Monday, February 16, 2009

مفروسة.. بتنجانى.. هستلفكم

تحديث
يا جماعة من تعليق الاخت العزيزة دريم عرفت ان اللى العريس اخده مش الاندروير لكن استيك بيتحط على الرجل اسمه جوتيير ..بس مع ذلك انا مش فاهمة ايه معناها انه يعرى مراته علشان ياخد استيك من رجلها و يحطه فى الويسكى و يشرب منه و يهديه لواحد من اصحابه .. حتى لو دى تقليعة من تقاليع بره ..مينفعش ابدا تكون من عاداتنا فى العالم العربى كله سوا مسلمين او مسيحين
فى حديث تليفونى عن اللى يصح و الى ميصحش فجاة اتقالى قوس قزح اشترى جريدة صوت الامة و شوفى اخر صفحة و بعدين كلمنى
انا اسأل ليه طيب فيها ايه .. لازم تشتريها و تقرا الاول و بعدين نتكلم
انا انزل اشترى جرنال !! .. ده الجرنال بيكون مرمى فى البلكونة و اكسل اقوم اجيبه .. ده انا مقاطعة الجرايد من ايام العبارة الغرقانة و القطار المشتعل و الاتوبيس النايم على جنبه ( كنت غاوية صفحة الحوادث ) .. بس الفضول مسبنيش غير اما اعرف صوت الامة دى فيها ايه
و فعلا نزلت جيبت الجرنال و انا واقفة عن الرجل قريت الخبر
لاقيت كل الفرسة بتاعت مفروسة بتنط من عيونى و ودانى و صرخت يالهوووووووووووووووى
و كل الخرفان و الجديان بتوع آبى بتنجانى قدامى و ابو وردة هيتحدف فى وش اى حد هيكلمنى
و كل الوان قوس قزح دخلت على بعض و بقت غيوم رعدية
ليه بقى .. لان زمان ليلة الدخلة فى بعض القرى و المناطق الشعبية كان لازم يخرج للناس منديل الشرف و بالرغم من وحشية الموضوع و كسفته الا كنت بقول لنفسى يمكن هى دى الطريقة اللى تخرس لسان الناس و تثبت ان البنت شريفة و يمكن نوع من انواع اثبات الرجولة
لكن ان العريس فى الفرح و وسط الناس و الفيديو بيصور و قناة فضائية يدخل تحت فستان العروسة و يقلعها ملابسها الداخلية ببوءه و ياخده و يحطه فى كاس ويسكى و يرقص به و يرمه زى بوكيه الورد كده لاصحابه الولاد و اللى يمسك الاندر وير ياخده العريس بالحضن و يتصور معاه للذكرى المهببة دى .. ده معناه ااااااااااايه
بيثبت ايه البيه لما يعمل كده مع مراته و يهدى اندرويرها لرجل تانى ؟؟
و لما يمسكه و يرقص به زى ما كانوا بيرقصوا بمنديل الشرف زمان ده يعنى اثبت ان الكتكوتة اللى ميتة من الضحك و هو تحت فستانها و بيقلعها خضرا الشريفة مثلا ؟؟
ولا يعنى خلاص الناس دول كده شيك و عدوا حاجز التخلف العقلى و الاخلاقى و بقوا عايشين الحرية صح ..و ممكن نلاقى ولادهم فى فرحهم بيدخلوا على العروسة فى الفرح نفسه بقى عادى و ممكن يشارك معاه المعازيم
انا مش دمى محروق لا انا خلاص من الغيظة بقيت عاملة زى النيجاتيف بتاع الصور المحروقة
و من موقعى هذا اقول انتم كنتوا مستغربين على ام فتحى اللى عند اسامة عبد العال علشان فاتحة مكتب جواز شرعى لرجال الاعمال و العرب فى العشوائيات .. طيب ايه رايكم فى ام كيكى اللى جوزت ميمو لفوفو اللى فاز باندرها توتو عضلات و اتصورا كلهم على قناة الجرس الفضائية و معهم الاندر ابو ترتر
فعلا جاتها نيلة اللى عايزة جواز

56 comments:

~*§¦§ Appy §¦§*~ said...

