Wednesday, February 16, 2011

حق الشهداء ..ايه ؟



الشهداء ابكوا قلوبنا جميعا ..سنهم الصغير ..شجاعتهم ..الظلم اللى اتعرضوا له ..طريقة استشهادهم ..كلمات اهل بيتهم .. كلها اشياء تبكينا لما نشوفها او نسمعها
يا ترى الشهداء دول ايه حقهم علينا ..و بالاخص الشهداء المشاركين فى الثورة

انا من وجهة نظرى ان حقوقهم علينا كالاتى
اولا : حق رد الظلم اللى وقع عليهم و معاقبة الناس اللى كانت سبب فى استشهادهم .. و ممكن نساعد فى ده بأن كل واحد شاف شهيد وقع قدام عينيه يكتب عن اللى شافه و تتجمع الحاجات دى و تتصور و تتبعت منها نسخ للداخلية للتحقيق فيها
و تتوزع نسخة على الناس .. يبقى كل واحد عرف الشهداء دى حصل فيها ايه ..و نشوف كمان الداخلية هتعمل ايه ..هل فعلا الوزير الجديد شريف و هيرجع حقوق الناس دى ولا هياخد البلاغات دى و تترمى فى الدرج و يبقى حبيب العادلى الجديد
لو اللى شاف خايف يقول لان ممكن يتقبض عليه ..بسيطة.. تتعمل مظاهرة قدام الداخلية و تتقدم البلاغات دى بدون توقيع من مجموعة كبيرة من الناس بحيث مينفعش يتم القبض عليه

ثانيا : الشهداء دول كان فداء قضية و حقوق و مطالب ..لازم نحارب لحد ما احلامهم تتحقق و بالطريقة اللى كانوا يتمنوها .. الشهيد وقف قدام الرصاص مش علشان نكتفى بمعاقبة الداخلية لكن علشان عنده ايمان انه على حق فى مطالبه ولازم ياخده حتى لو بموته
و هنا لازم نستخدم كل الطرق اللى تحافظ على نقاء الثورة و شهداءها فى تحقق حلمهم ..حلمهم اللى كان سلاحهم الوحيد ..و اللى بسببه احترمنا العالم كله

ثالثا : الشهداء دول كانوا بيجيبوا حق مين ؟ كانوا بيجيبوا حق مصر .. مكنش حد منهم بيدور على حقه بس .. كل واحد منهم كان بيدور على حق ولاده و ولاده بلده ..فى ناس كتير من اللى شاركت فى المظاهرات و اللى استشهدوا فيها مرتاحين ماديا و معندهمش مشاكل ملحة زى البطالة و العدالة الاجتماعية
لكن نزل علشان يجيب حق البلد كلها فى انها تبقى بلد حرة ..مينفعش بعد استشهادهم نشوه الصورة و نقسم اولاد البلد لنصين ..نص مشارك فهو بطل و نص غير مشارك فهو جبان .. لو سألتم ام اى شهيد عن حق ابنها عمرها ما هتقول حقه من ولاد بلده ..بالعكس هتقول ده مات علشان اهل بلده علشان يفكوا قيود مسلسلاهم من سنين
علشان كل مصرى يبقى حر ..مش علشان يبقى هو بطل و يعاير باقى الناس ببطولته

جوانا شحنة غضب من اللى قتلوهم ..اه جوانا
جوانا حزن على شباب زى الورد ..اه جوانا
جوانا احساس بتخاذل ناس كتير و خوفهم .. اه جوانا

بس اهم شىء مفروض يبقى جوانا كلنا ..هى حبنا مصر
هى دى اللى لازم تكون قدام عيوننا و احنا بنعمل اى شىء
و هى دى اللى ماتوا ولادها فداء ترابها
و هى دى اللى هتاخد حقهم
و هى دى اللى لازم يكون شعبها ايد واحدة تحت اى ظرف
حبنا لمصر و حفظنا عليها حرة هو ده حق الشهداء علينا

14 comments:

Anonymous said...

وقدم جميلة هذا أن هناك الكثير من هناك فقط في انتظار للحصول على حق.

صيدلانيه طالعه نازله said...

محتاجين حاليا كل واحد شاف حاجه يقولها
كلمه الحق لازم تطلع
عشان رد المظالم
و عشان نتمتع بحريتنا لازم نتكلم ونقول

بس اللى مهم اوى الفتره دى ان الناس تصبر شويه و ندى فرصه للناس اللى اتولت الامور انها تنجز مهمتها
و لو مقدرتش نبقى نثور و نعتصم تانى
لكن دلوقت شويه صبر
عشان الامور تستقر

عين فى الجنة said...

اتفق معك

Anonymous said...

الشهداء كفانا الله أثابتهم

الأحياء بئا دي قضيه تانيه خالص

Anonymous said...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

sony2000 said...

بأذن الله مش هنسيب حقهم
ودمهم مش هيروح هدر
وبأذن الله بكرا احلي
برغم كيد الحاقدين
بأذن الله

sony2000 said...

بأذن الله مش هنسيب حقهم
ودمهم مش هيروح هدر
وبأذن الله بكرا احلي
برغم كيد الحاقدين
بأذن الله

شمس النهار said...

ربنا يتقبلهم في فسيح جناته
واعتقد الناس فاقت
ومش هيتساب حق حد

لا اللي ماتوا
ولا الاحياء
مافيش خوف
مافيش سكوت
اتحررنا
الالسنه اتفكت

ahmed_k said...

صح يا داليا لابد من تكريمهم جميعا بالشكل الذي يليق بوضعهم كشهداء سقوا بدمائهم نبتة الحريه والكرامه لكل الوطن ، وغضافة للشهداء فهناك المصابين الذين يجب أن يلقوا كل رعاية وتكريم وان يكون علاجهم على نفقة الدوله وأن يجدوا كل حب ورعايه من الشعب

Anonymous said...

الفكر وأود أن أقول موضوع التعليق وأنيق ، هل تجعل لنفسك؟ انها رهيبة حقا!

بنت الصالحين said...

نفسي كمان يكون للمصابين ومن تعرضوا لعنف في المظاهرات حق وإهتمام

عًٍمًرٌٍوٍ آلنْوٍبٌَِى said...

بنـــــت عمى ..... انا جيت من تانى بعد 3 سنوات من الغياب ..... انا قولت اول حاجه اعملها اسلم عليك ... وحشـــتنى مدونتك وكل المدونات .... تحياتى ليكى عمــــــــ النوبى ــــرو

وجـــــارى التعليق على البوست

أخبار مصر لحظة بلحظة said...

أول مرة أزور مدونتك القيمة .. تهنئتي لك على المجهود المبذول والرائع..

الازهرى said...

اعتقد ان اكبر حق لهم علينا
اننا نحقق حلمهم اللى ماتوا علشانه
اننا نبنى مصر ونخليها على قمة العالم وترجع مكانتها من تانى مهد الحضارة وشعلة العلم

*******************************

http://www.facebook.com/event.php?eid=126644644079694&notif_t=event_admin

اعتقد انك من اكتر الناس اللى ممكن تساعدنا فى الحملة دى
لإنك اكترنا خبرة بيها

تحياتى دوما