Sunday, October 19, 2008

اوراق الخريف



تزدهر حياتنا دائما بمعرفة اشخاص جديدة
و يصبح منهم اشخاص نستظل بقربهم فى حياتنا
و مع كل موقف جديد نشعر بقربهم تتفتح زهرة محبة جديدة لهم
و نرى الكون بالرغم ما فيه انه جميل لوجود تلك الاشخاص فى حياتنا
و لكن للاسف ياتى دائما الخريف
و نجد هولاء الاشخاص يتساقطون واحد تلو الاخر
و من يبقى منهم يكون مجرد ورقة ذابلة ننظر اليها و نتسأل متى تسقطين كالاخرين


و نبقى فى الانتظار لنبتة جديدة نسعى لها و نتمنى ان تكون هى الربيع لنا

!!!أجاء خريف احبائى ام هى حالة انتظار لمرور رياحه بدون تساقط

111 comments:

~*§¦§ Appy §¦§*~ said...

اتمنى اني افضل زهره فى حياتك وانتى كده ومنقعش من بعض
ايه يا امينه مالك قلبتيها نكديدللى كده هههههههههههههه

osama said...

على الاقل تبقي لنا الزكريات السعيده

واحدة مفروسة said...

ايه النكد ده
على فكرة احناكمان كنا لناس تانيه زهرة محبة متفتحة
و بالنسبة ليهم برضه جه علينا الخريف و تساقطنا
زي بقية الناس لينا
حيجي عليهم برضه يوم
عارفه انا حاسة ان الدنيا ديه عامله زي البستان الكبير الفسيح
اللى فيه الازهار على كل شكل و لون
و طول ما انتى ماشيه بتشمى الزهور
و فيه اللى ريحتها بتفضل معاكي شوية و فيه اللى ريحتها بتروح بسرعه و فى الاخر انتى ماشيه و بتبقى مجرد عابرة على هذا البستان
سلام
انا كنت بقول لكاميليا انها احلى زهرة فى البستان
دلوقتي بقيتوا اتنين

romansy said...

هذه هى الدنيا بها الخير والشر
الربيع والخريف
وكل هذا الاختلاف لنشعر بالاختلاف دائما ونستطيع تحديد
الاحسن من الاسؤ

رندا said...

احيانا نتمنى
ان لا ياتى فصل الخريف
لانة متقلب
ولالكن
لا بد من الدورة الطبيعية
ومع الاسف
كانها رمال متحركة تاخذنا
الى عمق الحفرة
فسوف تتسائلين

ما علاقة الحفرة بالخريف
اقول لكى
الحفرة اخرها مجهول
والخريف اخرة مجهول
ونحن نترقب للمجهول
بضربات قلب عالية
ولكن علينا الانتظار
وترقب الربيع
وترقب الطلوع من تلك الحفرة

لا نستطيع تخير دورة الحياة ولا ايقافها
فهذة اقدار محتومة

لونك غامق ياعم دوللى انا كنت محتاجة لون زى دة بصراحة هههه

كل الحب لاجمل دوللى

رندا

همس الاحباب said...

هى سنة الحياة
لابد ان ياتى الخريف يوما ما
لكى ننتظر بلهفة قدوم الربيع
ولكى نعرف الفرق بين جمال الربيع وقسوة الخريف والامه
كلماتك جاءت على الجرح بجد
ولكن الحياة لاتنتهى بقدوم الخريف بل تهدا احيانا لقدوم الشتاء وبعدها ياتى الربيع بازهاره وبهجته
اتمنى ان تصبح حياتك كلها ربيع
تحياتى

أحمد كمال said...

وحدي الله يا داليا و خشي اتعشي .. قصدي عايز أقول :

كل وقت و له جماله الخاص ، حتى الخريف ، بييجي في الوقت اللي الواحد بيبقى عايز يهدا فيه ، و يستمتع باللحظة بشكل مختلف ، المهم تكون الرؤية واضحة علشان ألوان الخريف الهادية متتقلبش كلها لون واحد ، رمادي .