ههههههههههههه
ده اكرم فريد
الموضوع ده على اليوتيوب من زمان
عاوزه ايه من حد فى الوسط ده
عروسته مش مصريه اعتقد لبنانيه حاجه كده
انا شوفته وبصراحه مقدرتش اتفرس علشان العالم الواطيه واطيه
دى مش شياكه دى وقاحه
والناس كانت سكرانه هو مش مبرر
هو الغبى مكنش عارف انه هيتنشر ومن خيبته القويه طلع بعدين ويقول ده مش صح لما شوفت الفيديو اتأكدت لانى عارفا سخسيا يعنى بس من زمان من اول ما عمل فيلم فرح
لا تستغربى يا فتاه انهم سكارى فى فيلم ابو جهل
وموقفين الناقه تحت

واحدة مفروسة said...

قوليلي اوام الجرنال ده بتاريخ ايه و انا اروح اشتريه
ههههههههههههههههههه
يا بنتى اللى يعيش ياما يشوف

ديه حاجه تفرس بصحيح
بس انتى بتحرقى دمك على ايه؟؟؟
على الشهامة؟؟
ولا على الرجولة المفقودة؟؟؟
و على العروسة الفرحانة؟
ولا على اهلها اللى ستروها؟؟؟؟

انا بقا اقولك اللى فيها
الواد العريس حفى وراها
واهو بيثبت للناس انه قدر عليها و فاز بيها
قصدى فاز بالاندروير

ههههههههههههههههه
ماهو هوه ده كبيره فى الليلة ديه
ههههههههههههههههههه

قوس قزح said...

appy
لا يا حبيبتى سكرانين ايه و بتاع ايه
ده بقى فقرة اساسية فى الافراح
و اتكررت فى اكتر من فرح

لولولولى
عقبال فرحك يا رحااب
بس من غير تقاليع او تقليع ههههههههههه

~*§¦§ Appy §¦§*~ said...

احم
حضرتك فرحى هيبقى على البلاج يعنى كل المعازيم بالشورتات والمايوهات يعنى مش محتاجين الفقره الاساسيه اصلا
نيهاهاهاها
التقليد الاعمى يا دوللى بتاع الشعب المتخلف اللى فاكر لما يحفظ حتى كلمتين انجليزى ويرجعهم فى وش الواحد يبقى كلاس ابو الغباء على الصبح بتعصبينى ليه بس عااااااااااااا
لا ده مش عياط ده صوت السفينه الفضائيه بتاعتى علشان انا ماشيه

قوس قزح said...

مفروسة

اشتريته امبارح يا اختى و انا مش واخدة خوانة

الانيل من كده ان كريم قرا العنوان بتاع الموضوع على الغلاف و طبعا انا معرفتش ارد عليه و قبلتها زعيق ان ازاى يقرا حاجة مش تخصه من غير اذن

و بعدين فاز بها ايه
هو لما يعمل كده يبقى فاز ؟؟ ده يبقى خااااااااااب

و اللى فاز هو اللى اخد اندر مرات صاحبه .. بلا هم

الطائر الحزين said...

ربنا يخزية

بس انا مش مع تحديد المكان اللى موجود فيه الفيديو كدة بندل على منكر من غير ما نعرف
زى اللى بيقول اوعوا تروحو الخمارة اللى على ناصية الشارع اللى تحت العمارة الفلانية

قوس قزح said...

appy
طيب هو ممكن البس الحجاب على البيكينى ؟؟
ولا اقولك ممكن اخد بفتوة ان الباروكة تنفع بدل الحجاب

و لكى عليا اجيب قناة الصرقعة اللبنانية تصور الفرح

استنى خدينى معاكى ..ارمنى على اى كوكب انضف من ده

قوس قزح said...

الطائر الحزين
ربنا يخزيه هو اهله و كل اللى حضروا الفرح و ضحكوا معاه

الجرنال عليه بعض الصور الغير واضحة و علشان كده قلت اسمه ..لكن الفيديو انا مش ضفت لينك له لانه حاجة تكسف و مينفعش افرج الناس عليها

رئيس جمهوريه نفسى said...

يا نهار زحقلى وخروف كاروهات وفرسة افرس من فرسة غرق العبارات مدخل لاباس به واستدلال لا بد منه
تقريبا سير الاخبار بقي معكوس فى مصر فبتوصل الصعيد الاول قبل ما توصل للقاهرة لاني الموضوع دة انا عارفه من السنة اللى فاتت والفديو موجود صوت وصورة على اليوتيوب والقائم بالحركة اكرم فريد المخرج وعروستة لبنانية وعلي فكرة كمان هو رقص الدبكة اللبنانيه واستعاض عن المنديل بال احم احم
يلا ربنا ينتقم منهم يارب

رئيس جمهوريه نفسى said...

