Saturday, July 31, 2010

عودة و امنية




كل شوية حاجة جديدة تظهر لها
تخطف عيونها لها و تشدها
تقوم تنسى نفسها
و تجرى عليها و تروح لها
من غير ما حتى تفكر فى اللى قبلها
هى ياترى وفت لها حقها
ولا سابيتها زى اللى قبلها و قبلها
امتى بقى يجى يوم ويكمل لها
حاجة فى دنياتها بدون ما تملها



ملحوظة : ساعات الواحد بيلاقى ان طلب من حد عزيز صعب يترفض ..علشان كده فتحت المدونة تانى

42 comments:

يا مراكبي said...

أولا .. حمد الله عالسلامة ومبروك إنك فتحتي المدونة من تاني اللي أنا مش عارف إنتي قفلتيها ليه أصلا .. بس مش مهم .. المهم انك فتحتيها من تاني

ما علينا

عجبتني الأبيات اللي في البوست هنا بسبب بساطتها وسهولتها في توصيل فكرة بتتكرر مع ناس كتير

الملل من الأشياء لدرجة انها ما تكملش .. الموضوع محتاج مثابرة وعزيمة .. وعلى فكرة .. دي من صفات الشعب المصري كمان

حمد الله عالسلامة

قوس قزح said...

يمكن انا نفسى مش عارفة قفلتها ليه
و يمكن تكون الابيات دى هى السبب

و يمكن يكون فى اسباب باهرب من انى اشوفها علشان اكون موجودة تانى

محدش فينا بقى نفسه طول يا احمد ..لان مش بس انت اللى بتمل ..لا كمان الناس اللى حواليك بيكسروا مئاديفك
احنا مش بنساعد بعض علشان ننجح
احنا بنتفرج على بعض

ما علينا

كل سنة و انت طيب
و متنساش لو روحت عمرة فى الايام المفترجة دى تدعى لنا

همس الاحباب said...

حمدلله على سلامتك
ونورتى المدونة
بنت حلال والله
لسه على بالى وكنت عايز اكلمك
لسه راجع من الصعيد ومحبط وحاسس ان جو التدوين كله كاااابة
ربنا يزيح الكرب والهم
عجبتنى الابيات جدا لانها بتعبر عن احوال الكثير منا
تحياتى

همس الاحباب said...

كل سنة وانتى طيبة ورمضان كريم عليكى وعلى اسرتك ان شاء الله

محمد عبد الغفار said...

عود أحمد . . التدوين فى حد ذاته لا قيمه له

القيمه فيما داخل الأنسان

قوس قزح said...

نورتنى يا خالد
طيب ما احنا لسه فيها
كلمنى :)

و بلاش و النبى كآبة
انا اكتفيت منها
و مش عايزها تانى
ايه رايك ؟
تيجى نبقى اشطر منها ؟

:)

كل سنة و انت طيب و بخير يا ابو همس

قوس قزح said...

محمد
و انا عرفت ناس هنا قيمتهم لا تقدر بتمن فعلا
حتى لو مش بيكتبوا الا فين و فين او مش بيكتبوا خالص

عين فى الجنة said...

اولا جميل انك رجعتى تكتبى تانى
ثانيا جميلة الكلمات دى اللى لا تصدر الا من طفلة شفافة وحساسة

nor said...

قريت عندك
كتير بس اول مره اعلق
اذا مؤمنه كويس بانك بتكتبي شيء يفيد الناس و يفيدك شخصيا بلاش تبعدي عشان اي شيء في الدنيا
او اي حد يضايق و زي ما الدنيا فيها كتير و حش هنا صورة مصغره للدنيا
تفتكري ممكن تقدري تقرري تسيبي الدنيا عشان فيها حاجات وحشه
وفقك الله لما فيه الخير
و كتاباتك و نشاطك احتسبيه لوجه الله فما عند الله لا يضيع
اهلا و مرحبا بيكي

حروف said...

حمد لله علي السلامة البلوج نور والمدونة حساها كلها حياة

sally
happy island :)

dodda said...

:)
mabrook elrgoo3
we el7amd llah enk la2ya 7aga wa2t ma t7ebi t3mliha mesh 7atla2iha sabetek
rabena ykremk ya dalia
mabsoota awi enk rge3ti ba3d msg bta3ti 3la face book

7asa eni 3ayza ar3'i m3aki ktiiiir
wa7shtini

Anonymous said...

الف حمد لله ع السلامة نورتي مدونتك والتدوين

محمود
رئيس جمهورية نفسي

adel said...

حمدالله علي السلامة
:)

Anonymous said...

فتحتي المدونه من تاني :)
بلاش تقفليها بقي .. مهما كان السبب اعتقد ان المدونه دي حاجه مينفعش يكون ليها بديل في حياة اي حد جربها ..

مستنيه بوستات كتير اوي :))

Unknown said...

حمد لله على السلامة

Anonymous said...

