Tuesday, December 30, 2008

صديقى الفلسطينى

دائما ما كان يحذرنى اصدقاء الجامعة من معرفة الطلبة الفلسطينين لما يحدث بينهم و منهم من دسائد و مؤامرات .. و تشاء الظروف لاتعرف به دون ان اعمل انه فلسطينى للهجته المصرية جدا و اصبحنا اصدقاء برغم نصفه الفلسطينى الذى لم اشعر به ابدا فى تعاملى معه و اصبح من اعز الاصدقاء لى لوقتنا هذا و شاءت الظروف ان يجمعه مجال العمل مع زوجى فى نفس المكان فاصبحت الصداقة عائلية ..و لكن اضطرته الظروف لاسرته الصغيرة ان يرسل زوجته و اولاده لفلسطين و بعد عام من الوحدة قرر ان يسافر هو ايضا ليعيش نصه الاخر و لسوء حظه بعد دخوله فلسطين بدات احداث حصار غزة ولم يستطيع العودة مرة اخرى لمصر

و اصبح اتصالى به عن طريق الموبايل او الانترنت ..و اصبح هو مصدرى لسماع اخر اخبار غزة

و كنت ابكى لسماعى منه ان اولاد عمه تقاتلوا حتى الموت لان احدهما حماس و الاخر فتح ..و ان افراد البيت الواحد ..و هناك البيت غالبا بتكون من الاسرة الكبيرة الاب و الاعمام و الاولاد و الاحفاد .. قد يبلغون عن بعضهم البعض حتى يتم القبض عليهم من الحزب الاخر

و هالانى ما اسمعه منه عن ارتفاع الاسعار و استغلال ابناء البلد للوضع للربح .. و كيف ان من منهم يملك نفق يعبر تحت الحدود يعتبر من الاثرياء .. و كان يقول لى ساخرا ادعى لى اكون من اصحاب الانفاق ..و كنت فى سرى ادعى له ان يكون من العابرين لها حتى يعود لمصر مرة اخرى هو و اسرته

و لكن ما اثار استغرابى انه كان دايما يقول لى نحن فى انتظار دخول اليهود هم من سيضعون حد لتلك المجازر الاهلية ..و كنت اساله كيف تنتظرون اليهود و هم اعداء لكم و يقتلون اطفالكم و نساءكم و شيوخكم .. فكان رده دائما انتى لا تعلمين ما يحدث هنا ولا احد يعلم الا ما يريده العالم ان يصل لكم ..ان اليهود ينتظرون حتى نقضى بعضا على بعض

و عندما قام الاهالى فى غزة بكسر الحدود المصرية و دخول الفلسطينين لسينا و تركت مصر الحدود بعض الايام لهم بحجة انها تحاول السيطرة على الحدود ..و قام وقتها الفلسطينين بالسرقة و الشغب ..و اعتذر هو كثير عما حدث بعد ما ذهبت القوافل المصرية بالمساعدات الكثيرة لهم و كان اهمها الادوية و البنزين الذى يستخدم اكثر لتشغيل المواتير لتوليد الكهرباء .. قلت له كيف تعتذر و هو من حقهم كناس تحت الحصار و الحرمان فالطبيعى انهم سوف ينهوش اى شىء يشبعهم



و بعد احداث غزة الاخيرة

شعرت انى لابد ان اعتذر .. اعتذر اننا - بالرغم من مراوغة اليهود المعهودة من ايام الرسول الكريم - انساقنا ورا من قال ان زيارة الوزيرة الاسرائيلية ما هى لتبليغ مصر بضرب غزة .. و اليس اليهود بالذكاء الكافى لتضليل العرب بتلك الزيارة حتى يقلبون العرب بعضهم على بعض .. الم يحدث ذلك من قبل فى عهد الرسول .. الم يحذرنا الله فى القران منهم !!!

اعتذر لاننا لن نسمح ان تكون الاراضى المصرية مفتوحة كمأوى للفلسطينين حتى ينعم اليهود بوضع رجلهم على اول الطريق لنكوث بمعاهدة السلام بحجة انها تتبع الفلسطينين

اعتذر باننا لن نستطيع تقديم المساعدة عبر المعابر الا للمرضى اللذين سنوفر لهم الرعايا الكاملة فى اكبرالمستشفيات المصرية
اعتذر ان كان اليهود استطاعوا ان يظهروا مصر بالعدو المتأمر معهم و كل العرب اطلقوا حناجرهم للقصاص من مصر

لك الله يا مصر .. فحتى ابناءك ينساقون وراء الخطط الصهونية دون تفكير
و لك الله صديقى العزيز انت و اسرتك و اهل غزة جميعا

45 comments:

Empress appy said...

بصى يا صديقتى
انا هجمع اللى طلعنا بيه من الحرب دى فى بوست لوحده بجد ومش هقولك طلعت منه بايه بس عارفه انى هفتح النيران الصديكه والشكيكه والعدوة عليا بس عادى ولا بيهمنى وبما اننا الحمد لله مبنمشيش مع القطيع ومعندناش عاده العالمه ايوه اللى بتمسك صاجات خلاص وبقينا بنفكر وبعدنا عن الهسس والهوجه فى الكلام فانا متفقه معاكى فى كل كلمه قولتيها

Empress appy said...

