تدور فى رحايا الحياة
و قبل ان تنتهى من احدهم
تاخذها الاخرى لتدور معهافى رحايا لا تنتهى
لكن بين الحين و الاخر
تلمح وجوه تلومها
معاتبة لها على بعدها
و على نسيانها لهم
و تاخذها الرحايا
و هى تفكر و تشعر بالأسى
كيف تحولت لانسان انانى
كيف تنسى احبائها
كيف لا تشعر بهم
ارهاقها التفكير
تعبت
فسقطت
من بين الرحايا
لتتوقف عن الدوران
لم تحزن
و فرحت بسقوطها
و انطلقت تبحث عن الاحباء
حتى تعوض ما كان منها فى حقهم
و لكنها اكتشفت
انها كانت لهم مجرد
لحظات فراغ
و انطلقت تبحث عن الاحباء
حتى تعوض ما كان منها فى حقهم
و لكنها اكتشفت
انها كانت لهم مجرد
لحظات فراغ
تذكروها فيها
نتيجة سقوطهم المؤقت
من الرحايا
نتيجة سقوطهم المؤقت
من الرحايا
.jfif)
.jpg)
42 comments:
حلوه اوي
وسعيده اني اول مره ازور مدونتك وباذن الله هكون متابعه دايمه ليها
تقبلي مروري
ياريت كلنا منتوهش فى زحمه الحياه و مننساش اغلى الناس علينا لاننا من غيرهم منسواش حاجه
الحياه حلوه بناسها و جنه من غير ناس ما تنداس
دولي يا حياتي
ايه الكلام الكبير ده يا جميل
حلوه بجد نطريه روعه فعلا
تسلم اديكى يا وحشه يا الى وحشااااني
فين التجمع بتاع المنصوره يا هاااااااانم
جمييلة اوي بجد
ومؤلمة ف نفس الوقت
دمتي بألف خيررر
تحياتي ,,,,,
كلمات رائعة جداااا وجميلة و قمة الاحساس, احسنتى سيدتى, تحياتى
الدخول فى الرحايا ليس اختيار والسقوط منها مؤقت
ديالا
انا كمان سعيدة بزيارتك :)
مدونتك جميلة كمان و عجبنى التيمبلت بتاعها
تحياتى
صيدلانية طالعة نازلة
عندك حق
الدنيا اخدت الناس من بعض و خليت الكل بيجرى من غير ما يبص مين جنبه و مين بقى وراه
اللى بيهمه بس انه يسبق اللى قدامه
تحياتى
صبرنى يا رب
انتى كمان وحشتينى و الله
و ان شاء الله يوم الجمعة الجاية اقولهم على تجمع المنصورة
و الحمدلله ان البوست عجبك يا جميل :)
الرحايا وواوقات الفراغ
والدنيا
انت عارفه انا مسميه الكوكتيل ده ايه
المفرمه
قلب ارهقته الاحلام
اشكرك على مرورك
اسم مدونتك جميل بس حزين
تحياتى
karim
بتسعدنى زيارتك
اشكرك على مرورك
تحياتى
اسامة عبد العال
المؤكد فى الحالتين ..سوا جوه الرحايا او خارجها .. ان محدش عجبه حاله ..و محدش بيقدر حال غيره
شمس النهار
ده انا حظى حلو بقى انك زورتنى قبل السفر :)
للاسف الكوكتيل ده كأس داير على الكل لحد ما بقينا مدمنين له .. و بقت راحة البال تقلق و نحط ايدينا على قلبنا و نقول اللهم اجعله خير
خاطرة ولا اروع
ونهايتها مدوية
تثير آلاف الأسئلة في رأس كل منا
عندما يأتي للنهاية
ليسأل نفسه
اين هو من الرحايا؟
تحياتي
وليد
ايه المعني الخطير ده يا بنتي
وجعتيني بجد و الواحد مش ناقص تشبيه جديد و واقعي و مؤلم
بس بردوا خلينا نتمسك بالامل ان فيه احباء مهتمين بينا بجد
حساسيتك المرهفة دى هيا
اللى تاعبكى دايما ...
