Sunday, March 15, 2009

سبع صنايع و البخت مش ضايع



الحكاية بدات بطلب من بنتى اول ما رجعت من المدرسة مامى انا عايزة ليفنج رووم او مطبخ لعبة و كان ردى طبعا لعب ايه .. مفيش لعب و عندك كتير قالت لا ده مش لى ده للميس .. ازاى يعنى للميس هى هتلعب بهم
.. لا هى عايزانى اعمل بروجيكت عن اوضة من اوض البيت و قالت
هاتوا علبة كرتون و الزقوا فيها لعب على شكل اى اوضة فى البيت

نزلت الف فى المحلات انى الاقى لعب تنفع ابدا و جوزى قالى ايه ده بدل ما يخلوا الولاد يفكروا و يشتغلوا بايدهم يخلوهم يشتروا لعب يلزقوها دى مفروض تعمل الفرش بايديها
المهم كبرت فى دماغى و قلت انا هادوخ نفسى ليه .. انا اعمله و خلاص
و طبعا لا جوزى المقترح للفكرة روحت اطلب مساعدته قالى انا اقول
الفكرة بس و ضحك و رفض يساعدنى بحجة انه مش فاضى
المهم قاعدت افنن و افكر
و فى الاخر دى النتيجة













بعدها بكام يوم جوزى كان عنده تصوير مشهد خاص بفيلم بيعملوه كل سنة
كنوع من الترفيه بين موظفين الشركة و تنمية المهارات و المشهد كان
سخرية من فيلم 300 و كان عايز يعمل خوذة رومانى و يومها قالى
تعالى ساعدينى قلت له نو نو نو و خرجت يومها مع المدونين فى لقاء التبرع
بالدم و سيبته مع المقشة اللى شاريها علشان يعمل بها الخوذة و شوية
جرايد و نشا لانه هيعملها بطريقة لزق الجرايد بالنشا حوالين شىء زى
الكرة و لما تنشف تكون زى القالب و فى الاخر يرشها باسبراى دهبى


و بصراحة لما رجعت اتفاجئت بالنتيجة










اخر حاجة بقى


و هنا كان قرارنا اننا نساعد بعض- بدون غلاسة - فى اننا ندهن بنفسنا اوضة
الليفنج - اللى بجد - و نحولها لاوضة لبنتنا لان خلاص لا مفر من
فصل القوات خصوصا بعد ما ظهرت على الولاد اعراض المطالبة بحقوق
المراة و المحافظة على كيان الرجل .. فقلنا نفصلهم قبل ما ابننا الصغير
يبلغ عنا منظمة حقوق الانسان
و دى النتيجة





ايه رايكم بقى ؟؟

مش الشاطرة تغزل بعصاية المقشة ؟؟

94 comments:

فاتيما said...

فنانة و الله يا دوللى
الله ينور عليكى يا بنتى
خسارة المواهب دى ..
لأ مش خسارة و لا حاجة ..ما هى بتطلع لأعز الناس اهو
فكرتينى بيوسف ...كنا بنقعد نعمل حاجات زى دى برضو و أقوله هتبقى مهندس ديكور ...
أنا كمان عاملة كورنر فى أوضتى مسمياه فيلا يوسف ...
بفكر اصوره بالموبايل بتاع الواد ماجد و أنشره عندى ...
طب لما أغش منك بقى الفكرة
بوسة و حضونااااااااااات كتير

فاتيما said...

آه
هتعملوا يوم المكتبة إمتى ؟
هودة عايزة تيجى تشوفنا فى لقاء من بتوعنا ...
أو اللقاء الحريمى الجميل بتاعنا
شوفوا تحبوا إمتى و فين ...
عشان أبقى اكتب دعوة عندى بقى
سلام جامد

Mafrousa said...

الله الله الله
و الله انتى فنانة بجد انتى وزوجك
الله
يابختى علشان انتى صاحبتي
هههههههههههههه
تسلم ايديكم

قوس قزح said...

فاتيما

ربنا يخليكى يا طمطم
ايوه احنا كمان عايزين نشوف المواهب
و نتفرج على فيلا يوسف
يمكن انا كمان اغش منك و اعملها للولاد هههههههه

موووووووووواه و حضن كبيرررررر

Anonymous said...