هو انا اول تعليق اه اكيد

بصى من الاخر انا اللى احتليت المدونه وانا اللى ناويه انطح فى الكلام مع اى حد فسيبنى بقى اطلع اللى عملته فيه بطوط هنا منكن ولا لا

قوس قزح said...

و انا فى انتظار البوست ده
لان للاسف لاقيت اغلب الناس عاملة زى ما بتقولى كده ..عالمة بصاجات ..انا عارفة ان البوست ده هيكون فى بعض الهجوم بس اتمنى انه يكون هجوم محترم و مش هجوم عوالم

Empress appy said...

هجوم ليه هو احنا مش عاوزين نشوف الحقيقه الريس لبى النداء بتاعى الحمد لله وطلع فى التى فى وقالها بكل صراحه هو ملتزم بحدود واتفاقيات ومينفعش يفتح المعبر طول الوقت الا بالاذن من السلطه الفلسطينيه اللى هى فتح وطبعا حماس رافضه وفتح مزنجره طيب هنعمل ايه نقلبها سوق حره بقى ونخلص هو اه جاب ليه شلل رعاش ويا ريته ما لبى النداء بتاعى وطلع بس اهو الراجل مانكرش وقال لا
عموما مصر من زمان مستهدفه وبيبان اوى من العرب واللى بيلقحوا كلام ومحدش فيهم عنده شعره انه يتكلم بلاش حاجه تانيه ما يضربوا هما ولا هى جعجعه وبس
عموما اللى فى ايدينا بنعمله وهنعمله وبندعى وبندعمهم وبنبعت لهم حاجات كتير وده حقهم لانهم اخواتنا ويا رب صوتنا يوصل للعالم فى النهايه ويعرفوا اننا بنعمل لاخواتنا واصحابنا ومش طالبين زعامه لان مصر طول عمرها فوق الكل بصراحه
تصفيق حاااااااااااد
حححححححححححححح

محمد عبد الغفار said...

الله يفتح عليكى

قوس قزح said...

ايه يا آبى ده ..انزلى من على المنصة :)
علشان فى ضرب نار هنا ..و الرصاص الطايش كتير
و للاسف لما بيصيب حد بيتقال ان الرصاصة كانت غلطة و كانت موجهة لليهود و احنا اللى ظهرنا فى النص

مفروض نعمل حسابنا على بعت قافلة نضارات

رندا said...

اصلا اتفاقية المعابر احنا مش فيها
امبارح سمعت الكلام دة
يعنى مش نقدر نفتح اى معبر
لان مش قرار ممضى علية

الكلام دة سمعتة فى برنامج عمرو الليثى
وواحد عمل مداخلة امبارح قال معابر اية الى مش عملين اتفاقية عليها دة عمل انسانى
احنا مش شغالين بالعمل الانسانى يادوللى
احنا شغالين بالاتفاقات
ومعنى كدة بقى لو هنتعامل بقلبنا بس بدون سياسات ولا اتفاقات هيكون فى هرج ومرج كتير
شوفتى مثلا الظابظ المصرى الى انضرب من حماس امبارح

كانوا وفروا اصلا الرصاص الى كان فى الهواء دة وموت ناس من عندنا لليهود

نعم يوجد تجازات فى تصرفات بعضاً منهم مثل مايوجد عندنا تجاوز فى اى مظاهرة بنقوم بيها مش بتكون مظاهرات بناءة ودى مشكلة حال العرب مش فى حكمة فى التصرفات
وبعدين لو صديقك عايز اليهود تدخل اهى دخلت وضربت حالة اية دلوقتى هو واسرتة
الناس اصبحت بتتخبط مش عارفين اى حاجة وهو دة الى عايزينة لينا
اننا مش نفهم اى حاجة فى اى حال
وبعدين الفلسطنين سابوا كل المشاكل ومسكوا فى فتح وحماس
وعملوا فتنة بينهم لغاية لما ضربوا فى بعض

ودى كلها بفعل اليهود
احنا نقدم عقولنا ليهم على طبق من دهب وبنقولهم سلمنا ليكم عقولنا

مع الاسف طول مش فى وحدة بين العرب وبين الطوائف طول ماليهود هى الفائزة بتعمل الاول حرب باردة
واحنا نصدق

عارفة يادوللى الى بيلخلخ الوتد
هما بيعملوا كدة لما الوتد ياخد كل حاجة ويطير بيها

بوست هايل يادوللى
مع انى مكنتش عايزة اتكلم فى السياسة لان اصبح الحال سياسة ايكا
بس اهو ياعم اتكلمت

تسلملى يادوللى على المعلومات
وقولى لصديقك الفلسطينى قلوبنا معاهم وعقولهم فى راسهم لازم يتحدوا مع بعض ولازم يبطلوا فتح وحماس دى
لو اصلا عرفوا لية الاسباب الفلسطينين
مكنوش بلغوا على بعض
دى سياساااااااااات وكل واحد عايز يكون الاقوى والمنفرد بكل قرار واهل البلد بيصدقوا طبعاً
وكانهم اعداء بعض المفروض المصلحة مشتركة تطهير الارض
مش التبليغ على بعض

عااااااااااا
اتكلمت فى السياسة
ومكنتش عايزة اتكلم
ربنا يسامحك يادولتى
ولو يوجد عندك اعتراض فى اى كلمة
انا هرد على اعتراضك
لكى منى بجنية حلاوة علشان الى هيحصل بعد كدة

قوس قزح said...

