Monday, December 14, 2009

بؤجة اهل الخير .. انتم

بعد يوم البؤجة بتكون مهمتى انزل بوست اشكر الناس اللى شاركت معنا و اعرف ارئهم و ملاحظتهم عن اليوم

المرة دى انا كنت تقريبا غير متواجدة اغلب الوقت -جيت متاخرة و مشيت بدرى للاسف - بس كنت سعيدة جدا بده لان اليوم كان بردو ماشى طبيعى و ده معناه ان زى ما فاتيما قالت البؤجة بؤجتنا و بقينا مش محتاجين حد يرتب وينظم و يشرف .. خلاص كل واحد من اللى بيشاركوا كل ما يبدل ملابس موسم معين بموسم تانى عارف انه هيشيل الهدوم اللى مش محتاجها علشان يوم البؤجة و بقى عارف ان فى ناس هناك فى اسطبل عنتر مستنين هديته لهم

خلاص بقينا عارفين طريقنا و غياب اى حد من اللى بينظموا اليوم مش هيأثر عليه
و هنلاقى اكتر من شخص قادر يعمل اليوم و يرتبه
مش هنخلى الخير يقف على حد معين
الناس هناك فى اسطبل عنتر ميعرفوش لا قوس قزح و لا أبى
ميعرفوش غير بؤجة اهل الخير .. انتم
البؤجة فعلا ناجحة بيكم انتم

كل واحد منكم بقى مسئول عن حد زيه هناك بيسلمه كسوته فى الصيف و الشتا
اكيد محدش منكم عمره هيتاخر عن الخير تانى طول ما هو قادر


آبى و خالد و فاتيما و ضياء و ميرا و شيرين الكردى و سومة و عسقول اللى دايما يشاركوا معنا و معهم خيخة و احمد سكر و الصباغ اللى الظروف خالتهم يغيبوا للاسف عنا لاول مرة
يارب دايما متجمعين على الخير

شفقة و احسان و ايناس و نسمة و بدرية و احمد قاسم و احمد كمال و اسامة عبد العال وشوش بتغيب عنا شوية بس بترجع تانى
انا عارفة ان غيابكم ساعات غصب عنكم لانى بشوف ان الحماس للمشاركة لسه منور جواكم

وليد و بوبو و عمر و شريف و مينا وستيتة و عادل ومحمود و فاروق و احمد عبد المنعم و ابنه عمر و محمد من بورسعيد و بسكوتة و مانو ..ناس بتشارك لاول مرة معنا و فرحتى بكم كبيرة لان انتم اللى بتوسعوا باب الخير و بيكون اكبر على ايديكم

و اللى فرحتى بهم اكبر هم احمد عبد العدل و هانى ابو زيد لانهم مدونين مغتربين و برغم اهمية كل يوم فى الاجازة لهم الا انهم جم وشاركوا معنا

شكرا خاص لشمس النهار اللى رغم انشغلها لكن كانت حريصة جدا توصل البؤجة بتاعتها

و باشكر كل الاصوات الجميلة اللى كلمتنا و فى قلبها فرحة لتجمعنا و فى نفسها شوق انها تكون معنا
يارب المرة الجاية تقدروا تكونوا وسطنا

كان نفسى اشوف ستيتة و مروة ونور الدين و مصطفى ريان و الصباغ و سوو بس ان شاء الله نتقابل قريب تانى

اخيرا باتوجه بالدعاء لماما امولة .. ربنا يشفيها و يقومها بالسلامة يا رب

46 comments:

فاتيما said...

انا مش عارفة اقول إيه
دايما بتيجى فى تدوينتك
و تشوفى حاجات ما بين السطور
محدش تانى قادر يشوفها
بوضوحك كدا و يوصفها برقة و حنو
حقيقى مقعدتيش كتير
بس اسمك من قبل ما تيجى
و بأسابيع و بعد ما مشيتى
و هيفضل علطول
على الألسنة و قبلها القلوب
حرصتى تحييى كل الحاضرين
عشان مش بس انتى وش الخير
انتى قلب الخير يا داليا
انا بحباااااااااك قوى
و لن امل من كتابتها أبدااا
كل بؤجة خير و انتى طيبة
و حسك معانا و مجمعانا
و كفاية رغم تعبك لم تتردى ثانية فى المجيى عشان كل الناس اللى كانت مستنياكى سواء قصاد المسجد
او ف إسطبل عنتر
بوسة و حضونات كتييير
يا قلب و عقل و جدعنة الدنيااااكلها

عاشقة القمر said...