من حقنا حاليا طبعا نضيف تحذير على الجرائد المصرية زى بتاع السجائر احترس الصحافة تسبب ارتفاع ضغط الدم وامراض الشيخوخة

Mohamed Hamdy said...

هى اسمها قناة الجرس؟ يمكن عشان بتجرس الناس؟

عموما بكرة ياما الزمن هيورينا . مش بعيد بعد كده يعملوا ليلة الدخلة لايف وقرايب العريس والعروسه يفتحو التليفزيون يتفرجوا .. او حتى يوزعوها اسطوانات

قوس قزح said...

رئيس جمهورية نفسى

يمكن لان من سنة كان بس فرح اكرم فريد لكن دلوقتى الموضوع زاد و اتكرر فى فرح سيرين عبد النور و ناتالى مذيعة قناة الجرس

يعنى بقى موضة

و ان كان على الاعلان بتاع ارتفاع الضغط هنحطه كمان على الفضائيات اللى كل همها الشهرة حتى لو بقلة الادب و انحطاط الاخلاق

Diyaa' said...
This comment has been removed by the author.
اسامه عبدالعال said...

ماهو التخلف نوعيين نوع بيتسم بالجهل زى ام فتحي كده ونوع تانى متعلم مثقف لكنه برضه متخلف المشهد اللى انتى حكيتى عليه بيتكرر فى افراح كتير من مده وازيدك بقي من الشعر بيت فى فرح من الافراح دي فى لبنان العريس شال هدومها كلها وكانت بترقص زلط ملط وهو بيصقفلها ليه بقي ده مش لانه فرفور ولا حاجه لان كل المعازيم والعروسه نفسها واهله واهلها متقبلين الوضع هو كل الموضوع انه نجاح ساحق لغزو ثقافى مدروس لتغييب الهويه وضياع الاخلاق العامه

Sherif said...

عزيزتى

اتفهم تماما انزعاجك الشديد مما رأيتيه
لكنه حدث بالفعل

والغريب انه فعلا خبر قديم ولاادرى لماذا هذا التوقيت بالذات غير انه فضيحة أخرى تضاف لقائمة طويلة فى سجلنا الحافل

ماعلينا .. فلا يمكن ان اعتبر هذه ظاهرة .. فقط تعنى اصحابها ومن هم على شاكلتهم .. ليبرالية ؟ لااظن .. فحتى فى المجتمعات المتحررة على جنانها .. لم يصل أكثر أحلامهم شراسة الى هذا الحد

لاادرى .. آخرة هذا الكلام ايه .. أو ايه الفائدة منه غير خبر مثير ..الأكيد زود مبيعات الجريدة

!!! عارفة ... مش عارف ليه said...

معلش انا فهمي على ادي

الخبر ده فهمت من التعليقات انه في لبنان؟

لان بصراحه الصدمة خلت الخطوط تدخل فبعض

عموما بصراحه مشوفتش الموضوع ده قبل كده ولا سمعت عليه واضح اني مغيب وعايش في كوكب تاني

وكمان التعليقات فيها تفاصيل جديدة لحوادث مشابه وفعلا هي حوادث

بس انا أعرف قناة الجرس دي انها تبع مجلة الجرس اللي رئيسة التحرير بتاعتها واحدة اسمها "نضال أحمدية" ولا هي نضال ولا هي أحمدية

والمجلة من يومها كانت عايشة على الفضايح والمسخرة دي ومتسيطة من زمان

وطبعا دلوقت مبقاش خبر مثير في مجلة ده بقى مباشر



اللهم لا تؤخذنا بما فعل السفاء منا

Appy said...

يا حج ايهاب

ام الفيديو اللى بتقول عليه انا اللى حطيته تبقى بعد اذنك توجهه كلامك ليه مش لحد تانى ومكنش هنا

الطائر الحزين said...

متأسف بس انا بتكلم بصيغة العموم مش قصدى على أحد
عموما متأسف فعلا جدا
بس انا بقول رأى زى ما انا شايف يمكن تكون نظرتى متواضعة لكن اهو رأى والسلام

Appy said...

