Saturday, August 23, 2008

ايجابياٌ انا

ايجابياٌٌ انا
ده احساسى بعد يوم بؤجة الخير امبارح و بعد ما شوفت اد ايه ممكن حاجات بسيطة لنا تكون كبيرة اوى لغيرنا
و اد ايه قدرنا نسعد ناس عايشة مش تحت خط الفقر لكن عايشة تحت خط الحياة و نكون ايجابين مش بس نبص نظرة شفقة و عطف
و كانت نتيجة اليوم حوالى 20 بؤجة كبيرة و 48 شنطة رمضان
وحبيت ابلغ رسالة و اقول لكل اللى شارك معنا
اولهم الاستاذ احمد كمال اللى كان هو السبب فى توفير المكان و تعرفنا بالجمعية
خيخة اللى كانت من اكبر المساهمين
آبى شريكتى الجميلة و بطوطها
ابو المدونين ابو خالد
ايناس و اختها نسمة
جنة
شريف
ايما ام البنين و زوجها ابو البنين
احمد الصباغ و اللى عمل جروب على الفيس بوك
محمد ابن حجر العسقلانى
احمد الباحث عن الحقيقة
فاتيما
خالد همس الاحباب
احمد سكر
شيماء فضفضة
مها زين و صديقاتها نبيلة وهبة
احمد سوو
ميرا وومن
اسماء سومة
كريم يوميات مطلق
قلب مصرى و زوجته
رودى
شكراااا و جزاكم الله خير عن حضوركم و مشاركتكم معنا و ايجابيتكم الجميلة اللى كانت بنفس راضية و محبة لتكرارها و الاهتمام بمعرفة كيفية المساعدة اكتر

و اقول للناس اللى مقدرتش تيجى و مع كده شاركت و ساهمت معنا
محمد فوزى و هو تانى اكبر مساهم معنا
الربان
Ahmed_k
حنين القلب
الطائر الحزين
شكرا انكم برغم بعدكم لكن سعيتوا و شاركتم معنا و بعد المكان مكنش سبب او عائق قدامكم
و اقول لكل شخص بيعمل اى حاجة بيساعد بها اهل مدينته او بيساعد بها انسان غيره محتاج .. شكرا انك ايجابى و
مش واقف مكتف ايدك


و اقول كل شخص كان عايز يشارك و مقدرش لظروف غصب عنه .. لسه الفرصة الموجودة و تقدر تشارك و تكون ايجابى و تحس بكلمة
شكرا فى عيون اللى حواليك و مش مشاركة مادية شارك بوقتك او بعلمك او حتى انك تدل على عمل الخير و تشجع عليه

بقول لكل واحد بيقول شعارات رنانة و افكار سمعها وهو بيتفرج على الدش و هو بياكل كنتاكى و يشرب بيبسى ولا قراهم فى جريدة ولا فى موقع و هو فى مكتبه فى التكييف و قال يعمل بيهم شخصية علينا ..طـــظـ فى شعاراتك اللى وراها شخصية سلبية اخرها تحضر حفلات للشهرة ولا لقاءات للتعارف و كل واحد عارف بطحته بقى
و بقول لكل شخص بيستسلم و يقول مفيش فايدة .. مفيش فايدة منك انت و خاليك لابس غما التور اللى بيلف فى ساقية السلبية
و بقول لكل سخص مش شارك معنا امبارح .. فاتك كتيرررر
و بقول لكل انسان .. ساعد غيرك انه يعيش كانسان و كن ايجابى
و اخيرا احب اقول للناس اللى تحب تكون ايجابية معنا ان المرة الجاية ان شاء الله هتكون قبل العيد و يكون يوم للاطفال المرضى بالسرطان كل واحد منا يعيد على طفل منهم بطريقته اللى يفضلها و التفاصيل هنقولها قريب بأذن الله

72 comments:

زيزو الشقى said...
This comment has been removed by the author.
زيزو الشقى said...

