Saturday, May 10, 2008

الحب و الحرية

انا اسيرة مشاعرى
فقلبى ملك يمينك
و عقلى تحاوطه اسوار
تمنعه من الهروب بعيدا عنك


يتملكنا الحب فنصير اسرى له و نوهب حريتنا لمن نحب عن طيب خاطر
وقد نتألم ان شعراً ان هذا المحب لا يريد تلك الحرية و قد نختنق ان اخذها و لم يشعر بغلوها


و لكن اليس الحب هو الحرية ؟

الحب هو الحرية فى التعبير عن مشاعرى لك
الحب هو الحرية فى انى اعطى لك كل شىء بدون حساب
الحب هو الحرية فى ان اعيش احلامى معك كما يحلو ليا
الحب هو الحرية فى ان تعطنى ثقة كاملة و لا تشك فى مشاعرى ولا تختبرها فهى ملك لك بأرادتى
الحب هو الحرية فى ان تمتكلنى و فى نفس الوقت ان تشعرنى انى حرة
فقمة الحب ان تملك مشاعرى ثم تردها لى مضاعفة من خلال مشاعرك



الحب بدون حرية لا بد له ان يموت ان يختنق
ان لم يشعر المحب ان قلبك هو مسكنه و وطنه فلن يكون ابدا ساكناً له مهما اقمت من اسوار و ابواب لكى تسجنه بمشاعرك و تصرفاتك


الحب يموت بالامتلاك
عندما اعطى لك مشاعرى لانى احبك لا تاخذها على انها حق مكتسب لك و تنتظره دايما .. لا .. انها كالتاج اضعه على عرش قلبك حتى ترفعنى بجواره كالملكة او اكون سلطانة عليه .. فأن لم تفعل ذلك خسرت قلبا كنت يوم ملكاً عليه لانه مات من شدة العبودية


حرر من يحبك من عبودية حبه لك بأن تشعره بأنه يملكك
حرر من يحبك و اعطيه حريتك كى يردها لك
عيش حب حر

و اعلم ان حرية الحب هى حرية القلوب و ليس الجسد
فالجسد ياخذه الحرية بورقة تكتب امام الشهود
و لكن القلب لا يأخذ حريته الا بوعد قد يكون من نظرة عين او ابتسامة حانية
لا تمتلك القلوب فهى ملك لك بأمر خفى من الرحمن
واحبها كما يحلو لك لكن بدون ان تقبض عليها يداك

37 comments:

momken said...

عندما تشعرين بانك خلقت من جديد
وولدتى من جديد...وبعثتى من جديد
فى عالم اروع واجمل
فانت تحبين

عندماتحلمين بصوت مسموع و تبتسمين بصوت مسموع و تشتاقين بصوت مسموع
فانت تحبين جدا

عندما تعطين بلا حساب ولا تنتظرين مقابل عطاياكى
فانت فى منتهى الحب

عندما تشعرين انك اكثر انطلاقا.. واكثر ثقه بالنفس...واكثر حريه
واكثر جراءه... واكثر جمالا وحسناٌ...وتقسمين انه ليس بك نقاط ضعف
فانه يحبك جدا جدا جدا

البوست بتاعك رائع جدا وانتى فعلا مبدعه وافكارك جميله

تحياتى

سنووايت said...

الحريييييييييية
اجمل ما في الحياة خاصة واذا ارتبطت بالحب

حرر من يحبك من عبودية حبه لك بأن تشعره بأنه يملكك حرر من يحبك و اعطيه حريتك كى يردها لك عيش حب حر

كلماتك داست علي وتر الحرية بقلبي فانا من عشاق الحرية وخاصة في الحب
قمة الحب ان تحرر من تحب من قيود العالم واولهم قيود حبك له

تحياتي لموضوعك الجميل

Unknown said...

هو المفروض اه الحب هو الحرية

بس مش مع راجل شرقى

أبو خالد said...

