء الشيكولاته
داليا اه وصاصا لا
ههههههههههههه
ازيك يادودو اخبارك ايه
وكل سنه وانتو مع بعض طول العمر

مسدس صغير said...

ايه؟
انا هبقى فين؟؟
مت؟؟
هههههههه
وللا يمكن اكون بطلت تدوين وبكتب مذكراتى
لا لا
هاجى معاكو بردة
بس ابقى اتصلى بيه
لو احفادى وافقو هاجى
كل سنة وانتى طيبة
كل سنة وهيه طيبة
كل سنة وانتو وانا طيب

لاسع افندى said...

ربنا يخليكم لبعض
وكل سنه وانتوا الاتنين طيبين



تحيه لاسعه

Lady E said...

كل سنة وانتو الاتنين طيبين وعسولين وزي القمر وربنا يبارك في صداقتكم

ويبعد عنك الأسود وتبقى حياتك كلها بمبي :)

Anonymous said...

حمدا علي السلامة يا مدام داليا
وكل سنة وانتي طيبة





تامر

فاتيما said...

الله يا وش الخير
البوست صاااااااافى
و طيب زى قلبك
انا منشكحة إيما إنشكاح
عشان إسمى مكتوب انا
و يوسف
و هيبقالى حفيد كمان ؟
يا دى الهنا
ربنا يفرح قلبك
و متعرفيش
ما يمكن يكون حفيد مشترك
بينى و بينك؟؟
الله أعلم
دحنا نتمنى ...يااااه
كل سنة و مفروسة فروستى حبيبتى
بألف خير
يعنى بس مجرد بوست
عيد ميلادها نشر البهجة
و الفرح فى قلوب كل اسم مكتوب
أو مش مكتوب حتى
ربنا يديم صداقتكما
و حبكما لبعض
و يسعد كل أيامك و أيامها
أخد حتة صغنتوتة من التورتاية
عشان الهيموجلوبين يتظبط شوية
و أركن العصايا على جنب
و ألبس النضارة عشان أشوف كويس ...
و أقولكم
بحبكم يا أجدع ستات
عرفتهم فى حياتى و محظوظة بيهم
قوى
و حضوناااااات كتييييير قوى

Unknown said...

كل سنة وانتى وهى
وكل المدونين طيبين
لو ان لى عتاب
مش هقوله

كل سنة وانتى قوس من الالوان الجميلة المضيئة بالجمال والرقة

صبرني يارب said...

مفروسه النوسه كونووووووسه

ايوووووووه عرفتها لوحدي والله

دولي يا ام الواجب يا باشا

كل سنه وانتى طيبه يا مفروسه يا جميله

يا الى هاعملك تجمع حريمى فى المنصوره بقى عشان تيجى
هههههههههههههههههههه

كل سنه وانت بالف خير يا جميل

Mafrousa said...

ههههههههههههههههههه
كده تطلعى صورتي فى المدونة؟؟؟؟؟
هو ده اتفقنا؟؟؟؟؟
هههههههه
مرسي يا دودو يا قمرة و انتى طيبة و كل الناس المدونين الحلوين طيبين و مفروسين و مفقوعين و مجانين و مخيخين و لاسعين
هههههههههههههه
دودو يارب بجد ربنا يديم علينا الصداقة ديه لغاية لما نبقى زي الصورة
ههههه
انتى انسانة جميلة يا داليا جداا و قلبك حلو علشان كده الكل بيحبوكي
و الصراحة انتى الوحيدة اللى مستحملة فرستى هههههههه





صيدلانية طالعة نازلة
-------------------
علا الجميلة
مرسي يا قمراية و انتى طيبة و بخير
و هايبر بيسلم عليكي و سينابون بالخصوص و مستنيكي
واخدة انتى بالك من سينابون ده؟؟
هههههههههه يعنى ولا سيبوتريم ولا رويال تي ههههههههه


adel
------
و انت طيب و بخير يا استاذ عادل



Mony
------
و انتى طيبة و بخير يارب
اقولك انا ايه الصلة بين الكلام الملخبط زي الالوان ده
هههههههههه بقى ست الحبايب تقصد بيها الاخت داليا انا ههههههههه اصلها حسانى مامتها ههههههههه اوعي يوديكي فكرك علشان السن لا سمح الله
لأ علشان الحنان و الحب بس
:)
اما بقا حكاية التبرع بالدم فى المنصورة بقا اغلب اللى راحوا كتبوا عن اليوم ده الا داليا
و بما انها انا حاساها مفروسة من اللى حصل فى اليوم ده هههههههههه
فملاقتشي غير البوست اللى حتكتبه عن مفروسة و تفضفض بشوية فرسة
هههههههههه
اما الصورة بقا
فديه صورتنا اللى حتكون ان شاء الله بعد سنتين بكتيرة تلاته
هههههههههه

Mafrousa said...

