Thursday, July 5, 2012

مش اسف على الازعاج




عندما قرأت اسم مدونته
مش اسف على الازعاج
توقعته من الشباب المشاغب
كثير الكلام
ينتقد ليقول انا موجود
هولاء الشباب الذى يدخل لييقظ عقلنا من خموله بحوارات كثيرة
تتعبنا  اينعم.. و لكن تضحكنا و تحمسنا ايضا
جمعنى به اول لقاء فى يوم الافطار الرمضانى
لم انتبه له كثيرا.. و هو ايضا
واعتقد اننى اجبت تحيته بدون تركيز
و لم اكن اعلم حين ذاك
انه سيكون من اقرب الناس الى  

وانه يوم قراره بالسفر بالامس القريب 

سيكسر قطعة من قلبى و ياخذها  معه
فلقد اصبح الابن الذى لم الده
لم اكن اعلم ان الازعاج
الذى يقصده
هو دخوله قلوبنا بدون سابق انذار
بهدوءه و طيبة قلبه و ابتسامته الصافية


بسببه كنت اصرخ
لو قالوا شباب التحرير فاجر عميل
لااا  ابنى ليس بفاجر و لا عميل
لو تعلمون حبه لبلاده
لو تسمعون صوته و هو يرفض ترك الميدان
قائلا
لا يا امى مش هسيب اخواتى مهما حصل

من كثرة حبه لمن حوله
لم يكتشف انه عاشق
حتى نبهته لذلك
و طلبت منه ان يعيش عشقه
و يا ليتنى لم اطلب
فلقد انتهى زمن العشق

اسمع و ارى ضحكته الان
التى اعلم انه يتمنى ان تكون من قلبه

كنت اتمنى نجاح الثورة ..من اجله
كنت اتمنى استمرار عشقه ..من اجله
كنت اتمنى ان تحضن بلادى اولادها ..من اجله

ايها الطير المهاجر
اوعدنى ان تعود لى
بنفس يملاها الفرح و الامل
اوعدنى ان لا تكون هجرتك
لكى تنغمس اكتر فى وحدتك


انتظر عودتك يا طيب النفس و الروح
يا ابنى الغالى

18 comments:

Manamino said...

طيب اقول ايه انا دلوقتي يعني؟
والله ماعارف ابطل عياط من الصبح
ربنا يخليكي ليا يا اجدع واجمل ماما في الدنيا كلها
ومايحرمنيش منك ابدا ابدا يارب
وهارجعلكم زي ما انا ماتقلقيش
ياريت كنت اعرف اتغير :(

Bent Ali said...

مينا لازم يخلى اللى يعرفه فخور انه عرفه فى يوم

ربنا يوفقه يارب

مهندس مصري said...

و لو إني ما تشرفتش بمعرفة مينا
بس ياريت لو هو جاي السعودية يتواصل معايا
إيميلي هو wildfire22111@gmail.com
و لو قدرت على أي حاجة معاه مش حأتأخر علشان انتي و فاتيما بتقولوا فيه درر
يبقى أكيد إنسان محترم

شمس النهار said...

مانمينو نعم الابن
وافتخر بيه كاابن وصديق
وكنت دايما اطمن عليه وهو معتصم في الميدان ولازم طبعا يدوخني السبع دوخات لحد ما ترسي اني اطمن عليه من المغرض ازهري
ربنا يرجعه لينا بالسلامة سالم غانم

قوس قزح said...

مينا
متقولش حاجة .. اكتر من انك توعدنى تبقى بخير

قوس قزح said...

بنت على

دى حقيقة

اسعدنى مرورك

قوس قزح said...

مهندس مصرى

ربنا يبارك فيك
مبسوطة ان بقى فى بينكم تواصل :)

قوس قزح said...

شمس النهار

يارب
هو و كل اللى غايب
حاكم السنة دى هاجر احباب كتير :(

kanisho said...

اولا احب اعبر عن اعجابى الكتير بالكلام الحضرتك قولتية عن مينا بس هو فعلا انسان بقى نادر جدا تقبلى زية ربنا يحافظ علية وعلى امثالة الفعلا الواحد يفخر انة اتعرف علية وانا خصوصا كنت قريب منة كتير فى فترة وحتى الان اتشرف انة لسة قريب من قلبى حتى لو فى مسافات كبيرة تفصل ما بنى

عارفة.. مش عارف ليه !!! said...