يااااااااااااااه
اول تعليق حظى حلو قوى

زيزو الشقى said...

بسم الله الرحمن الرحيم

قوس قزح مدونتك حلوة قوى

وكل عام وانتى بخير

وكل سنة وانتى طيبة

بمناسبة شهر رمضان

شهر الصوم

تحياتى

وكل احتراماتى

اتمنالك التوفيق

واتمنالك النجاح

مدونتى تنور لو زورتيها

شكرا



عز الدين



سلااااااام

Unknown said...

جزاك الله خيراا
وفقك الله

همس الاحباب said...

الحمد لله
اليوم كان جميل
والمشاركة كانت ايجابية بشكل جميل
ربنا يبارك فى الجميع ويجعله فى ميزان حسناتهم
وان شاء الله يكون التجمع اكبر فى مستشفى سرطان الاطفال
تحياتى

(احمد سكر ) said...

جزاكى الله كل الخير ياداليا

كلامك ف البوست رغم عدم ذكر تفاصيل

الا انه بوست رائع

والهدف منه الحمد لله

حصل

جزيتى كل الخير

والدال على الخير كفاعله

والف مليون سلامه

تحياتى

احمد.

حنين القلب said...

ربنا يجعل اليوم ده فى ميزان حسناتك
ويكرمك يا داليا
يا رب اكون معاكم يوم مستشفى السرطان
بجد هحاول
سلام يا حبيبتى وربنا يقدرك على فعل الخير

Empress appy said...

دوللى ومني انا كمااااااانن طززززززززززز كبيره اوي فيهم بجد
اصحاب العقول الفارغه
رربنا يا رب يقدر الجميع على فعل الخيررررر يا رب
وانتى بجد عملتى مجهود حلو اوي بجد

Anonymous said...

الشكر ليكى ولآبى ولأحمد ولحملة الاصدقاء واولهم احمد الصباغ طبعا ولكل من ساهم ورتب بدون ذكر اسماء

والاكتر انكم اديتونا الفرصة نعمل ولو شئ بسيط

ربنا يبارك فيكم وتتكرر الفرص دى بشكل اوسع

تحياتى لكم جميعا

Gannah said...

نحن الذين نشكرك وندعو لك أن يجعله الله فى ميزان حسناتك
بجد يا دودو اليوم كان جميل جدااااااا
ويارب نكون ساهمنا بشىء ولو بسيط وياريت نقدر نعمل اكثر
فعلا الايجابية والبدء بالعمل اهم بكثير من الكلام
أرجو ابلاغ تحياتى الى الاستاذ أحمد كمال والذى لم تتح لى فرصة شكره
تحياتى لك ولكل من شارك

Ahmed Kamal said...

جزاك الله خيرا كثيرا يا داليا على مجهودك في الفكرة ، و الدعوة لها ، و التنسيق بين الناس اللي شاركت ، و كل البوستات اللي اتكتبت و اللي لسه بتكتبيها ، و كمان روحك المشرقة بكل ألوان الطيف و اللي كانت سبب رفع الروح المعنوية للجميع علشان يشترك ، و أنا متأكد من رحمة الله إننا حنشوف ثواب المجهود ده في الجنة كبير قد إيه ، بمقدار السعادة اللي حاتدخل قلب كل واحد أو واحدة ، أو طفل أو طفلة ، أو أم أو أب فرحوا بسبب مجهودك ، و مجهود كل اللي اشتركوا .

حقيقي بلدنا محتاجة كتير ، لكن احنا كمان في ايدينا حاجات كتير نعملها ، أولها إيمان و دعاء و نية خالصة ، و آخرها إماطة الأذى عن الطريق .

و بلدنا حاتقوم و حاتتحسن طول ما فيها ناس زيك و زي كل اللي اشتركوا امبارح ، و طول ما كل واحد فينا فضل مكمل في الخير ده .

تحياتي لك و لجميع أعضاء مشروع بؤجة الخير .

عصفور المدينة said...

