Sunday, September 14, 2008

من اجمل الايام و احنها

امبارح كان يوم حلو اوى و قدرنا كلنا اننا نسعد و لو بقدر بسيط اطفال كتير


و كلنا حسينا اد ايه الناس فى المستشفى مش مصدقة ان العدد ده اتجمع بدون ما يكون تبع جمعية او رابطة و كمان استغربهم اكتر ان فى كتير منا كان اول مرة يشوف بعض و كل واحد بيقول للتانى اسم غريب غير اسمه


النهارده انا روحت المستشفى تانى لان جالى تبرع جديد وكان لازم اوصله و فى نفس الوقت الصيدلية بتاعت المستشفى استلمت الادوية و كانت طالبة منى انى اروح استلم منهم جواب بالاستلام


و كان فى بعض الادوية غلط قمنا بتبدلها من صيدلية خارج المستشفى دايما بتتبرع لهم و مكنش عندهم مانع يبدلوا بالادوية الصح


وقمت بمقابلة دكتورة رشا عمار نائب مدير المستشفى و كانت سعيدة جدا باللى احنا عملناه و استغربت بردو اننا افراد و مش تبع جهة معينة و قالت ياريت ناس كتير تعمل زيكم و ياريت تزورنا تانى لو مرة فى السنة


و اديتنى جواب شكر بأسم المدونين المصريين


و حبيت انشر لكم نسخة من الجواب لان الجواب ده شكر لكل واحد شارك فى اليوم ده سواء كان مدون او غير مدون






يمكن الصورة مش واضحة لانى عملتها اسكان فى سيبر - و دى اول مرة ادخل سبير فاعتمدت على صاحبه فى الاسكان - و ان شاء الله احاول اعملها اسكان تانى بصورة اوضح و اعملها لينك للدون لوود لكم

انا بشكركم جميعا باسم الاطفال و امهاتهم

و ان شاء الله ربنا يتقبل منا اليوم ده و يقدرنا اننا نكرره مرة تانية

و بقول لكل شخص شارك

بحبكم فى الله

ملحوظة

فى ناس طلبت منى عدم ذكر اسمائها من اللى شاركوا معنا لو نزلت بوست و علشان كده مقدرتش اقول اسماء حد شارك لانه مينفعش اقول اسماء و اسماء لا

بس احب اشكر بالاخص

كل واحد عمل دعاية او جروب على الفيس بوك للموضوع

و كل واحد وصل لنا تبرع من حد

و كل واحد ساعدنا فى التقسيم الهدايا و الفلوس

و كل واحد ساعدنا فى توصل الهدايا لكل طفل

تحديث :

دى اسماء الادوية تانى و عليها ادوية جديدة

zovirax 250 mg or 500 mg vail


diflucan vail

L carnitine cap.

ventolin inhalar

meronem 1/2 gm or 1 gm vail

sodium bicarsbonate 8.4% amp.

rimactan syrup

Indral amp.

nor-adrenaline amp.

vancomycin 1/2 gm vail

tienam 1/2 gm vail

ventolin amp.

77 comments:

appy said...

الله عليكي يا حبيبى بجد رحتى برضه ورجلك بتوجعك ربنا يكرمك يا رب ويخليى ليكى اولادك وتفرحي بيهم

šσяšαяαα said...

واحنا كمان بنشكرك جداااااا اوى خاااااااالص
وعاوزين من التجمعات الجميلة تانى

اجمل شىء فى الدنيا لما الناس تتجمع ومنهم اللى يعرف التانى بالاسم بس
واللى اول مرة يتعرف عليه
واللى صاحبه واخوه ومعاه خطوة بخطوة
ودا اللى حسيته فعالم التدوين

اهىء اهىء حاجة مؤثرة فعلا مش هزار

دا مش وقت هزار صرصارة:)

:::::::::::::::::::::::::::::::

على فكرة يارييييت ربنا يكرمك لو فى ادوية ناقصة تقوليلى اساميها لانى رحت الصيدلية ارجع الادوية الغلط وهاجيب بدالهم بس مش عارفه هل فى حاجة ناقصة لسا واللا اجيب اللى الاقيه

ياريت لو قريتى تعليقى تردى عليا النهاردة

والف سلامة على رجلك:)

بنات صاحبة الجلالة said...

الف مليون سلامة لرجلك وبصراحة انتي وابي بذلتوا مجهود ووقفتوا كتير ونظمتوا اليوم بشكل جيد ربنا يقويكم علي فعل الخير يارب ونتقابل دوما في كل عمل خير يارب
وسعيدة بمعرفتك جدا

خالص تحياتي

Bob said...

شكرا على مجهودكم العظيم
بهاء

ابن حـجـر الـعـسـقـلانـى said...

