Sunday, August 29, 2010

السنة دى كنت خايفة ان طول فترة غيابى عن التدوين تأثر على استجابة الناس للمشاركة فى اليوم الخيرى
بس الحمدلله ..كالعادة طلعنا احسن من اى توقعات و كان عددنا فى اخر اليوم ازيد من خمسين مشارك
و قدرنا نوزع على اغلب المرضى هدايا و مبلغ مالى بسيط

باشكر كل واحد اتبرع و كل واحد شارك معنا بمجهوده
و يمكن اللى احب اوجه لهم شكر خاص
الناس اللى اتبرعت بالرغم من انها محضرتش اللقاء لكن مع كده شاركت
الناس اللى نقلت الدعوة وخالت ناس تانية متعرفناش تيجى وتشارك
و ليه باشكر الناس دى بوجه خاص
لان اللى بيشارك و هو مش موجود ده حد بيشارك عميانى و مش شايف حالات المرضى اللى تشجعه للتبرع
و اللى بيدعو غيره و مش بيكتفى انه يحضر و بس بيكون سبب لخروج دايرة الخير بره التدوين و بيخلى ناس جديدة تشوف تجربة ممكن جدا يفكروا يعملوها او على الاقل ينقلوها لناس تانية

اليوم كان جميل اوى
كان جميل بحنية البنوتات و تعاونهم و بسمتهم الرقيقة للاطفال
و شهامة و جدعنة الولاد و مساعدتهم و خصوصا وقت الفطار لما سابوا اماكنهم للبنات

جزاكم الله كل خير ..يا اهل الخير
و الكلام عن تفاصيل اليوم بقى دى مهمتكم انتم و خصوصا فاتيما اللى البوست بتاعها بيكون عبارة عن وصف تفصيلى كامل لاحداث اليوم و شخصياته

بوستات عن اليوم
كنت معاهم
حدث فى رمضان
شكرا ..اهل الخير
عصافير الجنة بترفرف فى ابو الريش
بمبى بمبى بمبى
لقاء تدوينى مميز + ابو الريش
يوم الخير
بكل حب
ذرة سكر كنا ..بالحب اتجمعنا

60 comments:

صوت من مصر said...

حمد لله بالسلامة
والله العظيم اليوم تحفة بجد
نورت

قوس قزح said...

انت اللى نورت يا كيمو
ولا بلاش كيمو ..خاليها يا محمد :)

Unknown said...

:)
ربنا يقدركم دايماً على فعل الخير يارب ،،، قاعد من امبارح على بابا ماما فاتيما مستنى النشرة التفصيلية :)
رمضان كريم ،،، وربنا أكرم
هل جزاء الإحسان إلا الإحسان ،،، لكن إحسان البشر مش زى إحسان خالق البشر ،،،،
ربنا يتقبل

Lady E said...

ربنا يجعله في ميزان حسناتكم يا وش الخير

جميل أوي وصفك لليوم وان شاء الله مستمرين دائما في الخير

Kiara said...

اليوم كان حلو اووووووي ياقلبي

معلش طفشت انا بدري بس انتي عارفه بئا

كل سنة وربنا مزود الخير ياااااارب

Sameh Ezzat - (خواطر خاطر) said...

اليوم كان جميل بيكم والله

يا مراكبي said...

بسم الله ما شاء الله

اللي نيته خير عمره ما هيقلق من دعاية أو غيره .. لأن ربنا سبحانه وتعالى مطلع وأعلم بالحال وغنيّ عن السؤال

عقبال كل سنة وتفضلوا دايما كده سباقين للخير

adel said...

يوم كان حلو
وعادة سنوية تستمر ان شاء الله

ابنسطت بالقاعدة جدا
:)

r said...

السلام عليكم يا داليا
ربنا يكرمك ان شاء الله على تعبك
وانا سعيده طبعا بالتعرف عليكى
وكل الناس الكويسه اللى شفتها
وهقولك زى ما كل الناس ما قالتلك ربنا يديمها عليكى عاده
وانا كاتبه انطباعاتى كامله عن اليوم فى بوست خاص
وكل سنه وانتى طيبه

dodda said...