محمد عبد الغفار

ربنا يفتح على عقول المصريين كلهم


تحياتى

قوس قزح said...

رندا
اولا انا اللى هديكى بجنيه حلاوة على تعليقك

ثانيا
بالنسبة للحال فى غزة و فلسطين عموما
احنا مش بيوصل لنا غير اللى الاعلام الفلسطينى عايزنا نعرفه
صعب اوى تشوفى اهلك بيقتلوا بعض ..اكيد ارحم ان اليهود هم اللى يقتلونا و نكون شهداء .. مش اهلنا

و بالنسبة للمعبر ..حتى لو مفيش اتفاق دولى .. فتح المعبر هو اللى اليهود عايزينه علشان تتفتح سينا لهم بطريق مش مباشر بحجة ان الفلسطينين فيها

تفتكر احنا بوضعنا الحالى نقدر تقف قدام اسرائيل ؟؟ خصوصا بعد ما حصل فى العراق و افغانستان و هم كانوا خبرة فى الحرب سنوات مع ايران وروسيا !!!

احنا للاسف جوه البلد مش عارفين عايزين ايه ولا مين .. تفكترى ده مش سهل اختراقه من اى عدو ؟؟

بشكرك على تعليقك السياسى :)
و معلش انا بردو مش بتكلم فيها بس الوضع مستفز اوى

تحياتى

رندا said...

اولا انا اللى هديكى بجنيه حلاوة على تعليقك

**

لا ياعم انا عايزة اسنكرز ههههه

**

ثانيا

صعب اوى تشوفى اهلك بيقتلوا بعض ..اكيد ارحم ان اليهود هم اللى يقتلونا و نكون شهداء .. مش اهلنا

**

يعنى يادوللى بيدى لا بيد عمرو
دة بدل مايتفقوا مع بعض ضد الاعداء
**

و بالنسبة للمعبر ..حتى لو مفيش اتفاق دولى .. فتح المعبر هو اللى اليهود عايزينه علشان تتفتح سينا لهم بطريق مش مباشر بحجة ان الفلسطينين فيها

**
صح كدة انتى صح مية المية
هماعنيهم على سينا ترجع ليهم
ودى الطريقة الوحيدة للدخول
وفى ناس كتيرة مش فاهمة النقطة دى

**

تفتكر احنا بوضعنا الحالى نقدر تقف قدام اسرائيل ؟؟ خصوصا بعد ما حصل فى العراق و افغانستان و هم كانوا خبرة فى الحرب سنوات مع ايران وروسيا !!!
**
حتى لومش نقدر
فاكرةايام جمال عبد الناصر
لما كل العرب بيحترموا كلمتة وكان لينا رائ وصوت مسموع
وكل العرب كانوا قادرير على كل المصاعب فين راح دة
الاتحاد قوة واحنا مش فى اى اتحاد مع الاسف كل واحد يقول طلامة بعيد عنى يبقى تمام اوى
فين باقى العرب فين الدول الى بتنادى بالاسلام هو الاسلام اننا نسيب اخوانا كدة الاسلام فعل جهاد
بلاش بالسلاح بس كفايا انهم يكونوا قوة دى لوحدها تقلق اليهود
ولا بس شاطرين يهتفوا ويقولوا بعتنا ماعونات طيب ماهو من الاول مش نوصل الحال لكدة
من الاول نقف سد منيع
مين فتح المستشفيات للمصابين غير مصر
**

احنا للاسف جوه البلد مش عارفين عايزين ايه ولا مين .. تفكترى ده مش سهل اختراقه من اى عدو ؟؟

**
سهل طبعا وهو دة الى بنحاول نعملة
اننا نفهم الناس بلاش النفوس الضعيفة
وبلاش الانقاسام فى الاحزاب والطوائف
وظفوا عقولكم بقى فى المفيد
مش فى مين عايز ياخد وظائف ورواتب
ومين وصل ومين مش وصل
ارحمنا يارب

**
بشكرك على تعليقك السياسى :)
و معلش انا بردو مش بتكلم فيها بس الوضع مستفز اوى

**
هو مين الى علق تعليق سياسى
عااااا
لالا مش انا مش انا ياعم انتى فاهمانى غلط خالص

تسلمى يادولتى

Soooo said...

والله مش عارف ولا فاهم
يعني لما المعبر يتفتح وكل الفلسطينين ينزلو مصر .. مين اللي هيحارب؟؟؟

لما بتوع حماس عمالين يضربو نار في السما معترضين على الوضع اللي هم فيه ويقتلو ظابط وظيفته انه يقف عالحدود .. مين اللي هيستفيد؟؟

لما بتوع حماس هم نفسهم يمنعو دخول المصابين من الفلسطينين ويقولو لا .. ياندخل كلنا يا نموت في فلسطين .. مين المستفيد؟؟؟

بصي
الحل من وجة نظري .. ان القيامه تقوم بقى ونخلص
ذنبهم ايه الاطفال اللي ماتو دول؟؟
ذنبهم ايه الناس اللي ماتو سواءا فلسطينين او الظابط المصري؟؟؟

ده بجد حرام يعني

Unknown said...