سومة ......مجنونة فى بلد عاقل
---------------------------
سمسمة المجنونة
و انتى طيبة و بخير يارب
و بعدين يا قمرة انتى فى وسطينا شئتى ام ابيتى ما هي الفرسة بتؤدى للجنان عادى احنا عيلة واحدة
ههههههههههههههه



sookra
-------
و انتى طيبة و بخير مرسي

مسدس صغير
----------
و انت طيب و بخير مرسي


لاسع افندى
---------
يارب
و انت طيب و بخير
مرسي

LadyE
-----
و انتى طيبة و بخير يارب
و اجمل دعوة
ربنا يبارك فى صداقتنا يارب
حلوة برضه انه يبعد عننا الاسود
ههههه بس انا مش بحب البمبى
انا بحب التركواز هههههه



تامر
----
و انت طيب و بخير
مرسي


فاتيما
--------
تم تم
انتى اللى قلبك صافي يا فاتيما
و ربنا يعملك الخير كله
و انتى طيبة و بخير
مرسي
ربنا يديم صدقاتنا كلنا و انتى فى وسطينا
فاتيما ابقى خدى بالك و انتى بتاخدى العصايا مش تتلخبطى و تاخدى عصايتى
ههههههههههه

Mafrousa said...

نهر الحب
------
و انتى طيبة و بخير مرسي

اخخخخخخ
العتاب ده ل مفروسة ولا لداليا
يا ستى لو كان لمفروسة حقك عليا الفرسة بتعمل بلاوى
و لو كان لداليا
ما تزعليش امسحيها فيا
اما اذا كان لحد تاني
عاتبي يا اختى براحتك خااااالص
هههههههه




صبرني يارب
------------
صاصا
هههههههههههه فين الكيكة اللى حطفى فيها الشمعاية؟؟؟؟؟
هههههههه
ناجحة يا اختى عرفتى حل الفزورة
كسبتى معانا
4 بيضات و كيس سكر و كيس دقيق
هههههههههههههه

قوس قزح said...

يا سلااااااااام
احلى حاجة فى بوستات العيد ميلاد ان صاحب العيد ميلاد هو اللى بيرد على التعليقات
ههههههههههههه


لا طبعا انا بهرج

بس هرد على مفروسة الاول بعد اذنكم
.
.
مفروسة

ايه العيااال دى
انا منزلة البوست متاخر و عارفة انك بتصحى بدرى علشان تكونى اول واحدة تشوفيه
هى ريحة التورتاية قلبت المكان ولا ايه
مع انها مش من ايد صبرنى يا رب

كل سنة و انتى طيبة و دايما انا و انتى اصحاب و كل المدونين القريبين من قلوبنا معنا

باحبك اوى اوى

فاتيما said...

يا داليااااااااااا
العيال دى
محظوظة بإنها شافت البوست
و لحقت تعلق
و تقول كل سنة و انتما
بألف خير
العيال دى
بتحبكم قوى
و عاوزة تعمل أى منظر بس تبعبر عن مشاعرها ناحيتكما
العيال دى
ممتنة لأن الحياة لمرات نادرة
بتعمل عمايل عدلة
و بتكعبلها فى قلوب حلوة كدا زيكما
العيال دى
عينها فى التورتة الملونة
اللى شكلها يهبل دى و واقفين هيموتوا على حتة
العيال دى
انا بالأصآلة عنهم بقولك
كان واحشنا بوستاتك
و ما صدقنا تكتبى بوست جديد قوم الفرحة فيه تبقى دوبل و مش عاوزهم يفرحوا ؟
طب إاى؟؟
عيد ميلاد سعيد
يا حبيبتى على فروستى و عليكى
بوسة و حضونااااات

قوس قزح said...

دموع كابر

انا اللى سعيدة بزيارتك
و مدونتك ان شاء الله تكون من اجمل المدونات

قوس قزح said...

طمطم
صباح الخيررررررر
وحشتينا انتى كمان
و لسه كنت بقول لدوبا لازم نعمل لقاء حريمى بعد البؤجة

وبعدين يا ريت يبقى حفيد مشترك
ده شرف لنا ان تكون بنتى لها حماة حنينة زيك كده و قلبها ابيض
و يا ستى كلى من التورتاية زى ما تحبى
انا هاحط واحدة كمان زيادة علشان تكفى كل الحبايب

بوسة و حضونة جاااامدة جدا لاحن ام فى الدنيا

Empress appy said...

