Wednesday, October 13, 2010

غباء رجالى

تحديث هام
فى بوست عند خالد همس الاحباب
ارجو ان كلكم تقروه و تحاولوا تساعدوا فى نشره

هى كملكة النحل يحوم من حولها الكثيرين يطلبون منها الود و السماح و يتمنون دائما ياليتها كانت ملكاً لهم و ليس لاخر لا يعرف قيمتها الحقيقية
و هى تتسأل هل يدركون فعلا ماهيتها هل يشعرون بخلجات نفسها

بعد مشادة بينها و بينه وقع المحظور و اصبحت حرة

التفتت لمن حولها تخبرهم بالخبر الذى طال انتظارهم له


تأملتهم كثيرا و هم يشحون بوجوههم واحد تلو الاخر و ادركت وقتها
انهم ليس الا اناس يبحثون عن ما يملكه غيرهم فيطمعون فيه
او منهم من يريد ان يشعر انه مطلوب و ليس خارج الخدمة بزواجه
و منهم من لامها سريعا بدون ان يفهم حتى يخرج بنفسه من دائرة المؤيدن لحريتها
حتى انفض من حولها كل الرجال

و تسألت
عجباً ما جعلهم يعتقدون ان ملكتهم بهذا الغباء !! فهى لم تتنازل عن عرشها لاجلهم و لكن لاجل حريتها من قيد ان قيمة المراة تقاس باهتمام الرجال



وا نطلقت تبحث عن قيمتها الحقيقية بعيد عنهم

30 comments:

فاتيما said...

بتحصل كتير يا دوللى

المغريات بيكون سببها انها غير متاحة ف اليد و صعب الوصول اليها و لأنها ملك شخص آخر غيرنا

بينما لو بيدنا
و لا نحس
الا لما تضيع و تروح لحد تانى

غريبة الدنيا دى قوى
ايه كم الغباء دا
رجالى او حريمى حتى

ليه الواحد ميقدرش قيمة ما يملك
و هو محتفظ بيه بالفعل ؟!!

حلو البوست قوى

و حلو عنوانه
و حلو اكتر واكتر
عودتك للكتابة هنا
يا وش الخير

الجواز و سنينه said...

تحفه تحفه تحفه
و عميقه جدااااااا
تصدقى ان فعلا ده بتكرر كتير
لدرجه مؤلمه
تقريبا النوع ده بيحوم حول الانسانه اللى فى الاخر هايقولها انتى اللى ظروفك مقيداكى حتى لو لم ينطق
فهو يلمح بها
بس ده مش غباء رجولى فقط
انه غباء انثوى ايضا
ان تلتفت تقول لهم الخبر الذى ظنت انه ينتظرونه معنى هذا انها صدقتهم و لو جزء بسيط

لو كانت تبحث عن قيمه نفسها خارج نطاق اهتمام الرجل ما كانت اهتمت بأن تخبرهم
ده الجزء اللى هى فيه غلطانه

و الجزء اللى هما فيه غلطانيين
فده مش غباء و بس
نووووووووووو
ده اسمه اكتر من كده بكتير

محمد عبد الغفار said...

المهم تقدر تثبت عملياً هذا الكلام

sony2000 said...

صح كدا
أوأديها
البحث عن الذات ليست فيمن حولنا
لكنه بداخلنا

موناليزا said...

المرأة حين تختار حريتها بإرادتها يكون من الصعب أن ترجع للقيود من جديد إلا إذا وجدت من يستحق هذه التضحية

همس الاحباب said...

اممممممممم
جامد جدا جدا
الفكرة اكثر من رائعة
والمعنى واضح وبسيط
تسلم الايادى
تحياتى

momken said...