ربنا يديم عليكى كل الخير اللى بتعمليه

همس الاحباب said...

الحمد لله
جزاكى الله خيرا
ودايما سباقة بالخير

قوس قزح said...

احمد عبد العدل

جزاك الله كل خير
كان نفسى تشرفنا بالحضور
بس انا مش عارفة انت فى مصر و لا ايه

قوس قزح said...

ليدى

ربنا يكرمك

انا باسيب تفاصيل اليوم على الناس اللى حضرت علشان كل واحد بيشوف اليوم بعيونه هو
و انا باكون شايفة عيونهم وقت الخير اد ايه بتكون فيها فرحةو استغراب صعب اوصفها

قوس قزح said...

كيارا

الحمدلله انه كان يوم الكل خارج منه مبسوط
وعلى فكرة
اغلب الناس اختفت فجاة
انا مكنتش عارفة فى ايه

قوس قزح said...

سامح

كان جميل بحضوركم انتم يا سامح
ربنا يكرمك

قوس قزح said...

مراكبى

لأن ربنا سبحانه وتعالى مطلع وأعلم بالحال وغنيّ عن السؤال

مش عارفة ليه الجملة دى سرحت فيها اوى
خصوصا غنى عن السؤال
الناس فى المستشفى صابرين و من غير سؤال جالهم رزقهم لحد عندهم
سبحان الله فعلا
ربنا مش بينسى حد حتى من غير سؤال

قوس قزح said...

عادل

نععععم
قاعدة ايه
هو انت قاعدت معنا ؟
ده كانت التليفونات لك رايحة جاية و كاميرات البورصة تشهد هههههههههههههه

قوس قزح said...

بسنت

اولا اليوم ده مش يتحسب
لانى طبعا مكنتش عارفة اقعد معاكى
و حتى وقت الفطار قعدت بعيد عن مكانك
بس ان شاء الله تتعوض
و نتقابل تانى

انا قريت البوست
و سعيدة ان اول تجربة لكى كانت مكسب لنا :)

قوس قزح said...

دودا

ربنا يجزيكى كل خير
كل سنة وانتى طيبة

قوس قزح said...

همس الاحباب

خاااالد
يا عينى عليك
ساعات باحس انك بتدعى عليا لما بادبسك
بس عارف
انت تستاهل
تستاهل كل خير تدبس فيه
و تكون اده و زيادة كمان

ربنا يكرمك و يجعله فى ميزان حسناتك

Anonymous said...

السلام عليكم
جزاكم الله كل الخير
كان نفسى أكون موجوده بس معليش تتعوض ان شاء الله
ربنا يكرمك خير بأذن الله
دمتى فى حفظ الرحمن

adel said...

:$:$:$:$
ههههههههههههه
ليه الفضايح دي بس
خليها في سرك بقي

والصورة دي تتدفن بقي
:)))

همس الاحباب said...

اخيرا عرفتى انى بادعى عليكى
الحمد لله
روحى يا شيخة وتعالى بسرعة
ولا اقولك روحى يا شيخة ربنا ما يحرمك منى
هههههههههه

فاتيما said...

داليا
البوست بتاعى
مش راضى يطلع ف الريدر

أهىء اهىء

طب انتى علقتى عليه
انا عديته من اول و جديد و الله

أهىء اهىء


طب قولولى الحروف واضحة
و لا لسه ميتقريش برضو ؟!!
حد يقولى و متكدبوش عليااااا


عشان اعيط تانى بذمة

أهىء اهىء

طب انا مبسوطة بغض النظر
عن اى حاجة
اليوم كان تحفة
و ما شاء الله كل حاجة فيه كانت حلوة

انا مش هتكلم كتير
كل حاجة ف البوست عندى
بس الشحنة المعنوية و الروحانية الناتجة عن اليوم دا هتعقد رافعة نفسويات الواحد شهور قدام

كان نفسى آبى تكون معانا
و ناس كتير حلوة
عارفة ان فيه ناس معلقة عندك هنا شاركت من بعيد
عاوزة اشكرهم تانى و عاشر

