Sunday, November 30, 2008

البؤجة مكسب و خسارة






تصدقوا مش عارفة اكتب بوست و اقولكم ايه اخبار البؤجة

يمكن لانى حاسة انا زى التايهة و مش فاهمة

على اد الفرحة باليوم ده و باللى قدرنا نساعد به الناس

على اد حزنى ان التجمعات دى اديت الفرصة لظهور قالوا و قالنا



تفتكروا التجمعات دى كانت غلط ؟؟


تفتكروا الخير مش محتاج لها ؟؟


تفتكروا الافضل اننا نفضل ورا الشاشة و بس ؟؟


ولا المفروض العكس


ان الواحد يعمل التجمع و مالوش دعوة بالتفاصيل بين الناس بدام هدف الخير بيتحقق ؟؟


ان التجمعات ده ممكن تعمل عملية غربلة للناس و يظهر مين اللى بيوقع بين الناس و مين اللى بيجيب سيرة الناس و يشتمهم ؟؟


ان التجمعات دى تخلى كل واحد فينا يحس بالرضا عن نفسه انه مع مجموعة بتعمل خير ومش خروجة بنات و ولاد علشان نرغى و لا نظبط جوزات و صوحبية ؟؟




حاجات كتير ملغبطانى و كلها عكس بعض


بس انا عن نفسى حاسة انى كسبت من التجمعات دى


حتى لو كنت من خلالها عرفت ان فى نفوس وحشة و نفوس اللى يهمها من التجمع شىء تانى غير الخير


انا عندى انى اكسب صديقة عمر يستاهل اوى قصدها ان اشوف الف وش وحش


انى اكسب حسنة واحدة و دعاء لى او لاولادى يستاهل اوى انى كنت اعمل التجمعات دى و ان كان هدف البعض مش الخير


ان فى يوم من الايام احكى لاولادى انى كنت ايجابية و حاولت اعمل حاجة اساعد بها غيرى يستاهل اوى ان استحمل اتعامل مع ناس و اشجعهم على الخير و انا عارفة ان ممكن اوى فى ضهرى يقولى عليا كلام



انا لحد دلوقتى كسبانة .. المهم تفتكروا الاستمرار هيزود المكسب ولا البعد عنه فى الوقت ده غنيمة


انا بعتذر يا استاذ احمد كمال ان كنت خيبت املك فى بوست كنت متوقعه منى بس فعلا جوايا حاجة انطفت قللت الطاقة و الحماس .. اعذرنى


و بعتذر لكم كلكم عن حيرتى دى اللى ضيعت بهجة يوم خير زى ده


بس فى ناس تانية ممكن تحسوا اليوم معهم :










39 comments:

الطائر الحزين said...

النية الصالحة مهمه أوى
وأعرض عن الجاهلين
يعنى لما تكونى رايحة تعملى خير وانت عارفة انه هيبقى فيه قيل وقال فى هذا الوقت ابعدى وركزى فى الخير بتاعك

لانه لو كل واحد قال لما اروح اعمل خير هلاقى فلان ويقوم ميروحش محدش هيعمل خير


بارك الله فيكم
كل عام انتم بخير

قوس قزح said...

الطائر الحزين

جزاك الله خير على كلامك ده
و الله متعرفش اثره على نفسى اد ايه

اشكرك بجد

~*§¦§ Appy §¦§*~ said...

ايوة ركزى فى الخير وكلى برتقال واخرمى ليه كاوتش عربيتى لكى زنقه بعد كده انتى اللى هتعدى عليا مش انا
معنديش رد لانك عارفه احساسى كويس من اللى قولتيه يا دوللى
انا عن نفسى هعمل الخير علشان يقعد ليه بس وربنا يرضى عنى اما اى حاجه تانيه فسورى ملهاش غير ضهرى وانتى عارفه مين اللى قريبين منى

سمكه وحده said...