تقبل الله منكم

الـسـيـدة نـون said...

انا اسمى مكتوب؟
طيب


دوللى
داليا
دودو

انا مش فاهمة ايه حكاية الطز اللى انت بتوجيهيها دى

انا الفضول هيقتلنى
عايزة اعرف فيه ايه؟

واضح ان فيه حد شوشر على موضوع بؤجة الخير

عايزة افهم ايه الموضوع علشان مبقاش زى الخيخة فى الزفة


وجزاكى اله خيرا
انتى
وأبى
واحمد كمال

ربنا يباركلكم يارب
ودايما بتفكرونا بفعل الخير

تحياتى ليكى
اختك خيخة

محمود حسن العدل said...

ندمان اشد الندم بس والله واللة العظيم كانت عندى ظروف فى البيت رغم انى كنت مسافر واجلت سفرى على شان اجى معاكم ....
وخصوصا لان قوس قزح شخصيا واجة دعوة ليا انى اكون من ضم الفريق
انا طبعا بشكر قوس قزح جدا وبقولة اوعدك وعد الحر انى المرة الجاية انا هاكون ان شاء الله اول الموجودين
تحياتي اختى

Unknown said...

بجد كان نفسى ابقى معاكم واشارك بس طروف شغلى منعتنى
بس تتعوض المرة الجاية والجايات اكتر
تحياتى للمجهود العظيم

ahmed_k said...

أختي داليا
جزاكي الله خيرا علي مجهودك وفكرتك
التي تستحق كل إحترام وتقدير
وربنا يجعلهالك في ميزان حسناتك
وجزى الله خيرا كل من تعب وشارك في العمل الكبير
والذي وإن كان قليلا في عطاياه
ولكنه عظيم في أثره
وإن شاء الله المره الجايه يكون أفضل وأفضل
وإن شاء الله يكون اللقاء القادم قبل العيد وأقدر اشارككم فيه
بس ياريت يكون بعد الفطار
أصلي قبل الفطار بكون خارج نطاق الخدمه هههههههههه

تقبلي خالص تحياتي مخلوطه بتقديري

في أمان الله

محمد عبد الغفار said...

هو ده الكلام

كل واحد فينا عليه دور فى خدمه مجتمعه واللى ممكن تتم باشكال كتير اوى اوى غير انى اهاجم السلطة وبطالب بالتغيير طول الوقت من غير معمل اى حاجه

اللى عملتوه ده شكل جميل من اشكال خدمة المجتمع وربنا يحميكم ويقدركم وتتغلبوا على ما بعد خفوت حماس وفورة البداية

صباح الصباح said...

ربنا يوفقكم دايما
انا للاسف ما قدرتش اجى عشان كنت فى الشغل.. هوة صحيح يوم جمعة بس انا للاسف بقالى حوالى شهرين ما خدتش غير يوم واحد بس اجازة
جزاكم اللة خيرا

قوس قزح said...

زيزو الشقى

انت مش بس اخدت اول تعليق لا ده انت كمان التعليق اللى قبلك اتحذف :))

حمدلله على السلامة
و ميرسى على كلماتك الرقيقة
و كل سنة وانت طيب و بخير و يارب تكون نتيجتك السنة دى كويسة
انا سعيدة بزيارتك ليا جداااا
و هروح مدونتك حالا اشوف ايه الاخبار الجديدة

قوس قزح said...

نهر الحب

جزانا و اياكم
انا سعيدة بمشاركتك معنا بجد
و ان بالرغم من وجودك فى مدينة تانية لكن بتحاولى تشاركى معنا

ربنا يسعدك و يوفقك

قوس قزح said...

همس الاحباب
انا بشكرك على مشاركتك و تحمل المسئولية معنا
و تواجدك فى خدمة اى حد يوصل و مساعدته

ربنا يجزيك خير و يبارك لك فى همس

Bob said...