التقيت بمينا من حوالي 3 سنين جمعنا ببعض لقاء المدونين في أبوالريش

وتطورت صداقتنا يوم بعد يوم ونقاشتنا كان لها أبلغ الأثر في تغيير ورقي الكثير من مفاهيمي .. وده فضله يرجع لمينا

ولما نزلت مصر إجازة بعد الثورة
كان مينا أول مدون أقابله

واتقابلنا في التحرير وكان في أعتصام وقتها قبل جمعة قندهار بأيام

وكنت جاي "شرقان" عايز اعرف كل حاجة وأي حاجة

وسألته راجي الأمل من حد كان شريك وأثق في رؤيته التحليلية

أنت شايف إحنا رايحين على فين؟

ذاغت عينيه يمين وشمال وبهدوءه المحفوف بالإحباط قال مش عارف

واللي وصلني من بين ثنايا إجابة مينا هو اللي حصل وبيحصل على أرض الواقع لحد دلوقت


وفي نفس الإجازة حضرت أنا وهو ووليد الدوغري حفلة لفرقة إسكندريلا في الساقية

وفجرت فينا الأمسية دي مشاعر وحالة غير مسبوقة

وأذكر واحنا ماشين بعدها إن مينا قال أنا مش ممكن انسى اليوم ده ابداً في حياتي


وهكرر كلام قولته لحظتها

وأنا كمان يا مينا مش ممكن انسى اليوم ده ابداً

وهضيف

ولا اللي عملته أنت ووليد في الليلة دي علشاني


وتقريباً الإجازة كلها كنت مقضيها في القاهرة بحضور مينا حتى إذا مكنش لقاء يبقى تليفون

وفي أخر يوم لي في القاهرة قبل ما اسافر اشفقت عليه وقولت مفيش داعي اعرفه إني هنا وأدوخه معايا

لكن وانا نازل من عمر ستورز قابلته في طلعت حرب في صدقة نادرة الحدوث
ولا الافلام الهندي

وبدماثة خلقه المعهودة أمضي بقية يومه برفقتي


وكان أخر مدون أشوفه في الإجازة


ربنا يرجع لنا صاحب المنزلة الخاصة في قلوبنا جميعاً .. بالسلامة

الازهرى said...

هيسافر

وهيرجع مجبور الخاطر

وهنستناه

الازهرى said...

شموسة

اموت وأعرف انا مش موجود

إيه اللى يجيب اسمى فى المحضر ؟؟؟؟؟؟؟؟؟

فاتيما said...

حلوة قووووووووووووى
الصورة دى يا داليا ...

دى ابتسامة مينو اللى بحبها فيه
وهوه مكثوف كدا
ولما بيبقى فيه وجع الدنيا كله وقرفها
ويبصلك وعلطول يبتسم عشان متشيليش همه
وهوه فيه اللى مكفيه
ويكفى عشرة معاه


انا مش عاوزاه يتغير يا داليا
واد يا مينو متتغيرش
خليك كدا
طيابة قلبك دى مش عند بشر ياما
وعشان كدا مبيلاقوش حد يحبهم
زى احنا ما بنحبك

بس احنا بنحبك كمان
مش عشان انتا انسان جميل وبس
لأ
عشان انتا كمان أخ وصديق
و سند لينا
ولحسن الحظ بقى
ان الثورة حاليا عند الميكانيكى
ومفيش تحرير
لأن التحرير من غيرك ..هيكون صعب
والبورصة كمان ..
وأى لقاء تدوينى جاى ..


مش هقلبها حزاينى بقى
عشان البوست دا
من وحى لحظة الفراق
بس على اساس نفهمك وبلسان داليا
انك ترجعلنا سليم وزى الفل
وان شاء الله ترجع تلاقينا
خدنا الثورة يبعد ما اتعملها عَمَرة وبقت زى الفل ...
وكملنا بيها لحد الآخر ...
:)


مش هقولك خلى بالك من نفسك
وكُل كويس وكدا
عشان داليا هتقوم بالواجب
:))


وموشكرين يا
مهندس يا مصرى
---------------

انتا دايما حاضر ف الخير
وعارفة ان معرفتك بمينا هتكون معرفة خير ان شاء الله
وهتدعلينا بقى بالضعف ...
عشان احنا بنبعتلكوا حاجات حلوة
:)



وعقبال يا داليا ما تكتبيله
بوست بعنونا
مش أسف ع الإزعاج .. رجع بألف سلامة
:)))


ربنا يديم الود

وانا بحبكو يا عياااال

قوس قزح said...

kanisho
سعيدة بمرورك
و سعيدة اكتر بكلامك عن مينا :)

قوس قزح said...

عارفة مش عارف ليه

وليد
هو ده مينا
لا يمكن يتاخر عن حد من اصدقاءه

ربنا يحفظه و يرجع بالسلامة يارب

قوس قزح said...

الازهرى

يارب يا اسامة

قوس قزح said...

فاتيما

انا مش عايزاه يتغيير يا فاتيما انا كمان ..انا بس عايزاه سعيد و مبسوط ومهتم بنفسه شوية

و يارب يرجع لنا بالسلامة يا طمطم

Beram ElMasry said...

الاخت العزيزة
اظلنا شهر رمضان الكريم اعاده الله عليكي وجميع الأهل بالخير وادعو ان يعيده الله عليكي بالسلامة
وسلام ولا سلام مع بني اسرائيل