شجرة الحياة
خطوطها شخابيط
لو قلت لى
طول الخط سعيد
اقول فى بالى بيدارى خيبته
و لو قلت لى
طول الخط تعيس
اقول فى بالى مش مقدر عيشته
خط الحياة بياخدك لفوق اوقات
تحس ان مفيش فى السما غيرك
و ينزل بك اوقات
تقول يارب ارحمنى ماليش غيرك
يا طالع و نازل
الخط لو يستقيم
تكره حياتك و تمل
ما الحلو متعرفوش حلو
الا لما تدوق طعم المر
خطوطها شخابيط
لو قلت لى
طول الخط سعيد
اقول فى بالى بيدارى خيبته
و لو قلت لى
طول الخط تعيس
اقول فى بالى مش مقدر عيشته
خط الحياة بياخدك لفوق اوقات
تحس ان مفيش فى السما غيرك
و ينزل بك اوقات
تقول يارب ارحمنى ماليش غيرك
يا طالع و نازل
الخط لو يستقيم
تكره حياتك و تمل
ما الحلو متعرفوش حلو
الا لما تدوق طعم المر
.jfif)
.jpg)
102 comments:
ميزة الفيس بؤك انه فيه ليك ومش لاقيها هنا
بس كلماتك على بساطتها وبعدها عن الفلسفة عبرت بجد عن معني الحياة بمعناها الشامل
يوم حلو يوم مر
ودة صحيح وعن تجربة
ايه الطلوع والنزول ده تعبتينى
فيه ناس بتقدر عيشتها بس اكيد بيجى عليها وقت وبتتعب وفيها ناس بتضحك من الوجع اللى جواها ابقى فكرينى انكد عليكى علشان تعرفى ان الضحك فى الوش احسن
:PPP
ما الحلو متعرفوش حلو
الا لما تدوق طعم المر
تصفيق حاد يا رجاله على البؤ ده عشان جامد جدا جدا
وحشااااااااني
دودو
رائعة أنتي في رسم صور
حد الذهول
مشاعرك فياضة
وكلماتك الشاعره آثره
مع خالص الحب والاحترام لكِ
Angel love
ممممممم
هو اكيد مش بنعرف قيمة الحلو الا لما نجوق المر
بس المر ده بقي كتير قوي الصراحة
عاوزين نغير شوية
أنتى اللى كاتبها ولا ايه يا دودو
ما الحلو ما تعرفوش حلو .. إلا لما تدوق طعم المر
جميلة الحكمة الختامية دي .. وعكسها برضه صحيح
هي الحياة كده .. هي الدنيا كلها كده .. خليط بين المرارة والسعادة .. وفي النهاية الفائز هو من يرضى
عجبي
دي الكلمة اللي طلعت بعد لما قرات كلامك
فعلا حكمه جميله و موجزة و ياريت الناس تفهم
كان العقاد كاتب بيقول و هو ليس مصنف كشاعر
صغير ود لو كبر
كبير ود لو صغر
و خال يشتهي عملا
و ذي عمل به ضجر
تحياتي
التغير والتغيير من الثوابت يا دو
سبحان الله
صيف وخريف وشتا وربيع
صبح ليل
وكما يقال : دوام الحال من المحال
صح جدا:)
تسلمى يا دودو يا جميلة
ازيك يا دودو
ما هيه الحياة كده
طالع نازل
ضحك و بكاء
ضيق و فرج
فرح و حزن
نهار و ليل
ظلام ونور
حكمة المولى سبحانة و تعالى
حلو اوي البوست
انتى دماغ برضه
ههههههههه
كلمات مست قلبى وعقلى بجد
عندك حق
========
كل سنة وانتى طيبة يا داليا
كل سنه وانت طيبه يا جميله
ولو انها متاخرة بس معلش
كمان حبيت اشكرك على تنظيم اللقاء الجميل دة
والشخابيط منطقيه جدا
ازاى هنعرف الحلو الالو دوقنا الوحش
كل سنه وانت والعائله بكل خير
حكمة الحياه الأزليه
الدنيا يومان يوم لك ويوم عليك
ولا يعرف اانسان قيمة الصحه حتى يرى المرض
ولا الأصدقاء إلا حين يفقدهم
ويبقى الصبر والشكر معينين لنا على الحياة بشقيها
تحياتى دوما
فعلا هي الحياه كده يوم حلو ويوم مر والغبي اللي يضيع يوم حلو في ذكريات و حزن ع يوم مر عدي وفات و ميعيش اللحظة ويستمتع بيها ويشكر ربنا ع كل حال
ايه الجمودية دي يا دودو
تحفة
مها ميهوووو
وبالتضاد تتميز الأشياء
واللون الاسود لازمله لون ابيض علشان نعرف اد ايه هو كان اسود