يا ايهاب
انا مقصدتش ان كلامك غلط
انا قولت كنت تيجى توجهه الكلام ليه النصيحه ليه انما متقولهاش لحد مش فاهم حاجه ولا معنى بيها وانت عارف ان تعليقك هنا بعد تعليقك عند خيخه اللى سبت البوست كله ودخلت علقت على تعليقى

ده القصد انا مبقولش انك غلط انت نبهتنى لحاجه مكنتش فى بالى فهمت قصدى

مـحـمـد مـفـيـد said...

سفته علي موبيل حد من زمايلي من فتره
واتصدمت ومش كنت فاهم ايه اللي بيحصل

ولكن
اذا خرج العيب من اهل العيب مبقاش عيب

المـــفـــــــقــــــــوعـــــة مــرارتـهــا said...

يادي النيلة
تعرفي انه تقليد للغرب بس انا كنت فاكراه الشراب اللي بيتقلع في المناسبات الميمونة دي بس طلع الاندر
يادي الكسوف ياولاه
ويحطها في الويسكي كمان
يادي الخيبة ياولاه
فعلا مصر الموكوسة بلد مبدعين صحيح
ربنا يرحمنا وعمرنا مانشوف حد نعرفه بيتصرف كدة

BAsMA said...

هههههههههه


انا لسة شايفه الموضوع دة عند البت خيخة
وقولت احييييييييييييييييييه

يخرب بيوتهم هى دى الحضارة والانفتاح اللى عيزينه

dodda said...

حاجه كويسه
انا فرحانه فى اللى عملها اول واحد

خليه يشيل
انا متخيلاه بياغمش يالجاز النضيف درجه اولى وبيتولع فيه الى ما لا نهايه...
حسبي الله ونعم الوكيل
-----------
والله يا داليا دا مش كلام بال خبر دا مخطط من زمان اوى
فى الشو تايم وقنواتها اللى مش بتعرض غير كل ما يحض على الرذيله
واحنا شعوب زى السفنجه
قلدوا اى حاجه وكل حاجه
ويكل فخر
ربنا يستر
فاضل ايه؟؟؟

dreem said...

العوافى يا اوختشى
ياختشى ده مش الاندر وير دا حاجة كده زى الجرتيير
الاساتوك بتاع الشوراب ههههه
فى اوروبا والدول المتقدمة يا اوختشى لما ييجوا يتجوزوا عندهم تقاليع زى ما احنا عندنا بنقرص العروسة من ركبتها علشان نحصلها فى جمعتها بلا نيلة هما بقى عندهم تقليع بيتلخص فى الاتى : something old ,, something new ,, something blue and something borrow .
اختشيلى بالك ؟؟
فده يا حبيبتشى من الاندر وير

همس الاحباب said...

ان لم تستحى فافعل ما شئت
ضاعت الاخلاق والحياء والنخوة من الرجال فاصبح كل شىء مباح
وان كان الخبر اتنشر فى الاهرام الاسبوع الماضى
وتوالت باقى الجرائد والمواقع فى نشره
والبعض مستاء والبعض الاخر مذبهل
وانا بصراحة مطنش

قوس قزح said...

Mohamed Hamdy
و الله يا محمد انا كمان مش استبعد ان ده يحصل و ساعتها هتكون الناس كلها لابسة جرس بأريال فى دماغها

قوس قزح said...

Diyaa'
تصدق كل ده @#$@#$*)@#*$()@#*$)@#$@)*#$*)#@*$@)#$)*@#)*$@#
انا جوايا اكتر منه
بس ماسكة نفسى

و بعدين يعنى ازعلك اكتر من كده هتروح فين
ابقى احجز لى معاك اونبلة علشان ننفنجر جماعة :)

قوس قزح said...

اسامة عبد العال
هم الاتنين فعلا جهل بس على الاقل ام فتحى عندها عذر هو الفقر .. دول عذرهم ايه ؟؟

قوس قزح said...

sherif

غالبا اللى خالموضوع يرجع تانى ان واحد عمل بلاغ يطالب بوقف المهزلة دى

بس فى حاجة اخدت بالى منها فى تعليق دريم تحت
ان ده ممكن جدا يكون الجوتيير ..بس انا اول مرة اعرف انهم بيعملوا كده

انا بس مستغربة ازاى هم مش بيدافعوا عن نفسهم و يقولوا ان هو الجوتيير

قوس قزح said...

عارفة مش عارف ليه

و الله مش لوحدك اللى مغيب .. انا كمان زيك

اما عن نضال و الله انا محتارة فى امرها هل هى على حق ام على باطل فى قضايا كتير لها

بس لو دى القناة تبعها يبقى اكيد على باطل

قوس قزح said...