تتكاثر السلبيات و المؤامرات و الغباوات و الحماقات

و لكن .. لغزة ربٌ يحميها

Mafrousa said...

يسلم ايدك يا داليا
بردتي ناري
انتى و آبي و
محمد عبد الغفار
و رندا
و سوووو
الحمد لله ان في ناس فاهمه و عارفه و حاسة
انا كنت فى حالة اكتئاب
من بعد ما قريت كام بوست
حسيت اننا مش بنشغل مخنا فى التفكير و لا التحليل
احنا منساقين للى ظاهر
و عمر الظاهر ما بيكون انعكاس جلى للباطن
ربنا يسعد قلبك
فعلا هديت بعد البوست
بس ازاي نخلى كل البلوجرية يقروه
لازم يقروه و يفهموا
و يعرفوا ان مصر احسن منهم كلهم
وولاد مصر احسن من اي واحد فيهم
و حنفضل طول عمرنا احسن ناس و لازم نحس بكده و نتصرف على اننا الاحسن و نشغل مخنا
كفاية ان فيه فى بلدنا ناس مش لاقيه ناكل و برضه بنوزع الاكل لفلسطين
فيه مصرين مش لاقيه الدوا
و برضه بنرسل ادوية
فيه ناس مش لاقيه بطانيه
و احنا بنبعت بطاطين
يارب استرها على مصر يارب و على المصريين

البت المشمشية حلوة بس شقية said...

الله ينور عليكى يبنتى
ليكى عندى نص جنيه
وبعدين بلنسبة لكل ده
انا حاسة باخبطة وفركشة
زى صنيه البسبوسة اللى عليها طرشى
لكى ان تتخيلى بقه

جنّي said...

السلام عليكم

هناك مقولة اظن انها لسيدنا عمر بن الخطاب : عجبت لم لا يجد قوت يومه ولا يخرج شاهرا سيفه على الناس ..
ما حدث من الناس في غزة عند اقتحام المعبر كان بسبب الحصار من ابناء دينهم وجلدتهم .. بسبب الجوع والظلام وعدم وجود ادوية لعلاج مرضاهم ..

وما يحدث في غزة والضفة كان سببه الرئيسي قيادات فتح التي سرقت اموال الشعب الفلسطيني على يد دحلان القذر وغيره مثل نمر حماد ويمكنك سؤال صديقكم الفلسطيني عنهم ..

اما من ينتهز الوضع فسببه اغلاق المعابر وليس الناس فالناس يريدون الغذاء والوقود والدواء فلو فتحت المعابر لاختفت هذه المظاهر السلبية ..ومن ينتهز حاجات الناس من الطرفين المصري والفلسطيني لا يعبرون لا عن الفلسطينين اوالمصرين الشرفاء ..

مصر كان لها دور على مر العصور في حماية الشرف العربي والاسلامي ..وسيستمر مهما حدث رغما عن انف الحكام المتخاذلين ..

وما يحدث اليوم في غزة الصامدة يعبر عنه الشعب المصري الحر الشريف بكل طوائفه وانتمائاته ..

ولكن الحزب الفاسد والحكومة التي تحكمنا ووزير خارجية ارعن هم من اساءوا لمصر وللمصريين .. ولكننا كمصريين وانا هنا مصري في خارج البلاد لا يستطيع احد ان يتكلم او يتفوه عن مصر ولا نسمح له ..فالكل يعرف دور مصر والمصريين على مر العصور

واخواننا في غزة يحتاجون منا العون ولو كانت في يدنا لقمة واحدة لاقتسمناها معهم .. لان هذه اخلاقياتنا ودورنا التاريخي تجاه المسلمين المستضعفين في كل مكان ..

ماذا لو حدث لنا ما حدث لهم ؟
وقد حدث من قبل في 76 و73 .. ولا ننسى دور الشيخ زايد والرئيس هواري بومدين ..ان لم نكن جميعا يد واحدة لافترسنا اليهود .. وحينما تحارب مصر تحارب من اجل مصر اولا لاننا مستهدفون من يهود حاقدون على مر العصور ..
ولن يترك اليهود مصر الا بتحقيق حلمهم بتكوين دولة اسرائيل الكبرى وتصبح مساكن شيراتون المطار وعين شمس ارض يهودية .. ولكن هيهات هيهات .. لذلك لابد من الاتحاد والتضامن مع كل العرب والمسلمين .. فنحن اقوياء باخواننا .. اما ان كنت وحيدا فسأفترس كما افترست فلسطين والعراق بسب التشرذم العربي ..

في وقت الازمات والشدة يظهر المعدن المصري الاصيل وهذا ما يظهر في الشعب المصري الجميل بعيدا عن من يحكموننا ..

والمخطط الصهيوني ينفذه ويساعد في تنفيذه حكام ما بين عميل وخائن وليس الشعب الذي يريد ان يمد يد العون لاخوانه وهم يبادون بشكل همجي بربري ..

هل نتركهم في هذه الحالة ؟

للاسف المخطط الصهيوني هو ان يجعلنا نحس بالعجز وان نتفرق وننظر لما يحدث في غزة ولا يحمر وجهنا غضبا ولا حتى خجلا ..

شكرا ولكي التحية

Anonymous said...