أنصحك نصيحة خايبة من عندى
و بنفذها و جايبة نتيجة حلوة معايا
لا تنتظرى من الآخرين أى شىء
لو عملوا حاجة ساعتها هتفرحى
و لو معملوش يبقى مفيش إحباط زى اللى حسيته فى كلامك دا
بوسة و حضونة
يا وش الخير كله
حزينة زيادة عن اللزوم
كانت لهم مجرد
لحظات فراغ
تذكروها فيها
نتيجة سقوطهم المؤقت
C'est la vie :)
إلا من رحم ربي
إزيك يا داليا أخبارك ايه؟؟
بقا أنتي تغيبي تغيبي وتيجي تقوليلنا الرحايا يعني قصدك أن المشكله في الرحايا ؟؟ وهي اللي بتخليكي تغيبي عننا الفترات الطويله دي
ماشي يا ستي ولا يهمك
حكلمهالك علشان اخليها تسيبك في حالك
ومتخلكيش تبعدي عن هنا كتير
بس فعلا معاكي حق فالحياه ملهيه
وقد تلهي أقرب الناس عن الوصال
ربنا ميرميناش ابدا في رحايا الحياه التي تفقد الحياه بهجتها وحيويتها وتحولها لآله روتينيه
تقبلي خالص تحياتي
أحمد ك أنا يعني
عارفة ..مش عارف ليه
ايه بس الكلام الجامد ده
ربنا يخليك
انت بس اللى احساسك عالى
نورتنى
ام احمد المصرية
اكيد فى احباب و الا كان الواحد يبقى عايش ليه لو كل القلوب اللى حواليه معندهاش وقت تحس به
الفة القلوب دى رحمة من ربنا منقدرش نعيش من غيرها
اسفة انى وجعتك بكلامى
فاتيما
تصدقى انا بعمل كده فعلا و مش بتوقع حاجة من حد و يمكن كمان لو حد عرض حاجة برفض علشان متجيش لحظة و اسمع انا عملت لك كذا لان وقتها بحس بردو بجرح و ان اللى اتعمل ياريته ما اتعمل
المشكلة ان لما انتى بتحاولى تعملى حاجة اوقات بتتلامى .. متخيلة
موضوع الحساسيةده بقى شكلى كده هشرب مراهم بعد كده علشان تقل :(
وحشتنى يا طمطم و وحشنى طيبة عينيكى
راجى
كمان ساعات الدنيا بتيجى علينا زيادة عن اللزوم
Diyaa'
ربنا يرحمنا جميعا
ahmed_k
تصدق بالله انت كنت على بالى من يومين
الغياب مكنش رحايا ده كان نفس بعيد عنك ههههه
اخبار الحر ايه ؟ مش ناوى تصييف عندنا ؟
الحياة تدور بنا و يجب ان نسايرها حتي لا تعاندنا
و لكن يجب الا تنسينا انفسنا فان نسينا انفسنا
قطعا سوف ننسي احبابنا
معاني عميقة
تحياتي
ليه الحزن واضح بين الحروف
أبنتي الفاضلة داليا لا تأسي علي أي عمل كان لوجه الله و يكفي أنك رسمت بسمة علي و جه طفل لا تعرفي عنه شئ
و ساعدتي بطريق مباشر أو غير مباشر في سعادة إنسان لا يمت لك بصلة
دمتي للخير داعية تقبلي وافر تحياتي لشخصك الكريم
بصى يا دودو
الدنيا فعلا عامله زى الراحايا بتاخدنا معاها فى كل لفة و بتدور بينا و تخلينا نقابل ناس جديد و نبعدنا عن ناس قريبة و تفضل تلف بينا
و لما اللف يهدى شوية بنفكر فى اللى بعدنا عنهم و لما نرجعلهم يعاتبونا على بعادنا نتأثر و نعاتب روحنا و نعقد العزم على ان نودهم تاني
بس لمما نروح نودهم حنلاقى رحلة الرحايا بتاعتهم بدأت
فنرجع لرحلتنا و احنا مش فاهمين و مستغربين
و ما نابنا احنا من ده الا تعب النفس اللى اتعب جسدنامع انه كان وقت الراحة من لف الرحايا
و تبدأ رحلتنا احنا من تاني و احنا منهكين نفسيا و جسديا
ديه سنة الحياة