سيدتى ليس هناك غباء رجالى

(انه يسمى (غرور ذكورى

الرجوله ليس فيها غباء فهى منزهه عن تلك الصفه
والرجوله ليس فيها انانيه
والرجوله ليس فيها تحكم
والرجوله ليس بها استعلاء

سيدتى الرجوله هى كل ما تحبينه انت فى الرجل

والذكوره هى كل ما تبغضه كل امرأه فى الذكر

كانت تلك المقدمه
ـــــــــــــــــــ

سيدتى تتحدثين عن امرأه متزوجه من شخص لا يقدرها
(يسمى هذا سؤ اختيار)
فالزواج ليس قسمه ولا نصيب انما الزواج اختيار

وسؤ الاختيار تتحمله الانثى فقط
لان لها حريه القبول والرفض

برغم ان تشبيهك لها بملكه النحل ربما فيه قتل كل الذكور او تحديداً ذلك الذكر الذى ينولها او يحصل عليها
وفى حالتها كان الزوج
وبعد ذلك من سياتى بعده سيناله نفس المصير
والموت ايما موت معنوى فى نظرها
او موت مادى فى حياتها


سيدتى ليس دفاعا عن الرجل
لكن فى حاله البوست الغباء غباء انسانى
من الذكر ومن الانثى

اما الرجل والمرأه فبراء من هذا الغباء

اقصد بالرجل
ذلك الذكر الذى يحمل كل صفات الرجوله
واقصد بالمرأه
تلك الاثنى التى تحمله اجمل الصفات فى الكون حتى تغار منها الحور العين

استمتعت بحديثك


تحياتى

Mafrousa said...

الله الله الله
ايه يا ست دودو الجمال ده؟؟؟
فينك يا ستى من زماااااااااااااان
و الله و حشنا بوستاتك يا جميل...و ايه بقا مصحوبة بأغاني اجمل
ههههههههه
انا دخلت المدونة مش عاوزة اخرج
هههههههههههههههه
جميل اوي البوست
بصى يا ستى بقا...الست طول ما هيه ملك جوزها
هو مش بيشوف حلاوة شخصيتها او شكلها
لكن كل رجل يتصادف و يتعامل معها..يرى هذا...
و المشكلة انه بيعبر عنه...(.و هيه اكيد مفتقده هذا التعبير....)
مش حبا فى امتلاكها..لأ...و لكن بيعبر...و يمكن مش يكون بيعبر لمراته..و يمكن تكون مراته احسن الف مرة
بس دايما الناس ما بتشوفشي الحاجة القريبة
هنا بقا بتحس المرأة انها سجينة فى حياة لا تسمع فيها ما يطري مسامعها
و بقلة عقل تفكر فى ان تنول حريتها..و تسعى ورائها
و عندما تنولها...ينطفى هذا البريق بقدرة قادر..و تصبح فى نظر الغير امراة عادية..مافيهاش حاجة مميزة.........لو كانت تعلم مسبقا...ان هذا البريق..و التوهج...ما هو الا من هذا الارتباط بحلوه و مره...و اللتى تخلت عنه بمحض ارادتها...ما كانت تخلت عنه..و كانت صبرت عليه...و عملت على استمراريته
تحياتي ليكي بوست رااااااااااااااائع من انسانة اروع

أحــوال الهـوي said...

مش عارف
لكنها رسالة بين السطور

و لوغاريتمات يجب ان اتمهل بها
او شفرة احتاج مفاتيحه

عموما احتاج لوقت لفك رموزها

تحيا الحريه

تحياتي

اميرة بهي الدين said...

انها العنجهية التي تصور للبعض اننا نتصرف وناخذ قرارات ونغير في حياتنا من اجلهم وليس من اجل انفسنا !!!ا

انه الاستهتار الذي يزين للبعض ان يعبث مع الاخرين يبيع لهم الاوهام ويعدهم بالكذب وهم في الحقيقه يتكلمون ويكذبون ولايقووي علي اي فعل حقيقي !!!ا
بالنسبه لها ،هي الحرية التي دفعتها لتغير حياتها والاراداه التي ستدفعها دوما لتجد لنفسها مكان تحت الشمس ...

maxbeta3zaman said...

هكذا الحياه ...من نظنه صديقا يطلع عفريتا ...على انه فى كل فصل من فصول الحياة عبر واكتشافات وشخصيات تظهر على حقيقتها فى مفترقات الطرق ...الباى والهاى شيمتها والحلاقة والتنفيض مهنتها

صيدلانيه طالعه نازله said...