بجد كان يوم جميل جدا

أنا اللى لسة تاعبنى لغاية دلوقتى هو إن مجرد لعبة بقرش كانت سبب فى رسم ضحكة على وجه طفل

بجد ربنا يكرمكم جميعا

someone in life said...

شكرا ليكي يا داليا علي اليوم الجميل و انشاء الله ينكرر تاني في الخير انا عن نفسي كنت مبسوطه جدا بيكم و بفرحة الاطفال و حاجه خاصة بيا اني فرحانه اني قدمت ولو شكر بسيط لربنا علي نعمته من صحه و رزق و طفل ابني عمر كمان كان مبسوط قوي بانه بيشارك و بالافطار الجماعي الجميل و اتعرفت كمان علي شخصيات حلوة قوي و سلامه رجلك انا مش لاحظت انك تعبانه و دي قدرة منك علي خدمه الاخرين رغم تعبك متعك الله بالصحة و العافيه و اتمني اشوفك تاني انشاء الله انتي و الجميله أبي
تحياتي و تحيات عمر ليكي اللي افتكر ان اسمك قوس قزح و صعبتي عليه ان مامتك سمتك كده .. معلش اصل عقلة خواجاتي ههههه

Diyaa' said...

الشكر لله لأنه قدرنا نتجمع علي الخير
وربنا يجازيكي كل خير يا قوس قزح التدوين كله ..وألف سلامة علي رجلك ويا ريت بعد إذنك تاخدي بالك منها عشان المرة الجاية منجيش حاملين همك وهم الأطفال في المستشفي..عايزين ناس واخدة بالها من نفسها ماشي ؟:))

ربنا يكرم كل حد اشترك معانا ويجازيه علي أد نيته وعلي أد كل بسمة بريئة شفتها في وش طفل فرحان بلعبة بالنسبة لإخواتنا متساويش حاجة وبيكسروا غيرها ألف...ويا ريت فعلاً اللي يقدر يمدهم بدوا ما يكسلش وأعتقد إن سوووو مستعد لتوصيل الطلبات للمنازل

مبروك علينا إننا قدرنا نتجمع في الخير وبالعدد ده عن طريق المدونات ولا حزب ولا جمعية ولا حاجة..

أنا مبسوط بيكم أوي
وأكيد كلنا بنحبك في الله يا أم العروسة

ahmed_k said...

ربنا يكرمك يا داليا
فعلا مجهود رائع ما قمتم به
وجعلكم الله دوما وسيله لإضافة
البسمه على شفاه كل محتاج

وتقبلي خالص تقديري وإعتزازي

(احمد سكر ) said...

طب مش قلتى ليه ؟

دانا كنت قاعد انهارده من الشغل طول اليوم

كنت رحت ساعدتك ع الاقل برجليكى اللى تعباكى دى

يلا

كله ف ميزان حسناتك ان شاء الله


وربنا يتقبل منا ومنكم ان شاء الله

جزيتى كل الخير

احمد

مواطن زهقان said...

جزاكى الله كل خير
وكل اللى كان موجود فى الزياره دى

بجد والله كان نفسى احضر بس
لاسباب خاصه منعتنى

وومن said...

ربنا يارب يكرمك ويخلية في ميزان حسناتك

بجد مش عارفة اقول ايه انا عارفة قد أيه اخر اليوم كان شكلك تعبان ربنا يقويكي يارب

الف سلامة علي رجلك ودايما مقدرك علي فعل الخير يارب

محمد محمود يوسف said...

الحمد لله العملية تمت بنجاح


ووزعت الشنطة والظرف اللي اديتهومني

:)


جزاكي الله كل خير

محمد محمود يوسف said...

الحمد لله العملية تمت بنجاح


ووزعت الشنطة والظرف اللي اديتهومني

:)


جزاكي الله كل خير

الطائر الحزين said...

جزاك الله خيرا
اللهم اجلعه فى ميزان حسناتكم

meshmesha said...

كان يوم جميل، ومجهودك كان رائع ، ربنا يجعله فى ميزان حسناتك يارب

كل سنة وكل وانتى طيبة يا جميلة

Sherif said...

أول كل شئ الف لابأس عليكى وان شاء الله تكونى بخير النهاردة

اما عن هذا العمل الجبار والاستجابة فكل هذا محسوب لك أولا ولكل من نظمه.. واحنا ثانيا

نتمنى ان نلتقى دائما على خير .. وانت لاتحتاجى كلمة شكر منى فقد حصدتى كل الامتنان من الاصدقاء الاعزاء

تحياتى وتقديرى لشخصك الكريم

قوس قزح said...

appy
مقدرش اكون سبب فى تاخير حاجة زى دى يا آبى و لو على رجلى بكرة تخف ما انا هاخد اجازة بقى لاخر رمضان بس يمكن فى تبرع تانى اوصله قبلها :)

ربنا يجزيكى خيرا و بطوط تكبر و تبقى ديك رومى :)

قوس قزح said...