اولا اذيك وبحبك في الله كتيييير

ثانيا
انتي رايحه لهدف معين وجميل وعايزه وطمعانه في حجات كتير من ربنا سبحانه وتعالي سيبك بقي من الناس ولا تاخدي في بالك خالص لان انتي نيتك خير وكل واحد ونيته واللي بيحاسب رب العباد ولا تضيقي نفسك لان ده ممكن يكون شيطان عشان الناس الجميله اللي ذيك تبطل تعمل خير طب وبعد كده ايه مش هنلاقي حد يساعد والله كل حاجه قبل ما تعمليها فكري وشوفيها ربنا يقبلها ولا لاء طبعا انا عارفه انك عارفه الكلام ده كله بس بردو سبيني اتكلم يا شيخه من نفسي
انتي رايحه لهدف معين وحصل بأذن الله خلاص هوني علي نفسك ملكيش دجعوه بقي بنيه اي حد ولا غرض حد المهم انتي وربنا يتقبل ويجعله في ميزان حسنتكوا جميعا ويارت الناس كلها تبقي كده ومفيش نفوس شريره تدخل في النص

تحياتي ليكي وكان نفسي والله ابقي معاكوا جدا عشان اتشرف بالشخصيه الجميله دي واعمل خير طبعا بس مفهاش حاجه ان احنا نعرف بعض في الله بردو ونشجع بعض علي الخير
مفيش احلي من الخب في اللله دون اي اغراض دونياويه
بس لو كنت جيت كانت هتبقي اغراضي كلها دونياويه ههههههه
بهزر
عشان انا بس مش مقيمه في القاهره
تحياتي ليكي
وبحبك في الله

اسامه عبدالعال said...

الخير اتعمل لله
ومش كل مدون او مدونه ينفع يبقي صاحب لان فى اختلاف كبير فى الشخصيات والطبقات عشان كده بيحصل تصادم فى الافكار
بس عزائنا هو عمل الخير واشكرك لانك دلتينى عليه

Mohamed Hamdy said...

انا رايى الشخصى ان كل واحد ونيته .. الى ناوى ييجى على اساس صحوبيه ماشى .. والى جاى يعمل ثواب مهما تطلب االامر ماشى والى جاى يعمل خناقات وينقل كلام ده يبقا فعلا حرام عليه

تحياتى .. مستنى زيارتك

أليس في بلاد العجائب said...

السلام عليكم ورحمة الله وبركاته

الاول مش هعرف اشكرك مهما قلت لمجرد اهتمامك .. من غير تفاصيل بجد جزاكي الله خيرا علي محاولتك المساعدة - دا فيما يخصني شخصيا.. اتأخرت علشان ملقيتش مناسبة اعرف اشكرك .. سامحيني
---------------------------------
اما بخصوص اللي حضرتك كتبتيه
ممكن تجاوبيني بحاجة مهمة

انتي عملتي اللقاء دا علشانهم ولا علشان ربنا؟
علشان الخير اللي هيتعمل في اللقاء ولا علشان شر ممكن يلاقيله مكان في وسط الخير دا كله؟

تفتكري لو كل واحد حب يعمل خير وفكر انه ممكن تتأذي مشاعره علي اقل تقدير للاذية - تفتكري حد هيعمل حاجة كويسة؟

تفتكري انك مسيبتيش اثر طيب في نفوس كتيرة حبت اللي عملتيه و كنتي بالنسبة ليها دال علي الخير؟

تفتكري لو بطلتي هتمنعي نفسك في يوم تندمي انك كان في ايدك تعملي حاجة تسوي كتير وسيبتيها علي افراد متسواش ؟

انا تدخلت بدون استأذان علشان أقولك متزعليش لو حد كان ضايقك .. الخير اللي بتعمليه باقي عند الله و في النفوس الطيبة اللي فهمته و قدرته و اللي معملش كده .. فأوعي تندمي علي انك فكرتي فيه وفيهم

الوحش لو جه النهاردة مش هيجي بكرة ..
نيتك لوجه الله اغلي واعلي من انك تفكري في بشر ..

ربنا يقدرك دايما علي فعل الخير و انك تكون دال عليه

وربنا يباركلك في صحتك و اولادك و يعز بيكم الاسلام :)

-----
لو تحبي متنشريش دا
انا حبيت اقولك الكلام دا ليكي انتي مش علشان حد تاني:)

عاشقة القمر said...