الفلوس و الادوية ما شاء الله
رقم يفرح
و الناس اللى جت
و اللى اتصلت
و اللى بعتت

كل حاجة
كل حاجة

و انتى يا داليا
انتى

كل الكلام يختصر فيكى انتى
و خالد


ربنا يخليكم لينا
و لعصافير الجنة اللى كل سنة بيستنوا مجييكم و احنا وراكم


كل سنة و انتوا وش الخير
و شهامة و جدعنة الدنيا


بحبك يا وش الخير
و الفرح


بوسات و حضونات
يا حبيبة قلبى

Unknown said...

للأسف يافندم أنا فى السعودية دلوقتى ،،،، اتمنيت فعلاً أحضر و كنت على وشك نزول مصر خلال الأسبوع اللى فات لكن قدر الله و ما شاء فعل
دعوات حضرتك ،،، و رمضان كريم و دايماً متجمعين فى كل خير و طاعة يارب

كــركــبــة دمـــاغ ㋡ said...

دالياااااااااااااااااا

اولاً ما تزعليش من اخويا بجد

انا عارفه ان كل الناس شايفه صغير وهو فعلا لسه صغير بس هو حاسس نفسه كبير فـ بيتعامل ع انه كبير وحاسس قوي بنفسه

معلش والله امسحيها فيا انا

طبعا انتي وش الخير اول حد شفته في اليوم الجميل ده

وحبيتك جدا جدا جدا بجد

ومبسوطه اخر حاجه اني شووووفتك وربنا

ربنا يكرمك ويجازيكي خييييييير يارب عـ اللي بتعمليه انتي وخالد همس الاحباب وكل الناس اللي جت بجد بلا استثنااااااااااااااااء

فشكووول said...

السلام عليكم
بارك الله فيكم وكثر من امثالكم
كل عام وانت وانتم جميعا بخير
وربنا يتقبله فى ميزان حسناتك وحسناتهم

شاب فقرى said...

كل سنة وانتى طيبة يا داليا
ربنا يسعدك يارب ويقدرك دايما على فعل الخير
يارب
:)
اليوم كان منور بيكى وبتعبك وبروحك الحلوة :)
تحياتى واحتراماتى الدائمة
شاب فقرى :)

أحمد عبد الحميد said...

ربنا يجازيكم كل خير
كنت مرتب إنى أجى اليوم ده من أول رمضان ولكن قدر الله وماشاء فعل
أشوفكم على خير إن شاء الله

طوبه فضه وطوبه دهب said...

كل سنه وانتم طيبين ويارب يجعله فى ميزان حسناتكم اللهم امين

قوس قزح said...

الحب الجميل
و عليكم السلام
معلش المرة الجاية تكون الظروف احسن و نتشرف بك

سعيدة بمرورك و تشجعيك

قوس قزح said...

عادل
لا لا انسى انها تدفن دى
دى الصورة دى هتنزل على السى ان ان

لا و تقولنا دى ماما قال هههههههههههه

قوس قزح said...

همس الاحباب
بص كل الدعوات كوم
واخر دعوة قلتها كوم
كده بردو بتدعى عليا ؟

طيب خد عندك الدعوة دى
تعيش و تدبس ياررررررررررررب
ههههههههههههههههههههههههه

قوس قزح said...

فاتيما
لاكده البوست زى الفل
و علب الهدايا اللى كانت فيه اتوزعت و رجعت حروف تانى
و النبى بلاش اهىء اهىء دى باحسها ساعات جد و بزعل

البوست بتاعك تحفة بجد زى العادة
صدق وليد لما قال عليكى جبرتى التدوين

انا كمان كان نفسى آبى تكون موجودة
بس بدام هى مبسوطة هناك ده اهم حاجة
ربنا يسعدها يارب

و الله يا طمطم اى لقاء للخير او لغيره
ما بيكون له طعم الا لما باشوفك
باحس ان نزولى من بيتى مكنش على الفاضى
و مهما كان شكل اليوم على الاقل شوفتك

انا باموت فيكى يا احن ام فى الدنيا

قوس قزح said...