ربنا يوقفلكم ولاد الحلال فى طريق الخير
كل رمضان وانتم بالصحة والسلامه
سلاااااااااااااااام
بهاء

قوس قزح said...

احمد سكر
معلش انا مركزتيش على تفاصيل اليوم لان عارفة ان كتير من اللى حضروا ممكن يتكلموا عنه و الناس تعرف اليوم كان ازاى منهم
بس كان يهمنى انى اقول اللى طلعت به من اليوم ده اكتر من تفاصيله

جزاك الله خير على مشاركتك
و على مشاركة محمود ابنك ببؤجته الصغنونة :)

قوس قزح said...

حنين القلب

انا سعيدة انى سمعت صوتك اوى
فعلا اسم على مسمى يا حنين
و ان شاء الله تقدرى تيجى المرة الجاية و لو تحبى تشاركى انت و زوجك تشرفونا بجد

جزاكى الله خير

Mafrousa said...

ربنا يكرمك يا داليا على الفكرة الجميله اللى لميتي الناس بيها
و يارب تكون فى ميزان حسناتك
و ان شاء الله اشارك المره الجايه
سلام

محمد فاروق الشاذلى said...

قوس قزح
مش متخيلة قد ايه فضلت ادعى ليكى ولأستاذ / أحمد كمال وآبى وخالد همس الأحباب على المجهود الجميل اللى بذلتوه فى اليوم ده.
وقد إيه كنت سعيد جداً إننا خرجنا من شاشات الكمبيوتر للواقع علشان نساعد الناس ونقدم حاجة ولو بسيطة نسعد بيها حد محتاج السعادة دى.
وفى النهاية أعتذر عن الإزعاج الشديد اللى سببته رقية بنتى طول اليوم، وفى إنتظار تفاصيل اللقاء الجاى بإذن الله.

لك كل تحية واحترام وتقدير

قوس قزح said...

appy
هههههههههههههه
بيعجبنى فيكى حماسك و مشاركتك الفعالة

مليون طظ يا ستى كمان فى العقول الحصاوى :)

و ان شاء الله نشترك فى موضوع اطفال السرطان كمان

قوس قزح said...

شريف
انا سعيدة جدا انك حضرت معنا مع ان مكنش فى فرصة للتعارف اكتر
بس بجد شرفنى انى اتعرف عليك
و المرة الجاية ان شاء الله هتكون فى رمضان و يكون فى فرصة وقت الفطار اننا نتكلم اكتر

جزاك الله خير

قوس قزح said...

Gannah

و الله فرحتى بيكم انكم جيتوا كانت اكتر

وكان نفسى اكمل معاكم اليوم بس الحر فعلا بيخلنى مجهدة جدا

المرة الجاية تكون الفرصة و الوقت اكبر

جزاكى الله كل خير

قوس قزح said...

احمد كمال
و الله انا لولا عارفة انك ممكن تزعل كنت نزلت بوست مخصوص بيتكلم عنك

لان فعلا الواحد مش بيقابل ناس زيك كتير
و انت من الناس اللى تسيب علامة جوه عقول الناس و قلوبهم
ربنا يجزيك كل الخير و يحقق كل اهدافك اللى بتتمناه
و يصبرك بقى علينا ماهو انت هتدبس كتير معنا شكلك كده ( وش مكسوف )

قوس قزح said...

عصفور المدينة

يارررب
شكرا على زيارتك

قوس قزح said...

بت خيخة و اى كلام

لا اسمك منور اهو و فى الاول كمان :)

و الحمدلله محدش شوشر على البؤجة متخفيش

البؤجة بؤجتنا و اللى مش عاجبه ميجيش ناحيتنا ههههههههههههه

و طظ فيه كمان


جزاكى الله خير يا خوخة
و ممكن بردو تودى السفرة :)

قوس قزح said...

محمود حسن العدل

الاعمال بالنيات و بدام كنت ناوى و مقدرتش يبقى اكيد ربنا هيكتبلك حسنة

بس المرة الجاية بقى اعمل حسابك من بدرى تكون معنا

قوس قزح said...