انتى بتقوميها عليا ليه طيب ما هى لسه مديانى دش فى الفرسه امبارح
كل سنه وهى طيبه ووسطنا ومنوره الدنيا

قوس قزح said...

صيدلانية طالعة نازلة
انت سوسة سوسة
ههههههه
و لهلوبة فى الاسماء
امبارح سارة عبد الفتاح و النهارده مفروسة

انا اللى باشكرك انك دايما معنا فى كل المناسبة الحلوة
و يارب يارب التجمع الحريمى الجاى تقدرى تيجى فيه علشان البنوتات كلهم يتغرفوا عليكى و يشوفوا اد ايه انتى انسانة جميلة و دمك زى السكر

قوس قزح said...

adel

لا طبعا مش نسيت بس وقتها اولادك هيكونوا كبار يا استاذ و لا انت ناوى تتجوز فى الاربعينات ؟؟
انت بكتيرك سنتين تلاتة و نجوزك و بعدها بسنة تجيب نونو
يعنى على ما الصورة دى وقتها يجى هنكون بنحضر لفرح اولادك
شوفت الدنيا بتجرى ازاى
هههههههههههههههه

ميرسى على زيارتك الجميلة

قوس قزح said...

mony

و انتى طيبة يا جميلة
انا افهمك يا ستى
اولا هى مفروسة صديقتى
و القمرات دول انا و هى فى المستقبل
ووقتها هنكون بردو بنعمل خير و نتبرع بالدم ان شاء الله

نورتينى

قوس قزح said...

سومة المجنونة العاقلة

ازيك يا جميل
وحشتنى اوى اوى
وبعدين هو انتى جاتلك الانفلونزا و لا ده من مسح البيت بالديتول ؟؟
ايه الكلام الملخفن ده
ههههههههههه

بصى يا ستى المنصورة كانت جميلة اوى اوى
و البوست ده مالوش علاقة بها خالص
انا بس جيه فى بالى الناس اللى دايما بيكونوا معايا فى كل يوم خيرى - او بمعنى اصح مفيش يوم خيرى ينفع من غيرهم - و فى نفس الوقت اصدقاء لمفروسة
فأن شاء الله نفضل اصحاب لاخر العمر


اما بقى عن السفينة
انا بخاف من البحر و ماليش فى قصة السفن دى ابداااا
بس امرى لله
حضرى اللايف فيست
انا جااااااااى

قوس قزح said...

sookra
صباح السكر

طبعا داليا اه و صاصا لا
بس مش اوى علشان صاصا ما يزعلش :)

انا الحمدلله بخير
انتى عاملة ايه ؟
حلوة اوى صورة اللوجو بتاعك

نورتينى

قوس قزح said...

مسدس صغير

لا طبعا بعد الشر عليك
بس انا قلت بعد اخر تجمع من كتر اللى اتعمل فيك مش هتشارك تانى :))

يارب دايما تكون متواجد و معنا فى الخير يارب

قوس قزح said...

لاسع افندى

و انت طيب و بخير
و دايما لاسع
لان بصراحة لاسعة دماغك بتطلع منك احلى كلام

تحياتى الملونة :)

قوس قزح said...

LadyE

انا سعيدة بزيارتك الاولى لى
و كنت سعيدة جدا بحضور والدتك معاكى يوم المنصورة
اد ايه هى ست جميلة و متفهمة
ربنا يخليكم لبعض و تكونوا دايما انتيم كده

قوس قزح said...

تامر

الله يسلمك
و كل سنة وانت طيب
شكرا لمرورك

قوس قزح said...

فاتيما
الله عليكى انتى و على قلبك الصافى
اللى بيشع حب لكل اللى حواليكى
و بعدين انا لى عتابك صغنن لكى
ازاى يا هاااااااااااااااانم
تغنى و انا مش اسمعك ؟؟؟
انا ماليش دعوة بقى
المرة الجاية تعملى حسابك اسمع البوم كاااامل
و لن اتنازل عن الحكاية دى

يلا بقى انتى عليكى اغنية عيد الميلاد بدام صوتك حنين كده زى قلبك

مووووووووووه
احنا المحظوظين بوجودك معنا
ده كفاية بس لما بنقول لبنت اول مرة تشوفك
انك فاتيما
بلاقيها فى ثانية بقت فى حضنك
عرفتى بقى اننا المحظوظين بحضن دافى زى حضنك :)

الـسـيـدة نـون said...