.. يارب يخللى سنة 2009 جميلة عليكى
..احلى من 2008
..و2007
..و2006
..و2005
..و

أنت وراكى حاجة؟

ahmed_k said...

معقوله!!!!أبناء البيت الواحد يقومون بالتبليغ عن بعض
أنا كنت بسمع أن الأمور دي بتجري في العراق أيام صدام ومخابرات حزب البعث
لكن حتى الشعب اللي ظروفه لا تسر عدو ولا حبيب بيعملوا كده ؟؟؟؟
غعلا رحم الله ياسر عرفات وأحمد ياسين فمن بعدهم إنهارت القضيه الفلسطينيه وأصبحت الحراب توجه لقلب الأخ وأبن العم بدلا من قلب العدو
وموضوع مصر طبعا أنا برفض المزايده العربيه ضدها وأفضل رد عليهم
لا تعايرني ولا أعايرك دا الهم طايلني وطايلك
فإن كانت مصر حاليا متآمره قيراط على غزه فكل دوله عربيه أخرى متآمره على غزه 24 قيراط
وبالنسبه لحزب الله وتحميسه للجماهير ضد مصر فطبعا لهم حسابات أخري بيتم تصفيتها ولأن إيران تريد فرض واقع عربي جديد تخرج فيه مصر من حلبة المنافسه يعني لعبه قذره والجماهير بتشتعل بسهوله جدا
ده حتى في اليمن إقتحموا السفاره المصريه هناك وخربوها,( حتى اليمنيين والله هزلت

قوس قزح said...

رندا
اولا
اسنكرز ؟ ايه الطمع ده

ثانيا
فعلا الامل اننا كلنا نتحد و نكون جبهة واحدة قدام اى عدو
لكن للاسف احنا وصلنا لمرحلة ان الشعوب نفسها بتكره بعض و بيشتموا على بعض ..ازاى هنقف فى صف واحد و احنا جونا العصبية القبلية دى


تحياتى لكى يا سوياسية :)

قوس قزح said...

soooo

الاسئلة اللى بتسالها دى ملهاش الا معنى واحد
ان مخك شغال صح و بيسأل الاسئلة اللى كتير مش شايفنهاو شايف حاجة واحدة بس و هى رفض مصر لدخول الفلسطينين من غير ما يحاولوا يفهموا السبب

و للاسف فى فجوة بين الشعب و الحكومة علشان كده احنا مش عارفين نوصل للاسباب

بس تفتكر القيامة ارحم يا رااجل ؟؟

الامل فى رحمة ربنا

قوس قزح said...

عاليا حليم

كل الحاجات اللى قلتى عليها دى هى سبب اننا زى التايهين و بنسلم دماغنا لده و ده يعبوا فيها اللى هم عايزينه

ربنا ادانا حاجتين كان ممكن اوى اننا نملك العالم بهم
و هم القران و البترول
لكن للاسف احنا مش بنقدر النعم اللى بين ايدينا

و غزة لها الله يحميها الى ان ياتى يوم و تمتلك اليهود الارض من الفرات للنيل

همس الاحباب said...

بصراحة ما عنديش تعليق اقوله
غير تسلم ايديكى
لانكى اصبت كبد الحقيقة
والكل ينساق وراء الشعارات الرنانة
والكل يعلم من هو العدو ومن هو الصديق
تحياتى

Empress appy said...

اخر تعليق وهمشي والنبى من غير رش ميه الا انا بردانه بس معندكيش انبوبه المهم
احنا دلوقتى مش فى وقت نقول كمان مين غلط المهم ننقذ الاطفال اللى ملهومش حول ولا قوه مش مشكلتنا فتح ولا حماس ولا حتى عباس ابن فرناس
المهم الناس دي ربنا يكرمها وبعدين نقعد نطلع عنين بعض براحتنا ولا ايه يا حج يالا سلام بقى كفايه عليكي كده
كلمه كلمه اليوست ده اعتقد ان مش هدفه مهاجمه حماس ولا فتح علشان حد يدخل يبرر لحد احنا غرضنا نقول مش وقته يااااااا عالى كمان اننا ننساق فى فكره ونسيب الراس وامسك فى الرجلين الا الرجلين ضعيفه اوي

Empress appy said...

وبعدين يا صديقتى متخافيش عليا من الرصاص انا خلاص اخدت على كده وبعدين ما انتى عارفه انى عندي كلاشينكوف فى لسانى شحن ذاتي وبالادب وبالحجه مش بقله الادب

Anonymous said...

و كأن أحمد ابو الغيط يلقي بيانا
اعتقد انتي والبعض يسبح عكس التيار
من كلام صديقك يبني ان اليهود هم الخلاص لاهل غزة اليس كذلك؟؟
صدقيني رئيسنا كان لدية علم مسبق بما سيجري
اقول لك ليه
حماس واي جبهة اسلاميه على مستوي العالم العربي يمثلون ذعر للحكام العرب فهم في الواقع مغتصبي سلطة وهؤلاء مشروع مقاومة فلابد وأدها
اما فتح المعابر اليس هؤلاء اخوة في

الاسلام قبل ان يكونو اخوة في العروبه؟؟

عموما ماكنت اتوقع منك اقحام نفسك في امر شائك يجب معالجته معالجة من كل الزوايا وليس من خلال رأي صديق في الجامعه
عبد الجليل

قوس قزح said...