اقصوصه said...

فعلا

بس في اوراق تبقى خضراء

مع مرور السنين

اوراق شبابها متجدد

ودائمة الاخضرار

هي صح قليله

بس موجوده اكيد!!

راجى said...

لا طبعا الخريف سوف يمر ولن تسقط اوراق احبائك
ابشرى

فاتيما said...

دوللى يا حبيبة قلبى
النكد دا أنا اول واحدة تشجعك عليه
اكمنى يعنى واخدة فيه ماجستير و بفكر اكمل للدكتواره ....
البوست دا قلقنى و خفت لكون واحدة من الاوراق دى ...
و عنونت البوست الجديد بتاعى برد على أوراقك بأنى أتمنى لو لم أسقط بعد
أنا عارفة إنى قلقتكم و رخمت قوى بس غصب عنى يعنى ....
الحمدلله فيه تغيير ف الأحوال و إن كانت تغييرات مش بمزاجى و لا كما ارجو بس الحمدلله و كفى ...
تحياتى ليكى يا حبيبتى إنتى و كل احبائى ف العالم السحرى
بوسيلى العيال قوى

Abo 7anf said...

السلام عليكم
اسوا حاجه ان الواحد يفقد صديق
لانوا مبيجيش بسهوله
بس فى ناس مبنفدهاش بسهوله

Anonymous said...

اولا
اسجل اعجابي بالعرض اللغوي الجميل

و نبقى فى الانتظار لنبتة جديدة نسعى لها و نتمنى ان تكون هى الربيع لنا

هذة العبارة رائعه

ثانيا
من اشد الامور قسوة ان نفقد صديق ومن انبل الامور ان نكون اوفياء للاصدقاء
ثالثا
التغير سنة كونيه اودعها الله في الطبيعه وهذا لاينطبق على الصداقه
عبد الجليل

الطائر الحزين said...

اذا فقد تم التعارف فى البداية فى الخريف

حسام وريمان فى هاكونا مطاطا said...

ساعات الواحد بيخاف انه يتلق بحد

لان الغاليين بيروحوا وممكن مش يرجعوا تانى

مع تحياتى

قلب مصرى said...

هذا هو الواقع الذى لا فكاك منه، عدة لقاءات ولحظات فراق متتالية ومتسارعة ولايمكن تغير سنة الحياة.

nona said...

لانها سنة الحياة الحياة يا داليا
و لكى نرى الربيع و نتمتع بازهار يجب ان نرى الخريف و ريحة
فاتمتعى بالربيع و ازهار دائما

قوس قزح said...

APPY

يارب تفضل كل الزهور فى حياتنا

و بعدين ده نكد ده ؟؟
هو انتى لسه شوفتى حاجة !!!

قوس قزح said...

OSAMA

طبعا جميل ان يكون لنا ذكريات
بس صعب يكون مالناش الا هى و بس

قوس قزح said...

واحدة مفروسة

انا عن نفسى بحاول بقدر الامكان افضل ماسكة بايدى و سنانى فى شجرة الناس

بس اوقات الناس هى اللى بتخلى تقعى و تضيعى منهم و هنا صعب تفضلى متمسكة بهم مش لانهم ميستاهلوش لكن لان من حبك لهم بتفضلى يكونوا حرين فى اختيارهم

ان كنت زهرة فانتى ملكة الازهار

قوس قزح said...

ROMANSY

تقدر تقول الواحد بيتمنى يكون الخير الاكتر
تفضل الدنيا ربيع دائم

بالرغم من وجود الضدد يظهر جمال الشىء

قوس قزح said...

رندا

لو كانت حفرة و انا اعلم ان بها احبائى ما كنت اتردد لالقاء نفسى بها و مشاركتهم المجهول
ذلك افضل كثيراً من الوقوف وحدى فى العراء


ده مش لونى دى الوان الخريف

وومن said...

