Wednesday, September 9, 2009

لقاءنا التالى


تحديث
اسعار وجبات الفطار فى المكان من 45 ل 50 جنيه
للى يحب يسبق و يفطر هناك

.
.
بعد الاستفتاء على موضوع اللقاء تانى
وترحيب الكل به تقريبا
هيكون فى لقاء تانى ان شاء الله يوم الاحد 13 سبتمبر
بعد الفطار فى نادى القوات البحرية
و هو على النيل بجوار سوفتيل الجزيرة - شيراتون الجزيزة سابقا
و اقرب محطة مترو انفاق له هى محطة الاوبرا

النجمة فى الخريطة هى مكان النادى

و اسعار النادى معقولة جدا
و اللى يحب يفطر هناك ان شاء الله خالد هيجب لنا تفاصيل الاسعار و وجبات الفطار بكرة

الدعوة مفتوح للكل
و اللى يحب يعزم حد معاه من غير المدونين اهلا و سهلا به


48 comments:

صبرني يارب said...

13 ده هايبقى يوم ايه فى الاسبوع يا اختي

ما تتكسفوا وتخلوه يوم جمعه بقى

ما علينا هانشووووووووووووف

dreem said...

يوووووووه هتكتب التعليق تانى
البنات عايزيين ييجوا يا دودو بس اميرة عندها درس الساعة 7 ونص وكمان درس الصبح فيوم 13 مش هينفع
ما تخليكم حلوين وتخلوه الثلاثاء لان الاثنين كمان عيد ميلاد ايمان
حاولى بليز تأجلوه يا اوختى
بوسة وحضن

عاشقه الرومانسيه said...

ان شاء الله يكون يوم ممتع

Anonymous said...

ان شاء الله
نادي القوات البحرية
يوم 13 ايلول


فيه اي تغيير في الداتا


t.w

لاسع افندى said...

اتمنى لكم افطارا شهيا ولقاءا ممتعا




تحيه لاسعه

فاتيما said...

أنا جاية بعد الفطار إن شاء الله
عاوزين حاجة اجيبهالكو معايا و انا جاية ؟

Anonymous said...

مجتمعين علي خير دايما ان شاء الله

الفراشه الحائره said...

يه رأيك في فكره المدونه دى http://sotmoaq.blogspot.com/

adel said...

ان شاء الله جاي
لاني هخلص امتحاني الصبح
و اكيد هاجي مع ماما
:P:P:P

عاوزين الكل يجيوا بقي

ميرا ( وومن ) said...

خير ما فعلتوا يا دودو المكان لطيف ويساع من الحبايب ألف

إن شاء الله معاكم بعد الفطار

قوس قزح said...

صبرنى يارب

يا ستى ما انا قايلة يوم الاحد
و بعدين هو انتى نافع معاكى جمعة و لا غير جمعة

اما نشوووووووووووووووووووف

قوس قزح said...

dreem

طيب هى بتخلص الساعة كام ؟
تعالى بعد ما تخلص

او تعالوا انتم و لما تخلص هى تيجى لو ينفع
ولا الدرس فى البيت ؟

حاولى تظبطيها الله يخليكى
حتى لو تيجوا ساعة قبل ما نمشى

قوس قزح said...

عاشقة الرومانسية

يارب

و ربنا معاكى كمان لانى عرفت ان فى حاجة مزعلاكى من المدونة عندك

ان شاء الله كل شىء يرجع احلى من الاول

قوس قزح said...

تامر وهبى

لا مفيش

قوس قزح said...

لاسع افندى

و انت من ناوى تيجى تلسع معنا ؟

قوس قزح said...

فاتيما

ربنا يخليكى يا طمطم
ده كفاية انك هتجيبى حد غالى اوى لنا
.
.
انتى

قوس قزح said...

Anonymous

ربنا يخليك

مصطفى ريان said...

ان شاء الله احاول اجي
بس ماينفعش تاكدي على وليد يجي معانا بردو؟
كل سنه وانت طيبه وبخير

Maryama Qandil said...