والعكس صحيح
والدنيا على كدة
يوم كدة ويوم كدة
تحياتى ليكى يا دودو
اختك خيخة
الحمد لله على كل حال
دوام الحال من المحال
والدنيا يوم طالع ويوم نازل
يوم حلو ويوم مر
بس الازمات والشدائد
بتدينا خبرات لعبور الازمات دى
وفى كل الاحوال بنقول الحمدلله
على كل حاجه حلوه ووحشه
وربنا بيعدينا من الازمات دى
بجد كتبتى بكل بساطه معنى الحياه والدنيا
تحياتى
رئيس جمهورية نفسى
اهلا يا ريس
نورت البلوج
بس كده نضيف لك الليك فورا :))
Appy
اهى رياضة شوية بعد الكحك و اخواته
و بعدين عايزة تنكدى عليا ليه بس
ده انا بقولكم ارضوا بأى حاجة كويسة او وحشة
و اكيد الضحك فى الوش احسن من القفا :))
صبرنى يارب
انحناء للتصفيق
مع عمل الرجلين على شكل المقص
و الفستان على شكل نص مروحة سقف :))
انتى كمان وحشتنى اوى
Angel
نورتينى بكلماتك الملائكية
و اسعدنى ان كلماتى البسيطة نالت اعجابك
لكى كل المحبة و التحية
adel
انت لسه صغير يا عادل
الدنيا لسه كلها قدامك
و ان كان مرها فى الاول
يبقى احسن كتير ما يكون فى الاخر
ولا ايه ؟
الشقية المشمشية المقطقطة
ايوه يا فندم
ايه رايك ؟
يا مراكبى
انت جيبت الهدف من البوست
الفائز هو من يرضى
تحياتى
احوال الهوى
هههههههه
يظهر فعلا ان جاهين عامل شغل كبير معايا فى الوزن
اصل كلامه حكم الراجل ده و بحبه
بس كلام العقاد بردو حلو زى كلام جاهين
dreem
اكيد مفيش شىء ثابت الا الله سبحانه و تعالى
بس المهم اننا نقتنع ان مفيش حد دايما فى هنا
ولا حد دايما فى شقا
فنرضى
موناليزا
تسلمى يا قمر
نورتينى
وما الحياة إلا مسرح كبير
بفصولها وتقلباتها
ومجرد إمتحان
زادت أوراقه أو قلت
اسئلة
يسعدنا الإجابة عن بعضها
ويحيرنا الإجابة عن البعض الآخر
ويؤلمنا الإجابات الخاطئة مع عدم وجود مجال للكشط أو للتصحيح
ولكن يظل رحمة ربنا ثابتة
علي صعوبة الإمتحان..الإيمان آمان برضه
وتسلم الأيادي :)
حبيبتى ما شاء الله عليكى بجد تسلم ايديك كلماتك رائعه مثلك
كل عام و انت بالف خير
بارك الله فيكى و بارك لكى دائما
اعتذر بشده عن تأخيرى عنكى و ذلك لعدم وجود نت عندى اليومين دول ..
دمتى رائعه و دمتى انسانه جميله كما انتى
خالص تحياتى و مودتى لكى دوما
..
بما انى شخصيه نكدبه انا عندى الحلو والمر واحد يعنى المفروض حتفسح اقوم ابص للى حخسره مش للفسحه
جايبينلى ساندوتيش محسش بان طعمه حلو افكر لو ملوث حيجيلى امتى كبد وبائى ههههههههههههه شغل مجانين بقى
صح
هى الحياة كما عادتها دول من سره زمن سائته أزمان
وعجبى ...!!!!
كل سنة وانتى طيبة وعيد سعيد عليكى
تحياتى
جميلة كلمات قوي و حقيقية
و الصورة حلوة
بس صورة ايه دي ؟
كل سنة و انتي طيبة
جميله يا داليا وصفتى الدنيا وحالها بينا ولعبها بينا واليى بتعمله فينا بشكل جميل وبسيط ورائع
شجرة الحياة
جميل البوست ده
وفعلا الحلو يبان بعد المر
والمرض بعد الصحة
المهم نكمل للاخر من غير ياس وبامل في الله
تحياتي
اى دمعه حزن لا لا لا
خط الحياة بياخدك لفوق اوقات
تحس ان مفيش فى السما غيرك
و ينزل بك اوقات
تقول يارب ارحمنى ماليش غيرك
جميل أوي المعني ده
تحياتي
إن نظرتنا للحياة ماهي إلا صورة منعكسة عن الأجواء الكامنة في نفوسنا وضمائرنا.فلمَ نرضى لنفوسنا أن تستسلمَ لليأس ، وأن تبقى غارقة في عتمة ٍ زائفة !