دودو

لية بس كدة ده انا لسة حتي ملحتقش ابقي زهرة يادوب كاسة صغننة لسة بتتفتح

طب اقولك اروح اعمل بيات شتوي من دلوقتي وارجعلك في الربيع

بهنزر - نتكلم جد بقي

انا في رأي يا دودو اننا أحنا اللي بنسيب الأوراق دي تجف وتقع احيانا
وأحيانا اخري اصحابها بيختارو انهم يقعوا من شجرتنا

ولكل واحد اسبابة
تحباتي

Sherif said...

أرجو أن أكون مثل زهرة الصبار

لاخريف ولاشتاء يؤثر فيها

الصداقات الحقيقية تدوم وتدوم وتستمر

فهى زهور لاتتساقط أبدا

حزينه said...

كلامك بجد جميل
فعلا حياتنا مثل اوراق الخريف
ورقه ورا ورقه تذهب بعيدا بعد ان نراها تذبل
وحيجى علينا اليوم اللى ندبل فيه بردة
الدنيا...الزمن..الوقت





حزينه

kochia said...

وهو الخريف دايما وحش ؟؟
ساعات بيكون حلو
الذكري جميلة
والربيع هيجي تاني
والدنيا هتتملي ورق من جديد
ويمكن نفس الشجرة

osama said...

أمسكت بمعنى شجي ووصفتيه ببراعة...
اناس نحبهم اناس نستظل بظلهم ثم تتطاير أوراقهم .. ونبحث عن ظل جديد...
لكن ارى انها الحياة تدور وقد يجمع الله الشتيتين بعدما يظنان ان لا تلاقيا...
فهو خريف تمسكت اوراقه بأصولها...

دمت بكل ود...
خالص تحياتي

قوس قزح said...

همس الاحباب
هى فعلا سنة الحياة التغير
لكن فى ثوابت بردو

هل صعب ان تكون من الثوابت دى الصداقة !!

قوس قزح said...

احمد كمال
لا اله الا الله .. لا بلاش علشان الكوابيس الواحد ينام خفيف احسن :)

وقفة النفس مطلوبة و ممكن تاخد وقت لكن الصعب انك تنسى بدون سبب ناس مستنية رجوعك و يبقول لك رمادى فى الوقت اللى انت لهم لون زاهى يفرح القلب

الواحد بس بيضايق اوقات ان الناس مش بتقيمك صح الا بعد فوات الاوان

قوس قزح said...

اقصوصه

قوليلى الاقيها فين دى !!

اسعدتنى زيارتك

قوس قزح said...

راجى

ربنا يسمع منك

قوس قزح said...

راجى

ربنا يسمع منك

قوس قزح said...

فاتيما

الحمدلله يا فاتيما انك مش منهم
بس مش هكدب عليكى فى لحظة من اللحظات حسيت انك من الاوراق المنتظرة لاوان سقوطها

تغيير الاحوال حتى و انا كان مش زى ما بتتمنى اكيد افضل من الانتظار بدون امل
المهم انك موجودة حتى لو من وقت للتانى و مش ناسية

قوس قزح said...

ABO 7ANF

انت جيبت الكلمة الصح
و هى السهولة
عارف لو مش بسهولة كان الواحد مزعلش

قوس قزح said...

عبد الجليل

اشكرك على كلماتك الرقيقة

و عجبنى انك عارف ان الصداقة سنتها الثبات و ليس التغير


تحياتى
و فى انتظار مدونة تحمل اسمك :)

قوس قزح said...

الطائر الحزين

يمكن كلامك صح
بس الانسان بطبعه مش بيرضى بالامر الواقع بسهولة

قوس قزح said...

حسام و ريمان

تفتكروا الحل هو هاكونا مطاطا ؟؟

قوس قزح said...