ستايل يتميز بذوق راقى وألوان تليق بقوس قزح

الدعوة للعودة .. وقد عدت .. ربما لاستكمال شئ جميل لم يكن يستحق من الاول أن نتركه ..

مبروك

قوس قزح said...

راجى

ميرسى لك على ترحيبك و كلامك
تحياتى

قوس قزح said...

نور

نورتنى بزيارتك :)
و اكيد التدوين جزء من الحياة
بس الفرق ان ممكن نتحكم فى وجوده

ان شاء الله ربنا يوفقنا للخير جميعا

قوس قزح said...

حروف

عقبال ما جزيرتك تنور بيكى
شرفتينى بالزيارة الاولى :)

قوس قزح said...

دودا
الله يبارك فيكى
الحمدلله على كل شىء

و الله صدفة مكانش فى بالى ان افتحها تانى كنت قلت لك
بس كل شىء بآوان

انا كمان عايزة ارغى معاكى كتيررررررررر
اصلك غيبتى اوى انتى كمان


ربنا يكرمك و يحلى ايامك انتى و البيبى :))

قوس قزح said...

محمود

و انت كمان يا ريس :))

قوس قزح said...

عادل

الله يسلمك يا عادل
ميرسى على الزيارة

قوس قزح said...

هاجر

ازيك يا جميل
حاضر مش هاقفل
ربنا يعينى بس و اقدر

باكون سعيدة بزيارتك جدااا

تحياتى

قوس قزح said...

عابر سبيل

الله يسلمك :)

قوس قزح said...

شريف

الله يبارك فيك صديقى العزيز
فعلا لما بنرجع لحاجة تانية بيكون لسه لنا فيها حاجة مكملنهاش

يمكن الله اعلم
اتمنى يكون خير

على فكرة
برغم جمال صورتك الجديدة لانها انت كما عرفناك
الا ان الصورة القديمة لها طعم خاص بها
الطفل الاشقر الشقى و هو يخطو اولى خطواته بحذر فى الحياة

زهرة الجنة said...

حمدلله علي السلامة يادوللي
يارب ديما منورنا بالخير

أمل حمدي said...

حمدلله على سلامتك
نورتى مدونتك
وكل عام وأنت بخير وبصحة وفي كل خير يارب
بحبك في الله

Alaasalim2 said...

السلام عليكم

حمداً لله على عودتك للتدوين ويارب مش تغيبي تاني

بالنسبه للأبيات فهي جميله بجد والمعنى قوي وقريب من كل الناس لأن دي طبيعه جوانا كلنا تقريباً مع إختلاف درجتها عند كل واحد

ربنا يكملك دنيتك بكل الخير والسعاده والنجاح

Anonymous said...

اري تألق جديد بعد افتقاد
نورتم عالم التدوين مرة أخري

عبد الجليل

amr imam said...

السلام عليكم

انا اولا بعتذر انى مش جاى اعلق
وثاني ازيك وعاملة ية

وثلثا انا جاى ادعوكى تشرفينى لانى منزل بوست جديد وفية سؤال وحتاج مشاركتكم

مع فائق احترامى

blue-wave said...

طيب تحياتى للحد العزيز دا

طوبه فضه وطوبه دهب said...

حمد لله على السلامه ويارب ديما منوره التدوين كله كل سنه وانتى فى وسطينا وبالف خير وصحه يارب

قوس قزح said...

زهرة الجنة

ربنا يخليكى يا مروة
ميرسى لكى

قوس قزح said...

ماما امولة

و انتى طيبة و بخير دايما يارب
انا كمان باحبك :)

قوس قزح said...

علاء سالم

اشكرك على كلماتك
و على زيارتك الاولى
و يارب تشرفنى دايما بالزيارة

قوس قزح said...

استاذ عبد الجليل

اهلا اهلا
حضرتك اللى نورت البلوج
يارب تكون بخير
و كل سنة و حضرتك طيب

قوس قزح said...

عمرو امام

اهلا يا عمرو
ولا يهمك البلوج بلوجك :)
حاضر هاروح حالا اشوف البوست

قوس قزح said...

بلو ويف

هابلغها ..اشكرك

قوس قزح said...

طوبة فضة و طوبة دهب

منور بكم كلكم
و كل سنة وانتم دايما طيبين و بخير يارب

momken said...

اولاً حمدالله على السلامه يا ستى
وعوداً احمد ان شاء الله



البوست جميل اه قصير اوى اوى اوى بس جميل جداً

بس عاوز اقول لبطله البوست ليش كل ما يلمع ذهباً..وليس كل ما يلفت الانتباه نفيس


تحياتى

mostafa rayan said...

عود حميد يا صديقتنا الجميلة
وان شاء الله الفرح يكمل ويكون بين ايديكي

فاتيما said...

كل سنة و انتى و احمد
و العيال بألف مليون خير
يا وش الخير


رمضان كريم عليكى
يا اكرم القلوب
اللى قابلتها ف حياتى


بوسات
و حضونات
و بحبك

۩ - ۩ - ۩

دول
عشان العصافير الصغننة