لا انتي كسبه حسنه
اصلا ناس مش تخلي احد في حالوا
عدنا مثل بقول فيه من تباع ناس مات هما
انتي لاتهتمي بامواضع خالص لان اجزاءك عند الله
بجد انا مبوسطه منكم جداااااااااااااااااا
ربنا يجعل في ميزان حسناتكم انا اقترحت حاجه لي ابي روحي مودنه ابي لو تستطيعوا تعملوها
تكون الخطواه ثانيه
انشاءالله
يارب تجمعوا دايما علي الخير

بت خيخة وأى كلام said...

لا طبعا
نتجمع علشان نعمل خير
ومايهمكيش من اى حد هيقول ويعيد

بالعكس بقى يا داليا
انا بتبسط جدا من التجمعات الخيرية دى
لانى بصراحة لو كنت لوحدى مش هاكون متحمسة كدة

انا بتكسف اروح ازور مسنين او ايتام لوحدى
علشان اروح لازم حد معايا

مابالك بقى لو كنا عزوة وكلنا مع بعض
دى حاجة بتفرحنى اكتر وبتحمسنى اكتر
وببقى عايزة ادلق كل الخير اللى جوايا فى اللحظة دى
للمكان اللى انا رايحاه

مالكيش دعوة بالقيل والقال

هدف التجمعات دى اسمى من كدة بكتير
وبلاش نضيع فرحتنا باليوم بكلام اتقال او اتنين زعلانين من بعض

ارجوكى يا داليا اوعى عزيمتك تهبط
او تحبطى
علشان تقدرى تظبطلنا دايما مواعيد خيرية
نتجمع فيها مع بعض

انا بشكرك جدا على اتاحتك لينا الفرصة اننا نعمل عمل جميل
جزاكى الله خيرا

وربنا يباركلك فى ولادك وفى جوزك يارب


سلام يا دودو
اختك خيخة

فاتيما said...

أيووووووه
أنا مع إيهاب طائرنا الحزين الجميل
المهم النيةإيه
إستمرى وميهمكيش
أنا معرفش حصل إيه يا دوللى من يومها لحد كتابةالبوست بتاعك
بس أتوقع إن حد رخم قال حاجةضايقتك
ولا يهمك منه
ولا من غيره
اللى بيتعمل دا عشان ناس محتاجله
وعشان الواحد يلاقى حاجةكويسة يقف بيها قصاد ربنا يوم الحساب
وسبب دنيوى كمانإننا نحس بالرضا عن نفسنا
أنا شخصياً هبقى زيك يا داليا
ولما يوسف يؤجع هجيبه معايا اللقاءاتدى عشان يتعلم يعمل كدا من بدرى بدرى
اومال راح فين الكلام اللى إتكلمناه يوميها ؟؟
مش قولتلك فيه ناس بتثق فيكى وتمشى وراكى لما تناديهم ؟؟
دا بجد يا داليا مش مجاملة
وإنتى وخيخةوآبى شجعتونى لأنى بثق فيكم
وخلاص بقى إحنا دوسنا بنزين
متقوليش دلوقتى إحنا رايحين فين
إحنا فى سكةصح يا دوللى
وربنا يقدرك على الخير
ونحن وراءك يا زعيم
بوسة وحضونة

همس الاحباب said...

اختى العزيزة
انما الاعمال بالنيات
وانتى نيتك خير يبقى انسى اى حاجة تانية
اكيد المكسب اضعاف مضاعفة
مهما قيل ومهما حدث
اليوم كان جميل والاقبال مشرف والمساهمة ايجابية
وده المطلوب من التجمع
سيبك من قال وقلنا لاننا بشر ولن نتخاذل عن فعل الخير مهما تكن العوائق
لان الهدف فعل الخير اولا واخيرا
تحياتى وتقديرى

همس الاحباب said...

اه نسيت اقولك حاجة عجبتنى قوى للامام الشافعى رضى الله عنه
اعرض عن الجاهل السفيه
فكل ماقال فهو فيه
ما ضر بحر الفرات يوما
ان خاض بعض الكلاب فيه

someone in life said...