الله عليكى يا داليا
بوست اكثر من رائع
مش قادره اقول اكتر من كده
فعلا الست اما تدور على حريتها منن القيود ياريت فعلا تكون عشان اثبات حريتها مش عشان اى حد تانى و لاى سبب خارجى

الاهم هو نيل الحريه وكسر القيود و بعده ياتى اى شيىء او لا يأتى لا يهم

فالمهم قد اتى و كفى

قوس قزح said...

فاتيما

اولا
وحشتنى اوى

ثانيا
تقدير النعمة دى فعلا كتير منا مش بيحسه الا فى حالتين ..ضياع النعمة منه او يشوف حد تانى محروم منها

ويمكن هنا فى الموقف ده الموضوع مش بس ان الناس مش حاسة بالنعمة اللى معها
لكن كمان حصر قيمة الانسان باهتمام الاخرين به
ودى مش حقيقة بدليل ان اغلب المخترعين وسط مجتمعهم كانوا منبوذين

ممكن جدا الاهتمام يكون حاجة وهمية فبلاش ننخدع به و نقدر نفسنا على اساسه

نورتنى يا طمطم

قوس قزح said...

الجواز و سنينه
ازيك يا جوجو عاملة ايه
نورتنى بزيارتك دى و الله :)

اكيد صدقتهم
ماهو الانسان فى وقت الاحتياج بيكون ضعيف و بيتعلق بقشاية
حتى لو كانت وهم
بس القشاية دى علشان توصله للبر
البر هنا انها تعيش سعيدة
مش انها تتحب فقط من المحطين

اعجابهم بها قد يكون سبب وقتى للسعادة
لكن مش السبب الوحيد
علشان كده هى فى الاخر هتلاقى السعادة بهم او من غيرهم

قوس قزح said...

محمد عبد الغفار

يكفى شرف المحاولة يا صديقى :)

قوس قزح said...

sony

علشان كده اسمه البحث عن الذات او تحقيق الذات
يعنى ذاتك انت مش الاخرين

اشكرك على مرورك

قوس قزح said...

موناليزا
لا يشعر بمدى قسوة القيود الا من تحرر منها

حتى لو كررتها تانى بتحاول بقدر الامكان تدور على شخصية انسان عكس شخصية سجانها
و للاسف اغلبهم متشابهون

قوس قزح said...

همس الاحباب

ربنا يخليك
و اشكرك على مرورك

قوس قزح said...

ممكن

لفظ ذكورى سيظلم معه فصائل اخرى قد تكون ارقى من الانسان
لكن رجولى هى فعلا الخاصة بالانسان الذكر
ده غير ان مفهوم الرجولة الذى تتحدث عنه بدا يتغير
و الصفات اللى كانت تميزها انقرضت

اما عن سوء الاختيار
قد يكون صحيحا فى حالة الوضوح التام الذى على اساسه يتم الاختيار
لكن للاسف فى مرحلة ما قبل الزواج كلا الطرفين يرتدون قناع يدارون خلفه كل العيوب
فيصبح الاختيار مزيف لا قيمة له
و يقع فيه الرجل و المرأة
و يتحمل خطاءه الاثنين
هو اختارها و هى وافقت

هى كملكة النحل لانها زوجة
و الاقتراب منها خطر
قد يؤدى النيل منها الى تدمير حياة بالفعل

من الممكن ان يكون غباء انسانى
لانها ايضا اخطأت عندما استمتعت بسماعها لغباءهم

سعيدة بزيارتك و حوارك

تحياتى

قوس قزح said...

مفروسة الجميلة

انا هنا اهو بس انتى اللى مش واخدة بالك هههههههههه

و بعدين تخرجى ليه ؟ انا اجى اقعد معاكى و نتسلى سوا و نسمع انغام
ههههههههههههههه

معنى كلامك ان الزواج بيعطى المراة هالة تجذب الاخرين ؟
لا
ببساطة اقتراب رجل ما من امراة متزوجة ده بيكون له سبب من اتنين
اما بيدور على علاقة عاطفية - مشاعر افلاطونية - لا تنتهى بارتباط يعنى متعة معنوية مؤقتة
او بحثا عن علاقة جنسية بردو فى اخرها مش هتقوله صلح غلطتك
اذن المراة المتزوجة هى امان للرجل من التورط فى ارتباط
و كل ما تكون شخصية المراة المتزوجة حرة اكتر و مستقلة اكتر
بيلتف حوالها الرجال اكثر
يعنى كل ما الشخصية كانت ثرية كل ما كانت لها بريق اكتر
بعد الطلاق البريق موجود بردو بس معاه لافتة تقول ..متاحة
و هنا بقى الاقتراب بيكون بحذر ..فاجبنهم بيبعد و اشجعهم بيحاول التحرش بها

رغيت كتير ؟
معلش ما انتى حبيبتى حبيبتى و القاعدة معاكى تجنن ههههههههههههه

قوس قزح said...