ربنا يقدركم علي عمل الخير
دايما يارب

قوس قزح said...

فاتيما
تصدقى انتى فعلا زى ما قال عليكى شيرين
بتوجعى القلب برقة احساسك
ربنا يخليكى لى يا ام يوسف
انا و الله كمان باحبك اوى
و ربنا الاعلم ان فى تجمعات كتير باحضرها علشان انتى فيها و علشان اشوفك
يارب دايما متجمعين على الخير اللى دايما بتكونى انتى قلبه اللى كتير بيجوا علشان يدفوا بحنيته

قوس قزح said...

عاشقة القمر

انا سعيدة جدا بمكالمتك
اينعم كلام كتير من كلامك مقدرتش افهمه (وش مكسوف)
بس اد ايه حسيت انك انسانة جميلة و ذوق جدا
يارب المرة الجاية لما تيجى مصر نتجمع على الخير سوا

أم بتول said...

وش الخير داليا ، عارفة زى المرض ما بيعدى الحب و الخير كمان بيعدى و بيتنقل بالتعامل ، وكل واحد بيتعامل معاكم و يعرفكم بيتجى له عدوى حب الخير و حب الناس ، علشان كدة كل يوم خير ها يمر ها يكون أكبر و احسن من الى قبله و الفضل ليكم لأنك نقلتى كل الخير الى جواكى و الحب للناس الى حواليكى ، علشان كدة دايرة الخير ها تكبر و تتوسع و تلم جواها قلوب كتير قوى و كبيرة قوى ربنا يخليكم و يتقبل منكم و يكون كل حرف وكل خطوة وكل نظرة وكل لحظة تفكير فى الخير فى ميزان حسناتكم ,

همس الاحباب said...

الحمد لله الذى بنعمته تتم الصالحات
يعملوها الصغار ويقعوا فيها الكبار
هههههههههه
بجد اليوم كان جميل ورائع
ولفتة جميلة منك حضورك برغم تعبك
جزاكى الله خيرا وجعله فى ميزان حسناتك
تحياتى

ستيتة said...

ماهو يا اقابلك يا ازعل برشا بالحيل جدا سو ماتش
يعني انا امشي من هنا وتوصلي انتي وآبي
ده استقصاد
سلامتك الف سلامة سمعت انك كنتي منيضة طنيحة الفناش
معلش أجر وعافية ان شاء الله
يوم اللقاء الستاتي لو معرفتش أجي احتمال اعضكم
هو انا كل يوم اقدر افلسع من الجدول علشان اشوفكم
تحياتي وتقبل الله من الجميع
انا اتشرفت بكل اللي شفتهم
واللي مشفتهمش

عاشقة القمر said...

ليه دليا
بعد بمكالمتك كثبر مش فهمتي انا بتكلم عربيه
انا مش قولت غير ربنا يجعلها من ميزان حسناتكم قداركم علي عمل الخير
انو معجب جدا بيكم انو بتقوم بالعمل الخير
قولت ياريت برضو يوم تهتموا باولااد الشواراع
يعني عربيه ليه عايزه تخلينا انو مكالمتي مش فيه فائدة

عاشقة القمر said...

قولت لي نهر الحب احنا هنا في السودان الصيف شهر يبداء من شهر 3 حتي نهايه 5
من شهر 6 حتي نهايه 8 خريف عدنا
بصراحه انا زعلت انو مش فهمتني بعد مكالمه
بس العرب كلهم قبل عندهم انو لهجة السودانيه صعب مستحيل يفهموا
لو شافوا لجهة الحقيقه اهعمل ايه

Unknown said...

ازيك الوقت يا قمر
جزاك الله خيرا
وان شاء الله نتجمع على خير دايما

Mano said...

تقريبا متكلمناش تلات كلامات علي بعض بس اللي حسيته اد ايه انتي انسانه
ربنا يخليكي لفعل الخير ويجعله في ميزان حسناتك
وعلي فكره مانو من غير حرف الهاء في الاخر
تحياتي

قوس قزح said...