البؤجةو غيرها كلها خير يا داليا لان فيه ناس غلابه فعلا محتاجينها و فرصة لناس عاوزة تعمل خير بس مش عارفه طريق و أطفال بتتعلم تحس بغيرها و تشكر ربها علي النعمه اللي هي فيها
المشكلة مش في البؤجة .. المشكلة في البشر و نفوسهم ناس بتحب الادعاء و ناس بتحب النميمه و تفرقه بين البشر علشان ده صاحبي و حبيبي يبقي احسن واحد في الدنيا و فيه ناس بتشارك بالصوت بس و اهم حاجة الاجتماعات اللي بعد البؤجة او غيرها

انت نيتك صافيه و بتدعي لخير استمري يمكن دة الشئ الوحيد اللي لسه كويس في البلد دي

و احسن حاجة ابعدي عن الاجتماعات و ريحي دماغك و لا ايه رأيك

كنت سعيدة بيوم البؤجة ربنا يجعله في ميزان حسناتك

تحياتي

بنات صاحبة الجلالة said...

البؤجة خير والله ياداليا كفاية انك قدرتي تجمعي الناس علي فعل الخير وتكسبي حنسات جزاكي الله كل خير انتي وابي وكنت فرحانه اني معاكم وكان نفسي اكمل اليوم بس والله كنت لازم اروح الجرنال معلش مرة تانية باذن الله

تحياتي

صبرني يارب said...

بتهرجي يا داليا ؟؟؟

لما كل مجموعه من البني ادمين المحترمين يتخلوا عن مكانهم ورسالتهم واهدافهم واعمالهم المحترمه الخيريه عشان شرذمه من الاشخاص مالهمش اي لازمه في الحياه

يبقى ان شاء الله هانفضل دايما لورا ومش هانعمل حاجه ابدا

تفتكري الدعوه للاسلام ايام الرسول ما كانش في منافقين وما كانش في قلنا وقالوا وما كانش فى كلام من ده ؟؟؟

كان في بس كمان الدعوه ااستمرت والدنيا كلها استمرت

شوفي يا داليا لو استمريتوا هاتلاقي كل واحد له غرض تاني يا اما يأس وما لقاش مجيب وخفي غار يا اما حقق غرضه ولقى الى شبه وبرضه خفي غار

وبعد فتره هايحصل غربله للناس دي والى هايستمر الى قصده غير فعلا

وهايجى غيرهم وغيرهم وقصاد كل عشره كويسين يمكن تلاقي 3 وحشين

مش مهم اقلبيهم
طنشيهم
ولو جمعك بهم مكان اديهم على دماغهم

واهم حاجه تعرفوا انتم كناس كبار ومحترمين انكم ماتدوش ودنكم لحد

يا تشوف بعينك وتسمع بودانك يا تقول ماش عايزه اسمع حاجه

انما الى بيوقع لازمله ودان يقول فيها ما تديهومش انتم الفرصه دي


اوعي يا داليا تفكري كده

هاشوفك بالليل ان شاء الله بس متأخر شويه يمكن اخرج

maha zein said...

هو في ايه بجد...مين اتكلم ولا مين لمح حتي بالكلام؟...تساؤلات ايه اللى بتطرحيها دي اصلا....انتوا بجد خاتوني اشعر ان في اهمية للمدنين اصلا من اساسه...قدرتكم علي استغلال وصولكم لاكبر عدد من الناس وحثكم علي الخير ده في حد ذاته انجاز لا يوصف بكلمات...بصي ان كان حصل وفي مشاكل حصلت من ورا التجمعات دي...يبقه ملناش دعوة بيها...او بالاحري انتي ملكيش دعوة بيها...انتي نيتك خير وصبرك علي التجهيزات وبذل المجهود خير...وخلاص بقه متحوليش تضايقي نفسك ..انتوا رنا يباركلكم ...بجد انتي الله اكبر حد ايجابي وربنا يسعده هو واولاد

!!! عارفة ... مش عارف ليه said...