قلب مصرى

زمان واحدة نصحيتنى ان طول ما انا متمسكة بالحاجة هترجعى

و ناس تانية قالت اطلقى سراحها و لو بتاعتك هترجعلك

تفتكر انهى فيهم الصح ؟؟
اقول سنة الحياة و ارضى
ولا اتمسك بالشىء مهما كان الظروف


تخياتى

قوس قزح said...

NONA

و اتعلق ليه بالربيع و احبه و هو شىء هيروح منى ؟؟؟
ما اعمل نفسى مش واخدة بالى من جماله علشان مش افتقده بعد كده

بكره شعور الافتقاد و الشوق

قوس قزح said...

وومن

دى حقيقة ساعات بنكون احنا السبب
مش بس هم
و بيكون فى اسباب


وجود الاسباب يرضى الضمير
و لكن عدم وجودها يدمى الروح

قوس قزح said...

SHERIF

انا اعتقد انك من افضل انواع الصبار
المزهرة طول العام بدون اشواك لاحبائك

ادام الله ازدهارك :)

قوس قزح said...

حزينة

اعتذر ان كانت كلماتى اضافت لكى مشاعر حزن جديدة :(

قوس قزح said...

kochia

المهم ان ميكونش اللى باقى دايما اوراق خريفية فقط
نحتاج ايضا للون الاخضر ففيه صفاء للروح
و حالة الانتظار لقدومه و الانتظار لذبوله
ذكريات لا اظنها جميلة

تحياتى

قوس قزح said...

OSAMA

احقا تزورنى و تثنى على كلماتى البسيطة و انا التى لا ارى الا قلوب الناس معلقة بوميض حروفك !!؟؟

ارى اليوم زهرة جديدة نبتت على شجرة غرورى :)

!!! عارفة ... مش عارف ليه said...

يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــل

وازاي تكفيني لباب القــــبر؟

جاهين

-----------
تحياتي
وليد

momken said...

الناس كالمعادن
والازمان ماهى الا مواسم للمعادن
فاذا جاء موسم الذهب ظهر معدن الذهب
واذا جاء موسم الماس ظهر معدن الماس
واذا جاء زمن الفضه ظهرت الفضه

اما اذا مرت المواسم جميعاً ولم يظهر احدهم
فاعلمى انه ليس بمعدن بل هو تراب
ونحمد الله انه لا يوجد موسم للتراب

تحياتى

rovy said...

السلام عليكم

اتمنى ان تظل حياتك ربيعا دائماو ان لا يأتى ابدا الخريف فى علاقتك باحبابك اختى الحبيبه ..

دمتى بكل خير

تحياتى

mahasen saber said...

سقوط حد عزيز علينا فى حياتنا شئ صعب ومؤلم جدا انا معاكى
بس بيفضل برضه الصبر والنسيان هما اليى بيخففوا عنا
....
اسالينى انا اصلى مجربه يا قوس وفى اعز ما عندى....

دعاء مواجهات said...

ياه يادليا

كلمات بتمس اوى بجد

واد ايه صادقه وبتحصلنا

بس الانسان الشاطر هو الى ميسمحش لأوراقه بالذبول والتساقط أبدا

تحياتى لكلماتك الرقيقه

د/ رامي شهاب الدين said...

أى شئ بنحبه لابد أن يترك لنا وفينا أثر .. وإن كنت أرى أن الفراق هو سنة الحياة

عجبنى جدا تصويرك الحياة بفصول السنة

فى إنتظار جديدك

دمتى بكل الود .. تحياتى

klmat said...

كل فصل وكل مرحله لها جمال وطعم مختلف
علينا ان نستمتع بها دون انتظار نهايتها
ولكن نشعر المراره عند تساقط الأحبه
وده شعور انسانى طبيعى ولكنها اراده الله علينا ان ندعو لمن تساقط ان يكون فى مكان افضل مناونأمل لأنفسناان نحيا حياه جميله
بعمق وما نفكر به سنشعر به
دمتى بخير

قوس قزح said...

مش عارف ليه

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني ..و إيه العمل

عجبي !!!