šσяšαяαα

ان شاء الله نعمل تجمع تانى و المرة الجاية يكون بقى مختلف و نشارك بحفلة للاطفال الايتام
يعنى اى حد عنده مواهب يستعد :)


بالنسبة للكمية اللى احنا جبنها من الادوية مش كفاية لسه
يعنى لو قدرتى تجيبى نفس الادوية يبقى ياريت
بس خدى فاتورة من الصيدلية علشان لما تتسلم للمستشفى تكون اسهل لهم فى اثباتها

ربنا يجزيكى خير

قوس قزح said...

بنات صاحبة الجلالة

انتم كمان تعبتوا معنا
ده غير كمان ان الكل صايم و الجو حر و فى ناس لحقت الفطار بالعافية
بس الحمدلله الفرحة كانت منسية الواحد نفسه بصراحة

انا سعيدة انى عرفت ناس جميلة زيكم
تحياتى

قوس قزح said...

bob
جزاك الله خير بهاء

قلب مصرى said...

جزاك الله خير ياداليا على المجهود الجميل ده خصوصاً إن رجلك كانت تعبانة ورغم كده كنتى شعلة نشاط فى تنظيم وترتيب كل شيء

ربنا يجعله فى ميزان حسناتك

قوس قزح said...

ابن حجر العسقلانى

انا طلعت مع جنة للاطفال تانى بعد ما اخدوا الهدايا
و كان الامهات نافخوا البلونات اللى مع الهدايا للاولاد و اد ايه كانوا فرحانين بها

ربنا يشفيهم يارب و يخرجوا بالسلامة من المستشفى

قوس قزح said...

someone in life

هههههههههههههههههههه
و الله سكر انه فاكر ان ده اسمى
بس عنده حق
تلاقيه كل ما اكلم حد يسمعنى بقوله انا قوس قزح هههههههههههه

ربنا يحميه يارب و يبارك لكى فيه

انا بشكرك يا ايناس شكر خاص انتى و ساجى لانكم تعبتوا معنا جدا من اول اليوم
جزاكم الله خيراً
و نتجمع على الخير تانى ان شاء الله

قوس قزح said...

Diyaa'

و الله على اد الفرحة اللى شوفتها فى عيون الاطفال
كنت بشوف الفرحة فى عيونكم كمان بفعل الخير و بمقابلتكم لبعض

و حاضر يا سيدى هاخد بالى من نفسى و متشيلش هم عموما رجلى الحمدلله النهارده احسن

جزاك الله خيرا على فعلك و على نيتك

قوس قزح said...

ahmed_k

احمد بالرغم انك مكنتش معنا لكن متتخيلش الناس كانت بتفرح بهداياك ازاى
كانت فكرة حلوة اوى
و الحمدلله قدرنا نوصلهم لسن مناسب لان للاسف فى بيبهات كتير فى المستشفى
و المرة الجاية تيجى بنفسك تشارك لان بصراحة بيفوتك كتير
جزاك الله كل خير

قوس قزح said...

احمد سكر

يعنى يا احمد عايز تيجى من شبرا علشان تروح معايا المستشفى و انا دلوقتى جنبها فى وسط البلد !! مش كفاية انك لفيت قبلها بيوم من الترجمان للمستشفى لوسط البلد
و بعدين انا لو اعرف انك اجازة كنت استغلتك هههههههههههههه
ربنا يخليك يا احمد و الله انت فعلا اخ يعتمد عليه

جزاك الله خير على تعبك معنا و الله
و يجعله فى ميزان حسناتك ان شاء الله

قوس قزح said...

مواطن زهقان

معلش المرة الجاية ان شاء الله تشارك
و صدقنى وقتها هتغير لمواطن فرحان :)

تحياتى و شكرا على مرورك

قوس قزح said...

وومن

قطتى الصغيرة :)
انتى كمان تعبتى معنا و من قبلها بيوم

اينعم كنت بتلعبى بالهدايا اللى بنشتريها بس عرفنا من انبهارك بها انها هتعجب الولاد :)

انا بفرح اوى لما بلاقى شباب بيحب يعمل الخير اوى كده

جزاك الله خير

قوس قزح said...

محمد محمود يوسف

ما شاء الله عليك
و يارب نكون احنا كمان ادينا المهمة بنجاح فى نظركم

جزاك الله خير على مشاركتك معنا

قوس قزح said...