فنانة من يومك انت واحمد

هايلة الخوذة وهايل الماكيت .. وهايلة الاودة اللى بجد

ربنا يخليكوا لبعض .. وتسلم الايادى

قوس قزح said...

فاتيما

بصى هرد بكرة عليكى فى موضوع المكتبة
بس اتاكد من الجمعية انهم موجودين و مش مشاركين فى حاجة فى يوم اليتيم

بس مين هودة ؟؟

قوس قزح said...

واحدة مفروسة

يا بختى انا بكى
انتى كمان فنانة
و ذوقك جميل

طبعا مش اختارتينى اكون صاحبتك ههههههههههههههه

نورتنى يا جميل

ميرا ( وومن ) said...

ايه دة بجد والله برافو عليكي انتي واحمد
طب بجد افتكرت موضوع الفيلم ده من كام يوم وقعدت افكر هو عمل الخوزات ازاي وبعدين فين باقي الإكسسوار يا دودو علشان برضة فكرت ممكن يكون شكلة طلع ازاي

ماشاء الله علي شغلكم والأوضة شكلها تحفة يارب هنا تتهني فيها يارب

صيدلانيه طالعه نازله said...

ماشاء الله انتوا فنانين بقى و انا مش عارفه بجد البروجيكت بتاع بنتك تحفه و معموله بروقان و الخوزه و لا اروع و لا اجمل بجد جميله قوى و تكاد تكون حقيقيه
و الاوضه جميله قوى قوى و الوانها مبهجه و سعيده من الاخر بناتى خالص
مبروك عليكم و شكلى حقاولك على شغل الشقه عندى و الاقامه و الطياره على حسابى
هههههههههههههههههه

dreem said...

جدعة والله يا دودو
عقبال ما تفرشى شقة بنتك
تحيتى

فاتيما said...

معلش يا دوللى النون إتخضت من الخوذة و جريت تستخبى
أنا قصدت هنودة
hannoda
صاحبة مدونة غربة
معرفشى تعرفيها و لا لأ ...
هيا نازلة من قطر اجازة
و كانت عايزة تحضر لقاء
من لقاءتنا الجميلة
اللينك بتاعها أهو
http://hannoda.blogspot.com/2009/03/blog-post_15.html
هستنى بقى المعاد يا حبيبتى
خالص حبى

Anonymous said...

ماشاء الله
لا بجد فنانة
دة انتى كدة بجد هتخلينى انا وناس كتير نتعلم منك و نحاول نبدع زيك
جميل جدا

صبرني يارب said...

دولي يا حياااااااتي

طب انا بدأت افكر فى عملية فصل القوات دي يا اختي والله

بس لو طلبت من جوزي نعمل كده باذن واحد احد هالاقي العيال مقلمين بوهيا

بس بجد بجد انا نفسي اعمل انا اوضة العيال عشان النقاشين دول ما عندهمش اي احساس بالفن خالص مالص بالص

والنبى يا اختي انا طلعان عينى في النشاط والقص واللزق والاختراعات الى بيطلبوها المدرسين

لما اجي ابيض هابقى اجي اخد دوره تدربيه عندك يا دوووووولي

وايه المقشه دي ؟؟؟
لبسوها فى دماغهم ؟؟

ايه الافلام العجيبه دي
هههههههههههههههههههههه

صباح الصباح said...

عصاية مقشة اية..لا بجد برافو عليكى جدا جدا

*البت المشمشية *حلوة بس شقية * said...

لاء بجد
لالالالاء بجد بجد
انتى اللى عملتى دهان الاوضة
انا بكلم بجد
رودى
هاة رودى

بجد مشاءالله
والاوضة اللى عمتيها لبنتك بلكرتون
تحفة
دى احلا من اوضتى يبنتى وخصوصا انك عملاها بلموف يجنن
رودى عليا ماشى

*البت المشمشية *حلوة بس شقية * said...

لاء بجد
لالالالاء بجد بجد
انتى اللى عملتى دهان الاوضة
انا بكلم بجد
رودى
هاة رودى

بجد مشاءالله
والاوضة اللى عمتيها لبنتك بلكرتون
تحفة
دى احلا من اوضتى يبنتى وخصوصا انك عملاها بلموف يجنن
رودى عليا ماشى

!!! عارفة ... مش عارف ليه said...

