صباح الخير و الحب و التفاؤل

صباح جميل لكل واحد رايح شغله ، و لكل واحدة صاحية بدرى لاولادها و بيتها رغم حلاوة النوم فى عينيها ، و لكل طفل نازل و ايديه الصغيرة صوابعها متلجة و مش عارف يخبيها فين، و لكل عربيات الفول بريحتها الرائعة و العساكر المبتسمين و هم رايحين لعذابهم ، و البقالين اللى فاتحين علشان بسكوتة تتباع ولا علبة سجاير، و سوق الخضار اللى اغلب بضاعته متغطية بالخيش المندى تحميه من البرد ، و لكل فران بيشتغل بكل قوته و سرعته علشان يكون عيشه فى كل بيت بدرى ، و كل البنات و هم حاضنين كتبهم للمدرسة و الجامعة ، و كل شاب واقف على ناصية او قاعد فى محطة، لكل كوباية شاى بلبن بتدفى صاحبها ، و كل كلمة تحية نقولها لبعض ،ولام كلثوم بصوتها بتصبح على اللى معها و كل واحد بيتبارك بالقران و مشغله فى عربيته

صباح الخير لكل واحد قلبه مليان بالخير

صباح الخير يا بلدى