Wednesday, September 1, 2010

هبة


فى مستشفى ابو الريش و احنا بنقسم التبرعات قربت منى فاتيما و قالت لى عارفة انا اكتشفت ان اكتر حد مش بيستحمل يشوف طفل مريض هى اللى عندها اطفال ..علشان كده مش باقدر اشوف الاطفال العيانة ..قلت لها فعلا عندك حق لان الواحد بيتخيل لو هو فى الموقف ده
غلاوة الابن فى قلب امه لا تضاهى وكل ام لو تخيلت للحظة ان اى اذى حصل لابنها ممكن تنهار بس من تخيلها ده
لكن فى امهات عايشة الخيال ده واقع كل يوم و كل ساعة و كل ثانية
ام بتشوف طفلها بيتالم و بيصرخ و مش قادرة تعمل له حاجة
و بيكون عندها امل ان ربنا يخفف عنه

الام اللى هاكلمكم عنها حالها اصعب بكتير
لان الدكتور قال لها خلاص مفيش امل سيبى بنتك تموت افضل لها

ازاى هى كأم هتقدر تسيب بنتها تموت حتى لو مفيش امل
ام هبة رفضت و بتحاول بكل طاقتها يكون فى امل فى شفاء بنتها
هبة عندها خمس فقرات فى الضهر ناقصين
و محتاجة جبيرة ده غير الدوا و العلاج الطبيعى و مصاريف الدكاترة
الجبيرة تكلفيتها 3000 جنيه
مبلغ بسيط لناس كتير لو هيساوى حياة ابن


انا بناشد كل ام من المدونات انها تساعد ام زيها فى الحفاظ على بنتها فى حضنها يوم زيادة
مش هاقول تبرعاتكم هتشفيها بس على الاقل هتخفف الم البنت و امها

هبة عندها سبع سنين
من مدينة بورفؤاد
هنسافر لها الجمعة ان شاء الله
اللى يحب يشارك معنا
يبلغنى او يبلغ ايناس نهر الحب

او يتصل على الرقم ده
0163641105

22 comments:

صوت من مصر said...

داليا الله اعلم ظروفى ايه بس اكيد ممكن اروح معاكم
ربنا يسهل ويجعلك دايما فى الخير كده

ميلودى سبورت said...

اول مره بس مدونه زى العسل

قوس قزح said...

ربنا يكرمك يا كيمو
كفاية ان نيتك موجودة لعمل الخير

Unknown said...

بوست جميل يا داليا بجد
ربنا يجرايكى خير

بيطرية ومش بايدى said...

ربنا يشفيها يارب ويعافيها طيب يادودو عايزة اعرف تفاصيل السفر هيتم ازاى يعنى هتتجمعوا الاول فى حتة فى القاهرة وتسافروا ولا كل واحد هيسافر لوحده
طيب ونظام الحوالة دى اعملها ازاى
معلش الجهل وحش يااوختشى
بس فى الاول وفى الاخر ماغلطش اللى قال عليكى وش الخير وباب الخير وباب النور لكل المحتاجين ربنا يخليكى لينا وليهم يارب

ghada mOhsen said...

هلا داليا ...

ربنا يصبر هبه ومامتها وكل إللي حواليها اللهم أمين

وبجد فكره كتير حلوه ...

ربنا يجازيكي خير يااارب
........

وصاحبة مدونة هلفطه
مش أختي
:)
أنا أول مره أسمع بالمدونه دي

بس فيكي الخير عرفتيني على مدونه جديده
راح أدور عليها وأتعرف على صاحبتها
:))

وربنا يعينك ويقويكي
وفي إي لقاء ربنا يكتبلي وأجيه
راح أطب عليكي كده وأقولك .. أنا أهووو
:)))

صباحك ومساك ملون بألوان الطيف
^_^

Anonymous said...

صباح الخير يا داليا
جزاكى الله كل الخير
ربنا يشفيها يارب ويطمن مامتها عليها ويشفى الجميع يارب العالمين
دمتى بخير

فاتيما said...

ربنا يوفقكم يا داليا


انتى وش خير دايما
و ان شاء الله ترجعوا مجبورين
انتوا و هبة و مامتها


كلامك ابلغ من أى حاجة تتقال
و ربنا يخفف عن كل مريض
كان نفسى قوى آجى
بس الظروف معلش


و بتشكرينى انى عملت تنويه ؟!!
دا أضعف الايمان
ربنا يجعله بفايدة
دا الاهم

و ربنا يبارك فيكى
يا وش الخير و الفرح

بحبك
و بوسيلى العيال
و سلامى لأبوهم الغالى

خواطر شابة said...