بصراحه موهوبة واللي يشوف البنارات اللي بتعمليها ميشتغربش الشغل ده
والحمد لله البيت كله فني ماشاء الله
والأولاد بإذن الله أكيد على نفس المستوى
لأن المناخ العام صحي والحمد لله
وربنا يحفظكم من مكروه
إن شاء الله

دومتم بكل خير
وليد

dodda said...

الليفنج تجنن
والستاير بجد تحفففففه
تسلم ايدك
انا عندى موبيليا لبيت كامل بالاركيت
كنت بعملها انا وجوزى فى الخطوبه
:)

بجد الحاجه اللى الواحد بيعملها بأيده بتفرح اوى

والخوذه كمان جامده جدا
بس الليفينج طبعا يكسب
تسلم ايديكوا

Diyaa' said...

يا عسل :))
بس لسه في 4 صنايع فاضلين :)
مستنيهم البوست الجاي بقي

خمسة فضفضة said...

السلام عليكم ورحمة الله وبركاته

ماشاء الله

ايه الفن دا كله

لا فعلا سبع صنايع

:)))

قلب ينبض بالحب said...

انا فعلا داخلة علشان اسالك يادودو يوم المكتبة هيبقى امتى ان شاء الله ، بس بجد تسلم ايدك وكلنا جوانا طاقات حلوة لو ركزنا فيها هنطلع شغل غاية في الجمال دمتي بكل الخير

همس الاحباب said...

هههههه
والله يجى منك
الله ينور بجد
يا بنتى طب كنتى قولتى كنت خليتك عملتى نقاشة الشقة بتاعتى
وكنت اعمللك دعاية ببلاش كماااااان
هههههه
لا بجد بسم الله ما شاء الله فنانة ومتجوزة فنانة
يبقى اتخلفوا فنانين طبعا
تحياتى

محمد فارس said...

الاخت العزيزه
قوس قزح
الفن شئ جميل وموهبه من الله سبحانه
مشاء الله عليكي وعلي زوج حضرتك
عندي سؤال بس اوعي تضحكي
هههههههههه
هو زوج حضرتك جاب النشا اللي عمل
بيه الخوزه منين
ولا اقول لحضرتك
خليه يسلفهاني
اعمل بيها مشهد وارجعهاله
وعليها حربه وحصان
ههههه هههه ههه هه
انا اسف جدا شي لزوم الضحك
اصل الواحد بيتلكك
يابخت ولادكم بيكم مع تمنياتي لهم
ولكم بالسعاده الدائمه
ان شاء الله

مهندس مصري بيحب مصر said...

شغل جميل
:)
و أكتر حاجة عجبتني هي كورنيش الصور اللي في دهان الأوضة

فعلاً سبع صنايع و البخت حلو :)

جنّي said...

السلام عليكم

ما شاء الله والله اسرة مبتكرة ..

ربنا يبارك فيكم

تحيتي

maha zein said...

هههههههههههههههههههههههههه
يا عسل
ايه التلفزيون الصغير ده
ههههههههههههههههههههه
والله ضحكني
ولا ايه الخوذة او مقشة دي
بجد ايه الروعة دي

تحفة تحفة تحفة

ولا البياض
وهم
والله انتوا رايقين وحلوين

ياختي عليكوا كلكم كده
وايه الفيلم اللى جوز حضرتك بيمثله ده
هو ممثل ولا ايه
اوعي يكون احمد السقا وانتي مدارية
بالبرنيطة دي شكله كده توم كروووز

بجد تسلم ايدكوا

شمس النهار said...

بجد بجد برافوا عليكم
عائله فنيه حقا
طلعت في دماغي مره اني ادهن غرفة البنات ونعملها مع بعض وبمااني مهندسة ديكور اصلا فكان عندي فكره لابأس بها وفعلا دهناها وكانت جميله والبنات فرحوا بيها جدا

رندا said...

ياطرقة الوانكـ يادولتى
حلوة اوى بجد
بس يامعلم اجى اشوف بنفسى هههههه
ولا كلة كوم والخوذة كوم والله حلوة بجد
انا بفكر اعمل واحدة لزوم الحفلة التنكرية الى هنعملها
ماتيجى نعمل حفلة تنكرية فى مدونتك ياولتى وكل واحدة تكتب بتحلم تلبس اية وتعمل اية
وكل واحد يحكى كان نفسة يبقى اية
واحدة تلبس سندريلا بفردة حذاء واحدة
وواحدة تلبس تويتى
انا على العموم هلبس ياعم ماسك فاتن حمامة فى فيلم نهر الحب وارقص فالس مع عمر الشريف جوزى
ههههههههههههه
تسلم ايدك ياقمر بفكر اعمل عملتك
بس ااااة ياظهرى
ههههههههه
بموت فيكى
:)

قوس قزح said...

sherif

بعض ما عندكم يا فندم

ولا انت ناسى البوست اللى فورت فيه البيت قبل الجواز ؟؟

و الماكينة الميتة اللى شغلتها ؟؟

و غيرهم كتير .. هنيجى ايه جنبك بس :)

قوس قزح said...

