Wednesday, November 12, 2008

كل سنة و انتى فى قلبى

دايما بعد بوست الخير مش بحب انزل اى بوست تانى لحد ما يجى اليوم المحدد للخير ده
بس المرة دى صعب ان يجى عيد ميلاد اغلى صديقة ليا عرفتها بسبب هذا العالم الافتراضى و لكن معرفتها بها بدات واقعية من غير ما اقولها كل سنة وهى طيبة و قريبة من قلبى دايما
اليوم اللى بيمر عليا من غير ما اتكلم معاكى او حتى بس اعرف انتى فين بحس ان فى حاجة ناقصانى و كأنى فى حالة انتظار دايما و بحس ان كل حاجة بعملها بسرعة علشان لحظة لقانا تيجى
استغربت لما الناس شافونا و قالوا اننا شبه بعض .. و ضحكت لما صديقة لنا قالت صوتكم فى التليفون واحد
و بفرح لما اكتشف انى بحب اللى انتى بتحبيه و انك لكى طقوس معينة انا كمان بحب اعملها
اكتر حاجة عجبانى فى علاقتنا عرفنا بعض لاول مرة بشخصيتنا الحقيقية مش الافتراضية
و بعد كده كل واحد بقى يزور فى مدونته كأى مدون عادى و كأن شخصيتنا التدوينة ملهاش علاقة بصداقتنا
احلى وقت بيمر عليا فى يومى لما نتجمع انا و هى مع اصحابنا من العالم الافتراضى على الشات و نتضحك و نهرج و نتناقش و ننصح بعضنا


صديقتى الغالية

مفروسة

كل سنة و انتى فى قلبى زى ما انتى



35 comments:

Mafrousa said...

داليا انتى جميلة
انا مش عارفه اقولك ايه؟
انتى جميله
وروحك جميلة
وقلبك فله

و انتى طيبة يا أجمل شخصية عرفتها
و انتى طيبة يا أغلى صديقة
و انتى طيبة
عنيا بتدمع يا مجرمة

بس عارفه يا داليا
ربنا فعلابيوفق بين القلوب
مش احنا
احنا خلينا زي ما احنا بطبيعيتنا
و ربنا هوه اللى بيوفق و بيجمع

فاكرة اول مرة شوفتك
ههههههههههههههههه
كانت 5 دقايق
ههههههههههههههه
و بعديها بقينا اصحاب

انا كمان لما بخرج اول حد بكلمه لما برجع انتى علشان اتطمن عليكي
و على حبايبي اولادك
ربنا يباركلك فيهم يارب و يقدرك على حسن تربيتهم

انتى قلبك جميل يا داليا ربنا يعملك و يعمل لعيلتك الصغننه و الكبيرة كل الخير

مرسي على الكارت
و مرسي على التورته
ومرسي على صداقتك ليا

دمتى جميلة

Mafrousa said...

ههههههههههههههه
رجعت تاني
ما هو انا صاحبة عيد الميلاد
ههههههه
و انا اقول انا قلقت ليه تاني بعد ما نمت و صحيت و مش عارفه انام
اتاري
علشان اشوف الكلام الحلو ده و اكون اول تعليق
شوفتي بقا ربنا هوه اللى بيعمل كل حاجه
سبحانه و تعالى

على فكرة
التورتة تجنن

ahmed_k said...

كل سنه وواحده مفروسه بخير
وعقبال مليووووون سنه

ميرا ( وومن ) said...

داليا كل سنه وانتي فاكراها

كل سنه وانتي حباها

كل سنه وانتي معاها

واحدة مفروسة كل سنه وانتي طيبة
وعقبال 100 سنه

تحياتي لبرج العقرب

حنين القلب said...

كل سنه وانتى طيبه يا مفروسه
ويا رب السنه الجايه تحققى كل ما بتتمنى
داليا بجد انا فخورة بيكم جدا بالنقاء والصفاء اللى فيكم ربنا يبارك فى صداقتكم ويا رب تدوم طول العمر

رندا said...

ياخبر اية دة وانا نايمة نوم

كل سنة وانتى طيبة ياحبى

دوللى طول عمرك سباقة بالاخبار الجميلة قلبك جميل اوى
ربنا يخلكيى لينا يارب

مفروستى حبيتى كل سنة وانت دائما بينا منورة الكل
كل سنة وانتى فى قلبى دايماً
كل سنة وانتى سعيدة وفرحانة
ولا اى كلمة هتقولك فرحتى بيكى

مووووووووووووووة كبيرة ليكى
ولدوللى الى عملت اجمل عيد ميلاد

رندا

قوس قزح said...

مفروسة

اسكتى بقى لحسن انا عينى اللى هتدمع
بس انا مبسوطة انك اول حد يدخل و ياكل من التورتة
كان نفسى بجد اجيب تورتة و اجى نحتفل سوا و نرقص و نهيص
بس يظهر الرحاب كمان بقت الرحاب اللعينة مش اكتوبر بس


يارب دايما سعيدة و مش مفروسة
و قلبك الجميل ده مليان بحب الناس

قوس قزح said...