الطائر الحزين

جزانا و اياكم
و يارب دعاءك يستجاب لنا كلنا ان شاء الله

قوس قزح said...

meshmesha

و الله انتم اللى كنتوا رائعين و فوق الوصف
و كنت قلقانة ان البنات متقدرش تدخل للاطفال
بس طلعتوا اد المسئولية
اينعم شوفت دموع فى عيون بعضكم بس الحمدلله كنتم متماسكين


جزاكى الله خير و سعيدة بلقاءك جدا

قوس قزح said...

Sherif

انا مش عارفة اقولك ايه
انا سعيدة بك جدا لانك كمان دعيت ناس تانية للمشاركة
و كان نفسنا تكمل اليوم معنا بس خيرها فى غيرها ان شاء الله
و الحمدلله انا النهارده احسن و ميرسى على سؤالك

جزاك الله كل خير

قوس قزح said...

قلب مصرى

تصدق انى فرحت لما شوفتك لان برغم انشغالك لكن قدرت تشارك معنا فى اليوم و الفطار كمان

ربنا يبارك لك فى بنوتة الجميلة
و يجزيك كل خير على مشاركتك

Gannah said...

داليا
الحمد لله الذى بنعمته تتم الصالحات
بعد الله سبحانه وتعالى لازم نقول كلمة حق ليكى انت وآبى على المجهود اللى انتو عملتوه
ربنا يجازيكم خير يا داليا ويقدركم تكملوا والجايات تكون احلى واحلى
ايه رأيك يا داليا لو بدأنا نعمل اجندة سنوية للخير يعنى مثلا نحدد اننا كل رمضان هنروح مكانين وكل شهر او شهرين مكان مختلف بحيث ان الناس تبقى عارفة من الاول المعاد ومرتبة نفسها وانتو كمان يمكن يكون الوقت حاليا بدرى لكن ممكن بالتدريج تتجمع
بحيث مثلا فى اول يناير القادم ننشر اجندة الخير وكلنا نبقى عاملين حسابنا على المواعيد دى
يارب تكونى دلوقتى احسن ويارب يجعله فى ميزان حسناتك
ويارب المرة الجاية يكون فيه فرصة اكتر نقعد مع المرضى
عارفة فيه ناس كانت مبسوطة لمجرد الاهتمام والدعوات والسؤال وحاسة ان كان نفسهم يحكولنا اكتر وده نوع من المساندة اللى ربنا يقدرنا ونعملها حساب بعد كده لما عددنا يكون اكتر
زعلانه جدا انى مش هكون معاكم بس تأكدوا انى هحاول اكون معاكم حتى وانا مش موجودة
زى ما بيقولوا معرفة الناس كنوز وانتو بقيتوا كنوزى وبقيت غنية
جدااااا بمعرفتكم
خدى بالك من نفسك
جزاهم الله خير على الشهادة اما انت وآبى فلكم عندنا شهادة فى قلوبنا وشهادة لما ربنا يسألنا ونقول يا رب جمعونا فى الخير يارب جمعونا على طاعتك
هتوحشينى
تحياتى

همس الاحباب said...

الحمد لله الذى بنعمته تتم الصالحات
بارك الله فى الجميع وجعله فى ميزان حسناتهم
والف لاباس على حضرتك
وربنا يبارك فى مجهودك الخير دائما
تحياتى

WhItE HeArT said...

بجد الواحد مش عارف يشكرك انتي وابي ازاي وبأي طريقه بجد كان يوم جميل

الواحد حس انه قادر يعمل حاجة وقادر يغير حاجة


بجد ألف شكر

تحياتي

قوس قزح said...

Gannah

جنة كلامك و دعاءك بكانى
يارب يا جنة نتجمع فى الجنة كلنا ان شاء الله و نشهد لبعض اننا اهل خير

انا مش عارفة اقولك ايه
بس اظن عيون المرضى قالت لك كتير يومها
اما عن فكرة الاجندة انا موافقة طبعا
و كل اللىعنده اقتراح يقوله
و اى حد عايز يعمل هو التجمع انا مستعدة اساعده و اشارك معاه
و على فكرة فى ناس كتير عندها افكار حلوة
ياريت يقولوها و نحاول نحققها سوا

انا حزينة انك هتسافرى
ربنا يرجعك تانى لنا بالسلامة

.:.-=- ELGaZaLy-=-.:. said...

عارفة انك كدة خدتى ثواب مضاعف..يعنى لانك كنتى تعبانة وكدة..

الحمد لله ...بجد كان يوم جميل جداا..ربنا يكرمكم ...

جزيتى خيرا

كيكى said...