وومن

ربنا يخليكى يا قطتى
الاكسسوارت موجودة اهى
و انا شوفت الجزء اللى صوره طالع تحفة بجد
مش عايزة اقولك انه رسم على بطن الولد اللى مثل الدور شكل العضلات بالوان الميه و فى التصوير باين الولد انه من بتوع كمال الاجسام
شوفتى بقى الحرب خدعة ازاى ههههههههههههههههه

قوس قزح said...

صيدلانية طالعة نازلة

ده كمان التصوير بالموبايل مخلى الالوان مش حلوة اوى
و بعدين انوى انتى بس و انا اقولك على الخطوات بالظبط
اسهل منها مفيش المهم ان يكون عندك صبر
بس لو بالطيارة ممكن اجى هههههههههههههههههه

قوس قزح said...

dreem

ربنا يخليكى
لسه بدرى اووووووووى
نفرش عند بنوتاتك الاول و نستغلك بعد كده فى الفرش عندها :))

قوس قزح said...

فاتيما

ايوه طبعا عارفها

عموما المعاد هيكون زى ما اتفقنا
اول جمعة فى ابريل
و هنزل بوست على بيكيا بالتفاصيل

و هروح اسيبلك خبر بالمعاد عندك دلوقتى

قوس قزح said...

nona

انا تحت امرك يا جميل فى اى سؤال
اشكرك على كلمات المشجعة اوى دى :)

قوس قزح said...

صبرنى يا رب

لازم تفصلى .. الولاد بقوا عاملين زى المطلقين و عايشين لسه مع بعض
.
.
انا بصراحة مش بدخل اى عامل البيت عندى من ساعة حادثة مدينة نصر و من بعد ما جارى سرقنى .. مفيش امان دلوقتى تدخلى حد غريب البيت

الا فى الحالات الضرورية و لازم يومها يكون جوزى فوق راسه
.
.
احنا عندنا بقى النشاط ده كل شهر
لكل مادة
فى طفلين
بلاش تحسبى علشان متتعبيش زيى هههههههه
.
.
ده انتى لو شفتى الجزء بتاع المقشة ده فى الفيلم هتموتى من الضحك
فى سهرة كده هبقى افرجك عليه ههههههههههههههه

وحشنى اجرامك

قوس قزح said...

صباح الصباح

اه زى الساحرة الشريرة هههههههههذ

قوس قزح said...

مشمشة
فى ايه معلقة مرتين ليه ؟؟ للدرجة دى عجبك ؟؟ هههههههههههههه
مش بلاش الشقاوة ؟؟
ايون يا ستى انا بعترف و اقر ان انا اللى عملتها
هم بيقبضوا على اللى بيدهنوا ولا ايه ؟

طيب انا رديت اهو .. و بعدين ؟؟

عايزانى اعملك اوضتك ولا ايه ؟
و زى انهى الاوضة اللى بجد ولا الماكيت ؟؟
اكيد الماكيت..عارفااااك هههههههههههههه

مش عايزة تاخدى الخوذة لفة ؟؟ :))

ahmed_k said...

ما شاء الله الأوضه بالفعل دهانها جميل
والخوذه تظهر وكأنها بالفعل من العصور القديمه فتم صنعها بإتقان بالفعل
والنموذج بالفعل جميل وأبدعتي في إختيار تفاصيله
بس التليفزثون اللي فيه من صنعك ولا ده لعبه ملزقاها ههههه


خالص تحياتي

micheal said...

هايل هايل هايل بجد مش قادر أصدق اللي شليفه
فعلا ممكن الواحد يعمل من حاجات بسيطة اشياء حميلة
نصيحة..يا ريت الموهبة دي تتنمي يا داليا
تحياتي

Empress appy said...