اعملى زيي انا لما حد بيعاتبنى على البعاد و عدم السؤآل بقول فعلا انا وحشة مقصرة معلش و خلاص و اريح دماغي و اريحهم
مستغربة من مفروسة تعمل كده ههههههه مش كده؟
تحياتي يا قمرة
قوس قزح
هى الدنيا كده بتلففنا حولها دورينى يا لمونه
ولكن اثناء الدوران من الممكن ان نرى نورا يهدينا الى الطريق
فنظل ندور معها حتى نهتدى الى الحقيقه
تحياتى
كلام جميل
وأنا أقوووووووووووووووووول
مين اللي أفتكرني من كام يوم كنت حشرق
دلوقتي عرفت طلعتي أنتي
ماشي ماشي طيب مش لما تفتكريني تنبهيني قبلها عشان أعمل حسابي ومشربش ميه ههههه
والمشكله يا داليا مش في الحر المشكله في الرطوبه اللي بتخلي الحر لزقه بعيد عنك ههههههههه
وأصيف في القاهره ده أنا لسه جاي من القاهره يوم التلات الصبح
ربنا يسهل وأقدر آجي قريب
بس حتى لو جيت من غير لقاءات تدوينيه مبشوفش حد منكم
مش عارف ليه آجي مصر كل المدونين يتشغلوا
والله يختي المره الأخيره دي محدش جبر بخاطري غير نور الدين وسهرتوا لحد ما اذن علينا الفجر وأحنا بنحكي
على الله ميحرمش بعد السهره دي وينفضلي لما آجي المرات الجايه هههههه
سلاااااام
احوال الهوى
تعتقد العيب فى الحياة و لا العيب فينا !!
اسعدتنى زيارتك
تحياتى
باباابو خالد
اخيرا نولت منك شرف الزيارة بعد الغيبة الطويلة دى
المدونات كلها مفتقدة تعليقاتك الجميلة اللى كان القلب بيتعلق بها و يحسها انها فعلا من اب له
انا على وعدى معاك و بستنى ان حضرتك اللى تسأل
نورت المدونة و يارب دايما
تحياتى
واحدة مفروسة
اقولك ايه !!
انتى بتقرى افكارى ؟؟
طيب اقولك انا على حاجة
انا عديت المرحلة دى و جربت الطريقة اللى بتقولى عليها .. و بعد شوية لاقيت ان هم متاكدين ان انا كده و بيتعاملوا على الاساس ده ..احساس انك مظلومة مش هتقدرى تستحمليه كتير حتى لو بمزاجك
حتى اللامبالاة مش مريحة
تحياتى
فشكووول
عندك حق
و نتيجة دورينى يا لمونة دى .. كلنا بقينا شبه غائبين عن الوعى .. و هنا مينفعش لما حد منا يفوء شوية .. يعمل بقى انه احسن من غيره
تحياتى
انترنتاوى
اشكرك
ahmed_k
طيب مش كنت تقول ؟ لما تبقى جاى سيب لى خبر قبلها بكام يوم و انا ارتب لقاء ان شاء الله
و لك عندى يا سيدى ازازة مية كبيرة علشان الشرقة
بس مين نور الدين ده !!!!!
حلوة يا داليا بس ليه معظم البوستات حزينة اليومين دول
:)
تحياتي
نور الدين صاحب مدونة نور الدين
أيه رأيك وصفه سهله ههههههه
وهو حاليا عامل مدونه مشتركه مع ليساندرا
وأزازة الميه خليهالي في التلاجه عشان لغاية ما آجي تكون متلجه ...إتفقنا
زمن الرحه
والمصلحة
والحب ما لهوش اجنحة
والفكرة فكرة مسطحة
****
وبيجرى عقرب الساعات
ونعدى نلقى العمر فات
****
احنا ف رحايا
مالهاش نهاية
كل القلوب
واقعة ف غواية
------------------------------
-------------------------------
تحياتى على هذا البوست الرائع والملهم
---------------------
حازم ربيع
حلوة
اول زيارة لي هنا
\
و تاخذها الرحايا
كترت الرحايا هالايام بس العامل المشترك
لحظات " مختلفة "
تحية
Post a Comment