حبيبتى حبيبتى
الف سلامة عليكى يا حبى
وربنا يجعلوة فى ميزان حساناتك
بجد بجد بجد انى كنت سعيدة
اوووووووووووووووى انى شوفتك ةاتعرفت على شخصية زيك رغم انى مكلمتش معاكى كلمتان...بس بجد والله حسيت انى اعرفرك من زماااان اوووووووووى وربنا يا حبيتى يشفيكى ويسعدك دايما
بس كان نفسى انا الى اتعرف عليكى
عارفة لية
؟
علشان اجى من وراكى واخدك واقولك
عووووووووووووووووووووووو
هههههههههههههههههههههههه
بجد والله انا حبيتك خالص خالص
خدى بقى
الاموااااااااااااااااااة
دى والحضن دة علشان مش لحقت اديهملك
اموااااااااااااااة
وصلوا
عووووووووووووووووووووووو

فاتيما said...

دوللى
وحشتينى بجد
ربنا يفتحها فى وشك دايما
سلامتك إيه حكاية رجلك دى بقى ؟
حد نشك عينك اكيد
سلامتك يا حبيبتى ألف سلامة
و دايما سباقة فى الخير
يا وش الخير

نسمة said...

ازاى اقدر اوصل لحضرتك التبرع وحضرتك توصليه للمستشفى

انا اشتريت مجموعة من الادوية

اقابل حضرتك ازاى

ojg said...

بحمد ربنا بجد اني كنت معاكو
مبسوطة بيكو اوي
لالالالا
مبسوطة بينا
حسيت اني منكو وانتوا مني
رغم اني ماشفتكوش غير شوية صغيرين
بس جايز ده عشان كنا متجمعين في خير وللخير
ربنا يجمعنا تاني عن قريب
ونعمل خير أكتر
ربنا يفرح قلبك يا أحلى داليا شفتها
:)

رندا said...

داليا

ربنا يجازيكى كل الخير على عملك
ويكون فى ميزان حسناتك يارب

انت جميلة اوى ياداليا

اية حكاية رجلك دى
خير يارب انا مش عرفت غير حالا
وسلامتك الف سلامة يارب

رندا

أحمد كمال said...

داليا جزاك الله خيرا كثيرا

أنا سعيد جدا و ماكنتش متخيل حجم المشاركة دي ، لكن الحمد لله بنعمته و كرمه و فضله تتم الصالحات

و يارب نتذكر كلنا اليوم ده يوم توفى الأجور ، و يا رب يتقبل من الجميع

مش حاقدر أقول لك أكتر من كل التعليقات دي ، لكن حقيقي مجهودك و آبي و كل اللي اشتركوا في التنظيم و التوزيع كان واضح

أنا عايزك تحكي تفاصيل اليوم ده بمشاكل تنظيمه لأنها خبرة حاتفيد غيرك يكرر التجربة ، و يكون لك أجر صدقة جارية بإذن الله

و عقبال المشروع القادم قريبا إن شاء الله :)

نهر الحب said...

داليا حبيبتى
جزاك الله خيراا
وانا فخورة بيكى وبالجهود اللى انتى عملتيه ربنا يجعله فى ميزانك يارب
عارفة انا تعمدت انى اذكر اللى حضروا اولا عشان الناس تعرف ان فى مشاكرة بجد مش كلام وخلاص
وكمان عشان اعرفهم اد اية انا فخورة بيهم وباللى عمله
وان اى شئ حتى لو كان بسيط ممكن يرسم بسمة واننا لما بنتجمع ممكن نعمل شئ كبير
باقى بقى نحاول نعمل بؤجة الخير تانى ان شاء الله بصورة فيها ايجابية اكثر
يعنى اللى يعرف يوفر فرصة عمل لحد
او اننا نحاول نشترك فى تمن ماكينة خياطة او باب رزق بالاضافة للتبرعات العادية دا غير طبعا اننا عايزين نروح دار للمسنين والايتام
وحاجات كدة تفرح
بس يكون التخطيط والاعداد سابق بفترة بحيث ندعوا عدد اكبر
وان شاء الله ننجح اكثر واكثر



ربنا يبارك فيك يا دولى
وفى كل اللى شاركواا

عايزه اتطلق و said...

لابنا يجعله فى ميزان حسناتكو
المره الجايه ان شاء الله اكون معاكو..

قوس قزح said...

همس الاحباب

ربنا يبارك لك يا خالد على مجهودك معايا من قبل التجمع بكتير
انت نعم الاخ
اينعم اخ مساكش بس نستحمل علشان خاطر الجدعنة :)

جزاك الله خير و بارك لك فى همس

قوس قزح said...

WhItE HeArT
انا سعيدة بك جدا
لان انا بصراحة مكنتش متوقعة انك تيجى و ده لانى بلغتك قبلها بيوم و قلت ممكن يكسل
لكن ما شاء الله عليك متأخرتش

جزاك الله كل خيرا

قوس قزح said...