ايه ده تصدقى انتى حد وحش هو البوست ده مطلعش عندى ليه
حلوه اوى يا دودو بجد والله
تسلم ايدك يا حبيبتى

بقولك ايه هى الخوذه دى بقى لونها دهبى ازاي يعنى مش فاهم
طيب بعد ما يخلص الفيلم ممكن بس المقشه يعنى نستخدمها بدل ما تتركن
بجد حلوة اوى الحاجات دى عجبتنى اقولك ولا تزعلى نفسك تعالى ادهنى الليفنج عندى
هى اى نعم الشقه عندى كلها ليفنج بس نمشيها كده ولخاص
تسلم ايدك يا دودو والله

عين فى الجنة said...

الخوذة هايلة

يا مراكبي said...

بجد الفكرتين الأولانيين تنفيذهم حلو قوي .. بجد أنا إتفاجئت بيهم

بالنسبة للفكرة التالتة بقى .. فأنا لو منك أحترف مهنة النقاشة وأنا متأكد إنك هتكسبي منها كويس جدا

هأعملك دعاية ما تقلقيش

ميرا ( وومن ) said...

ملا قولي انا اصلا من ساعة مسمعت حكاية الفيلم دي وانا معجبة بيها جداً

طب اقولك لما الفيلم يخلص إن شاء الله ويتعرض وإن شاء الله برضة ياخد جايزة ابقي سلفهوني اتفرج عليه اوكي يا قمريتي

ميرسي خالص مقدماً
:D

قوس قزح said...

عارفة .. مش عارف ليه

اومال لو عرفت ان دى وراثة كمان من الجدود من العيلتين
يعنى الولاد محاصرين هههههههه

ربنا يخليك يا وليد و يحفظك انت و اهل بيتك

تحياتى

أسوور said...

حلو قوى

هأحاول اعمل كدة لبناتى الجميلات

تحياتى

قوس قزح said...

dodda

هههههههههههههههه
لا لا هى مش منافسة بينى و بينه
هى بس جات كده ان الشهر ده جمع اكتر من انتاج فنى

انا عموما بحب اعمل حاجات فنية كتير بايدى
اخر اعمالى بعض الاكسسورات الحريمى
هبقى افرجك مرة عليهم

بس للاسف مش بكمل فى الحكاية دى كتير
بزهق بسرعة :(

تحياتى لمرورك الكريم

قوس قزح said...

diyaa'

ممكن اقولهم لك دلوقتى
عمل اكسسورات - كل الاشغال النسائية اليدوية تقريبا (كروشيه تريكو خياطة تطريز مكرمية ) - ديزاين - تركيب اجهزة كمبيوتر
كفاية دول ولا اقول كمان :)

قوس قزح said...

خمسة فضفضة

و عليكم السلام و رحمة الله و بركاته

ربنا يكرمك يا دكتور

ده بس من ذوقك و كرم اخلاقك

نورتنى بزيارتك الغالية

قوس قزح said...

قلب ينبض بالحب

يوم المكتبة ان شاء الله يوم 3 ابريل
يارب تقدرى تيجى و تشاركنا يومها

قوس قزح said...

همس الاحباب

ما انا قلت لك ساعتها مكنتش مصدق
اديم ضيعت فرصة بمليون جنيه
عموما مش مهم هبقى اجى امضيلك باسمى على اى حيطة عندك هههههههههههههههههههه

ربنا يخليك يا خالودة
علشان بس تعرف المواهب :))

تحياتى

بس خلاص ... said...

السلام عليكم
كل سنه وانتى واسرتك الجميه بخير بمناسبه المولد النبوى الكريم
ماشاء الله
انتى مبدعة وزوقك رفيع
يعنى ممكن تكونى مهندسة ديكور ناجحة
لكى منى كل التقدير

مي بهاء الدين said...

ازيك يا جميلة
انا قلت أعدي اسلم واشكرك على يوم ماتقابلنا في حفل التوقيع وشراءك كتابنا المتواضع...قوم اييييه
لقيت أعمال فنية جامدة جداً
هايل الشغل ده والله
الأطفال بيستمتعوا أوي بالحاجة اللي بيعملوها بنفسهم
وأظن إحنا كمان
:))))))))))))))))

مـجـنـووون said...

الله ينور انا الصراحة مكنتش متخيل ان هيبقي شكلها حلو كده

وربنا يسعدك يا رب

تقبلي مروري
مجنووون

قلب ينبض بالحب said...