واحدة مفروسة
انا سعيدة ان البوست ده له اثر كويس عليكى كده
بس المشكلة فى البلوجرية انهم يعرفوا .. المشكلة فى معظم الشعب اللى اصبح مالوش مصدر للمعلومات الا الفضائيات و بالاخص قناة الجزيرة اللى مش فاهمة هى ليه بتكره مصر كده ولا هم شايفين ان لما يعملوا كده هيتسمعوا اكتر !!

اما عن اد ايه مشاعر المصريين بتتاثر بالاحداث و بيحاولوا يشاركوا بأى مساعدة ..فدى حقيقة بننفرد بها عن باقى الشعوب .. وان كان لها جانب سلبى و هو اننا بردو بننفعل بأى شىء و نمشى فى تياره
كويس ان الواحد يكون عنده مشاعر مشاركة لكن المهم انها تكون تحت كنترول العقل

تحياتى لكى و يارب دايما بوستاتى تكون سبب فى لمس قلبك بالفرحة

قوس قزح said...

البت المشمشية حلوة بس شقية
انا متخيلة احساسك طبعا
و للاسف فى ناس كده
و ان كان الكل متفق على شىء واحد و هو الدعاء لاهل غزة برفع البلاء عنهم و عن ارضهم

تحياتى يا شقية :)

قوس قزح said...

جنى

كلامى هنا مش عن الشعب.. كلامى عن الناس اللى بتقوده
و اظن واضح اوى ازاى الشعب المصرى بيساعد الفلسطينين كل ما يكون فى فرصة و المعبر يتفتح بسبب ما
ده حتى وقت كارثة الدويقة و تشرد اسرة مصرية كتير محتاجة مساهدة ..كان فى قافلة رايحة بمساعدات لغزة

لكن خالينى اوضح الوضع بمفهوم بعيد عن السياسة و الحكومات
لو لك جار استغاث بك و فتح له بابك و دخل اكل و شربو فى الاخر راح سارقك وشتمك و هو خارج
و جيه تانى بيقولك الحقنى ..و انت ردك لا مش هدخل حد الا لو فى حد محتاج مساعدة طبية ..وهو يقولك لا افتح لنا الباب من غير شروط
تفتكر هنا هو صح ؟ انت لو عندك اخ او ابن بيموت فى ايدك هتقول لا ياخد معاه يا يموت احسن ؟؟
فى حاجات مالهاش دعوة بالسياسة .. لها دعوة بالرحمة
حتى لو احنا غلط فى رفض استقبال حد تانى غير المصابين .. ليه هم يرفضوا ده و يسيبوا اهل البلد تموت ؟؟
عايزينها ليه تتفتح بدون شروط ؟؟هل السبب ان فعلا يتوفر للناس الامان و لا السبب ان اللى عايز يهرب منهم - و هم عارفين كويس ان اليهود غارتهم هدافها ابادتهم - يلاقى فرصة للهرب ..يعنى يخربوها و يهربوا .. لا بقى
للاسف الفرصة كانت قدام حماس وفتح انهم يصلحوا حال البلد ..لكن كلاهما دور على مصلحته و على مين يكون له السلطة و نسيوا اهل البلد و نسيوا مصلحتها

اليهود و الامريكان بيضربونا و بعد كده يقعدوا يتفرجوا علينا و احنا بنضرب فى بعض
امتى هنقدر نتفق على مصلحتنا و نكون كلنا ايد واحدة
يوم ما يحصل ده ..صدقنى مفيش حد هيقدر علينا

تحياتى

قوس قزح said...

sherif

كل سنة وانت طيب
و سعيد
و بخير
و بصحة
و فرحان
و ...

انت وراك حاجة ؟؟

قوس قزح said...

ahmed_k

و الله يا احمد احنا للاسف عندنا عصبية قبلية بتعمينا و الرسول الكريم قال فيمامعناه ان دى من عادات الجاهلية سيئة اللى مش هنتخلص منها بالرغم من وجود الاسلام
لكن بردو عن أبي هريرة رضي الله عنه عن النبي صلى الله عليه وسلم أنه قال: "من خَرَجَ من الطاعة وفارق الجماعة فمات، مات ميتةً جاهلية. ومن قاتل تحت راية عُمِّيَّةٍ يغضب لعصبة أو يدعو إلى عصبة، أو ينصر عصبة فَقُتِلَ فَقِتْلَةٌ جَاهِليّة، ومن خرج على أمتي يضرب بَرّهَا و فاجِرَها ولا يتحاشى من مؤمنها ولا يفي لذي عهد عَهْدَهُ فليس مني ولست منه"
يعنى اللى تعميه العصبية القبلية و يحارب بسببها و مات ..هو فى الاخر مش شهيد ولا يحزنون ..الاسلام مش اننا نحارب بعض ..الاسلام اننا نجتمع على كلمة واحدة و نقف كالبنيان المرصوص

هو الاسلام اننا نشمت فى بعض كده ؟؟
ولا الاسلام اننا ندعو للخروج عن طاعة ولى الامر ؟؟
ولا الاسلام ان احط مصلحتى الاول قبل مصلحة شعبى ؟؟

للاسف الغرب ان كان بيتسم بالدم البارد لكن فى نفس الوقت بيتحدوا عننا

تحياتى

قوس قزح said...