هحااول على قد الامكاان اني آجي,,,
بس غالباً الاحد ده هيكون فيه عزوماات في البيت وبيبقوا محتاجين اشراف ومساعدات من المحرووسة امة الله,,,:D

في كلا الحاالتين,,,ان شاء الله يكون لقااء جاامد ولذيذ ومفيد
ويكونوا نااس جامدين كلهم هنااك

دمتم بخيــــــــــر

Diyaa' said...

اهئ
بإذن الله
بإذن واحد أحد :)

إذا قدرت أخد أجازة هاجي
ولو حتي بعد الفطار..ولو حتي سيراً علي الأقدام :)


وعلي رأي دكتور أحمد




إني بكم أسعد ولكم قلبي يطرب

للأبد :D
وحتي تحترق النجوم
وحتي ....

أفطر وأكمل بقي :D

mimi said...

خريطة ونجمة .... الطريق الي إلات الجزء التاني

خلاص إحنا نتجمع مع مادلين طبر تحت الطوربيد المنفجر

ونعتبره مدفع الإفطار

و ""ياريتني كنت معاهم ""

إهئ إهئ إهئ

نور الدين (محمد الجيزاوى) said...

اهلا داليا
ان شاء الله يكون يوم جميا بردو
لكن لو تم تأخيره ليوم غير الاحد يبقى ممتاز يعنى الاربعاء او الخميس
واذا كان دة صعب يبقى امرنا لله ونحاول نعيد ترتيب اوراقنا

!!! عارفة ... مش عارف ليه said...

إن شاء الله يكون يوم لذيذ

زي اليوم اللي قبله

وإن شاء الله أكون موجود يا درش

لأن دي حاجة بتسعدني جداً

لأن الجروب ماشاء الله عليه

وربنا يديم المعروف بينا جميعا

وكل ده بيقول إننا ناس جامدة أوووي والله

والبركة في رُمانة الميزان اللي مجمعانا على الخير دايماً

وكل الشكر لداليا قوس قزح

وكل الناس الجميلة دي

شكراً جزيلاً أووي يا داليا

على كل الأوقات الجميلة دي

وإن شاء الله نتقابل يوم الحد بإذن الله :)


وليد

ناس الأيام said...

إنشاء الله هجى أنا وبابا يوم الحد

وشكرا على كلام حضرتك البوست اللي فات و ده واجب كل مسلم


mohannd

mahasen saber said...

ايه يا داليا انتوا عايزين الاحتماع قاصر ولاا ايه

قلنا يا ناس نرجوكم يبقا اى اجتماع يوم جمعه عشان اليى من خارج القاهره يعرف يحضر

ولاا ايه يا داليا

Sameh Ezzat - (خواطر خاطر) said...

يوم حد صعب
يا لو يكون اي يوم تاني من ايام ربنا

حاولو والنبي عشان المره اللي فاتت ملحقتش اعرف الناس كلها
خلكواا جدعااان بقا

عاشقه الرومانسيه said...

السلام عليكم
ازيك ياداليا
انا اولا باشكرك على اهتمامك وردك
ثانيا بادعوكى انا وحنين القلب للقاء تدوينى خيرى فى الاسكندريه
والتفاصيل عندى وعند حنين على مدوناتنا
تحياتى ليكى ياقمر
واتمنى من كل قلبى انك تحضرى

فاتيما said...

يا حبيبة قلبى .. منحرمشى من قلبك الحنين دا ابداااااااا

Asmaa mahaba said...

هاهاها انا لو قولت لماما اخرج تانى مش بعيد اكمل بيات الشهر دا عندك :))ربنا معاكم لو قدرت اجى حاجى لو مقدرتش ودا الارجح مش جايه اعااااااااااااااااااااااااااااا

قوس قزح said...

الفراشة الحائرة

انا سعيدة جدا انك خالتينى ازور المدونة
و ان شاءالله اداوم على زيارتها

قوس قزح said...

adel

واحنا فى انتظارك انت و اجمل ام

قوس قزح said...