كل سنة وهى دايما مفروسة

وانتى دايما وش الخير


بحبكم يا عيال اوى


سلام
اختكم خيخة

قوس قزح said...

نهر الحب

و انتى طيبة يا جميل
و ان كان على العتاب
فاهلا به
لانه بيكون بس بين الاحباب
و ان كان خاص بموضوع السفر
فالحمدلله اخيراا اقتنع جوزى بأنى اسافر
و ان شاء الله اليوم الخيرى الجاى فى بورسعيد اقدر اجى

قوس قزح said...

صبرنى يا رب عليكى :)

انتى دايما بتعرفيها و هى طايرة
بس مش عارفة ليه لحد موضوع التجمع ده و دماغك مش بتشتغل ابعد من حدود المنصورة !!!
يا امى انا قدمت السبت
و الاحد عليكى
و الاتنين و التلات و الاربع و باقى الاسبوع
ههههههههههههههههه

و كل سنة وانتى طيبة و جميلة و شقية

ميرا ( وومن ) said...

انا عرفت من غير ما اقري التعليقات

كل سنة ومفروسة طيبة وانتي بألف خير وديماً مع بعض حبايب

وبس علشان انا الأيام دي عاتفية ودموعي بقت قريبة قوي

أحــوال الهـوي said...

اخيرا كتبتي حاجه
حمد الله علي السلامه

يارب يديم المحبة بين الجميع و يجعلها معرفة خير و دائما في مرضاة الله و طاعته

تحياتي

karim said...

سعيد جداا بعودتك, عوداا حميداا

رحــــيـل said...

داليا

كل سنةوصاحبتك طيبة وبخير
وعلى طول سوا
ربنا ما يحرمكوا من بعض ابدا
:))

ستيتة said...

ازيك يا داليا عاملة ايه
نفسي اتعرف عليكي من كتر الكلام الحلو اللي الكل بيقوله عليكي
ربنا يحبب فيكي الخلق كمان وكمان

كل سنة ومفروسة طيبة وربنا يديم بينكم الصداقة والمعروف

تحياتي

همس الاحباب said...

كل سنة ومفروسة بخير
وعقبال مليون سنة
وكل سنة وانتى طيبة يا ام نور
تحياتى

همس الاحباب said...

وبعدين فلوس ايه اللى انا هلمها تانى
ولا اعرفك انتى بالذات
ههههههههههه

قوس قزح said...

واحدة مفروسة

معلش بقى الصورة دى هنكون قواعد يعنى عادى انها تتنشر
مع انك بردو شيك فيها و حاطة وردة و حركات
بس انا اوكد لك ان نظر المدونين وقتها مش هيتعدى تلاتة متر قدامهم فمحدش هيعرف الفرق بينك و بين اى حد هههههههه

ربنا يخليكى لى
مووووووووه

أمل حمدي said...

كل سنة وانت وكل حبايبك طيبين وبخير

وحشاني قوي والله

دمت بود

شفـقــة و إحســــان said...

كل سنة وانتى والمفروسة طيبين وبخير
ربنا يخليكم لبعض
بجد وحشتينى اوى

!!! عارفة ... مش عارف ليه said...

كل سنة وأنتم طيبين

وربنا يديم المعروف

بين المدونين جميعاً

وإن السنة الجاية يكون الجمع بحير

وحقق كتير من أحلامه

قوس قزح said...

آبى الكميلة
على راى شريف

طيب انا اعملك ايه ان كنتى كل ما تطلعى خرفانك المعجبين بيزيدوا

بطلى تطلعى خرفانك و انا ابطل اقومها عليكى :P

قوس قزح said...

بت خيخة و اى كلام

و كل سنة وانتى مش خيخة و لا هيموجلوبينك قليل


المرة الجاية اعزمك على اكلة كبدة قبل التبرع :))

أم أحمد المصرية said...

حبيبتي قوس قزح
اولا واحشاني
ثانيا ربنا يديم عليك نعمة الصداقة و الذكريات الجميلة في الماضي و المستقبل
ثالثا ابقي خلينا نشوفك
:)

قوس قزح said...

وومن

سلامتك من العاطفية

و كل سنة و انتى طيبة كمان يا جميل

قوس قزح said...

احوال الهوى

و الله لولا غالوتها عندى مكنتش عارفة هاكتب امتى
الواحد زى ما يكون من كتر اللى جواه مش عارف يقول ايه فبيسكت

بس ان شاء الله انزل بوست تانى علشان يوم البؤجة

ميرسى لاهتمامك و زيارتك

قوس قزح said...

karim

انا اللى سعيدة بمتابعتك
يارب تكون بخير

قوس قزح said...