ايمن بدر

ان شاء الله تكون المرة الجاية معنا

و هبلغك بردو بالمعاد قبلها

قوس قزح said...

ahmed_k

عارف ان انت الشخص الوحيد اللى برغم بعده عن القاهرة لكن مع ذلك بعت البؤجة بتاعته فى السوبر جيت

و فرصة انى اشكر احمد سكر انه اتبرع و راح استلمها

جزاك الله خير

و هنفكر فى حكاية بعد الفطار دى لانى زيك بكون فاصلة شحن :)

تحياتى مخلوطة باحترامى

قوس قزح said...

محمد عبد الغفار

ان شاء الله الحماس يفضل موجود و يزيد و الناس لما تشوف ان قى نتيجة تشارك اكتر

قوس قزح said...

صباح الصباح

الله يكون فى عونك و المرة الجاية تكون ظروفك احسن ان شاء الله
لسه فى فرص كتير :)

قوس قزح said...

bob

ربنا يسمع منك

و اشكرك على الزيارة

قوس قزح said...

واحدة مفروسة

ياريت يا مفروسة تشاركى معنا المرة الجاية لان انا عارفة ان الاطفال هتحبك اوى و هتعرفى تتعاملى معهم

ميرسى لتشجيعك

قوس قزح said...

قلب مصرى

رقية ؟؟ ده انا عندى عينة منها بس على ولد و عااادى جدا اللى هى كانت بتعمله و لها حق ايه ذنبها تقعد فى مكان مفيهوش العاب ؟؟

ربنا يخليها لك و يسعدك بها
انا سعيدة انك جيت جدا و كمان شاركت زوجتك و بيتك معاك فى يوم زى ده

و اكيد المرة الجاية هتكون من اول الناس اللى هبلغهم

جزاك الله كل خير

د. إيمان مكاوي said...

سعيده جدا بتعرفي على أناس بتعمل خير زيكم وإن شاء الله يكون في ميزان حسناتكم
وإن شاء الله أكون معكم يوم مستتشفى سرطان الأطفال لأن زياد الزعروووووور الكبير كان عايزني أروح معاه هناك وجزاكم الله خيرا
تحياتي

عيله مفتريه سابقا said...

عارفه يا دودى
والله والله والله
انا مجهزة الحاجه وحاجات كتير وجميله طبقتها بأيدى
بس المشكلة انى مقدرتش خالص اسافر وللاسف مكلمتش حد من اللى مسافرين كايرو من بورسعيد
والله يا دودى قعدت اوبخ نفسى

على العموم لو لينا فرصه تانيه ياريت ولو ربنا قدرنى واخرجتهم لباب تانى هقولك
الغلابه كتير واحنا منهم

ربنا يجعله فى ميزان حسناتك وكل من ساهم وساعد فى الموضوع ده
اللهم آمين

سلامى
ورمضان كريم

شفـقــة و إحســــان said...

بعد كدع تبقى تيجى وتقوللنا علشان نفسنا نشوفك ونتعرف عليك وبعدين ليه ما حضرتيش حفل توقيع الكتاب لا احنا زعلانين علشان كان نفسنا القاعة تنور بوجودك
شفقة

Asmaa mahaba said...

ايه دا انا اسمى هنا هييييييييييييييييه سومه سومه
هى مين سومه دى اصلا؟؟

tarek alghnam said...

قوس قزح
كل سنه وانتى طيبه
وربنا يجازيكى كل خير
وانشاء الله اكون معكم قبل العيد
تقبلى تحياتى
ودمتى بحفظ الله

tote said...

السلام عليكم
جزاك الله كل خير
والله كان نفسى اشارك بس للاسف عرفت متاخرة اوى
وان شاء الله انا معاكو قبل العيد
ربنا يقدركو على فعل الخير
ربنا يوفقك

.. نرمين زين الدين .. said...