على فكرة التورتة دى ايجار
هههههههههههههههههههههههه

يعنى تتفرجى و بس
او تتصورى جنبها
ههههههههههههههههه

قوس قزح said...

انا بشكر كل اللى جم حضروا العيد ميلاد
و بترك الرد لصاحبة اليوم الجميل ده

الطائر الحزين said...

كل ع ام انتما بخير

رئيس جمهوريه نفسى said...

كل سنه وهى طيبة وانتى طيبه وكل سنه وانتى وهى وكل اصحابكم متجمعين فى الخير ان شاء اللة وعلى خير

Empress appy said...

بكررررررررررهك يا سوسه
عاااااااااا
يا سوسه هشد شعرك وهطرحك ارضا واعضك واكعبلك على وشك وايه وايه حد يقولى اعمل ايه
علشان انا كنت عاوزة اعمل عااااااااااا
والله من امبارح بكرهك بقى



مفروسه سا حبيبى كل سنه وانتى طيبه وانا عضه البت دى

فاتيما said...

كل سنة و إنتى بألف خير يا فروسة
و كل سنة و إنتم اغلى الأصدقاء يا دوللى
لسه جاية من عند محمود رئيس جمهورية نفسى و كاتب بوست عن آبى و الصداقة الجميلة ما بينهم
جيت هنا لقيتكوا برضو بتتكلموا فى نفس السياق ...
هيا دى العلاقة الجميلة اللى خلقها الكائن السحرى اللى إسمه التدوين
علاقة جميلة شفافة إبتدت بكلمة مكتوبة و إمتدت لما بعد ذلك ...
ربنا يديم الود و المحبة علطول
ما بيننا جميعاً
يا رب
كل سنة و إنتى طيبة يا فروسة
عيد ميلاد سعيد يا جميل
بوسة و حضونة يا دوللى
أشوفكم يوم بؤجة الخير بإذن الله

Anonymous said...

كل سنه وانتى طيبه يامفروسه
وكل سنه وانتوا اصحاب وربنا يخليكوا لبعض
فين الاكل بقي

rainbow said...

داليا
انتى حد جميل اوى

كل سنة وانتو اطيب واسعد واقرب لربنا ولبعض

بحبك هه

هدى

قوس قزح said...

Appy

اااااى

انتى يا بنتى ارحمنى من سنانك دى
انا عملت ايه بس !!
و بعدين انا سوسة ليه بقى ؟؟ ما انتى كمان اهو كنتى ناوية و عاملة مش واخدة بالك

و بعدين قدامك الفرصة لسه
بسرعة بقى قبل ما ترجع من بره

Anonymous said...

السلام عليكم
كل سنة ومفروسة بالف خير وربنا يكرمك يا داليا على الروح الميلة دى اللى ما بينك وبين اصدقائك وحبيباتك
ربنا يديم الحب والمودة بينكم يارب ولا يحرمكم من بعض ابدا

دمتى لنا بكل خير ويلا سلام

الربان said...

تحياتي

جميل جدا ان نشارك الاخرين مناسباتهم
ويارب تكون مناسبات خير و سعادة دائما.

نشكرك لانك دليتينا علي خير...و ان شاء نهنيء الاخت مفروسة...

ودائما سباقة للخيرات ..

و عقبال ما نهنيء حضرتك ايضا...


لك خالص التحية و التقدير

semsem said...

كل سنه وانتم اصحاب دائما

همس الاحباب said...

كل سنة وانتى طيبة
يا مفروسة
وعقبال مليون سنة
ولفته جميلة منك يا ام نور
وربنا يديم المعروف
وكل سنة وانتم طيبين

Mafrousa said...

انا جيت
امسسسسسسسسسسك
قفشتك يا داليا و انتى بتاكلى من التورتة المتأجرة
اهو بقك ملياااااان شيكولاته
هههههههههههههههههه
فين الهدايا بالصلاة على النبي
انا بعد الناس اللى داخله بقوا عشرين اللهم لا حسد
ايه؟؟؟ ايه؟؟؟؟ بتقولى ايه؟؟؟؟
انا ليا تعليقين؟؟
وانا ماااالي
كل اللى دخل عند اكيد ساب هديه
قبي بيها
صحيح انتى صاحبتى
وبحبك
وبموت فيكي
بس مع الهدايا يا ماما ما اعرفكيش
ههههههههههههههههه

مرسي يا داليا
يا اجمل داليا

و انتم طيبين كلكم على بعضكم

ahmed k
----------
مرسي و انت طيب و بخير
بس مش شايف مليون كتير؟؟؟؟
هههههههه


وومن
-------
و انتى طيبة و بخير
برج العقرب بيبعتلك احلى تحية
هوه انتى عقروبة زيي برضه؟؟؟؟؟


حنين القلب
-------------

و انتى طيبة يا قمرة
و ان شاء الله السنة الجايه نحتفل بيه وولادك ماليين علينا المدونة
هههههههههههههه