احمد عبد العدل
معلش يا احمد مفيش نصيب
و يارب يكون السفر ده خير لك
و ان شاء الله المرة الجاية تشارك معنا
كل سنة وانت طيب و بخير و صحة

قوس قزح said...

كركبة دماغ
ازعل منه ؟ ليه ازعل منه
ده حد جميل جد و طيب و محترم
اخوكى كبير بتصرفاته و بالتزامه مش مهم سنه ايه
ربنا يخليهولك يارب

انا كمان كنت مبسوطة جداااا انى شوفتك
فلبى بيفرح اوى لما باشوف وش جديد جاى يشارك
باحس ان لسه فى امل اننا نكبر و نزيد و نملى الدنيا خير
خصوصا لما اللى يجى يشارك يكون حد زيك
نيته خير و جواه خير

جزاكى الله خير على حضورك و مساعدتك معنا

قوس قزح said...

فشكووول
و عليكم السلام
هو احنا مش هنشوفك بقى ولا ايه
بس اعتقد كده الله اعلم انى شوفت حضرتك
بس مش متاكدة
هابقى اتاكد من سوما
كل سنة و انت طيب يارب و بخير

قوس قزح said...

شاب فقرى
ربنا يخليك يا كراميلا
و الف سلامة عليك
مش تاخد بالك من نفسك كده ؟

قوس قزح said...

ابو حميد
البقاء لله
معلش
المرة الجاية تشرفنا بحضورك كالعادة
و ربنا يصبركم فيما اصابكم

قوس قزح said...

طوبة فضة و طوبة دهب
و انتى طيبة و بخير يارب
رمضان كريم

صوت من مصر said...

على فكرة كيمو او محمد مش بتفرق الاسم
على راى منير لا يهمنى اسمك
بس بحب كيمو اكبر

Anonymous said...

سلام عليكم ... توقعت من كتابات حفيدة عرابى أنك انسانه متميزه فى مجموعه رائعه تسعى الى عمل الخير فأردت يا ابنتى ان اقدم لك تحياتى وتقديرى وجزاكى الله كل خير ... اعتبرينى عمو بس صعيدى مرة تانيه خالص تحياتى وتقديرى لكم جكيعا

زهرة الجنة said...

ربنا يبارك فيكم يادايلا ويجزيكم خير علي التجمع ده
وان شاء الله نتجمع ديما علي خير

شمس النهار said...

ربنا يكرمكم

بجد احلي حاجه بتعملوها

صحيح ماعملتش حاجه بس قلبي كان معاكم

ياريت لو نازلة م نصر تكلميني تعدي عليا

اولا وحشتيني ثانيا لما تيجي بقا

تحياتي

(احمد سكر ) said...

كل سنه وانتى طيبه يا وش الخير .... ومتجمعين دايما على كل شىء جممميل

мαησηα said...

وش الخير والهنا والسعد .. انا مبسوطة اوى اوى انى شوفتك وعرفتك

انا كنت هاتجنن ع فكرة علشان اشوفك واسالى حتى فاتيما

ولما قالولى ان احتمال مايكونش فيه اليوم ده السنة دى زعلت اوى وقعدت ادعى ربنا انه يتعمل اليوم ده بجد

جزاكى الله كل خير عنى وعن كل الناس اللى بفضل تشجعيك عملوا حاجة كويسة اوى

عارفة انا بحبك اوى اه وربنا وبعد كده باذن الله هاكون معاكوا دايما

بس ادعيلى اشتغل شغل كويس :)

كل سنة وانتى وش الخير يا حبيبتى

ghada mOhsen said...

ربنا مايقطعلكم عاده يااااااارب ...
ياأهل الخير

بجد أنا بحبكم واحد واحد
وبتعلم منكم كتير كتير
:)

أنا والله كنت حابه أجي
بس ظروفي ماساعدتنيش
بس إتصلت عليكم عشان أحس إن معاكم ولو لثانيه
بس للأسف حضرتك ماكنتيش جنب إللي كلمتهم

يمكن إنتي ماتعرفينيش
بس أنا كنت موجوده في لقاء أبو الريش إللي قبل ده
مع أختي ومجموعه زمايلي من الكليه
وبجد نفسي أتعرف عليكي ياوش الخير
بس أكييييد راح تتعوض

ربنا مايحرمني منكم
تحيه ملونه لعيونك
^_^

Unknown said...