نورتنى

قوس قزح said...

momken

هو مفيش موسم طول الزمان ؟؟
حتى طيب لو معدنه فالصو ؟؟

شهد الكلمات said...

اد اية عمق كلماتك لمس قلبي

تسلم ايدك

Gannah said...

دودو
كلامك فيه شجن وبيمس القلب جدااا
اتمنى الا اكون ممن لا يتساقطون رغم البعد فالبعد اظنه فى المكان وليس فى المشاعر
اعتقد انك من الازهار الدائمة التى لا تتساقط لانها زهرة فى القلب لا تؤثر فيها تقلبات الجو
اسعدنى جدااا رأيك فى القصة ..بجد ربنا يكرمك يا دودو
زيارتك اسعدتنى جدااا
تحياتى

قوس قزح said...

rovy

و عليكم السلام

اشكرك من القلب على دعاءك و اتمنى لك مثله

دمتى سعيدة

قوس قزح said...

mahasen saber

اللهم امنحنا الصبر قبل النسيان

و يارب لو عزيز غايب عنك يرجع لك تانى و لو كان فى دار الاخرة يرحمه و يصبرك على فراقه

اشكرك على مرورك الكريم

قوس قزح said...

دعاء مواجهات

مش بالشطارة صدقينى لانها مش بتكون هى السبب الوحيد
فى حاجات تانية كتير مش بتكون بايد الواحد

تحياتى

قوس قزح said...

د/ رامي شهاب الدين

اسعدنى اعجابك بكلماتى البسيطة
و ان كنت ارى ان الفراق الوحيد الذى نستطيع ان نقول عليه سنة الحياة هو الموت

تحياتى لك

قوس قزح said...

klmat

و اى مرارة تلك عزيزتى التى نشعر بها و نتمنا ان لا نشعر بها مجددا
و كيف الحياة ان تكون جميلة بدون احباء فيها !!!

دمتى وسط احباءك بدون مرار

قوس قزح said...

شهد الكلمات

لعل كلماتى لمست قلبك بالخير

سلم قلبك

قوس قزح said...

Gannah said...

زهرتك بالقلب ايضا جنة
فبالرغم من بعدك انتى دائما بينا و ستظلين هكذا
انا اللى كنت سعيدة الحظ انى عرفت ان اد ايه قلمك رقيق مثلك

جنة احبك فى الله

Diyaa' said...

where are u...hoping u are fine :)
and well...i will comment to the post...i got enough courage to do it now lol
the tree papers fall down then the tree find another green fresh papers...depends how strong is the roots..some papers dont fall ..just stay colorless on the branches but after a while..when the winter end..the colorless papers will find back the green fresh color again
wishing u a flourishing life :)

take care

اجندا حمرا +Heart Beat said...

عزيزتي قوس قزح
بتمني ان حياتك تكون عامره بالصداقات القويه التي تدوم و لا يهمها فصل الخريف و تبقي صلبه

تحياتي لكي

عابرة said...

هكذا هي الحياة نتركهم يتساقطون ويتركون ايضا نتساقط

بنوته مصرية said...

دولي وحشتيني يا قمر

كدا اجي الاقي مودك كدا وبتقولو عليا نكادية

انتي قلقتيني عليكي بجد


دي سنه الحياه يا دولي انك تشوفي وتحبيهم ويمشو زي الموت والحياه

الزهور بتطلع في الربيع وبتذبل في الخريف الخريف لابد منه

بهديلك اغنية تامر حسني ايام زمان

كلامك ده فكرني بيها

اتمناه تكوني بخير دائما

الســـاحر said...

اولا انا سعيد جدا على مرورك على مدونتى
وموضوعك مليان معانى كتير جميله
وحلو فعلا حاله الانتظار الهادئه دى والنهايه كمان روعه بجد
جاء خريف احبائى ام هى حالة انتظار لمرور رياحه بدون تساقط
بجد برافوا عليكى
وفى النهايه سلامى
واتمنالك دوام الصحه والعافيه

momken said...

