Tuesday, April 15, 2008

لن اكون رمادى


كانت صغيرتى تجلس امامى و تنظر لى نظرات كلها عتاب و حزن و غضب و هى تلمع بالدموع الحبيسة بها رافضة ان تستسلم للانحدار على خديها المكتظين نتيجة الطعام فى فمها

و هنا تذكرت نفسى و تذكرت كيف كنت مثلها رافضة لانواع كثيرة من الطعام و رافضة لوجبة الافطار و العشاء

و ظهرت ملامح امى امامى و هى تصرخ فى وجهى قائلة ابللللللللللللللللعى مع دفعها الطعام داخل فمى

و دمعت عينى لسه من قسوة الكلمة و تأثرها الوقتى عليا حين ذاك

و لكن لانها الذكرى الوحيدة التى بقت لى من امى بعد وفاتها

فصغر سنى وقت وفاتها لم يسعفنى ان احتفظ بما يملى قلبى بها

لا اتذكرها سوا صارخة ليا كى انهى طعامى او مريضة متألمة تبعدنى عنها حتى لا اراها هكذا

فهى لى لسه الا خيال لانسان لا اعرفه رمادى اللون


و هنا انحدرت الدمعة الحبيسة دون قصد من عيون صغيرتى فاخذتها بين يديا و انا اقول لها

دعينى الون ذاكرتك باللون الوردى فتذكرى من كلامى هذه الكلمة

احبك جدااااا

25 comments:

Lucky Strike Cigarettes said...

It is really outstanding, your blog! I did not even want to leave the web page because everything is arranged so perfectly well and the content is so interesting that it attracts everyone’s attention. Thank you very much for such a great pleasure and interest! I’ve already made your blog a part of my favorite links and will visit it many more times.

Akinogal said...
This comment has been removed by a blog administrator.
appy said...

بجد وجعتى قلبى وحست بالكلمه عارفه اختى لما تأكل ابنها وتشخط فيه وتقوله ابلع يعمل عكس الناس يطلع الاكل من بقه هههههههههه واضحك اقولها هو مش فاهم خالص

اما ذكرياتك معلش مش عارفه اقولك ايه انما كلامك رقيق خالص
ربنا يخليها لكى وترسمى كل حياتها الوان جميله

appy said...

التعليق اللى قبلى فيرس اوعى تفتحيه
اعملى دليت على طول علشان محدش يضغط عليه

Rainbow said...

ابى ادبست فيه جيتى متاخر :'(
تعرفى طيب بيعمل ايه فى الجهاز ؟

.
.
.

ميرسى على تعليقك و ربنا يخلى ابن اختك و اختك

monaliza said...

ما اجمل ان يكون هناك ذكريات جميلة مشتركة بيننا وبينا مانحب
قوليلها الكلمة دى

همس الاحباب said...

كلامك رقيق وذكريات مش عارف جميلة بالنسبة لكى ولا حزينة
عامة الام كلها حنان
وانتى كذلك ام
فترفقى بابنتك وبنفسك يل اختاه
وجعل ايامك كلها وردى
تحياتى
خالد

Rainbow said...

موناليزا
اجمل نا فى حياة الانسان الذكريات الجميلة و الاجمل منها انها تكون بينك و بين احبابك فعلا

سابلغها كلماتك الرقيقة

تحياتى

Rainbow said...

همس الاحباب
الام يا خالد مش بتقدر تمسك نفسها لما اولادها مش يكلوا كويس
انا دلوقتى عرفت اد ايه امى كانت بتحبنى و مش زعلانة منى

فاصبحت الذكرى جميلة :)

تحياتى

عبده الرايق said...

حلوه حكايه الالوان دى
انا لفيت فى المدونه
ولقيت اللون البمبى المسخسخ والااحمر والاصفر
جميله مدونتك
وجميل ان تحاولى ان تغرسى ذكريات جميله فى اذن طفلتك

حنين القلب said...

السلام عليكم
بجد قلبى وجعنى اوى يمكن لان والدى كان شديد القسوة معايا فوق ما تتخيلى دايما فاكراه وهو بيضربنى او بيشخط فيه عمرى ما افتكر انه ضمنى مرة وحسسنى فيها انه ابويا تعرفى اهم صله بين البنت والاب الحنان لان ده الشىء الوحيد اللى بيفضل فى الذاكرة الحنيه
او القسوه وربنا يحفظها ويخليها ليكى وتعوضك عن اى شىء ضيقك فى دنيتك
سلام

Rainbow said...