آبى و الطائر الحزين

فى ايه بس الموضوع مش محتاج كل ده

و الحمدلله ان الامور بينكم انتهت على فهم وجهة نظر بعض

بس انا لى تعليق صغير
فى البلوج هنا ممكن كان اللى يدخل ميعرفش حاجة عن وجود فيديو ..بس عرف منك يا طائر .. انت بطريقة غير مباشرة اعلنت انت كمان عن وجوده

اعتقد كان كفاية ردك عند خيخة بخصوص الفيديو


واتمنى يكون سوء الفهم انتهى

تحياتى

مواطن مصري said...

هههههههههههههههههههههههه


لول ام فتحي جامدة
ههههههههههه


يبقى انت اكيد في مصر

Appy said...

يا حنين انت يا ابو قلب كبير
حبيبى يا ابو احمد ههههههههههههههه

(احمد سكر ) said...

ههههههههه

انتى فى الاخر عرفتى مين الشخص دااا

ممممممممممم

بيقولو من عائله فنيه كبيرره


المقطع دا شفته من فتره كبيره

وفعلا مش عارف ليه دلوقتى بينشرو الخبر

بس هو فعلا وانا شفت المقطع

وبيقولو منتج من عائلة (.....بكى) علشان الرقابه بس

يعنى هو ولا بتاع تبادل الازوااج

مممممم

تحياتى

احمد

قوس قزح said...

محمد مفيد
و الله انا مش فاهمة ايه لازمتها يعرى مراته لاى سبب من الاسباب سوا مفهومة او غير مفهومة

و عندك حق طبعا اصل اللى اختشوا ربنا يرحمهم

قوس قزح said...

المفقوعة مرارتها
لا انتى صح
الجريدة هى اللى شافته غلط و عملت ضجة عليه
اينعم الاتنين غلط بس هم ارحم من هم

قوس قزح said...

BAsMA

للاسف احنا مش بناخد من الغرب الا الحاجات الخايبة و اللى مش مناسبة لنا و من اسوء طبقات عايشة هناك

قوس قزح said...

dodda

المشكلة ان الفضائيات الاوروبية بتعرض الافكار المنيلة دى و الفضائيات العربية بتنميها و تظبطها و تعربها علشان الشباب يحبها اكتر و يفهمها اكتر

صبرني يارب said...

ههههههههههههههههههههههههه

دولي

اه يا ستى ما خيخه بقى شافته على التي في يا عينى اتحسرت برضه حسرتك دي

بس هي فعلا اسمها زي ما دريم قالتلك كده وانه مش اندر ويرها يا ستى يا ام ظنون وحشه انتى
ههههههههههههههههههههههه

معلش معلش

هابقى اوريكى صورته بس بينى وبينك بقى
ههههههههههههههههههه

Gannah said...

والله يا داليا فعلا اللى يعيش يا ما يشوف الدنيا بقى فيها العجب
ربنا يستر بس عايزة اقولك ان اللى بيشرب ويسكى هيجيب نخوة ومروءة ولا حياء منين يعنى على رأى الست كريمة هما اللى بيجرى فى عروقهم دم ولا ميه ساقعة؟؟ ..هما دول بقى الرجالة الاستايل؟؟
بلا خيبة
تحياتى

نهر الحب said...

اولا
انا جيت اقولك جزاكم الله خيرا على استطبل عنتر ودا العشم يا دوللى
اما عن الفيلم فيكفى ان اقول انه رجل معدوم الحياء والرجولة
لانه لو عندة حياء مش ممكن يعمل كدة اما لو عنده رجولة فمش ممكن ميغيريش علن ان رجال يمسك اى جزء من ملابس زوجتة
مش يعرضها لموقف بذئ كدة
لكن بجد شكلنا ياما هنشوف

أحمد الحيدر said...

معرفش بصراحة محضرتش عشان أحكم :)

بس حبيت أمسي :)

الربان said...

تحياتي

الموضوع و اقصد به العريس و العروس
وما تم...ليس بجديد...بل اعتقد انها
عادة لدي بعض الفئات في لبنان الشقيق.

المهم...علينا ان نحمد الله حمدا كثيرا لانه
عافانا مما ابتلي به غيرنا من سفاهة
و جاهليه...

تحياتي و تقديري

Diyaa' said...