ربنا يفرج همك

تحياتى

son's egypt said...

السلام عليكم
معرفة الاشخاص شئ جميل في حياتنا خاصة اذا كان حبهم خالص لانفسهم ليس لشئ اخر

بنت مصريه said...

يا رب كلنا نفضل زهور ف حياتك ومندبلش ابدا

بوست جميل يا دوللى احييكى يا قمر

ahmed_k said...

سنة الله في خلقه عدم الثبات
ودوام الحال من المحال
ولكن
مثلما تفنى المسرات
كذا تفنى الهموم

دمتي بكل خير

سمكه وحده said...

مالك يا بنتي بس هي الدنيا كده لازم حد عزيز علينا يروح مننا هي دي الحياه هنعمل ايه علي الاقل بتبقي ذكريات جميله ومتعبه في نفس الوقت والله انا حاسه بيكي ومش انا طبعا لوحدي لان كل حد فينا ليه حد غالي بعد عنه بس هنعمل ايه هييييه دنيااااا

يارب اشوفك قريب والبسمه في وجهك بس صحيح هشوفك ازاي ايه الاستهبال ده عموما تبقي تقوليلي يا سمكوتي انا ببتسم اهو وانا هصدقك علي طول
ربنا يكرمك ويفرج الهم عنك ويجعلك ديما سعيده
تقبلي مروري اظن بقي بالدعوتين دول لازم تتقبليه انا كل مره باجي علي باب كل مدونه واقعد ادعي لحد ما صحبها يفتحلي وشكلك انتي كريمه ها قلتي ايه

تحياتي واشوفك قريب في مود غير امود ان شاء الله
سمكه

تامر حسين said...

فوق الفزييييع
مستني كل الناس الموجوده يشرفوني في مدونتي عشان التراب كلها
هههههههههههههههههههههههههه
تحياتي

يا مراكبي said...

واضح إن فيه مشاكل مع ناس قريبين منك جدا

لكن سؤالك جميل .. الخريف بيكون إختبار للأوراق .. مين اللي ممكن يصمد ويكمل .. ومين اللي هيقع ويختفي ويطير

خريف العلاقات مع الأحباء هو إختبار لمتانة الحب والصداقة

mohamed ghalia said...

و نبقى فى الانتظار لنبتة جديدة نسعى لها و نتمنى ان تكون هى الربيع لنا
بإذن الله ستنبت الزهرة ونحافظ على الزهر القديم
تحياتى

فركـشاوي نـاوي said...

بسم الله أول الكلام
والحمد لله ...علي كل حال.
أخوكم ...فركشاوي ...ناوي.
يصحابكم ..ويقضي معاكم بعض الوقت ..
ممكن تستقبلوه ؟ و تساعدوه

زهرة الجنة said...

كلماتك تزامنت مع ذكري زهرة كانت بحياتي وتساقطت في الخريف
احسست كلماتك بشده
فزهرتي كانت متفتحة للغاية
ولكن عندما جاء الخريف جاء موعد تساقطها
وليس بقدورنا سوي قول هذه سنة الحياه

اتمني دوام زهراتك متفتحات دائما
تحياتي ليكي

رئـــــيسـة حزب الأحلام said...

ايه الكلام الجامد دة بجد حسيته جدا
ازيك ياجميل عاملة اية
وحشانى
والف تحية لكى

أنا إنسان said...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

أوراق ٌ لها قلوب said...

أسير الليالي وطال ارتحالي
سنيني تولــّي وعمري يفوت
وما أي شئ ٌ سيبقى لقلبي
سوى ذكرياتي التي لن تموت

DR.HAMAS said...

انا بقيت اخاف بجد

أنظر لمن حولى يائسا

فسأتركهم أو يتركونى

سأبكى عليهم أو سيبكون على

و الاوراق تتساقط

و لكن

هناك موعد فى الجنة

اسال الله ان يجمعنا فيه سويا





د.حماس

كاميليا said...