همس الاحباب

فعلا عندك حق الكل عارف العدو مين لكن مش بنحاول نشوف ازاى نغلبه ..لكن بشوف ازاى كل واحد يطلع التانى اوحش و بس
مع اننا كلنا فى الهوا سوا

تحياتى

قوس قزح said...

Appy

دقيقة البوست ده مالوش اى علاقة بحماس ولا فتح و حتى عباس ابن فرناس
له علاقة بحاجة واحدة بس .. ان مصر مش وحشة زى ما هم بيقولوا كده و ان مهما احنا مع الشعب الفلسطيني لانه شعب مسلم اولا و عربى ثانيا

و على رايك الرجلين ضعيفة اوى و مش هتموت ..المفروض نركز على الراس و ننطح فيها


........

الكلاشينكوف ده مفروض كلنا نوجه لحد تانى مش لبعضينا
احنا بنتلهى فى مين احسن و مين اوحش و ننسى ان فى حد يهمه ان فى الاخر يفضل عدد اقل بس قدامه بعد ما نخلص على بعض
الا قوليلى انتى فيكى عرق صعيدى ؟؟ولا ده العرق العرايشى ؟؟

قوس قزح said...

الاخ العزيز عبد الجليل

الصديق ده ماهو الا انسان يعيش الواقع الحالى لغزة تحت الحصار بدون ان يكون منتمى لاى من الفريقين
ببساطة كده هو ده ابن الشعب العادى بعيد عن السياسة
زى بالظبط لما تتكلم مع حد من اهل بلد بتزوها و يحكى لك عن حالها

انا مش بقول مش نساعد ولا اننا نقفل فى وشهم الباب .. بس باللى نقدر عليه

و بعدين انت بتقول حماس جبهة اسلامية و علشان كده الحكام العرب خايفين منها .. يعنى اسمح لى اسالك ..هى حماس عملت ايه يخلى اى مسلم يقول و الله الناس دى عملت اللى ما يتعمل و لازم نحاول نكون زيها !!
يوم ما حسن نصر الله وقف لليهود كلنا كنا فرحانين به و كنا بنهتف باسمه ..لانه عمل حاجة كلنا نفسنا نعملها واتمنينا ان يكون فى حد فى بلدنا زيه .. واهو شيعى مش سنى زينا

لكن حماس دول عملوا ايه لبلدهم علشان الحكام يقلقوا من تجربتهم الناحجة مثلا

اما عن الزوايا الاخرى للموضوع اللى انت بتتكلم عنها ..اظن موجودة فى بلوجات كتير ..قد تتفق معك او لا
لكن انا هنا بتكلم من زاوية انسانية بعيدة عن السياسة ..و واضح ان مش دى الزواية التى تشغل اهتمامك

تحياتى

شفـقــة و إحســــان said...

ربنا ينصرهم ويعز الاسلام والمسلمين
كل سنة وانتى طيبة

قوس قزح said...

شفقة واحسان
يارب يجمعنا الاول تحت راية واحدة كمسلمين و ينصرنا عليهم

كل سنة وانتم بخير

سندس وأمل said...

لى تعليقان فقط دونا على كل شىء

الفلسطنيين لم يسرقوا بل بيعت لهم السلع...

وعلى فكره مصر مسابتش المعبر دى اتهمتهم

انهم هيحتلوا اراضى سيناء وجه كده فى

كل القنوات المصريه والجرايد

------------------------

الشىء التانى مش هتحدث عن صديقك ولا عن
الى بيقوله.....انا هقول عن موقف مصر:

قبل لما ابدأ الى بيشتم على مصر

بيشتم على الحكومه مش الشعب....

قولى لى انتى متزوجه وعندك اطفال

حتى لو مش فى اعتبرى انه فى استشهد من

اطفالك طفل واحد هتعملى ايه صدقا

ماشى هتقدميهم شهداء ولكن شعورك هيكون

ايه ؟؟؟؟؟؟؟؟؟وبنتك التانيه هتموت

ومحتاجه رعايه خاصه وانتى قاعده فى بيت

مقفول عليكى اربع حيطان مش والعدو محاصرك من

تلات جهات وفى جهه اخوكى متحكم فيها

قولى لى هيكون موقفك من اخوكى ايه

وبنتك بتموت قدامك واخوكى قال لك فى

تعاهدات بينى وبين الى محصرينك مع العلم انه
د
الى محصرينك نقضوا اكتر من عهد مع اخوكى

وانتى عارفه ومتأكده انه مش فى تعاملات

مع بعضيهم وحتى لو كان فى تعاملات

ياريت موقفك هيكون ايه...بس بجد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مستنيه رد حضرتك....سندس

يا مراكبي said...

وتعقيبا على النص الأول من موضوعك .. ياريت نرجع بذاكرتنا ونفتكر إزاي كانت المروحيات الإسرائيلية بتقدر تحدد وبدقة عالية أماكن وتحركات القادة الفلسطينيين وتطلق صواريخها عليهم وتقتلهم؟ زي الشيخ ياسين مثلا؟ ده بيكون عن طريق الجواسيس طبعا

وهكذا

مهندس مصري بيحب مصر said...