ام بتول
يا رب فعلا كلامك يتحقق و تكبر دايرة الخير
ده فعلا اللى بتمناه
كل واحد يعمل دايرة صغيرة حواليه و تفضل تكبر لحد ما كل الدواير تبقى دايرة كبيرة اوى
مش هنحتاج وقتها لا حكومة و لا معونة و لا اعارة و لا سفارة

بس تعالى هنا
انتى مش جيتى ليه ؟
عموما كويس لانى مكنتش هاعرف اقعد معاكى
و المرة الجاية كده عليكى مدتين مش مدة واحدة :)

قوس قزح said...

همس الاحباب

ههههههههههههههه
انت اخدت بالك ؟

طيب روح اقرا تعليقى عندك
:P

قوس قزح said...

ستيتة الحمش

اه فعلا انا كنت زى ما انتى بتقولى كده
بس انتى بقى كنتى ايه ؟ ليه جريتى كده ؟؟
ده فرق بينا و بينك كان بس ربع ساعة
ينفع كده ؟
و بعدين يا ستى لو الجدول ممكن نتقابل فى البريك بس انتى قولى لنا معاده امتى :)

قوس قزح said...

عاشقة القمر

بالعكس بقى
مكالمتك لها فايدة كبيرة جدا
لانها من شعب جميل بيحب الخير حتى لو مش فى بلده
و ده معناه ان المدونين زى ما بتنتقد اوضاع كتير فى العالم بردو بتشجع الخير فى اى مكان
انتى مثل طيبة يا عاشقة لاهل بلدك و للمدونين كلهم

قوس قزح said...

عاشقة القمر

طيب هايل خالى زيارتك لمصر فى شهر 5
بيكون عندنا بداية الصيف


و بعدين يا ستى تعالى وقت ما تحبى انتى تنورينا
حتى لو جيتى فى عز البرد
بردو هنتقابل ان شاء الله علشانك

قوس قزح said...

نهر الحب

انا الحمدلله بخير
و ان شاء الله نتقابل قريب عندكم
سلامى لاهل بورسعيد كلهم

قوس قزح said...

mano

ربنا يكرمك يارب
ده بس من قلبك الطيب واخلاقك الكريمة

سورى على الغلطة الغير مقصودة و تم التصليح يا فندم :)

Baskouta said...

قوس قزح
مساء الخير يا جميل
انا سعدت جدا بلقائي معاكي
صحيح متكلمناش بس كنت مبسوطة اوي باليوم وبالمشاركة الجميلة دي

ميرسي على زيارتك لمدونتي
ميرسي على الكومنت الرقيق
ياريت تنوريني دايما

يارب نتجمع دايما على خير

Anonymous said...

كان نفسي ابقي معاكم ..

انتي وحشتينننننننننننني

منــار فايد said...

كل مره بقول ياريتني ابقى معاكم
وبتبسط جدا لما بقرا عندكم ايه اللي حصل
انتم اتجمعتم ع الخير
وده شئ يسعد اي حد بيقرا الكلام
بحبكم كلكم جدا
وكان نفسي ابقى معاكم

!!! عارفة ... مش عارف ليه said...

اجمل حاجة في التجمعات دي

إني بصراحة لما بشوف البوستات اللي بتتكلم عن الحدث

واللي كانوا مشاركين فيه

وأقرا اساميهم

بحس إني بسمع أسماء نجوووووووووم فعلا

بسم الله ماشاء الله

الناس بقت فعلا أشهر من النار على العلم

وده كله راجع لجهدهم المتواصل والدءوب لعمل الخير بشكل منتظم

بالإضافة إلى موهبة كل واحد فيهم اللي بنشوفها على مدونته

يعني الناس دي مش مجرد ناس موهوبة والسلام

أبدا بالعكس حبهم للخير يمكن يكون أقوى بكتير من موهبتهم

وبارك الله في من أوقد الشمعة

لكي يسير على هداها السائرون

وليد

P A S H A said...

حقيقي كان يوم زي الفل بجد بالروح اللي كانت موجودة فينا كلنا .. ربنا يا رب يجازيكي خير الجزاء ويجعل هذا اليوم في ميزان حسناتك . آمين
تحياتي وإحترامي

ميرا ( وومن ) said...