.:.-=- ELGaZaLy-=-.:.
عارف انت لو فكرت هتلاقى ان كلنا اخدنا ثواب مضاعف
اولا لانه وقت الصيام
و كمان فى ناس جات من مدن تانية
و فى ناس اخدت اجازة من شغلها
و فى ناس ساعدت ناس تانية انها توصل لها تبرعها
يعنى الحمدلله كلنا ان شاء الله هناخد ثواب مضاعف
يارب يتقبل منا جميعا

قوس قزح said...

كيكى ام عيون الشقية
يا بنتى انا مش حمل الخضات دى
هتلاقى صوتى وصل لحد عندك
عارفة
كان نفسى اسلم عليكى قبل ما تمشى بجد
و اقرصك من خدودك دول :)

بس المرة الجاية ان شاء الله يكون الوقت اطول و نقعد اكتر مع بعض
مووووووووووووه
انا مبسوطة انى شوفتك و اتعرفت عليكى
و بردو حسيت نفس احساسك
انى اعرفك من زمان :)

تحياتى و حبى

قوس قزح said...

فاتيما
افتقدناكى جدا
ياريتك كنتى معنا
بس فى نفس الوقت كان هيبقى يوم صعب عليكى

انا بخير متقلقيش عليا
كان تمزق من يوم البؤجة و ان شاء الله يخف

يارب المرة الجاية تكون ظروفك افضل و تشاركى معنا

قوس قزح said...

نسمة

ابعتى لى على الايميل ايه المناسب لكى و نتفق سوا على ميعاد
و ممكن كمان نروح سوا المستشفى توصليهم بنفسك

ايميلى
kouskoza7@hotmail.com

قوس قزح said...

ojg
جزاكى الله خير على مشاركتك معنا
و انا اسفة انى مقدرتش اتكلم معاكى و اتعرف عليكى
المرة الجاية ان شاء الله يكون التنظيم افضل من كده و نعمل ID لكل واحد علشان نعرف بعض

بشكرك على كلامك الرقيق يا
احلى ojg :)

بت خيخة وأى كلام said...

انا اسفة يا داليا على عدم ردى عليكى

ارجو انك ماتكونيش زعلانة مني

والف سلامة على رجلك

وبعد إذنك يا دودو
انتى كاتبة اسامى الادوية
اللى المستشفى لسة محتاجاها

بس انا فهمت من التعليقات
ان كان فيه ادوية غلط جت ورجعتوها وحاجة زي كدة
فهل الادوية اللى انتى كاتباها دى
الاسبيلنج بتاعها صح ولا ممكن يكون فيه غلط برضه


وايه حكاية ان الواحد يجيب الادوية بفاتورة دى؟
انتى كاتبة ان يستحسن الواحد يجيب الادوية بفاتورة علشان يسهل عملية اثبات استلامهم
مكن تفهمينى الجزئية دى؟



انا شايفة من تعليقاتك
انك ممكن تروحى تانى المستشفى؟
بجد ممكن
يعنى لو أنا رحت يوم الجمعة ممكن تيجي معايا
ولا هيكون فيه تعب عليكي
انا مش عايزة اروح لوحدي
خصوصا ان انتى وابى اكيد فاهمين اكتر الخطوات اللى الواحد يقوم بيها
والواحد يقابل مين


سؤال على جنب
هو إنتي زعلانة منى؟
قولى لأ ربنا يكرمك
علشان أنا مش ناقصة إن حد يزعل مني


الف سلامة على رجلك
ومجهود واضح
وربنا يكتبه فى ميزان حسانتكم

سلام
اختك خيخة

maha zein said...

الله
برغم اني مجتش الا اني متخيلة اليوم وجماله
بجد المدونين قدروا يثبتوا انهم بيمثلوا حاجة
مش مجرد ناس بتكتب وبس
والاغرب ان الناس كلها حلوة
يعني الكل عاوز يعمل حاجة فعلا لبلده
ان شاء الله تتكرر واكون معاكم
ربنا يجازيكم خير

صبرني يارب said...

ربنا يجعله فى ميزان حسناتك يا جميله ويارب مره ابقى معاكم بس لسه ظروفي مش مساعداني
وكويس اوي ان ادارة المستشفى اصلا محترمه كده
بتهيئلي انا لو عملت كده فى مستشفى الاطفال الى عندنا فى المنصوره ممكن يطردوني بره أو يفكروا ازاي يسرقوا التبرعات دي
اصل انا كان ليا معاهم تجربه مريره
بس مش كمتبرعه كأم لطفل فكرت نادمه انهم ممكن يكونوا اقدر واشمل من المستشفيات الخاصه .
لكن لقيت المستشفيات الخاصه بفلوسها ارحم من انى اعمل العمليه وتطلع غلط او افقد ابني زي ما حصل لناس كتير قالولي الكلام ده .