عندما يكون الجو مشمس ودافئ
والارض طيبة وحنونة
تمتلئ بالزهور
ويتناثر عبير العطور
ليملأ المكان

والعكس صحيح

وما أجمل حديقتك
وما أنقى هواءها

ليتنى احتفظ بقطعة الظل التى حصلت عليها فيها.


كل الحب

Beram ElMasry said...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

قوس قزح said...

Diyaa'

I’m fine thanks
Colorless papers much better than falling papers
Hope u still green one :)

قوس قزح said...

اجندا حمرا +Heart Beat

اشكرك على دعواتك الرقيقة
و شرفتنى بزيارتك

تحياتى

قوس قزح said...

عابرة

و لكن دائما نتمنى ان لا يكون هناك سقوط ابدا لنا و لهم

تحياتى

قوس قزح said...

بنوتة مصرية

انت كمان وحشتنى اوى
و ياريت بلاش الغياب الكتير ده والا افتكر انك من الناس اللى بتشاور عقلها فى الخريف


ميرسى على الاغنية الجميلة
و سلامى لنور كتير

قوس قزح said...

الساحر

انا اللى سعيدة بزيارتك
و ميرسى على كلماتك
و بعدين هو كلامى هيجى جنب كلامك فين يا فندم

ده انت ساحر بجد :)


تحياتى

قوس قزح said...

momken

ربنا يخليك
و يجعلك من مفرجين الكروب


شكرا

قوس قزح said...

son's egypt

ماهى الصداقة مفروض تكون كده
حب الشخص نفسه و ليس لشىء اخر

لكن للاسف مفهوم الصداقة دلوقتى اختلف و بقى يدخل فيه حاجات تانية زى المصلحة

تحياتى

صباح الصباح said...

حاسس ان الكلام دة متوجة لابو خالد ابو المدونين

قوس قزح said...

بنت مصرية
يارب افضل انا لكم ولو ورقة خضرة صغيرة بس بدون شوك

سعيدة انى اتعرفت عليكى يوم فطار الساقية
شرفتنى بزيارتك :)

قوس قزح said...

ahmed_k


فعلا ثبات الحال من المحال
بس ليه طيب كل واحد منا بيلاقى ان الناس الكبيرة زى الاجداد لهم اصدقاء من ايام الطفولة حتى الان
هى سرعة العصر اصابت الصداقة ايضا و اصبحت تاتى سريعا و تنتهى سريعا !!!ولا الدنيا بقت صعبة اوى و بتاخد الواحد لدرجة انه ينسى نفسه

و لو الحال الان ان لا تدوم الصداقة فلماذا نعلق قلوبنا بها :(

تحياتى

قوس قزح said...

سمكة وحده
ههههههههههههه
واضح انك سمكة ملونة و شقية

و انا ابتسمت اهو يا سموكتى :)

و من غير دعاء يا ستى انت مرحب بكى فى اى وقت فى المدونة

و على فكرة لو عايزة تشوفنى ينفع طبعا و بكرة اقولك ازاى :)


ميرسى على زيارتك الجميلة

قوس قزح said...

تامر حسين

ده انت كسلان يا تامر و كل ما يتشال التراب بتسيبه يرجع تانى

انت محتاج فاكيوم سيستم دائم عندك :)

تحياتى

قوس قزح said...

يا مراكبى

يمكن لو فى مشاكل كان بقى الامر سهل و هو ان الواحد يحاول يحلها
لكن الصعب انك تكون مش عارف تعمل ايه و تفضل فى حالة انتظار

تحياتى

قوس قزح said...

mohamed ghalia

اشكرك على دعواتك
و اسعدتنى زيارتك

تحياتى

قوس قزح said...

فركشاوى ناوى

ناوى على ايه يا فركشاوى طيب ؟؟ يعنى هى ناقصة فركشة !!!
مبروك المدونة بس و النبى من غير فركشة

قوس قزح said...