خلاص يا دودو انا هبة الي قبلتك يوم التبرع باذن الله هكون معاكم بس ياريت تنزلي تفاصيل قبليها هنا على المدونة علشان انا مش معايا اي وسيلة للاتصال بيكي

Unknown said...

ما شاء الله عليكى يا دولى
بجد تسلم الايادى وربنا يخلى مكتشفت النجوم
بنتك


وحشتينى يا دوللى

فشكووول said...

السلام عليكم قوس قزح هانم
والله انت عيله فنانه بجد
انت بتعملى لنبتك الليفنج روم وبابا بيعمل عمامه .. قصدى خوزه رومانى

طب هما الميسات والمسترات ليه بيطلبوا من العيال الحاجات دى
طب يطلبوا منهم حاجه بسيطه على قد امكانيات عقلهم عشان يعملوها بايديهم
تعليم هابط بيجيب للعيال تخلف عقلى
تحياتى يا قوس قزح هانم

قوس قزح said...

محمد فارس

ربنا يخليك يا محمد دايما كده تبدا جد
نيجى للتهريج بقى ههههههه
لا طبعا بعد التعب ده كله
و النشا و الجرايد و المقشة
عايز تستلفها ؟
ممكن يأجرهالك اهو يجيب تمن عرقه فيها
هههههههههه

نورتنى و ربنا يسعدك و يخلى البسمة دايما فى حياتك

قوس قزح said...

مهندس مصرى

طبعا لازم يعجبك
اصل ده مش احنا اللى عملينه
ده جاهز ههههههههههههه

يلا شد حيلك و انوى الجواز و انا اجيبلك كونيش هدية :)

قوس قزح said...

نى
و عليكم السلام

الله يخليك و اشكرك على دعائك و لك مثله ان شاء الله

تحياتى

قوس قزح said...

مها زين

ده تليفزيون باربى هانم .. اخدته من بنتى بطلوع الروح
مع انى كنت عاملة تليفزيون بالماكيت بردو .. بس ده عجبنى اكتر اصله موديل 2008 .. مش زى اللى انا كنت عامله 1960 ههههههههههههه

لا ده هو المخرج و اللى كاتب السيناريو و عامل المونتاج
و ممثل دور صغير جدا فى الفيلم
و بعدين ده فيلم مدته يمكن نص ساعة زى حلقات راجل و ست ستات و العيادة و كده
هبقى افرجك على الفيلم لما يتعمل
و انتى تحكمى هل توم كروز و لا عباس ابن فرناس ههههههههههههههههههه

تسلامى يا جميل

قوس قزح said...

شمس النهار

انا اول مرة اعرف انك مهندسة ديكور
ده انا لو اعرف كده كنت صدعتك يوم مستشفى فلسطين
اكيد لازم الاوضة بتاعتهم تطلع حلوة طبعا
دى فكرة شمس الدنيا كلها
ربنا يخليكى لهم

قوس قزح said...

رندا

انتى تنورينى طبعا
فكرة الحفلة التنكرية دى هااايلة و الله
و الاحلى منها اننا نحلم
انا ممكن اختار اتنكر فى شخصية تنكربل او بالعربى تنة و رنة
اصلها كانت عندها مهارات يدوية برضه ههههههههه
اختيارى معاد الحفلة و المدعوين و المدونة تحت امرك و انا هلق فيها الزينة و الطراطير و الماسكات و كله
هاتى انتى بس عمر الشريف و تعالى ههههههههههههههههه

و اصبرى على انك تعملى العملة دى
لحد ما نطمن الاول على ضهرك ده
ههههههههههههههه

انا كمان بموت فيكى
مووووووووووواه

قوس قزح said...

ahmed_k

لا التليفزيون ده مستورد هههههههههههههه
ماهو لازم الصين بردو تثبت وجودها

اشكرك على مرورك

قوس قزح said...

micheal

كل الحكاية ان الحاجة ام الاختراع
يعنى لو مش محتاجين الحاجات دى اكيد مكناش هنفكر فى طريقة لصنعها
و بعدين خلاص يا مايكل كبرنا على تنمية المواهب دى
بس بنحاول ننميها فى الولاد

تحياتى

قوس قزح said...

appy

الريدر ده وحش .. زيه زى الماسينجر
بيوقعوا الناس فى بعض و بيوصلوا الحاجة بمزاجهم

الخوذة يا ستى رشها باسبراى كده زى البويه شوية بيخلى اى حاجة دهبى

و عموما انا شايلة البوية اهى علشان نلعب فى الحيطان عندك و احنا مشغلين اغنية شخبط شخابيط هههههههههههههههه
بس بشرط نصورها و ننزلها على المدونة برضه ههههههههههههه

تسلمى يا جميل

محمد عتلم said...