طبعاً يا داليا
مفيش كلام بعد مظاهرة التأييد دي

والحمد لله الكل متفق على إن اللي عملتيه ده خير

وزي ما بتقولي علشان يجي يوم وتقولي لأولادك إن شاء الله أنك كونتي إيجابية

وفي كلمة كده"....تعوي والقافلة تسير" مش كده ولا إييييه

تحياتي وأوعي تتراجعي يوم عن فعل الخير

دا أنا لولا إني مش في مصر كنت جيت معاكم

وفوكيهاااااا بقى



تقديري وتحياتي
وليد

البت المشمشية حلوة بس شقية said...

مش لازم تكتبى عشان نعرف اد ايه احساس جميل اوى انك تعمل حاجة لحد محتاجها منك الله والله احساس جميل ربنا يقدرك على الخير

وليد الاسلام (عضو رابطة هويتى اسلامية said...

اولا ان ندمان انى مشاركتش معاكم فى الؤجه لكن ان شاء الله تتعوض لكن على كل حال اوعى الياس يدخل قلبك او الشك انتى والى معاكم بتعملوا عمل عظيم عمل ربنا شرعة وجعله من حقوقنا على بعض وشرعه علشان نحس ببعض ونتكافل مع بعض فاوعى الشك او الكلام الجانبى ياثر عليكى اكيد فيه اعداء للنجاح لانك نجحتى بكل المقاييس قدرتى تجمعى تجمع للخير وبنيتك الكويسة لكن ده مش حيمنع انه ممكن يكون فيه ناس رايحة كنوع من الترفيه وبتعتبر التجمع نوع للتعارف والكلام ده مش حينقصك لانه لو تفتكرى فى اليوم الاول قلتلك لازم تفهمى الناس احنا رايحين ليه وعلشان ايه علشان تكون اديتى نيتك الخالصة لله عموما ربنا يتقبل منك واوعى تتنحى عن مشوارك اوعى الشيطان ينحيكى عن عمل الخير والى الامام يا استاذة داليا

rovy said...

ليه كده يا داليا

اد ايه انتى انسانه جميله بتعملى خير كلنا حاسينه و يمكن نتمنى ربنا يقدرنا و نعمل زيك ..
انتى بتعاملى الله سبحانه و تعالى اوعى يأثر فيكى كلمة جبان او نمام
اعملى الخير لوجه الله و لا تلتفتى لكلام الجاهلين ..

جزاكى الله خيرا و بارك لكى فى عملك

تقديرى و تحياتى

واحدة مفروسة said...

داليا
انا يمكن مش اشتركت معاكم و لا مرة
بس كل مرة ببقى حريصة على اني اسال عن الاخبار
و الاعمال بالنيات يا دودو
انتى خارجه من بيتكم علشان الخير
لازم الشيطان ابن ابليس
لازم يبخ سمه علشان تعرضي عن فعل الخير
انتى لما تلاقى قال و قولنا و قالوا
امشي فى مشيرتك و لا تعطلى نفسك ثانيه فى انك تنصالحي و لا توضحي و لا تقربي و جهات نظر
سيبك من ده كله و خليكي فى الخير اللى بتعمليه
و لما تخلصي المهمه
ابقى شوفي ايه اللى بيحصل
و صدقيني حتلاقى نفسك سيبتك من العك ده كله

بس على فكرة هيه الدنيا كده
اينما وجدت تجمعات
تجدي قيل و قال

على العموم
الاخوة و الاخوات قايلين كلام حلو فوق
كله مشجع
و كله مش راضي


ربنا يجازيكي كل الخير على الخير اللى بتنوهى عنه و بتعمليه

Gannah said...