السلام عليكم ورحمة الله وبركاته

يعني مش عارفه اقول ايه
يارتني كنت معاكم بجد ..
انا بعد الي قريته دع بإذن الله عمري ما هقصر أبدا في الحات دي و الله انا مكنت هملاها اوي .. بس الدنيا خدتي حبتين الفتره الي فاتت ..

ربنا يجزيك كل خير
ويجعله قي ميزان حسناتكم بإن الله
وبلغكم الله رمضان بإذن الله رب العاالمين ..

جزيتي الخير حبيبتي في الله

Soooo said...

ربنا يجازيكم كل خير يارب

بس مالهم بقى الناس اللي بياكلو في كنتاكي؟؟
انا شامم ريحة اسقاط سياسي في الموضوع



كل سنه وانتي طيبه



سلامووووووووووووز

only spot said...

سلام عليكم
احلى بنى ادمه صافيه قابلتها وكنت اتمنى اقعد معاكى بس حظى وحش اوى لانى كنت مستعجله جدا بس سعدت اوى بمعرفتك ولقائك بجد هم مش بس تحت خط الحياه لا دول تحت اوى وللاسف كتير بيرمى عليهم ان ذنبهم انهم جم للدنيا وتقبلو الحياه دى
طبعا انا معاكى يا جميل فى اى زياره ان شاء الله والجيات اكتر وان شاء الله تبقى لقاءاتنا فى الخير دايما ويا رب تكون نيتنا الاولى والاخيره محاوله الوصول لرضى الله

سيبك يا داليا من الاصناف الى غاويه منظره وشهره اخرهم صفر على الشمال وتحصيل حاصل وعادى بيمرو فى الحياه مرور الكرام

ختاما كل سنه وانتى طيبه ورمضان كريم ويا رب يكون اخره عتق لينا كلنا من النار

اختك الصغيره
شيماء فضفضه

قوس قزح said...

ايما ام البنين

انا اللى سعيدة بمعرفتى بكى و بزعرور الصغير
و ان شاء الله هبلغك بالتفاصيل و ياريت تجيبى معاكى الزعرير كلهم المرة دى :)

قوس قزح said...

عيلة مفترية سابقا

احنا افتقدناكى مع اهل بورسعيد المرة دى
وبمدام عملتى بؤجة يبقى متتاخريش بقى و طلعها لاهل مدنتيك
مش مهم المكان فين المهم انها توصل للمحتاج

ياريت تحاولى تكونى معنا فى رمضان

محمد فاروق الشاذلى said...

ربنا يخلى لك ابنك يارب وتفرحى بيه وهو حاجة كويسة فى المستقبل إن شاء الله.
مستنى التفاصيل بتاعة مستشفى السرطان علشان إن شاء الله أشارك المرة دى كمان وألحق أبلغ أكبر عدد ممكن من أصحابى علشان هما كمان يشاركوا معانا.
تقبلى تحياتى

قوس قزح said...

شفقة و احسان
انا لفيت على كل المدونات و حتى بيكيا اللى عندك فى ليستة المدونات كان فيها بوست عن الموضوع
بس بردو ان شاء الله المرة الجاية هاجى اسيبلك خبر عندك
وان شاء الله تشاركوا معنا

قوس قزح said...

سومة .. مجنونة من بلد عاقل

سومة ؟؟ انا قلت سومة ؟؟
ااااه لا لا اقصد سووووسة
يا مرات ابنى :))

قوس قزح said...

طارق الغنام
و انت طيب و بخير يارب

و يسعدنى بجد انك تكون معنا المرة الجاية

قوس قزح said...

tota

ان شاء الله بس تابعى معنا بقى علشان تعرفى التفاصيل و مش تتاخرى تانى

هكون سعيدة بحضورك

قوس قزح said...

نرمين زين الدين

الدين يسر :)
الحمدلله ان لسه قدامك الفرصة
اجمعى حاجات من عندك و طلعيها لاى حد غلبان او اى مكان ايتام

و ربنا ان شاء الله يتقبل منك

و ياريت تشرفنا فى اللقاء القادم

قوس قزح said...