عارفة يا دودو بالرغم من أني قريت كذا بوست عن البؤجة بس أول مرة احس اني عاوزة اعيط

اعيط من الفرحة لأني حاسة بجد أن مع الوقت ببقي بينا حاجات جميلة قوي

يارب ديماً متجمعين علي الخير وفعل الخير

كلامك مش زي أي كلام يا وش الخير

م/ الحسيني لزومي said...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

Anonymous said...

فعلا ليهم حق يسموكى داليا وش الخير
فالخير والبشر وادخال السرور لاياتى الا من اهل الخير
واحسبك عند الله واحدة من هؤلاء
لم تكن لنا معرفة عن قرب
ولكن اشعر انى اعرفك عن قرب جدا
ربنا يبارك فيكى وفى كل اهل التدوين
المسارعين بالخيرات
كل الدعوات لما امولة
وارجو ياداليا الا تنسينى من الدعوات
ولكى تحياتى ياحبيبتى

مـحـمـد مـفـيـد said...

جزاكي الله خيراً والجميع كذلك
والله بغبطكوا علي هذا الخير
واتمني ان ياتي اليوم ان اكون بينكم

أم بتول said...

بس كدة داليا قولى 3 /4/5 مدد كمان مش مشكلة مادام ها كون معاكم ، بالنسبة لنى ماجيتش والله غصب عنى بالرغم من أنى مجهزة حاجات كتير و كنت ناوية أجى بس ظروف أسألى عليها فاتيما وهى ها تقول لك هى عارفة كل حاجة .

مسدس صغير said...

جزاكم الله خيرا
الى الامام فى الخير دائما
ثبت الله خطاكم
وتقبل منكم
وان شا الله نكون معاكو فى اقرب بؤجة

ahmed_k said...

ربنا يبارك فيكي يا داليا
فأنتي برغم أنك كنتي تعبانه إلا أنك حرصتي على الوجود في هذا اليوم الذي يعد مفخره مش لكم أنتم فقط كمنظمين
بل لكل مدوني مصر

وربنا ما يقطعها عاده أبدا يارب

أ / أحمد عبد المنعم said...

بسم الله الرحمن الرحيم

الأخت الفاضلة : داليا

تشرفنا برؤيتك فى يوم الخير
وكنا نتمنى الحوار معك لكن مشاغلك كثيرة
أسأل الله أن يجمعنا على الخير دائما

تقبلى سلامى

rovy said...

السلام عليكم ..
وحشانى ,, وناس كثير وحشيتنى الفتره اللى فاتت ..
ربنا يجازيكم كل الخير يارب و يبارك فيكم ..
اكيد كان نفسى اكون معاكم بس الفتره اللى فاتت كان فيه ظروف شغلانى و كمان بعدتنى عن التواصل معاكم .. لسه ربنا ما اذنش انى اقدر اشوفكم و اشارك معاكم
ربنا يقدرنا جميعا على فعل الخير

تحياتى لكى

قوس قزح said...

baskouta

مساء الفل يا قمر
انا كمان و الله كنت سعيدة جدا بوجودك
خصوصا انك من اهل الاسماعيلية و جاية مخصوص للمشاركة
و ان شاء نتجمع تانى على خير

قوس قزح said...

Hager Za3bal
ان شاء الله المرة الجاية تكونى معنا

انتى كمان وحشتنى :)
لازم نقعد سوا قريب

قوس قزح said...

شباك موارب/ منار

طيب ما تحاولى مرة ترتبى امورك انك تكونى معنا
و لو فى اوقات معينة مناسبة لكى بلغنى و انا احاول ارتب المواعيد مع بعض
اكيد يسعدنا احنا كمان تكونى معنا

قوس قزح said...

عارفة .. مش عارف ليه

الحمدلله يا وليد
دى نعمة ربنا هدانا لها و الله
و يارب الشمعة تبقى شعلة كبيرة
يشوفها الناس كلها و يتبعوها


افتقدنا وجودك المرة دى

قوس قزح said...

P A S H A

تصدق انا مبسوطة منك اوى
بصراحة لما سيبت التعليق عندى اول مرة
كنت شاكة انك ممكن تساعد و انه مجرد كلام
بس خيبت ظنى فيك :)
و طلعت انسان شهم بجد و يعتمد عليه
و اعمل حسابك دى مسئوووووووولية
لكن شكلك هتدبس كتير يا جميل :))

قوس قزح said...