محاذاة إلى الوسطلمَ لا نشعل شموع الأمل ..
ونفتح للسعادة والفرح كلَّ أبوابنا المغلقة ..
الحياة جميلة .. صدقوني ..
كل ما فيها جميل ..
لكن لابد لنا أن ننظر للأمور بنظرة يملؤها التفاؤل والخير ،
والصعاب التي تواجهنا في الحياة ما هي إلا تجربة جديدة للشجاعة ،
الأحزان تهذبُ النفوس ، وتصفّي الأرواح ، وتؤدب القلب !!
الدموع تغسل ُ الأوساخ داخل عيوننا ، فنرى الوجودَ بعدها أنقى ،
ولا تسأل الله أن يخفف عبأك بل اسأله أن يشد أزرك ،
واليأس كلمة تجهلها النفوس الكبيرة ،
كن أنت مشرقا ً أولا ً ..
وتأكد من أنه لن تغبَ عنكَ شمس الأمل
نقاش بين متفائل ومتشائم
قال المتفائل:
- أنا سعيد لأنني حي .
وقال المتشائم :
- وأنا حزين لأنني سأموت !
كن أملا ً أنت أولا ً
وبعدها سوف تحصد البسمات التي لا تذبل
وسوف تستقر الطمأنينة بقلبكَ ولن تبرحها !
وخذ من الأمس النصيحة ، ومن اليوم العمل ، ومن الغد الأمل
no sweet witout sour
هى الحياه كده
يوم كده
ويوم كده
تحيه لاسعه
هل بايدينا نتسلق الخط الصاعد؟
واحيانا أخرى ننزلق سريعا ؟
لو اننا اطلنا الخط الصاعد بكل قوة فلا ندع مرا يتسلل الى ارواحنا .. دون ان نلوم حتى انفسنا .. الا نزيد قليلا فى ميزان سعادتنا؟
كل سنه وانت طيبه
كلامك جميل يمس حاجات كتير
وفعلا ماحدش بيعرف طعم الحلو الا لو جه بعد مر
وربنا يكفينا العكس
ويكفينا المر اصلا
بس كنتي حطي اسنسير مع البوست تعبتيني طالعه نازله وانا ست كبيره
إحم أولا اعتذار كبير على التاخير
نيجى بقى للكلام الجامد جدا دة اعتقد يمشى تحت دائرة الزجل
بجد الموضوع اكثر من رائع وحقا إذا استقام خط الحياة فلن يرضى باستقامته أحد لا على حلوه ولا مره
لكن لأن حياتنا إنحنائات تدور حول بعضها تارة نعلو تارة نهبط وساعتها وساعتها فقط ندرك ان الجميل جميل لأننا قد عرفنا القبيح ونفرق بين الحق والباطل والابيض والاسود
ولو لم يطرد الله آدم من الجنة لما عرفنا قيمتها أبدا
..
تحياتى لقلمك الرائع وشخصك المميز
...
نورالدين محمود
حلووووووووووووووووة فعلا جدا
خيرالكلام ما قل و دل
اجمل حاجة الجزء الى بيقول ان لما الواحد بينزل تحت بيدعي يقول يا رب
هوكده الانسان
إذا مسه الشر جزوعا و اذا مسه الخير منوعاً
واحدة مفروسة
و الله انتى اللى دماغ
بس لوتبطلى فرسة :)
سبهللة
سعيدة ان كلماتى اعجبتك
كل سنة و انتى بخير يارب
صفاء
و انتى طيبة و رقيقة المعانى كما انتى
انا اللى اشكرك على حضورك الجميل
سعيدة انى اتعرفت عليكى اميرة الوجه القبلى كله
الازهرى
الصبر والشكر
و هنا الاختبار اللى بتقوم به الحياة معنا
هل هنصبر على اليوم المر و نشكر فى اليوم الحلو ولا لا
صباح الخير
مكنتش عارف ان الواحد لازم يخش يعمل تعليق عشان الناس تسأل في وبس يعني
طب حتي قولوا كل سنه وانتوا طيبين
تحياتي الحزينه
أسألنى عن طعم المر
ما أنا دقته وحبيته
وعلشان سعره الرخيص
بوجعي غليته
تسأل عليا
بدمعة ترد عليك غيمة
سافرت ورايا بلاد
واتوجعت من حلمي
حلمي في يوم أدراي عيونى
ويستريح قلبي من همى
اميرة على كوكب مهجور
سعيدة انى سمعت صوتك يوم اللقاء الحريمى
و سعيدة بتشريفك ليا بالزيارة