ربنا يكرمكم ويكتر من امثالكم

قوس قزح said...

رندا

حبيبتى متقلقيش عليا
ده بس تمزق بسيط و ان شاء الله يخف


و ميرسى على كلامك الجميل
و انا عارفة انه لولا ظروفك كنتى هتبقى اول المشاركين معنا

قوس قزح said...

احمد كمال

انا كمان كنت مش متوقعة العدد ده
ربنا يبارك فى كل حد اشترك معنا

و الحمدلله التنظيم و التوزيع اشترك معنا ناس جميلة اوى قدرت تساعدنا كتير اننا نعمل كده

حاضر هنزل بوست بالتفاصيل كلها ان شاء الله و يارب يكون مفيد للناس اللى عايزة تكرر اليوم ده

جزاك الله خير على مشاركتك و الكتاب و تشجيعك

قوس قزح said...

نهر الحب

انا اللى فخورة بكم جدا
و من غيركم مكناش قدرنا نعمل حاجة

و ايوه عايزين الافكار الجميلة دى علشان نوسع نشاطنا
و نعمل حاجات اجمل و اجمل

و على فكرة انا بحب اسمع انطباعكم عن اليوم اكتر ما اتكلم انا عنه علشان اعرف ايه كان كويس و ايه وحش

و طبعا من حق الناس علينا اننا نشكرهم
و علشان كده انا بشكرك على اهتمامك بهم
جزاكى الله خير

واحدة مفروسة said...

ربنا يكرمك على اللى انتى بتعمليه و عملتيه انتى و كل المدونين
ربنا يبارك فيكم يارب و يكرمكم

واحدة مفروسة said...

انا بكتبلك التعليق
و جت الجملة ديه قدامي على التي في
(من يعمل مثقال ذرة خيراً يره)

شفقة هانم واحسان بك said...

ربنا يجازيكى كل خير يارب بجد انا فرحانة جدا ان لسه فى ناس طيبة وحنينة وبتحب تعمل الخير زيك
كل سنة وانتى طيبة

Diyaa' said...

خيخة
يعني إيه حد يزعل منك بس
أكيد كان ليكي ظروفك ومقدرتيش تردي أو تيجي ..ما قلنالك بقي إنتي وش الخير اللي معرفانا بالأستاذة داليا والمعلمة آبي يعني بتاخدي نسبة من الثواب
بإذن الله مفيش أي زعل والمرات الجاية تكوني موجودة

محدش ينسي يوم الجمعة الأول من أغسطس لسنة 2008
بطلي وسوسة بنات بقي يا خيخة


قوس قزح

فكرة الآي ديهات عبقرية
وبكده الواحد يعرف الناس ويريح باله من السؤال
كنت بزن عليها من يوم التبرع بالدم بس صوتي واطي في الزن ..معرفش مين صوته أعلي مني بس بحييه أو بحييكي أو بحييكم كلكم

أنا مبسوط بيكم أوي كل ما أفتكر العدد والإهتمام
يا رب تتكرر دايماً
وكان نفسي ناخد كام صورة لكام طفل مش للنشر والله بس عشان لما حد من اللي أنا محددهم يشوفها هتفرق أكتر في تحمسه للفكرة ..ونفس القصة لما نروح حتة عشوائية.صورة مش للنشر
ربنا يجازيكي كل خير
سلام

تلميحاتى - يوسف الشافعى said...

الف الف مليون مبروك للخطوه اللى تحتاج مننا كلنا التحيه وانحناءة شكر ملؤها الفخر لانك تنتمى للمدونين بجد انا فخور باتمامك عمل مثل هذا واتمنى ان يمن الله عليك باعمال الخير وتقدمى على اتمامها لاننا كلنا بنفكر فى حاجات لكن قليل مايخرج لحيز التنفيز ويبدو انه لديكى ملكة القياده
مره اخرى تهانيا وتقديرى واسمحى لى بأن ان اضع لينك مدونتك بمدونتى

mostafa rayan said...

ربنا يقدركم دايما على فعل الخير
وكل عام وانتم جميعا بخير

قوس قزح said...

عايزة اطلق و
ان شاء الله تكونى معنا
حتى لو مقدرنش تيجى القاهرة ممكن عندك تشاركنا بانك تعملى نفس الخير فى مدينتك

تحياتى

قوس قزح said...