Mustafa Şenalp

Teşekkür Ederim

قوس قزح said...

soooooooooo

اصل مش بحبه :)

فمقدرتش اقول على مكان تانى

ده اسقاط نفسى ( بكسر النون )

ربنا يخليك يا سوو انت انسان جميل بجد
و نسيت اطلب منك طلب
المرة الجاية فكرنى
انت عارف الزهايمر :)

قوس قزح said...

only spot
انت دوختنى يا شيكوووووووو

فين مدونتك ؟؟

كل ما اروح من لينك عند حد يقولى مفيش مفيش

المهم
انا بشكرك على تواجدك معنا يومها جدا و جزاكى الله خير

و كل سنة وانت طيبة يا قمر و بخير
و ان شاء الله المرة الجاية يكون التجمع اكبر يارب

جنّي said...

السلام عليكم

جزاكي الله خيرا وجعله في ميزان حسناتك

ياريت يعمم الأمر على المحافظات وتكون الحملة في اكثر من مكان فهناك اماكن اكثر بؤسا من اسطبل عنتر ..

وممكن تفعيل الحملة قبل العيد بفستان وحذاء او بنطلون وقميص وحذاء فرمضان شهر الخير وكثير من الاغنياء يخرجون زكاتهم في هذا الشهر
بالتوفيق وربنا معاكم
شكرا

Diyaa' said...

ربنا يجازيكي كل خير وكل اللي حضروا معاكي ويوفقك في إنك تكوني إيجابية علي طول

كان نفسي أشارك :(
تتعوض بإذن الله

سلام

Anonymous said...

قوس قزح

اول زيارة

اولا جميل أن يشعر الانسان بأنه ايجابى ويعمل حاجة تساعد الناس

انا كان نفسى احضر حفل التوقيع بتاع مدونات للجيب وكمان اشارك فى بؤجة الخير لكن وجودى فى اسيوط منعنى

لكن الحمد لله فى ناس شاركت كتير وعملوا حاجة

اتمنى تستمر مثل هذه المشاركات وتتوسع


تحياتى

على عبدالله said...

السلام عليكم ورحمة الله وبركاته

بارك الله فيكى
وجزاكى خيرا انتى وكل من شارك فى هذا العمل العظيم وجعله الله فى ميزان حسناتكم ان شاء الله تعالى

للاسف لم استطع الحضور
مش كسل والله ولا يأس ولا سلبية
بس بسبب انى مش فى مصر حاليا
بس والله كان نفسى اشارك
وعامة الجيات اكتر من الريحات ان شء الله

سعدت بزيارة مدونتك

خالص تحياتى

شفـقــة و إحســــان said...

ربنا يجازيكم خير

HANY YASSIN said...

كل سنة وانت طيب
رمضان كريم
جزاكي الله خيراً

قوس قزح said...

جنى

ان شاء الله هنعمل يوم قبل رمضان نروح فيهم لاطفال مرضى السرطان و ناخد لهم حاجات

و طبعا لو كل واحد فى مدينته قدر يعمل حاجة ده يبقى شىء عظيم

اشكرك على مرورك

قوس قزح said...

ضياء

ان شاء الله المرة الجاية تكون معنا
و كفاية ان بؤجتك انت طلعتها و مش مهم كانت لانهى مكان

جزاك الله خيرا

قوس قزح said...

المحارب المتيم

شكرا على تشجيعك
و ان شاء الله تقدر انت تعمل حاجة فى اسيوط كمان

قوس قزح said...

على عبدالله

ترجع بالسلامة ان شاء الله
و تقدر تشارك معنا

اشكرك على مرورك

قوس قزح said...

شفقة هانم و احسان بيه

جزانا و اياكم

قوس قزح said...

HANY YASSIN

و انت طيب وبخير

الله اكرم

جزانا و اياكم

تحياتى