داليا
ازيك اولا
كلامك زعلنى جدااا
انا معرفش ايه اللى حصل لكن ايا كان مش لازم تشكى أبدا فى انك بتعملى الصح
وارد اختلاف النوايا ودى شىء نترك حكمه لله وليس لنا الا الظاهر من الناس
وبعدين انت بتعملى خير وبتشجعى الناس على المشاركة لكن فى نفس الوقت انت مش مسؤولة عن كل شخص
قال وقلنا دى موجودة فى كل مكان فيه بشر
ربنا يقدرك دايما على فعل الخير يا داليا واوعى تتراجعى ابدااا
وانا ان شاء الله فى انتظار مشاركتكم فى البؤجة الصيفية
انت انسانة محترمة تستحق التقدير
وربنا يجعله فى ميزان حسناتك
--------------------------
كان نفسى حد يقلنا لو كان فى اى تطور فى المنطقة حصل
لكن محدش حكى
ياريت لو فيه جديد عن المنطقة تقولول لنا

تحياتى يا احلى دودو

جمعاوي صاحب "عيادة أسنان" said...

السلام عليكم قوس قزح
بصى كده بقى انتى هتخلينى افضفض
الاول بس جزاكى الله كل خير على الدعوة للموضوع وربنا يجعله فى ميزان حسناتك
بالنسبة بقى للكلام ده والنية وكده

انا منش هاعرض تجربة حد انا هعاعرض تجربتى الشخصية

انالغاية يوم البؤجة الصبح ما كنتش قررت هاجى واللا لأ واظنك تلاحظى كده من أخر كومنت لى عنك فى موضوعك اللى قبل ده على طول

عارفة ليه لانى كنت باسأل نفسى سؤال محدد وكنت محتار فى إجابته
"انت رايح ليه؟؟؟؟؟؟؟؟؟؟؟؟

بجد سؤال كان محيرنى جدااااا لغاية لما صليت صلاة استخارة -شفتى وصلت لإيه -وبعدين بدأت اجمع فى البؤجة واجدد نيتى واقول انا رايح ليه فعلا

الحمد لله ربنا اكرمنى وحددت شوية نوايا خير أسال الله ان يتقبلها منى ومنكم

ولذلك فانا راجع من البؤجة وانا قلبى مرتاح جدااااااا من الناحية دى ولكن لا اخفيك كنت زعلان من حبة حاجات كده ممكن تكون ليها علاقة باللى انتى زعلانه منه!بس هنعمل ايه؟؟؟هنكمل فى طريق الخير ...لان نياتنا سليمة

ربنا يكرمك يا داليا واسف لو كنت طولت عليكى ودمتى بكل خير ويلا سلام

عدى النهار said...

ليه مش بتنظري لما حدث وكان مصدر إزعاج ليكي على إنه إبتلاء؟

إنتي عملتي خيرين على الأقل مش خير واحد لأنك حاولتي تجمعي ناس تانية معاكي فى فعل خير وربنا وفقك فى ذلك يبقى تستمري مع شوية حرص

يا مراكبي said...

عادي جدا جدا

كل حاجة بتبقى زي وجهي العملة فيها الكويس والوحش

لكن كل ده ما سهمكيش في حاجة .. مش تعرفي المثل اللي بيقول: إعمل الخير وإرميه في البحر؟

يعني إنتي خليكي في نيتك الخيرة وركزي في أهدافك من الموضوع وما تزعليش من الشوائب دي لأنها مش ممكن تتلغي من حياتنا

إنما الأعمال بالنيات ولكل إمرء ما نوى

أحمد كمال said...

شوفي يا داليا ، أولا جزاك الله خيرا على تنظيم لقاءات زي دي ، لأن بغض النظر عن أي كلام أو مشاكل ، فالهدف منها تحقق ، أما اللي حصل غير كده فكان حيحصل في أي مناسبة لأن تجمع الناس ده عبارة عن مجتمع فيه اللي جاي ياخد ثواب ، و فيه اللي جاي يتسلى ، و ممكن يكون فيه اللي جاي نيته مش سليمة .

ثانيا إنتي عارفة رأيي كويس في التجمعات ، و إن نفس الهدف ممكن يتحقق بطرق كتير ، و إن الاشتراك و اللقاء في سبيل عمل الخير حاجة ، و اللقاءات الفكرية أو الثقافية حاجة تانية ، و الفسح و الصداقات حاجة ثالثة خالص ، و أنا شخصيا لما أقرر أخرج مع أصدقائي غالبا حايكونوا من الرجال اللي أعرفهم فقط .