رندا
------
حبيبتى
و انتى طيبه و بخير يارب


الطائر الحزين
------------
و انت طيب و بخير


رئيس جمهورية نفسي
--------------
مرسي يا محمود
وانت طيب و بخير يارب

أبي
----
وانتى طيبة يا رحاب
مرسي ليكي كتير كتير
و كانك انتى اللى عملتى البوست ولا يهمك
حنشوف شغلنا بعدين مع الملونه
هههههههههههههههههههه
و الهدايا نقسمها علينا احنا التلاته
هههههههههههههههههههه


فاتيما
-------

و انتى طيبه يا طمطم


اسامه عادل
----------
و انت طيب و بخير


rainbow
---------
عندك حق داليا حد جميل بجد

جمعاوي صاحب عيادة الاسنان
-----------------------

و عليكم السلام و انت طيب و بخير يارب
و تدوم الصداقه الحلوة
اللهم آمين

الربان
-------

و انت طيب و بخير


semsem
---------
سمسومه
يعنى لازم تظهر التورتة علشان تظهري
ههههههههههههههه
طيب اهي داليا سبقت و قالت متأجرة
عمرك شوفتي صاحبة بتأجر تورته لصحبتها؟؟
هههههههههههههههههه

همس الاحباب
-------------
و انت طيب يا عم خالد

ربنا يديم المحبة بين الناس كلها




مرسي ليكم كتير كتير كتير

حروح ادور على الاخت داليا علشان ادفع ايجار المدونة اللى عملنا فيها عيد الميلاد
اه اومال انتو فاكيرن ايه
مجبه كده منها
نووووووووووووووووووو

ههههههههههههههههههههه

قوس قزح said...

مفروسة

انتى جيتى !!!
مش كنتى تقولى طيب
و بعدين التورتة مش شيكولاتة
ههههههههههههههه
ده انا واخدها من عند خالد همس الاحباب
و خلصناها كلنا خلاص


و بعدين الهدايا انا بعتها على الايميل
هى موصليتش ؟؟
يبقى العم جوجل طمع فيها بقى و انا مالى

عموما رحاب و خالد بيلموا هدايا
روحى خديها بقى قبل ما تضيع هى كمان
و انت عارفة ولاد الرايق
هههههههههههه

ragabhpl said...

للاسف مدونتى لونها اسود

كل عام وانتى وهى الى الله اقرب




دعواتك

موناليزا said...

كل سنة وانتوا طيبين ويارب دايما يفضل الحب بينكم
بجد ميرسى ياداليا انك عرفتينا بعيد ميلاد مفروسة
ربنا يكرمك ياحبيبتى كلك ذوق

مواطن مصرى نايم said...

كل سنة و مفروسة مش مفروسة و تكون طيبة و بخير و صحة و سلامة
و ربنا يديم المحبة و الصداقة و الاخوة بينكم يا رب
انتم الاتنين
بصراحة من احسن الناس اللى عرفتها من العالم ده برضوا
ربنا يكرمكم يا رب
و يبارك لكم فى حياتكم

تحياتى

اسلام

nona said...

كل سنة و انتى طيبة يا مفروسة
وربنا يبعد عنك الفرسة وماحدش يخليكى تفرسى خالص

اما باة للنسبة لدولى مش عارفة اقولك اية بجد
ربنا يبارك فى صداقتكم وتستمر ديما لان صعب فى زمنا دة نلاقى حد بالشكل دة

Geo Amr said...

كل سنة وهى وانتى طيبين ويكون عيد ميلاد سعيدة ليها ويارب يجمعكم ان شاء الله فى الجنة مع بعض

Anonymous said...

جميل جدا النيو لوك ده

وكل الامنيات لواحدة مفروسة وعقبال ميت سنة

شفـقــة و إحســــان said...

جميلة اوى المشاعر دى منك يا داليا
احلى حاجة فى الدنيا هى الصداقة الحقيقية
ربنا يخليكم لبعض ويحببكم فى بعض اكتر واكتر ويحبب فيكم خلقه
تحياتى
شفقة

محمد فاروق الشاذلى said...

كل سنة وانتم الاتنين طيبيبن والعلاقة بينكم جميلة كده، والله بفرح قوى لما بشوف اتنين صداقتهم حلوة كده.
تحياتى

بس خلاص ... said...

جميل وفاء الاصدقاء.. جميل ان نجد من يحبونا ويعيشوا معانا احلى اللحظات
كل سنه والجميع بخير .. يسعدنى ان تكون اول زيارة لمدونتك فى هذه المناسبه الجميله

Anonymous said...

كل سنه و هي طيبه و بألف خير و عقبال مليون سنه
و كل سنه و انتم صحاب و بتحبوا بعض

عالم ماريونت said...

ربنا يخليكو لبعض
يارب وكل سنة وانتي طيبة يا مفروسة
رنا

بنوته مصرية said...

كل سنه وانتي طيبة يا مفروستي واعبال 1000000 سنه ويارب تدوم الصداقة للابد

ويبعد عنكم العين واي شئ وحش

داليا انتي سباقة دائما بلخير وقلبك طيب وشفاف

ربنا يدوم المحبة بينكم ويخليكم لبعض


امووووووووة لي دولي ولي لولو

بحبكم
رودي

romansy said...

كل سنه وانتى طيبه
وهى طيبه يارب
يديم الصداقه
ان شاء الله بينكم