أختى الغالية/داليا
عبرتى عن الحب فكانت كلماتك
شعر منثور
نعم
الحب لايعترف بقيد
وواجب على المحبين
أن يلتقيا فى منطقة و سطى
لا أفراط و لا تفريط
فكما تحب أن تكون حرا يجب عليك
احترام حرية من أحببت
و يكفى النظر فى زوج من الحمام
لنرى فطرة الحب
سكن و رحمة لا عبودية و لا أستعباد
بوست جميل
دمتى بخير

Anonymous said...

هل هى كلمة احسان عبد القدوس

بين الحب وغريزة التملك .. خيط رفيع؟

هذا السؤال طرحته فى التاج عندى .. هل يخضع الحب للنظام الرأسمالى الذى فيه التملك الى حد الاحتكار؟ أم النظام الشيوعى الذى فيه الحب للجميع ؟

وقلت .. مع الاخذ فى الاعتبار أن الانتصار حتى الآن هو للنظام الرأسمالى .. بمعنى ان التملك والاحتكار منتصر الى الآن

لكننى قرأت كلمة مقتبسة لدى أحدى المدوِنات الكريمات على لسان كاتبة وروائية تقول

من أحب إنسانا .. أحب الناس جميعا

فكأنه بناء هرمى .. على قمته الانسان الذى نحبه ونسعد بأن يحتوينا وكأنه يمتلكنا

لكن باقى الهرم هو كل الناس

الباحث عن الحقيقة said...

انا عندى نفس الصورة اللى في البوست
ومن امبارح عايز اكتب نفس الكلام ده
بس معرفتش ارتب افكاري
سعيد جدا بالبوست ده
قلتى اللى كنت اتمنى اقوله
تقبلي تحياتي

همس الاحباب said...

بجد بوست رائع حقا
وكلمات احسها بروحى وكيانى قبل قراءتها
ما اجمل الحرية فى الحب
وتبادل الحب وامتلاك المشاعر بحرية
شىء رائع جدا ان نعطى بلا حساب وناخذ بلا حساب فى الحب وهذا منتهى الحرية والجمال
تحياتى ودمتى بخير

كاميليا بهاء الدين said...

حرر من يحبك من عبودية حبه لك بأن تشعره
بأنه يملكك
.........

أترين ياصديقتى
بانه يملكك ...

الحب لا يعرف الحرية
حرية الحب فى امتلاك من يحب للآخر
بدءا من امتلاك قلبه ومشاعره وافكاره واحلامه
وخططه للمستقبل ، امتلاك عناصر الحياه كلها
وما اجمله من امتلاك

بوست جميل وهادئ

تحياتى وحبى

رندا said...

الحب هو الحرية فى ان اعيش احلامى معك كما يحلو ليا

............
داليا

اشكرك على انك رديتى على ردى باجمل بوست
سعت جدا بة لانة يقربنى فى التعبير والاحساس

انت سئلتى الحب هو الحرية فى ان اعيش احلامى معك كما يحلو ليا

نعم كما يحلو لى ولكن تذكرى
انة كل مالى
فعندما احلم احلم من اجلة
وعندما اطمح فيكون طموحى فية
وانصهر بين قلبة فلا مخرج منة غير الية
فهنيئا بحب تملك قلبى وكل مايحتوية
فاقتنى قنينة واضع عطرى بداخلها لاحتوية
فيشعر باننى ملك لقلبة وبين قبضة
يدة ومن اجلة ولا اخرج منها فاسرية

هل الحب امتلاك
نعم كلة امتلاك وفى مجملة قلوب
على وسادة العشق متوازية
الحب امتلاك نعم

فمرحبا بامتلاك قلبين لبعضها
فهذة قمة الحب

رندا

قوس قزح said...

momken
عندما ينكسر بريق عينك فى الوادع و تحترق شوقنا فى البعد و تحرن لعدم السؤال
فانت تحب

بيشرفنى جدااا متابعتك لمدونتى

تحياتى

قوس قزح said...