أخيرا بقى مافيش داعي للإعتذار أبدا لأن البؤجة نجحت و الفضل لله وحده ، و جعلك سبب رئيسي في هذا النجاح ، و إن شاء الله المرة اللي جاية أكيد حانعرف نعملها أحسن .

أشكرك على مجهودك ، و أشكرك أكثر لصدقك .

dreem said...

ايه وليه ده كله ؟
بصى وعلى الرغم انى مش فاهمة حاجة بس اوعى تندمى على حاجة حلوة انتى عملتيها وكانت نيتك فيها خير
ان الله لا يضيع اجر من احسن عملا
ولا ايييييه
وبعدين بجد انا سعدت بشوفتك ومعرفتك
ما تتضايقيش ولو انى برضه مش فاهمة حاجة
تقبلى تحياتى

جنّي said...

السلام عليكم

اولا شكر الله لكم هذا الخير وتقبله الله منكم ..

ولكن اوؤيد الاستمرار وبقوة ولا تنظري للمعوقين او لاصحاب الاغراض الدنيئة ولا تعيريهم بالا فهم مثل المنافيقين لا يعملون الخير ولا يدعون غيرهم يعمله

استمروا واخلصوا النية لله وربنا معاكم يوفقكم ..

تحيتي

مهندس مصري said...

طيب بعد كل الكلام اللي اتقال ده حاقول ايه ؟
ركزي في عمل الخير يا فندم
و تجاهلي اي غيبة و نميمة و ابعدي عنها
و ربنا يوفقك لما فيه الخير
و تذكري ان الدال على الخير كفاعله و انك بتنظيمك للبؤجة بتآخدي ثواب قد كل اللي شاركوا عن طريقك
و يفضل الثواب يتضاعف كل ما هم يدلوا غيرهم على الخير
يبقى عايزة تقطعي رزقك ليه
:)

بنت القمر said...

ومالو تظبيط المصالح والجواز ما هو خير برضه:D:D
انا بس مش ها اعلق اكتر من الللي الباقي قالوه
بس عاوزة اهديك بيت شعر
احبب حبيبك هونا ما
عسي ان يكون بغيضك يوما ما
وابغض عدوك هونا ما عسي ان يكون حبيبك يوما ما
-------------------------
المعني ما تبالغيش في التوقعات وما تعاديش ولا تحبي اوي
لان الايام بتغير الاحوال
تحياتي

تايه في وسط البلد said...

لا داع لكل هذا يا داليا

مر اليوم والدار والحمد لله ممتلئة والناس التي تستحق وصل اليها حقها..حقها وليس المنة منا لذا فلا داع ابدا للرضا عن النفس فيه..ومن كان يقصد الخير فقد وجده ومن كان يقصد غيره فعند الله عمله ولن نلج الي النيات

جزاك الله كل خير والمطلوب - كما قلت مرة لنهر الحب - ان تتوسعوا وايضا ان تجعلي دوما عينك علي المستفيد الاساسي .. سيمنحك هذا قوة اكثر
تحياتي ولا استطيع ان اسمح لاحد ان يتحدث عن التوهان
ههههه

Anonymous said...

لاتحزن
Every cloud has a silver lining
عبد الجليل

kochia said...

اكيد هي مكسب
مش خسارة

مكسب الثواب
ومكسب معرفة الناس الكويسة

اي حاجة تانية تضايق هتاخد وقتها
يوم اتنين وهتروح
لكن اللي هيفضل ابتسامة لما تفتكري اللي انتي عملتيه

مش انتي مبسوطة برده بالثواب ولا ايه ؟؟
مش يستاهل شوية رتوش كدة علي الهوامش ؟؟

روقي
كله بيروح وبيفضل الكويس بس

تحياتي

ahmed_k said...