أفضل مبدأ اللا تعليق :)

قوس قزح said...

dreem
الله يعافيكى :)
نورتى المحكمة و الله
انا لما شوفت الفيديو قلت ايه السرعة دى .. ازاى قدر فى ثوانى كده يخرج من تحت الفستان بالاندر
اما بالنسبة لحكاية something old ,, something new ,, something blue and something borrow
دول علشان العروسة و هى بتبدا حياتها الجديدة يكون معها القديم = الاهل ، الجديد = المستقبل ، المستعار = الاصحاب ، الازرق = الاخلاص و النقاء
لكن اول مرة اعرف ان رمز الاخلاص اللى هو بيتمثل فى الجرتير ابو شريط ازرق بيتفك و يترمى لحد من الاصحاب و هو غرقان خمرة !!

و اظن هنا مع الجيبونات السلك اللى تحت الفستان .. العريس اول ما هيرفع طرفها الفيديو هيجيب لحد رقبة الفستان .. يعنى العريس فى الاخر بيعرى عروسته وسط الناس علشان يعمل تقليعة هبلة مالها اى معنى و كل المفهوم اللى واصل منها بصراحة مش كويس
رفع الفستان ..الويسكى ..واحد من الاصحاب ياخد جزء من لبس مراته
مفيهاش اى شىء يفرح بصراحة

بس بشكرك جدا لانك نبهتنى و انا عملت تحديث بده .. اصل قضا ازرق اخف من قضا بترتر :))

قوس قزح said...

همس الاحباب

انا مستغربة ان العريس مطنش زيك :))

قوس قزح said...

مواطن مصرى

ايوه ام فتحى مصرية و نعترف
لكن ام كيكي لااااااا

هو احنا هنضرب من كل حتة ولا ايه :)

قوس قزح said...

appy
ايه حكاية عيلة احمد معاكى
مرة امه و مرة ابوه
ده ابنه اللى مشجعاه على الفساد :))

قوس قزح said...

احمد سكر

ما انا كمان شوفته
ميتقالش عليهم غير سفهاء

ربنا يهدى

اعتقد الموضوع بسبب المحضر اللى عمله واحد من اسكندرية لرفضه الوضع ده

و بعدين ما تقول السبكى عادى فيها ايه يعنى ده صوره مشرفة فى الجرايد و على صفحات الانترنت
و الله انت محترم
هو جرس نفسه فى قناة الجرس الفضائية اللى حدودها خارج الارض
و انت مكسوف فى بلوجى اللى حدوده الوان قوس قزح فى الخيال

قوس قزح said...

صبرنى يا رب
تصدقى انتى ام ظنون ملونة
يا حجة كاتبين فى الجرنال
انا قرررريت كده فى الجرنال

مكنتش اعرف ان فى فيديون كمان.. كنت اخدت درس خصوصى قبل البوست

و بعدين عايزة تورينى صورة الجرتير !! تحبى انا اجيبهولك على الطبيعة ههههههههههههه


كل سنة و انتى طيبة و عقبال 100 سنة

قوس قزح said...

Gannah
و الله الست كريمة دى دايما تقول حكم جميلة

بس الواحد استكفى من العجب اللى فى الدنيا بصراحة

قوس قزح said...

نهر الحب
ايه يا بنتى الاختفاء ده
و الله كان نفسى تكونى معنا لان اليوم ده انا عارفة انه كان هيفرح قلبك


اما عن العريس تفتكرى هو فارق معاه كل الكلام اللى اتقال فى الجرايد ؟؟
ما اظنش ..لانه شايف الرجولة بطريقة تانية خاااالص .. بالمقلوب

قوس قزح said...

احمد الحيدر

الحمدلله انك مكنتش موجود و الا كان نالك من الذنب جانب

يسعد مساءك :)

قوس قزح said...

الربان

هو يمكن الجهر بالمعصية هو اللى بيخلى الواحد يتجنن
يعنى هى ان كانت بتحصل عادى فى مجتمع معين .. الجهر بها هو اللى بيفجرها

و ممكن للاسف ناس تانية مش فاهمة الصح من الغلط تقلد
يعنى لو حد اخلاقه بايظة اصلا و قرا الخبر غلط فى الجرنال ممكن فعلا يقلد و يعمل اللى مكتوب فى الجرنال

الحمدلله على نعمة العقل

تحياتى

قوس قزح said...

Diyaa'
و انا فاهمة وجهة نظرك
كفاية زيارتك

راجى said...

:)