بت خيخة و اى كلام

لا طبعا هزعل ليه كل واحد له ظروفه
و انا مهمتى انى ابلغكم علشان محسشن انى مقصرة لو حد معرفش و زعل انه مش شارك
و الله يسلمك انا احسن الحمدلله :)

اما عن الادوية اخر اسماء صح ان شاء الله
المهم ان كل دوا يكون مطابق فى هيئته
بمعنى ان لو مكتوب حقن مينفعش نشترى كبسول لازم فى هيئة حقن و يفضل كمية من دوا واحد اكتر من كذا دوا بكميات قليلة علشان الدوا يكفى علاج حالة

و المستشفى ان شاء الله هروحها قبل العيد علشان فى ناس عايزة توزع عيديات و ادوية تانى
و ممكن نتفق على معاد لو تحبى انا تحت امرك

المهم خدى بالك من نفسك و اوعى تخسرى ناس بيحبوكى حتى لو انتى كنتى خيخة

تحياتى

قوس قزح said...

مها زين
افتقدناكى فى يوم زى ده بجد
و كان يوم فوق الوصف
و لو بصيتى لكلام الناس هتلاقى ان كل واحد مش قادر يوصف فعلا اليوم كان عامل ازاى لان مهما قال فده اقل من اللى حسناه
المرة الجاية مفيش اعذار
اعملى حسابك من دلوقتى

قوس قزح said...

صبرنى يا رب

ربنا يحفظ لكى ابنك و متحتاجيش لا مستشفيات خاصة و لا عامة
و على فكرة يمكن لو اختارتى الشخص الصح جوه المستشفى هتعرفى توصلى تبرعك
يعنى ممكن من خلال المسئولين عن العلاقات العامة او الاخصائيين الاجتماعيين

جربى تسألى ممكن ربنا يحلها و تسعدى طفل صغير بعيدية او دوا ناقصه يساعده على الشفا
وفقك ربنا للخير ان شاء الله

قوس قزح said...

واحدة مفروسة
نورتنى بزيارتك الكريمة جدا جدا
و يكرمك و يبارك لك يارب
و يارب تكون الاية الجميلة دى هى فال لنا و تكون دى الذرة اللى نشوف بها الخير

و مش خير الدنيا لا خير الاخرة و ده الاهم

عارفة يا مفروسة
انا بفكر بجد اعمل يوم تبرع حريمى
لان فى ستات كتير ممكن تشارك لو التبرع حريمى فقط
و كمان فى اماكن ممكن نتبرع فيها يفضل ان يكون المتبرعات ستات و بنات فقط

هبقى امخمخ و اقولكم :)

قوس قزح said...

شفقة هانم و احسان بيه
معرفش ليه كنت متوقعة انكم هتشاركوا معنا لاهتمامكم المرة اللى فاتت و لومكم ان محدش بلغكم
بس ربنا يجعل بيتكم بيت كرم و مفتوح للكل و بردو العزومات فيها ثواب افطار صائمين و صلة رحمة و تواصل

اشكركم على التشجيع
و كل سنة وانتم طيبين

قوس قزح said...

Diyaa'
لا مفيش تصور
مش حكاية انها علشان هتتنشر ولا لا
لكن كمان لانها فى جرح للطفل و اهله لما تطلب منهم تصورهم ولا كأنهم فرجة
اعتقد اللى عايز يتبرع مش مستنى صورة يشوفها و الا كان راح مستشفى 57357 لما يشوف اعلاناتها فى التليفزيون اللى تقطع القلب

يمكن الواحد محتاج حد يشجعه و يروح معاه و ده عملناه و شجعنا بعض و روحنا
لكن اللى مستنى صورة من الزيارة علشان يتشجع معتقدش الصورة هتشجعه ده محتاج حاجة اكبر من كده
ربنا يحفظ الكل


اما كلامك عن خيخة فطبعا محدش يزعل منها لانها خيخة :)

و شكلك يا جميل هتدبس انت فى عمايل ال ايديهات بدام مقتنع بها كده ( وش مطلع لسانه )

سلام

قوس قزح said...

تلميحاتى - يوسف الشافعى

اسعدنى زيارتك و تشجعيك
و ان شاء الله تكون من المشاركين معنا المرة الجاية
و يشرفنى طبعا انك تضيف لينك المدونة عندك

تحياتى

قوس قزح said...

mostafa rayan
ربنا يقدرنا و يقدرك ان شاء الله

كل سنة و انت طيب و بخير
و شرفتنى بزيارتك

الســـاحر said...

كل سنه وانتى طيبه
وكل سنه وربنا يقدرك على اعمال الخير
بجد كويس ان الانسان ميعيشى لنفسه بس
بصراحه انا عايز اساعدكوا باى حاجه
لو ينفع يعنى
وتانى كل سنه وانتى طيبه
وربنا يوفقك
ومنتظر زيارتك لمدونتى
سلااااااااام

bos bos said...

جزاكم الله كل خير عن كل اللى بتعملوه

وكان نفسى ابقى معاكم بجد لكن معلش ملحوقة


تحياتى

عاشــــــ النقاب ـقــــة"نونو" said...

ربنا يجعله في ميزانكم يارب
ورمضان كريم