Friday, April 23, 2010

الحمدلله

البوست ده انا بهديه لكل شخص شارك فى الصدقة الجارية يوم 9 ابريل

ده مجهودكم و تعابكم
شوفوا قدرنا نعمل ايه
شوفوا ربنا بيبارك فى الخير ازاى


http://hams07.blogspot.com/2010/04/blog-post_21.html


البوست فيه كمان دعوة ليوم البؤجة
ومن خلال الدعوة دى
احب اقول لكل شخص متردد او مش ناوى يشارك
ان عدم مشاركتك و ترددك فى المشاركة بيساوى انك تمنع هدية منك لحد محتاجها

الناس فى منطقة اسطبل عنتر اصبح لهم موضوع البؤجة حاجة بيستنوها منا كل دخلت شتا او صيف
بلاش نخيب امالهم
و على فكرة الحاجات القليلة لك ..كتيرة لهم
يعنى ممكن تشاركوا بأى حاجة ..حتى لو ملايات قديمة
اتمنى المرة دى تكون البؤج كتير ونقدر نعمل بهم معرض ملابس كويس
جزاكم الله كل خير

12 comments:

عاشقه الرومانسيه said...

ربنا يجعله فى ميزان حسناتك ياداليا انتى وكل اللى معاكى لانها فكرتك انتى
وانتى اللى طلعتيها للنور

فاتيما said...

دوللى ى ى ى

يا قلب و عقل و جدعنة الدنيا

يا وش الخير و الفرح

انا جاااااااااى فرافيروووووو
كالعادة
عشان انا كمان مستنية اليوم دا
زى كل الناس الطيبة
اللى مستنياننا دى

ربنا يبارك فى السبب
فى تجمعنا دا
و انتى اول المقصودات بهذه الدعوة
و عندى طلب لسيادتك

د.ستيتة عاوزة نمرة أى حد ف الجمعية تقدر تتصل بيه مباشرة و لتكن مدام صبرية لو امكن او
أى حد
منكن تبعتيلى النمرة
و انا ابعتاهلها لو تكرمتى

بحبك قوى و بوسات و حضونات
و شوفى لو ينفع نروح بعد البؤجة الازهر بارك مثلا
و كل واحد يجيب عياله معاه
يلعبوا و ينبسطوا ..ايه رأيك؟؟

بحبك قوى
تانى و عاشر

أحــوال الهـوي said...

يارب يجعل الخير دايما بيجري بين ايديكي

و يكرمك و يثقل به ميزان حسناتك

تحياتي

راجى said...

مبروك العودة للتدوين وبارك الله فى السعى للخير

همس الاحباب said...

الحمد لله الذى بنعمته تتم الصالحات
جزاكى الله خيرا على فكرتك ومجهودك الدائم فى عمل الخير
وان شاء الله يوم البؤجة يكون يوم خير جديد وسعيد للجميع
تحياتى

محمد بدر said...

مدونة تستحق المتابعة
لكم يشرفني ان نكون اصدقاء
ادعوك لزيارة مدونتي
لقراءة موضوع:

انحطاط اللغة العربية وفساد الذوق موضوع في غاية الأهمية يتطرق الي انحطاط اللغة في الاغاني كما حصل مؤخرا في البوم ابو الليف http://badr4all.blogspot.com/

يا مراكبي said...

في وسط الدنيا اللي مليانة سواد حوالينا من كل جانب .. بنلاقي النماذج المضيئة اللي ويك وزي كل الإخوة المشاركين في الأعمال الطيبة دي بيدونا بصيص من الأمل وإحساس بإن لسه الخير موجود وما تحولتش الدنيا كلها لسواد

ربنا يبارك لكم دائما

حنين said...

ربنا يكرمكم
ويجعله فى ميزان حسناتكم

قوس قزح said...

عاشقة الرومانسية
شكرا على تشجيعك لنا و عليكى انتى و حنين محاولة عمل البؤجة فى اسكندرية بقى

-------
فاتيما

دايما بتنورينى بتعليقك اللى بيدخل القلب
اما عن الرقم اعتقد ان رقم مدام غادة هيكون افضل لان صبرية من ساعة ما اتجوزت و هى مش فاضية هههه
عموما انا اديت رقم غادة لخالد ممكن تاخديه منه اسرع

و ان شاء الله نشوف موضوع الازهر بارك ده لانى مرتبطة فيه بمواعيد حموزة :)

قوس قزح said...

احوال الهوى

دعاءك كتير عليا ..ربنا يتقبل منك
و يكون حتى نص الدعاء ده من نصيبى

--------

راجى باشا
الله يبارك فيه ..بس هو مش تدوين اكتر منه دعوة للخير يمكن حد يشوفها عندى فيروح يشارك

الطائر الحزين said...

ربنا يقدركم على الخير دوما ويتقبل منكمصالح العمل

رحله البحث said...

قوس قزح
خساره والله مزعلنى طيب مش حد يقولى
كان نفسى اجى يلا عموما تتعوض
انا اصلى مش متابع من زمان
اخبارك ايه يارب تكونى بخير والاسره الكريمه
تحياتى يا فندم
ومتجمعيين ع الخير دايما