وومن

يا مرمور انتى بس علشان بتحبنى يا قطتى
ده انا لما قريت بوستات الناس و شوفت فرحتهم باليوم
كنت فرحانة بشكل و كلامهم اثر فيا اوى
و كان هو السبب فى كتابة البوست ده

انتى اللى جواكى مش زى اى حد ..عقل رجل و قلب انثى :)

قوس قزح said...

م/ الحسينى لزومى

انا مش عندى بطاقة
و عارفة انى غلط
بس تتاخد بطاقة مهملة تحت اسمى و يترشح بها حد احسن ما اقول رائى و يتغير لرأى تانى
يعنى مالوش قيمة فى الحالتين
بس الحالة التانية هاضايق اكتر
مش هانتخب حد :(

قوس قزح said...

ام مالك

الله عليكى و على زيارتك الكريمة
بقى انا اللى ادعى لك ؟؟؟
ده الناس كلها بتتمنى دعاءك
و انا سعيدة الحظ باحساسك ده
و يارب يطلع صح و نكون بنعرف بعض زمان
انتى من الشخصيات اللى كنت عايزة اسافر اسكندرية علشان اقابلها
ان شاء الله ربنا يجمعنا على الخير

قوس قزح said...

محمد مفيد

تصدق يا محمد انت من الناس اللى يهمنى انهم يشاركوا معنا
علشان عندك امكانية لنشر الخير اكتر
ان شاء الله ظروفك تسمح مرة و تيجى

قوس قزح said...

ام بتول

لا كده انا هاخدك لحسابى ههههههههههههههههه
ان شاء الله تكون ظروف سعيدة و خير
و هبقى اسمعها منك ان شاء الله فى المدة التالتة علشان الاولى و التانية هنخليهم للبوسات و الحضونات :))

قوس قزح said...

مسدس صغير

صلااااح ازيك يا ابنى عامل ايه
و الله اليوم كان عايزك
كان فى ناس كتير جميلة
انت مش جيت ليييييييييه ؟؟
طيب البنات و معذورين لكن الولاد ؟؟؟
تصدق فكرتنى اروح اعض بتوع المنصورة هههههههههههههههه

قوس قزح said...

Ahmed_k

يا كسووووووووفى منك يا كسوووووفى
ايه الحظ المنيل ده مش عارفة اعمل معاك الواجب ابدااا كده

و عمالة اقولك انت زى اخويا و انت المخ و انا العضلات
و مع كده مش قاعدت معاك 5 دقايق على بعض

بس بص بقى
انا لاقيت الحل
انت تسيبك من الغردقة دى
و تيجى تعيش فى القاهرة
و مش العادية لا الجديدة كمان
يعنى انت تيجى لحد هنا
علشان اعرف اقوم بالواجب ههههههههه
شوفت رخامة اكتر من كده ؟؟

بقولك ايه اوووووووووعى تسافر
بلاش الاسبوع ابو 3 ايام بتاعك ده

قوس قزح said...

ا/احمد عبد المنعم
لا و الله المرة دى مش مشاغل
بس كان فى وعكة صحية بسيطة و عدت على خير
و بعدين يا فندم انا سمعت خير عنك فى ادارة الحوار و انا مش قدك :)
عجبنى جدا حضور عمر معاك
فى لقاء المنصورة كنت سعيدة من الامهات اللى حضروا مع بناتهم
و ده طبيعى علشان يطمنوا على المجموعة اللى هيتجمعوا معها
لكن ان اب يخلى ابنه الشاب يشارك معاه فى لقاء زى ده ..ده مالوش غير معنى واحد ..ان حضرتك بتشكل شخصيته بطريقة متحضرة و جميلة و بتحاول توسع معلوماته بطريق غير مباشر .. ربنا يبارك فيه و يحفظه

قوس قزح said...

rovy

ازيك يا جميل
ايه حكايتك انتى و جنة
بتختفوا ليه كده
عموما انا امنيتى اسافر اسكندرية قريب
و اكيد وقتها هشوف كل مدونينها الغالين عليا
ادعى لى بس ان ربنا يسهلها و تتربت الحكاية دى على خير