سنووايت

اشكرك على مرورك
و دام قلبك حرا و محبا


تحياتى

قوس قزح said...

عاليا حليم

الحب لا يعرف شرقيا او غربيا لو امتزج مع الحرية


تحياتى

قوس قزح said...

سيدى الفاضل ابو خالد

دائما كلماتك تشجينى
و اشعر معها بالرقى فى المشاعر و الاسلوب

احييك على رقة مشاعرك

تحياتى

قوس قزح said...

sherif
طبعا اتذكر ذلك التاج و رقم 8 فيه و اشترك معك فى نفس تسألك

و اعتقدى من احب حب صادق احب حياته كلها بما فيها
فمقولة كن جميلا ترا الوجود جميلا تصدق حتما ان كانت كن محبا ترا الوجود جميلا

تحياتى

قوس قزح said...

الباحث عن الحقيقة

رتب افكارك و نزل البوست علشان اخد اللينك بتاعه و اضيفها عندى و اهى فرصة يكون الموضوع متكامل من وجهة نظر الرجل و المرأة

تحياتى

قوس قزح said...

خالد

شىء رائع جدا ان نعطى بلا حساب وناخذ بلا حساب فى الحب وهذا منتهى الحرية والجمال


جيبت المفيد و الله :)

تحياتى

قوس قزح said...

كاميليا

اذن عزيزتى انتى حرة بامتلاكه و هو حر بامتلاكك
و لكن اتكونين حرة عند يمتلك هو مشاعرك و انتى لا تمتلكينه ؟

اتكونين حرة ان جعلتيه ملكا على قلبك و هو اكتفى بذلك و لم يجعلك سلطانة عليه ؟

جميل امتلاك المحب و الاجمل منه ان هناك من يرغب فى امتلاك حبك

تحياتى

قوس قزح said...

الغالية رندا

امتلاكيه عزيزتى بكل مشاعرك و جوارحك و لكن لا تدعى الامتلاك يخنقه و تذكرى دائما انك احببته لانه حرا طليق

امتلكى القلب كما يحلو لكى و لكن لا تمتلكى النفس


تحياتى

Empress appy said...

جارتى الجميله
يا ريت فعلا كنت جارتى قدامى بدل السوسه المفروسه القرعه جارتى
كلامك لتعريف الحب بجد حلو قوى ومتفقه معاكى عليه
بس ساعات بما اننا بشر بيتملكنا الانانيه ناحيه الطرف التانى
بس لو نعرف نسيطر على كده هتبقى كل حاجه حلوة
تعيش احاسيسك ودماغك كووووووول مستقله

Tamer Nabil Moussa said...

الحب احساس وشعور جميل

تعبيرك عنة جميل

ياريت كل الناس تجد اللى يحبها

تحياتى

كوارث said...

انا مش هتناقش الا في العنوان لانه هيدخلني على كل المداخل اللى عايز ادخلها في الموضوع
الحب والحرية
في ارتباط جامد بين الاتنين
يمكن سبب الحرية هوا الحب
اي حب من اي نوع
حبك لبيتك , حبك لجيرانك , حبك لشعبك
اذا الشعب يومًا اراد الحياة , فلا بد ان يستجيب القدر
ده من حبك لحياتك
بس انا لسه مصر على ان الحرية الحقيقية مش خرية الجسد او القلب
الحرية الحقيقية حرية العقل مهما كان الجسد محبوس والقلب معذب !

اهو ده عيبه said...

مفيش حب يقدر يعيش ولا يكبر فى وجود قهر او عبودية او فرض مشاعر

اذا انت احببت شيئا فاطلق سراحه
فان عاد اليك فهو ملكك الى الابد
وان لم يعد فهو لم يكن ملكك من البداية

محمد عبد الغفار said...

كلام جميل كلام معقول محد بيعمل حاجه منه

قوس قزح said...