ايه يا عم ده ؟؟؟
ايه الفن الجامد ده
بجد والله العظيم احلى حاجه فى الدنيا انك تشتغلى بأيدك وزى ما تطلع وغالبا بتطلع حلوه
اااااااه وانا بقول هيا جابت فكرة الفوال منين ... اتاريكى فنانه وعندك رؤيه اصلا
بجد تسلم ايديكو وانا لو موجود كنت جيت ساعدت انشالله اجى اقعد فى الليفنج ساعتين واشرب عصير اهى مشاركه برضه

*البت المشمشية *حلوة بس شقية * said...

هههههههههه
لاء الخوذة ايه
ده انا اتأفش بيها فى الشارع يفتكرونى من الانجليز
الماكيت والاوضه تحفة
بس انا بكلم عن الاوضهالحقيقه
عملتيها ازاى
والرسمة اللى فوق دىة ازاىى
دة انا كدة ممكن اعمل شقتى ان شاء الله
بس لما يبقا العريس يجى بس
فهمينى اتعلمتى ازاى
او اخليكى انتى تيجى
اهو يبقا وفرت تمن النقاشة

صفــــاء said...

لا بجد حلوة اوى
الاوضه الكبيرة والصغيرة

بس خوذة عصايه المقشه
كويس ان الرومان ماتو قبل ما يشوفو اليوم دة
.

Anonymous said...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

شمس النهار said...

تصدقي انا نفسي ابتديت انسي ان انا مهندسة ديكور :)
بس طبعا تحت امرك في اي استشاره احنا في الخدمه ياجميل

Asmaa mahaba said...

هايله والله يا حماتى انا على كدا طالعالك بقى :))

Rannon said...

ما شاء الله
بجد حاجة هايلة
لو كل واحد فكر وشغل مخه وحاول مكنش حد قال معرفش ومش هقدر ومش لاقي

:)

Mahmoud Ibrahim said...

لو كل الناس بتفكر كدة كانت مصر هتبقي اجمل بكتير

ويمكن تبقي اليابان

قوس قزح said...

راجى

تاخد لفة ؟؟
المرة هجيبها معايا و اصورك بها هههههههه

قوس قزح said...

يا مراكبى

طيب هايل يعنى التدوين هنعمل منه بيزنس اهو
ممكن نجرب فى مدونتك الاول
اجى اعمل لها شوية الوان على شوية ديكورات
ايه رايك ؟ :)

قوس قزح said...

will & Anonymous


我希望你不會再來到這裡,並把這個壞鏈接

قوس قزح said...

وومن

انت تأمر يا جميل
هبقى اجيبه و اعمل له عرض خاص
ههههههههههههههههه

قوس قزح said...

اسوور

ربنا معاكى و يخليلك بنوتاتك الامورات
و لو احتاجتى اى استشارة تحت امرك :)

قوس قزح said...

بس خلاص ...

و عليكم السلام
و انت طيبة يارب و بخير
اشكرك على كلماتك الطيبة

تحياتى و مودتى

قوس قزح said...

maii bahaa

اهلا اهلا بألذ مى فى الدنيا
و الله انتى اللى هايلة
و انا اللى عايزة اشكرك على المجهود اللى عملته يوم الحفلة
اد ايه كان المكان حلو و منظم
الكتاب هقولك رائى فيه عندك حالا :)

قوس قزح said...

مجنووون

اشكرك
و الحمدلله انها عجبتك :)

تنورنى بمرورك فى اى وقت
تحياتى

قوس قزح said...

قلب ينبض بالحب

ازيك يا جميل
ان شاء الله هنزل التفاصيل فى اقرب وقت ممكن
و ايميلى على البروفايل لو حبيتى يكون وسيلة اتصال بينا

قوس قزح said...