رحيل
عروسة المدونات الجميلة

انا سعيدة طول ما ناس كويسة زيكم كده حواليا

:)

قوس قزح said...

ستيته

انا اللى بجد نفسى اتعرف عليكى
و كل مرة يتقال انك جاية لكن للاسف بتحصل ظروف تمنعك
ياريت تحاولى بقى تيجى يوم البؤجة

و كل سنة وانتى طيبة و بخير يارب

عاشقه الرومانسيه said...

الله يادودو
شكلكم حلو قوووى
بس انتى اخدتى موافقه مفروسه علشان تنزلى الصوره على البوست؟
ههههه
ربنا يديم الحب بينكم يااارب
ونتجمع واحنا عواجيز كده
بس الشوباب شوباب القلب ياشاااااابه

كيكى عوووووو said...

ادينى حضن الاول عشان وحشنى حضنك اووووووى
********
وش مستنى











يلااااا

















هفضل استنى كتيرررررررررر!!!











العشاء قربت تدن











فعلا زى ماوصفتى اغلى الحبايب واى حبايب كل سنة ومفروسة طيبة وكل سنة واحنا دايمنا متجمعين بالخير الحب بس الى مجمعنا
****مش هتنزل عن حضنى برضة ....رغم انف الخنازير**

قوس قزح said...

همس الاحباب

و انت طيب يا خالودة و دايما موجود معنا و تلم الفلوس مهما كنت معترض هههههههههه

قوس قزح said...

ماما امولة

و انت طيبة يا حبيبتى
انتى كمان وحشانى
و واحشة القاهرة كلها
مش هتيجى بقى قريب ؟؟

قوس قزح said...

شفقة و احسان

و انتى طيبة يا جميلة
و بعدين انتى وحشة ..ليه مجتيش يوم المنصورة ؟؟
عموما سيبك من المنصورة
لو مش جيتى يوم البؤجة هاعضك
انا بقولك اهو
انتى حرة :)

سلامى لاحسان بك

قوس قزح said...

عارفة ..مش عارف ليه

و انت طيب يا ليدو

يوم المنصورة كان ناقص من غيرك و الله
المرة الجاية ان شاء الله تعزمنا على جزيرة الورد لما تيجى

نورتنى

قوس قزح said...

ام احمد المصرية

انتى كمان وحشانى
و انا عارفة انى مقصرة مع المدونين كلهم
ان شاء الله احاول اتابع اكتر بس ناخد الاجازة بتاعت العيد
ادعى لنا انها تكون شهر مش 10 ايام

قوس قزح said...

عاشقة الرومانسية

لا بصراحة الصورة دى بدون اذن
علشان فى السن حتى لو اخدت اذن هى من الزهايمر هتنسى و تتخانق انى مش استأذنتها و انا من الزهايمر هاعتذر لها
ههههههههههههه

قوس قزح said...

كيكى

حبيبــــــــــــى
سلامتك يا جميل
الف سلامة عليكى يا قمر

و بعدين سلام ايه و حضن ايه
سيبك انتى اللى فى القلب اهم

طمنينى بس عليكى
و طمنينى مسحتى البلوح بمطهر بعد ما علقتى ؟؟؟؟؟
هههههههههههههه

خفى بقى
و نتقابل قريب
و لكى عليا احضنك حضن جااااااامد جداااااا

و امرى لله :)

قوس قزح said...

كيكى


انتى نسيتى تخضنى :(
فين عوووو ؟

بعبعه said...

كل سنه وانتم طيبين

شكلكوا امور اوي بعد خمسين سنه

ربنا يخليكم لبعض

أميرة علي كوكب مهجور said...

كل سنه وانتم الاتنين في خير وحب وسعادة يارب

يارب تكوني بخير يا دودو :)

أم بتول said...

كل سنة و انت طيبة مفروسة ، و يابختك بداليا صاحبة القلب الأبيض ، ماهو مش الوان قوس قزح كلها بيتكون منها الأبيض ، كل سنة و انت كمان طيبة يا داليا و ان شاء الله تفضلوا اصحاب لحد ماتوصلوا لسن الصورة بالضبط ، ربنا يديم بينكم الحب فى الله .

كيكى عوووووو said...

عوووووووووووووووووووو
عوووووووووووووووووووووووووو
عووووووووووووووووووووووووووو
عوووووووووووووووووووووووووووووو
***اتخدتيتى**
نشكركم لاستخدامكم العوو فون