احوال الهوى

لانك انسان مرهف الحس
اختلطت مشاعر القلق بمعانى الكلمات

ليس هناك اى شفرة ..مجرد حالة تمر امامنا و نحاول الا نراها

طبعا تحيا الحرية جدا جدا جدا
ههههههههههههههههههههه

قوس قزح said...

اميرة

ايوه يا اميرة
كلامك صح

و بيوضح اكتر للمرأة بمجرد طلاقها
هنا كل الاقنعة بتسقط
و علشان كده المجتمع بيخاف من المطلقة
مش لانها زى ما بيقولوا خرابة بيوت
لكن علشان هى بتشوف كل وش على حقيقته
و المجتمع بيحب دايما تكون عيوبه مستورة
و اى حد بيكشف الحقايق بيكون منبوذ

قوس قزح said...

ماكس

حلو المثل الجديد ده
الباى والهاى شيمتها والحلاقة والتنفيض مهنتها
ههههههههههههههههههه
و منطبق جدا على كلامى
ان فى ناس تاخد منهم كلام حلو و بس
فعل مفيش

نورتنى بزيارتك :)

قوس قزح said...

صيدلانية

ماهو الاختيار علشان شىء متغير غلط
المشاعر متغيرة
بدليل ان الحب نفسه لشخص ما ممكن يتغير
و اغلبنا مر بتجارب قبل جوازه او بعده
و بيلاقى ان حبه ممكن يتغير مع الوقت
يبقى مينفعش تطلب الحرية على اساس متغير
لازم تطلبها علشان حاجة اكبر من كده و فيها استقرار
و الاستقرار هنا هو نفسها
مش اللى حواليها

شرفتنى بزيارتك

بنت الغربة said...

بقالى كتيير قوى مازورتكيش...
موضوعك رااائع قوى وحصل كتيير قدامى للأسف الرجاله دائما عايزة اللى مش ملكها..وبتزهد فى اللى معاها..وماتعرفش قيمة الست الا بعد ماتروح منه...ودايما شايف ان اللى مش ملكه احسن من اللى معاه...
دايما الست الغير متاحه وصعب الوصول اليها هى اجمل الستات ..والست الغبيه بس هى اللى تصدق الكلام المعسول بتاع الرجاله...
تحياتى ياجميل

عُلا الشكيلي said...

مرحبا ،
مدونة رائعة سيدتي ،


وهذه الفكرة هُنا تنبىء عنك ، وعن انثى بثوب الحرية والطهارة .


فكر مميز ,
تقبلي مروري .

شمس النهار said...

الممنوع مرغوب

والناس بتجري ورا اي شئ صعب اول مايبقا سهل
بيفقد قيمته

:)

Humman being said...

حمد لله على السلامة أولا .... وحشتنا البوستات اللى فيها معانى عميقة دى...

الأغبية اللى من النوع ده كتييييير جدا... الست ممكن تدفع مقابل حريتها من قيود خنقاها وهتموتها أى تمن ... ومش مهم ردود فعل الأغبياء

متغبيش تانى

بنت الصالحين said...

دا كتييييير للأسف


حاجة غريبة فعلا


تسلمي ياقوس قزح

يا مراكبي said...

أيوة فعلا إيه الغباء ده؟

وألا هو الممنوع مرغوب وخلاص؟

وأول ما بقت "غير ممنوعة" أصبحت فجأة كده غير مرغوبة؟

يبقى من البداية كانت رغبة مريضة .. وكويس إنها مُدركة لده وإنها مش بتنفصل علشانهم زي ما خيالهم المريض صورلهم