وومن

هتنورينا يا قطتى :)

قوس قزح said...

مصطفى ريان

يا سيدى وليد جاى اهو
متتاخرش بقى

قوس قزح said...

am fopa'D

لا يا جميل
انتى تخلصى بدرى بدرى و تيجى تقعدى معنا حتى لو ساعة
و هيكون لقاء جامد و لذيذ بحضورك

قوس قزح said...

ضياء

ان شاء الله تقدر تيجى
و ممكن تبقى تشوف خيخة لو جاية من اكتوبر تيجوا سوا

قوس قزح said...

ميمى

هههههههههههههه
خسارة انك مش هتبقى من الاحرار
.
.
.
هو انتى تقربى لكيكى

قوس قزح said...

نور الدين

للاسف يا نور صعب شوية
لان اغلب الناس فضلت يكون بعيد عن اخر رمضان
و خصوصا الليالى الفردية علشان ليلة القدر

قوس قزح said...

عارفة .. مش عارف ليه

ربنا يخليك يا وليد على كلامك
و جميل حماسك انك تشاركنا تانى
بالرغم من انك اجازة و ممكن يكون وراك كذا حاجة تعملها
فى انتظار

قوس قزح said...

سبايدر بوى

واووو
ده فى ناس هنخطف منها بوسة غصب عنها اهو :)
اسلوبك فى الكلام جميل اوى ما شاء الله عليك
ربنا يخليك لاحبائك

قوس قزح said...

محاسن صابر

و الله ابدا يا محاسن
انا معرفش حكاية الجمعة دى لكى
بس عموما انا ببعد عن اى جمعة فى رمضان علشان عارفة انها بتكون فى الغالب يوم تجمع عائلى او عزومات

لكى يوم يا ستى بعد رمضان يكون جمعة ان شاء الله

قوس قزح said...

سامح

صعب يا سامح :(
حاول انت تيجى و لو نص ساعة

همس الاحباب said...

ارقام التليفون لنادى القوات البحرية لو حد يحب يحجز
27362615
27351399
والوجبات عبارة عن 4 قوائم تشمل طبق رئيسى لحمة او فراخ او سمك بالاضافة للشوربة والسلطة وطاجن خضار وارز وعصير وحلو شرقى
والاسعار تتراوح من 45 الى 50

micheal said...

مايكل يتمنى لكم صوما مقبولا وإفطارا شهيا
ألف هنا وشفا يا داليا

كيكى عوووووو said...

ممممممممممممممم
عاااااااااااااا انا مضايقة!!
طب يعنى معشل عشان انا عمية انا مش شايفة علامة المترو
***طب رقمك هيبقى هو هو ولا ايه**
؟؟
ردى بقى بسرعة

صيدلانيه طالعه نازله said...

عاااااااااااااااااااااااااا

كده يا داليا تعملوه بعد ما مشيت طب اعمل ايه دلوقتى بقى
انا كنت عيانه اليومين اللى فاتوا و

معرفتش اعلق

بصراحه يا داليا اليوم اللى قضيته معاكم كان بجد من اجمل الايام اللى عدت عليا ربنا يجازيكم خير انشاء الله
و ربنا يسهل و اكلمكم بكره انشاء الله

صيدلانيه طالعه نازله said...

عاااااااااااااااااااااااااا

كده يا داليا تعملوه بعد ما مشيت طب اعمل ايه دلوقتى بقى
انا كنت عيانه اليومين اللى فاتوا و

معرفتش اعلق

بصراحه يا داليا اليوم اللى قضيته معاكم كان بجد من اجمل الايام اللى عدت عليا ربنا يجازيكم خير انشاء الله
و ربنا يسهل و اكلمكم بكره انشاء الله

قوس قزح said...

كيكى
ايوه معايا رقم التليفون هو هو

Anonymous said...

كل سنة وانت طيبة

وف ايدك كحكة وغريبة