زهرة الجنة

اسفة ان كنت سبب لذكرى خريف مرة بك

و اتمنى انها تكون اخر ذكرياتك عن الخريف

دمتى سعيدة

قوس قزح said...

رئيسة حزب الاحلام

اولا حمدلله على السلامة

ايه الغيبة الطويلة دى

ثانيا
اكيد طبعا لازم تحسيها اوى ما انتى رئيسة الحزب نفسه و كل المشاعر حلمتى بها

نورتنى بزيارتك و يارب دايما تكونى متواجدة بينا

قوس قزح said...

انا انسان

كلامك عن احلام الحزب الكاذبة
و لكن اعتراضى على ان يكون الهدف من المحاربة هو الفضح و التشهير على مستوى العالم
ليه بدل ما نضيع وقتنا فى تاكيد كذبهم ونشره منستغلش الوقت ده فى مساعدة الناس ياخدوا حقهم صح

تحياتى

قوس قزح said...

اوراق لها قلوب

ارى ان حروفك
هى ما تمس القلوب
فتجعلها كالاوراق
يحملها الهوا فى سماء تألقك


تحياتى

قوس قزح said...

DR.HAMAS

ولكن الانتظار صعب
و الدنيا بدون احباء تفقد زينتها


اللهم ادخلنا الجنة مع احباءنا بجوار رسولك الكريم

قوس قزح said...

كاميليا

هناك بعض الازهار
تحتاج منا رعاية خاصة
لرقة اوراقها
و ندرة وجودها

و انتى من تلك الازهار
فى لااضعك فى حديقتى
و لكن بجوار وسادتى
حتى تكونى اول مايراه قلبى كل صباح

قوس قزح said...

Beram ElMasry

نورت مدونتى بكلماتك

تحياتى

قوس قزح said...

صباح الصباح

ربنا يرجعه بالسلامة
و ميغبش عنا ابدا

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك للمشاركة.
ضع بنر الحملة علي مدونتك والبنر موجود علي مدونتي

البحث عن أنا شىء جنونى said...

ربما جئت متاخر جدا جدا

لكن اعذرينى ايتها الرقيقة الخائفة فى لوحة مظلمه على كوم من الذكريات التى احتلتلك مع اشخاص احببتيهم بصدق

ارى فى عينيكى حبا غريبا لكل من حولك وارى ايضا ذلك البركان الخامد وتلك الروح الخائفة بشدة من خريف غالبا ما تسقط اوراقه .. ولكن سيدتى الجميلة .. الا تتذكرين اننا يوما سنسقط نحن الاخرين وسنمشى بعيدا بعيدا .. وسنلتقى بهم فى ربيع اخر .. ولكن لما الانتظار فدعينا عندما تسقط ورقات الخريف .. نتذكر كم ابتسمنا لها وكم يمتلكون الكثير منا .. فان ذهبوا سنتذكرهم ولن ننسى ابدا يوما انهم كانوا هناك ورقات حفرت على اشجار ذكرياتنا

لكى منى :)

من بعيد .. بكتبلك

safaa galal said...

.
أن هى ألا فلسفه الخريف التى تجعل الجميع

يشعر وكانه ملهم بروعه الاجواء

ورائحه الهواء

قوس قزح said...

م/ الحسيني لزومي

دعوة لحملة فى منتهى الاهمية
ان شاء الله يستجيب لها الكثيرين

تحياتى

قوس قزح said...

البحث عن أنا شىء جنونى

عندما قرات كلماتك
تبعثرت حروفى منى
و توارت منها خجلا
و تركتنى فاقدة النطق

و انقذنى لفظ سيدتى
فاوجب عليا الرد
و لو بكلمة شكر

اشكرك على مرورك العطر الذى استنشق عبيره فى عالم التدوين

تحياتى

قوس قزح said...

safaa galal

وجهة نظر

تجعلنى اتشوق لفلسفة الربيع