نهر الحب
انتى كمان وحشتنى
و بنفتقدك كتير فى تجمعتنا

ان شاء الله تقدرى تكونى معنا المرة الجاية

تحياتى

قوس قزح said...

fashkool

و عليكم السلام
و الله انت اللى كلك ذوق :)

المسيات اللى بيطلبوا الحاجات دى علشان ده جزء من نظامهم فى التدريس
ان كل شهر يعمل الطفل فكرة عن اى موضوع درسه
و طبعا بيفضل انه يعمله بايده
و ان كان فى صعوبة شوية ممكن الاهل يساعدهم
بس تقدر تقولى ان انا ام ضعيفة قدام دلع بنتى
و بتستغل ده فيا و بتخلينى اعمل لها شغلها

ظلمت التعليم المرة دى :)

نورتنى بزيارتك

قوس قزح said...

محمد عتلم

شوفت بقى انك مش لوحدك الفنان ( وش مطلع لسانه )
اكيد طبعا احلى حاجة انك تعمل حاجة بنفسك و تلاقيها جميلة
زى صورك كده :)

لا فكرة الفوال ..لان التصوير اخد له كده كام شهر هواية منى انا و جوزى
و يمكن جوزى كمل فيها شوية و اخد كمان جوايز من كوداك فى معارض ساقية الصاوى و بعد كده انشغل عنها
يعنى تقدر تقول عندى فكرة صغننة كده عن التصوير :))

Beram ElMasry said...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

قوس قزح said...

البت الشقية المشمشية

بصى يا ستى الموضوع سهل اوى
فضى الحيطة الاول من اى حاجة ..زى المسامير و كده

لو فى ايه عيوب فى الحيطة تتعالج بالسنفرة و المعجون

و بعد كده بتتدهن الحيطة من اللون اللى انتى عايزاه وشين
لو عايزة اللون المنغبش ده بتدهنى لون فاتح من الدرجة اللى انتى مختارها
و بعد كده بيتدهن التانى برولة معينة مخصصة بالشكل اللى انتى عايزاه

الرسمة دى بقى يا ستى عبارة عن شريط لازق بيتلزق على الحيطة عادى
و فى منه اشكال كتير
و فى كمان منه احجام كتير
اما اتعلمت ازاى ..كل الحكاية سالنى على الخطوات انا و جوزى ازاى تتعمل و نفذها .. و كانت اول مرة نجرها فى لون سادة ابيض

عموما انا تحت امرك فى اى سؤال
ايميلى على البروفايل

قوس قزح said...

صفاء

ضحكتنى ضحك ههههههههههههههه
الخوذة اصلها معمولة تريقة
مش يعنى حاجة بحق و حقيق

بس بذمتك مش حتى بتاعت الرومان شكلها غريب بالريش او الشعر اللى فيها ده
مالها الخوذة السادة !!!
نورتنى

قوس قزح said...

sherif

لولولولولولولوى
اخيراااااااااااااااا
الف مبروك

ده انا اللى يشرفنى يا افندم و يسعدنى و يبهجنى انى احضر حفلة لتوقيع كتابك

ان شاء الله تكون حفلة جميلة
الف مبروك مرة تانية

قوس قزح said...

شمس النهار

ليه بس ده شغل جميل اوى و كله فن

ربنا يخليكى لى يارب
اكيد طبعا هستغلك :)

قوس قزح said...

سومة .. مجنونة فى بلد عاقل

سمسمة حبيبتى وحشتنى
كده يا وحشة متسالش على حماتك الا فى عيد الام
ماشى هعدى دى
بس فى الهدية طيب ؟
هو انا مش حماتك و لا ايه ؟
لا كده الجوازة هتبوظ
انا ست غنية و احب الهدية :))

قوس قزح said...

rannon

مبسوطة انها عجبتك كده
و عندك حق طبعا فى كلامك
بس احنا اتعلمنا نكون مستهلكين بس
و مش منتجين
مع ان فينا مواهب دفينة كتير :)

قوس قزح said...

zidane

لا هنبقى الصين
علشان نبقى اليابان محتاجين نخلى عقولنا كمان منتجة مش بس ايدينا

قوس قزح said...

beram elmasry

و الله هم من كتر ما شافوا اطفال غزة
و اللى حصل فى اهلها
بقوا مقتنعين تمام ان اليهود رمز الشر فى العالم

اشكرك على النصيحة
و ربنا يعينك على المهمة اللى اخدتها على عاتقك