داليا يا وش الخير
كل عام وانتى بخير ودايما مجمعانا منتظراكى ففى بورسعيد يوم الجمعه
جزاك الله خيرا

Ramy said...

عارف جى متأخر خالص (:

أستاذة داليا

زى أستاذ خالد انا مش هقدر أقولك شكرا أو أشكرك

بس فى دعواتى دايما صدقينى

ربنا يبارك لك كل أمور حياتك يا رب

لأن الشكر غير كافى بأمانة

ربا معاكى

Anonymous said...

كل سنة وانت طيبة وبخير
ودايما موجودة ومجمعانا حواليكي يارب

قوس قزح said...

صوت من مصر
خلاص نخاليها كيمو :)

قوس قزح said...

غير معرف

و عليكم السلام ..جزاك الله كل خير انت و حفيدة عرابى
عم و صعيدى ..هو فى افضل من كده ..الواحد على الاقل يبقى له ضهر :)
سعيدة بمرورك جدا

قوس قزح said...

زهرة الجنة
الحمدلله انك كويسة
معلش حبيبتى انتى لسه عودك اخضر على موقف زى ده
ربنا معاكى و يصبرك

قوس قزح said...

الليدى شموسة
نورتى البلوج
انتى من الناس اللى فعلا غيابها مأثر فيا
لانك من الشخصيات اللى ممكن جدا تفيد الناس
و يتعلموا منها حاجات كتير ابسطها الرقى فى التعامل

ان شاء الله اشوفك قريب

قوس قزح said...

احمد سكر

وانت طيبة يا سكر مسكر ..ربنا يجزيك خير على تعبك معنا يومها
ده كفاية المشاوير اللى عملتها كل ما نلاقى حاجة ناقصة تجرى تجيبها
ربنا يبارك لك فى اولادك يارب

قوس قزح said...

منونا الجميلة
انا كمان مبسوطة جداااا انتى اتعرفت عليكى
الحمدلله ان ربنا استجاب لدعاءك و اليوم تم على خير
و كان ذكرى حلوة للمشاركين فيه و كمان للاطفال
و ان شاء الله ايام الخير تكون كتيرررر
و طول ما ايدك بتوصل الخير للناس متقلقيش ابدا من موضوع الشغل ده
لان ربنا بيبارك فى الرزق و بتلاقى فلوس الخير بتوصل له مهما كان

ان شاء الله كل مرة هتشاركى معنا متقلقيش
المهم النية

انا كمان حابتك لما شوفتك اوى
كل سنة و انتى طيبة و سعيدة يارب

قوس قزح said...

غادة

اممم ابو الريش اللى فاااات
و الله انا باكون مركزة فى التبرعات و تقسمها
علشان كده مش بالحق اتعرف على الناس
بس انا فاكرة ان كان فى مجموعة بنات الكل شكر فيهم و فى مجهودهم
كانوا مع بنوتة صاحبة مدونة هلفطة ..معرفش دى هى اختك ولا ايه

عموما انا حظى وحش انى مش سمعت صوتك
و فعلا ان شاء الله راح تتعوض بدام النية موجودة

سعيدة جدا بتعليقك الرقيق

قوس قزح said...

نهر الحب
اهلا باميرة بورسعيد و البحر المتوسط كله
كل سنة و انتى طيبة و بخير دايما
ان شاء الله اكون موجودة

قوس قزح said...

رامى
انت تشرفنى فى اى وقت كفاية وجودك

و مفيش اغلى من الدعاء لى هدية
يعنى انت مهنينى خالص
شيكولاتة و دعاء
ربنا يسعد ايامك يارب

قوس قزح said...

غير معرف
و انت طيب و بخير يارب
بس انت مين :) ؟