دايما أي عمل خيري لابد وأن يقابله هجوم أو عداء
لأن الخير والشر موجودان ومرادفان لبعضهما دوما,
لكن هل معنى وجود هجوم أو ظهور بعض السلبيات يؤدي بنا لفتور العزيمه وإيثار الإبتعاد طبعا ده ردة فعل مش سليمه
فالمفترض أننا نعلم جيدا أن أي تجمع إنساني لابد وأن يصاحبه نوع من أنواع الصراع سواء كان ثقافي أو فكري
فتلك هي سنة التجمعات البشريه على مدار الأزمان والأمكنه
فما ذكرتيه هو أمر متوقع ومعلوم من بداية الفكره
لكن لماذا لا ننظر للجانب المشرق في الحدث والفائده التي تعم سواء علينا كمدونين يعمل التواصل نوع من أنواع التآلف بيننا أو بالنسبه للمحتاجين ممن ترعاهم جمعية صحبة خير وهؤلاء أثر فكرتك عليهم عظيم الأثر
أستمري يا داليا ولا تجعلي بعض المثبطين يثنوك عن ما بدأتيه
وأحتسبي أجر ما تفعليه عند رب العباد
والتعلمي أن كل دعوة للخير ستقابل بهجوم وعداوه وهذه سنة الله في خلقه
فقد كانت من قبل في الأنبياء وأوذوا في سبيل دعوتهم فما وهنوا ولا ضعفوا بل زادتهم قوة و إصرارا على بلوغ أهدافهم
وتلاهم الدعاة المخلصين الذين أوذوا ومنهم من سجن كالشافعي ولكنهم كانوا دوما اكثر عزيمة لبلوغ أهدافهم وتلاهم المثل فالأمثل
فلا تترددي أن تجعلى من أمثال هؤلاء العظام قدوة لكي ومثل على تحمل الأذى في سبيل الوصول لهدفك وهو بلوغ خير دعوتك لكل محتاج ومعوز بقدر الإمكان

ربنا يوفقك وتقبليني اخا داعما لجهدكم بكل ما أمكنني
وسعدت بلقياكم يوم البؤجه السابقه وبأذن الله نلتقى في قادم البؤج

دمتي بكل خير

Diyaa' said...

اعرض عن الجاهل السفيه
فكل ماقال فهو فيه
ما ضر بحر الفرات يوما
ان خاض بعض الكلاب فيه

زي ما أستاذ خالد قال
والله يرحمه الإمام الشافعي مبدأه يصلح لكل زمان وكل مكان

مش محتاجة كلام وأنا شفت الموجودين وشفت سعادتهم باليوم وشفت إن لسه في قلوب الناس خير كتير والتشجيع علي إن الخير ده يخرج والمساهمة في تنظيم حاجة زي كده أكيد ثوابها أكبر من أي نميمة أو سفه بيتقال أو بيتعمل ..وربنا يكفينا شر السفهاء ويبعد عننا شياطين الإنس والجن..ومش ممكن هنأجل توصيل أي خير عشان حد مريض نفسياً

استمري والناس اللي قبلي قالوا ما فيه الكفاية ..وربنا يجازيكي كل خير وكل واحد ربنا يجازيه علي أد نيته
سلام عليكم

Gannah said...

داليا
كل عام وانت بخير
يارب تكونى أحسن وتكون مشاعر المرارة زالت من نفسك
عيد سعيد ولك منى دعوات فى عرفة ان يجعلك الله سببا فى خير اكثر ويرزقك الجنة انت وكل من تحبين
تحياتى

جنّي said...

السلام عليكم ورحمة الله وبركاته


كل عام وانتم بخير بحلول عيد الأضحى المبارك
كل عام وانتم على صعيد عرفات
كل عام وانتم من الحجيج
كل عام وانتم من الملبين
كل عام وانتم من المكبرين
كل عام وانتم من المهللين
كل عام وانتم مغفور لكم
كل عام وأنتي حرة يا أمتي

أخوكم سعيد

رندا said...

حبيبتى دوللى.. كل سنة وانت بخير
عيد سعيد عليكى وعلى اولادك وزوجك وكل اسرتك

بحبك اوى

مووووووة

أمل فتحى عزت said...

السلام عليكم
كل عام وانتم بخير بمناسبة عيد الاضحى المبارك أعاده الله عليكم بالخير والبركات
مع خالص تحياتى