Monday, May 9, 2011

بؤجة الخير ..هتشارك !!!!






اتعودنا اننا نشارك فى الخير من سنين سوا
سواء فى يوم البؤجة او يوم ابو الريش او التبرع بالدم او ايام فى محافظات تانية
و هدفنا كلنا ان الخير ينتشر و ميكونش بس بينا
و يمكن علشان السبب ده اختارنا المرة دى مجموعة شباب متحمس للخير
و بدا يعمل فكرة معرض الملابس المستعملة للغلابة و بفلوسها بيساعد فى حاجات تانية
المرة دى البؤجة هتكون فى مكان جديد و مع ناس جديدة
البؤجة مش مكان متعودين عليه او شخص معروف بيعملها ..البؤجة هدف لنشر الخير و التشجيع عليه
ان شاء الله ميعادنا يوم الجمعة 13 مايو




من قبل الصلاة بساعة لحد بعد الصلاة بساعة




و هيكون مكانها




شارع 15 مايو متفرع من الشارع الجديد شبرا الخيمة

الوصول له
أقرب وأسهل حاجة المترو
محطة كلية الزراعة وينزل شرق يركب عربية رايحة مسطرد خمس دقايق تقريبا ويقول للسواق نزلنى أول الشارع أو عند التوحيد والنور فى الشارع الجديد هيبقى قدام المكان
أو الناس اللى جاية من المطرية ونواحيها هتركب مسطرد وتغير وتركب المؤسسة وبرضه تنزل عند التوحيد والنور
او تركب من المطرية مينى باصات واتوبيسات شبرا لخيمة اللى بتمر بالشارع الجديد وتنزل نفس المكان
اما الناس اللى هتيجى من على الدائرى فتنزل نزلة بهتيم وتمشى ناحية الشارع الجديد لو معاها عربية او تركب مواصلة بسيطة لهناك وبرضه يقول البوستة او التوحيد والنور

ده رقم خالد همس الاحباب المسئول الاول عن البؤجة

0101345140

و دى تليفونات الشباب اللى ممكن لو حد حب يكلمهم و يستنوهم عند المترو مثلا

0101542452
محمد الرذاذ
0174247210
الأزهرى
0127686922
عتاب محمد

الميل
mohamed.alrazaz@gmail.com
محمد الرذاذ
asas_2010_1@hotmail.com
الأزهرى

ومرفق صورة موضح بها الموقع على الجوجل إيرث








ملحوظة ..يومها حفل توقيع كتاب للمدون اسلام جاويش فى مكتبة البلد امام الجامعة الامريكية بوسط البلد من الساعة 6 مساءا ..علشان اللى يحب يروح الحفلة

14 comments:

محمد عبد الغفار said...

دى جنب الشغل

محمد عبد الغفار said...

ربنا يتقبل منك دأبك وأستمرارك فى عمل الخير والأرشاد اليه

... amr said...

:))))

انا مش بعيد عن المكان , دي نمرتي في حال ان حد تاه - لا قدر الله - و معرفش يوصل

010 788 799 7

نورتوا المنطقة :P

قوس قزح said...

محمد عبد الغفار

طيب يعنى هتيجى و لا هتكسل تنزل يوم اجازتك نفس المشوار

شكرا على دعاءك :)

قوس قزح said...

amr

هايل ..يعنى لنا ضهر اهو فى المنطقة :))

Ramy said...

المرة دى مش عارف هأعرف اجى و لا لأ

ربنا يسهل

ربا يديك على قد تعبك

همس الاحباب said...

تمام يا فندم علم وجارى التنفيذ
ربنا يجعله فى ميزان حسناتك

Emtiaz Zourob said...

بالتوفيق ان شاء الله للجميع .. وان شاء الله في ميزان حسناتكم .. لو انا في مصر كنت راح اشارك اكيد ..

دمت بخير اختي وربنا يقدركم على فعل الخير.

يا مراكبي said...

ربنا يتقبل منكم صالح الأعمال دايماً .. وبالذات اليومين دول فيه ناس كتير مزنوقة

sony2000 said...

معاكووو باذن الله

Anonymous said...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!! باقى المقال ضمن مقالات ثقافة الهزيمة بالرابط التالى

www.ouregypt.us

Anonymous said...

ربنا يبارك فيكم ويجعلة في ميزان حسناتكم

snohe said...

كل سنة وانتم طيبين
رمضان كريم
ان شاء الله لو رجعت مصر السنة دى لازم اشارك معاكم فى الخير
ربنا يتقبل منا جميعا

ذو النون المصري said...

كل عام انتم بخير
تقبل الله منا و منكم