انا إتأخرت في قراءة البوست بتاع حضرتك ده

بس انا عندي رد منطقي و حيقنع حضرتك ان شاء الله
و كاتبه كله في البوست ده عندي
http://egyptioneng.blogspot.com/2009/01/blog-post.html

انا طبعاً مش حأنسخه هنا في التعليقات لطوله اولاً و تفصيله الشديد لكل حجج الحكومة و الرد عليها
و لوجود العديد من اللينكات التوضيحية فيه

المهم ربنا يطمئنك على صديقك الفلسطيني
و محدش ينكر إن في أي حصار اكيد بتتكون سوق سوداء

عموماً حضرتك إقرأي البوست بتاعي و اللينكات المتفرعة منه و تعليقات الناس اللي أثاروا تساؤلات كتير رديت عليها كلها
و خصوصاً خيخة اللي هرتني أسئلة
:)
و بعدها انا مستعد اجاوب على أي تساؤل من حضرتك و أرحب بالنقاش

ahmed_k said...

لي سؤال بسيط يا داليا
هو فين جبت سيرة العصبيه القبليه في تعليقي؟؟؟
أنا شكيت يا داليا أنك بتردي على تعليق حد تاني
بس أسمي مكتوب في بداية الرد

ممكن أفهم صلة ردك بما جاء في تعليقي

صبرني يارب said...

على الله الناس تفهم يا بنتى

حقيقى هو ده الحال هناك

قوس قزح said...

سندس و امل

اولا
وقت ما المعبر اتفتح يومين تلاتة و مصر عملت نفسها مش واخدة بالها و انها لسه بتشوف هتحمى حدودها تانى ازاى
وقتها فعلا دخل بلطجية و حرامية و استغلوا الوضع و سرقوا و نصبوا على اهل سينا
و ده ممكن تسالوا فيه اهل غزة نفسهم

ثانيا

انا مش بدافع عن موقف مصر و اقول هى صح ماية فى الماية
لكن خالينى اكلمك بنفس المثل اللى اخترتيه

لو اخويا ده مريض و مش قادر يدافع عن نفسه
و انه لو فتح الباب هينضرب هو كمان على قفاه و يبقى كده البيت كله راحه منا
و فى نفس الوقت بيعرض عليا انه ياخد اى حد من اولادى لو فيه اصابة يعالجه
و انا اقوله لا يا تاخدنى معاه يا لا يموت احسن

فى اوضاع كتير غريبة و مش مفهومة
و ده خاصة بأمور دولية احنا مش واضحة لنا

احب بس اوح لكى حاجة
صديقى الفلسطينى ده لا هو حماس ولا هو فتح
هو عينة من الشعب الفلسطينى البسيط اللى عايش فى وسط المعمعة

و مش ده رايه لوحده
و عايزة تصدقى كلامى فى طريقة سهلة اوى
هتدفعى فيها بس مبلغ بسيط اوى
هو انك تتصلى على اى رقم فى غزة
و الارقام كودها
0097059
و كملى بعده اى 8 ارقام
و اسالى اهل غزة
فى حد بيساعدكم ..فى معونات بتوصل لكم ..ايه رايك فى حماس و فتح و كمان مصر

اظن وقتها مفيش اى كلام يتقال بعد كلامهم

تحياتى لكى
و ركزى فى امتحاناتك
ربنا يوفقكم

قوس قزح said...

يا مراكبى

ل مكان فى الكويس و الوحش
و محدش ملاك
المهم احناو هم نكون فاهمين ده
و يكون حكمنا على اساسه
و منجمعش الناس كلها فى سلة واحدة

اسعدنى مرورك على المدونة جدا
اصل انت خطوتك عزيزة :)

تحياتى

قوس قزح said...

مهندس مصرى

انا هروح اهو حالا
بس اكمل رد هنا و اروح على طول

اسعدنى مرورك

تحياتى

قوس قزح said...

ahmed- k

ههههههههههههههه استنى يا ابنى لحسن انت حظك صعب معايا اليومين دول
هشوف ايه الموضوع ده


الله ما انت بتتكلم اهو عن ان العرب بيستحلفوا لبعض
اهو
وموضوع مصر طبعا أنا برفض المزايده العربيه ضدها وأفضل رد عليهم
لا تعايرني ولا أعايرك دا الهم طايلني وطايلك
فإن كانت مصر حاليا متآمره قيراط على غزه فكل دوله عربيه أخرى متآمره على غزه 24 قيراط

ماهى دى عصبية .. عصبية دى ولا مش عصبية .. مش كل واحد فيهم همه ان بلده تكون مش غلطانة و التانية هى الشريرة !!!!

خضتنى يا شيخ انا قلت الزهايمر زاد نسبته ولا حاجة

جات سليمة :)

تحياتى لك

قوس قزح said...

صبرنى يا رب

انا بس بيصعب عليا الشباب اللى بينساق ورا الاحداث بدون فهم
دى حاجة فى منتهى الخطورة

يارب الناس تقدر بس تفهم الاول و بعد كده مش هيفرق رد فعلهم بقى بدام عن فهم

تحياتى يا ام مريوم

مهندس مصري بيحب مصر said...

ما زلت في انتظار تعليق حضرتك و معرفة هل اقتنعتي بوجهة نظري المعروضة في البوست

و لو لأ يبقى لأ ليه ؟