عبده الرايق
طيب الحمدلله انك لفيت فيها و مطلبتش منى تمن المواصلات :))

ميرسى على زيارتك نورتينى

تحياتى

Rainbow said...

حنين القلب
واضح ان اسمك على مسمى
الاباء من الضغوط اللى عليهم اوقات بينسوا يبصوا لاولادهم بنظرة حنينة

مع ان دى ممكن تكون اهم كتير من اكلة حلوة او لبس شيك او حتى اى فلوس

حاولى تفتكرى له اى موقف جميل حتى لو مش معاكى و لما تبقى ام ان شاء الله هتعذريه الف عذر

شرفتنى بزيارتك
تحياتى

امرأة تقول الذي لا يقال said...

فكرتها تحفة
لو نتخيل دايما ان اللي بنعمله دلوقتي هو آخر حاجة بنعملها في حياتنا أكيد حاجات كتير أوي هتتغير

Rainbow said...

امرأة تقول الذي لا يقال

انتى وصلتى فعلا لهدف البوست
الواحد لازم يفكر كويس رد فعله ده اثره ايه بعد كده


تحياتى لك

maha zein said...

تحفة بجد بجد
اكثر من رائعة
كانك حكيتي قصة طويلة في جزء صغير
بجد
برافو
وخلتيني اتخيل ماماتك وهي بتقولك ابلععععععععي
واتخيلتك انتي كمان في الشكل ده
بعدين عجبني اويي الي حصل في الاخر
شكلك ام حنينة
وشكل بنتك عسل وهي كورة الاكل في بوقها مش راضية تبلع
بتفكرني بيا
لاني بردو مش بحب اكل كتير
وماما بردو بتعد تقولى كلى وبتولع فيا سعات
اعزريني لو غبت بجد
بس ايوة كده خلينا نفكر بعض ببعض لما حد ينسي
تحياتي الشديدة العنيفة
وادعيلي
واشكرك علي كلماتك الرائعة عندي
وانا رديت علي تعليقكك الرائع
في البوست الجامع المانع
سلام يلا
عشان الفجر ازن

الربان said...

تحياتي

شيء جميل ان نتذكر طفولتنا...و نتذكر
الامهات و الاباء ...

شيء جميل ان نحب ابنائنا...و ان نحاول دائما ان نقدم لهم المفيد من الغذاء..

لكن الطفل غير الشخص المدرك..احيانا يعاند...

حاولي حضرتك تقدمي وجبه الاكل بطريقة
مختلفه...يعني ممكن الكورن فليكس في الافطار صباحا...بدلا من الفول...ثم نعكس بعد ايام...

او نغير طريقة التقديم...فنستخدم عيش
التوست او الكيزر مع شرائح الجبن و الطماطم ز الخس...

او نستخدم البيض في صورة كريم كراميل او ماشابه...

ايضا علينا تحفيز الطفل...بمعني لو اكلت أفطارك سوف اوصلك للمدرسة او الحضانه...او ستنال مكافأة من الشكولاته...

ايضا الاطباق لها عامل مهم علي نفسية الطفل فتخيري اطباقا زاهية ملونة و استخدميها في وجباته...


تحياتي و تقديري

Rainbow said...

مها
متقوليش كده ربنا معاكى اليومين ول

و انتى باين عليكى بنوتة شقية لمامتك كمان :)

تقبل الله

تحياتى

Rainbow said...

الربان
ايه كمية النصائح الهايلة دى :)

ان شاء الله اجرب معها و اقولك

اسعدتنى بمرورك

تحياتى

Desert cat said...

كم المشاعر والاحسايس فى البوست يوجع اوى
ربنا يرحم والدتك ويخلى لك صغيرتك وتفرحى بيها يارب

Rainbow said...

اسد الصحرا
انا توقعت انه يكون مقبوض عليكى بتهمة التحرش بأنثى :)
نورتى مدونتى و كل سنة وانتى طيب يا رب


تحياتى

Tamer Nabil said...

اجمل كلمة واحلى زكريات


ربنا يوفقك


تحياتى

صحفية روشة said...

يااااااااااااااه
كنتى هبكى بجد
المرة الجاية بوست فرفوش بقة عشان خاطرى لان ده كان مؤثر اوى
____________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية
____________________________
ميفوتكش البوست الجديد (اوزه سينى هدوم اروسه)

Rainbow said...

Tamer Nabil
لا يبقى لنا من الايام غير الكلام و الذكريات و نتمنى ان تكون جميلة


شكرا على مرورك نورت المدونة

تحياتى

Rainbow said...

صحفية روشة

معلش بقى سامحنى
بس اوعدك يكون لكى بوست فرفوش :)

تحياتى