ابى
ازيك يا جميلة
احنا فعلا لازم نتقابل و يمكن حد فينا يعزل ويجى يسكن قصاد التانى :)
عارفة هى الانانية دى اللى ممكن تموت الحب لان كل واحد محتاج مساحة خاصة به بتاعته هو لوحده لو راحت منه المساحة دى ممكن اوى مع الوقت يكره حياته

قوس قزح said...

تامر
اشكرك على مرورك بالرغم من تقصيرى معاك

بس اللى حسيته من مدونتك انك انسان محبوب من كل الناس فاكيد لازم تكون بتحب الحب :)

قوس قزح said...

كوارث
اقولك على حاجة لاحظتها فى حالات كتيرة ؟

الحب كتير اوعى بيلغى العقل و كمان كتير اوعى بتحسه الناس و عقلها غير حر و يمكن وقتها بيكون الحب ده هو احساس الحرية لهم حتى لو يعيشوه بخيالهم

شكرا على مرورك

تحياتى

قوس قزح said...

هو ده عيبه

اذا انت احببت شيئا فاطلق سراحه
فان عاد اليك فهو ملكك الى الابد
وان لم يعد فهو لم يكن ملكك من البداية

هو بالظبط كده .. الحرية مش هتنفى امتلاك القلب

تحياتى و سعدت بمرورك :)

قوس قزح said...

محمد عبد الغفار

لكن خيالى فحب موعود مش لاقية غير انى اتكلم عنه :)

(احمد سكر ) said...

الحب

ماجمل الشعور به

الاحساس به

يااااااه

كلامك حلو اوى

وعبرتى بالى جوانا

تحياتى لقلمك المميز

اخيكى

احمد سكر

قوس قزح said...

احمد سكر
نورتنى بزيارتك
عجبنى اوى اخر بوست لك

تحياتى

tarek alghnam said...

السلام عليكم
ماشاء اله على كلماتك اتى نقشتيها بخفة ورشاقة احسدك عليهم
الحرية والحب اعتقد انهم متلازمين فلا ينفع احدهم بدون الاخر
وان كان حبا بدون حرية سيأتى اليوم الذى نقول فية
اعطنى حريتى اطلق يداى
سعيد بزياراتى لمدونتك الرائع والنهل من كلماتك الرقيقة العذبة
وادعوكى لزيارة مدونتى المتواضعة
ودمتى بود

maha zein said...

اولا اعذريني لعدم مروري هنا الفترة دي
اعذريني انا مزنوقة جدا
بجد
بس صدقيني
والله انا حتي مدونتي نسيتها
طبعا بوست رائع كالعادة واعذريني مش هقدر اقرا الي فات
لما اخلص عمري ما هتغيب عنك
الاهم
اني عوزة اعزمك
علي حفل توقيع مدونات مصرية للجيب في وسط البلد في دار اكتب
انا عملة الاعلان علي المدونة
اتمني اشوفك
بجد نفسي اشوفك
وندور علي بعض
واسألك انتي كاميليا مثلا تقوليلي لا انا رينمبو
اقولك مش ممكن وانط عليكي واخدك بالاحضان وحركات
يا ريت تيجي
ماشي
ماشي

قوس قزح said...

حاضر يا مها
هاجى ان شاء الله
بس اوعى توقعينا و تبقى فضيحة فى المدونات :))

و هروح اشوف فى مدونتك المعاد امتى

خواطر رئيس شاب said...

احساسك بالحب عالى جدا

لان لو وصل الحب للمعانى اللى عندك دى تبقى اجمل قصة حب فى الدنيا

أم أحمد المصرية said...

كلامك حلو قوي ربنا يرزقك دايما الحب و الحرية مدونتك اتنسمفيها عبير الهواء النقي

قوس قزح said...

خواطر رئيس شاب
ان شاء الله توصل المعانى دى فى قصة حب جميلة تعيشها

اسعدنى زيارتك لمدونتى

قوس قزح said...

ام احمد المصرية
مبروك النجاح الاول :)
و نورتنى بزيارتك
و شكرا على كلماتك الرقيقة