عزيزتي ربما هذه هي اول زيارة لي هنا لكني أحس كأنني اعرفك منذ زمن مما اقرأه عنك في باقي المدونات
اليوم تعليقي هو لشئ واحد ان اقول لك جزاك الله خيرا على كل ما تفعليينه وجعله في ميزان حسناتك
اغبطك كثيرا على ما تفعلينه وسأحاول الاقتداء بك في محيطي قدر ما استطيع
أحبك في الله

رحاب صالح said...

صباحك ورد
شكرا ليك ولكلامك الجميل
انا عارفة بجد والله وانا حضرت مرة لقاء مدونين وحستهم كتير مألوفين لي ...يمكن عشان هما متجمعين لعمل الخير ...ربنا يقدركم دايما لفعل الخير...
تعرفي اني لسة كاتبة حاجة مشابهه لللي انت كاتبة ده ف مدونتي ...
بجد حاجة صعبة اووي
ربنا يشفيها ويبر امها ...
مش عارفة اقولك اية انا ظروفي لا تسمح بالخروج اطلاقا الان ...بس هشوف انا ممكن اعمل اية ف الايام الجاية واقدر اني اساهم ولو بأي شيء في مرة قادمة ان شاء الله ...بجد انا زعلانة اووي اني مش هقدر اجي او اساعد

Ramy said...

المشكلة مش هأقدر أخد أجازة تانى

ربنا معاها و يوفقكم كلكم

gogo!sf said...

ربنا يشفيها ويشفى كل مريض يا رب
ويجزيكى كل خير يا داليا
انا عايزة اعرف بس فين بور فؤاد دى
عشان اعرف ظروفى هتسمح ولا لاء
وياريت تسمح عشان نفسى اكون معاكم بجد
واشارك هبه وام هبه فى تخفيف الامهم

شكرا لكى ولكل من يفعلون خير ويقدرهم على فعل الخير اكتر

سندباد said...

ربنا يجعله في ميزان حسناتكم انشالله
تحياتي للمدونة الراقية

يا مراكبي said...

:-(

شفاها الله وعافاها

والدالُ على الخيرِ كفاعله

همس الاحباب said...

ربنا يشيفها ويتمم شفاها على خير
جزاكى الله خيرا

قوس قزح said...

نهر الحب
جزاكى الله انتى كل خير
انتى اللى دليتنا على الخير ده
و يارب نكون اده

قوس قزح said...

بيطرية و مش بايدى
انا مش عارفة مين بالظبط اللى مسافر
انا عن نفسى هسافر مع ساجى ان شاء الله
بالنسبة للحوالة ممكن تتصلى على رقم التليفون الموجود فى البوست على اساس ان الرقم ده فى بورسعيد و التحويل يوصل على هناك اسهل
بالتحويل بيكون بس انك تاخدى اسم الشخص و رقم بطاقته
ممكن كمان تاخدى اسم الاب و تحويلى عليه
ربنا يكرمك يا رب و يقدرك على فعل الخير

(احمد سكر ) said...

بأذن الله معاكم ......

شمس النهار said...

ربنا يكرمك يادليا علي كل اللي بتعمليه

بس للأسف البنت دي مصرها كده
نهر الحب حكت لي في الموبايل النهاردة
كان لي صديقة بنتها كانت كده وللأسف بعد ماسافرت بيها المانيا والنمسا وفرنسا برضه ماتت
ربنا يصبر قلب امها
ويرحمها

تحياتي

فاتيما said...

يا وش الخير

لما تروقوا
يا رت تبقوا تطمنونا عليكو
و على هبة

ربنا يرجعكم بالسلامة
مجبورين ان شاء الله


ربنا يوقفك ف الخير و الفرح
يا وش الخير و الفرح

أبو خالد said...

أبنتي الغالية / داليا جزاالك الله خيرا و جعلك دوما ممن يطعمون الطعام و يعينون علي نوائب الأيام و يصلون الأرحام و يرزقك الله البركة في الرزق و العمر و الأبناء و يجعلهم من حافظة كتابه الكريم

الحياه said...

بجد يا داليا جزاكي الله خيرا وشكرا ليكي على نشر الموضوع والمشاركة والتواجد ,, شكرا