و عندك حق حرام نضيع ايامنا فى الحسرة على ما فات
احسن تستاهل
مهاميهوو
نورتينى يا جميل
ربنا يخليك على تشجيعك لى
بت خيخة
ماهو التضاد ده علشان نتعلم
نتعلم نحافظ على الابيض على اد ما نقدر
و نبعد عن الاسود فى نفس الوقت لو نقدر
بس لو نقدر بقى
نورتينى ياخوخة
عاشقة الرومانسية
و نعم بالله
rony
الخبرة جوانا بتتبنى زى البيت كده
كل ما كانت الازمات كبيرة و استحملنها
كان البناء بعدها اقوى
و مع الوقت هنلاقى ان اى ازمة تمر علينا بسيطة و سهلة
المهم اننا نستحمل
نورتنى بزيارتك لمدونتى
diyaa'
للاسف امتحان لسه له دور تانى
تحياتى لتحليلك
rovy
كل سنة وانتى طيبة و بخير
و يكفينى مرورك فى اى وقت و ان كان متاخرا
و ربنا يصلح لك حال النت حتى لا تغيبى عنا
سومة ..مجنونة
لا ده مش شغل المجانين
انتى يا حبيبتى غلبتيهم على الاقل هم فيهم كتير مهيص و بيضحك و يرقص
مش غم كده
خايفة من الكبد الوبائى ليه ان كان المخ و السلاطات ضربوا خلاص :)
mohamed ghalia
من سره زمن سائته ازمان
نفسى تبقى من سائه زمن سرته ازمان
السلام عليكم ورحمة الله وبركاته
كلمات رائعة كصاحبتها
دمت بخير وعافيه
...
آية
همس الاحباب
و انت طيب و بخير دايما يارب
مهندس مصرى
دى صورة شجرة الحياة
و فى الصورة الاصلى لها على النت
كل سنة وانت طيب
mahasen saber
ربنا يخليكى يا محاسن
انت اللى جميلة
kochia
كنت هسميه شجرة الحياة
بس لاقيت انه لى شخابيط و خلاص
و الحمدلله انها عجبتك
تحياتى
ابو على
لا مش للدرجة ..بس كفاية دمعتين تلاتة
هو ده طبع الحياه :)
وعجبي
عظمة على عظمة يااااااا ست
ايه الكلام الكبير ده
وصفتي إحساس حد عادي
بشيء بيحصل له كل يوم عادي
بشكل مش عادي
وخرجتيه من الخاص للعام
وكل واحد بيسأل نفسه
وياترى هو فين من الشخابيط النهاردة ؟
طالع ولا نازل
------------
هايل داليا
المنطقة دي انت ماشاء الله متميزة فيها جداااا
وبتكتبيها حلو اوووي بصراحه
رغم بساطة الأسلوب
إلا إن المعنى عميق
وده السهل الممتنع
جميل جدا
كلمات معبرة كعادتك بصراحة استمتعت
عبد الجليل
اولا مدونتك جميلة وكلامك كمان
وثانيا انا جاى ادعوكى لتشريفى مدونتى انا بتكلم فى موضوع مهم عن الادمان وتجربتى الشخصي معاة
ونفسى اكبر عدد من الناس يقدريستفيد ولو باقل الاشياء الى هى العظة
مع فائق احترامى
ايه القلم الرشيق العاقل ده؟
طيب ما البوست ده رد على تعليقك عندي
عجبني قوي تعليقك وعجبني قوي قوي اني اعرف انك صاحبة عقل راجح وموهبة محترمة جدا
تقبلي كل تقديري يا دوللي هانم
حبيبتي
كل سنة و انت طيبة معلش متأخرة شوية :)
بس قلت استني لما تصوموا السته البيض
شكرا اوى لاهتمامك وتشريفك لية
وانا تحت امرك اى حاجة عاوزة تعرافيها
مع فائق احترامى
لحد دلوقتى عندنا دعوتين واحده لنادى المحامين وواحده لنادى المهندسين
المؤكده منهم نادى المهندسين
وعموما الاتنين جنب بعض بالضبط
يعنى مش هتفرق
انا قلت اعلن عن المضمون
مبسوطه جدا انك هتيجى
نفسى بجد اشوفك
صح جدا كلامك
استنى اقولك بس الاول بجد سعدت
بزيارتك وزيارة مدونتك
بعد كدا نقول حقيقى الدنيا ميبقاش اسمها دنيا لو مكنش فيها الحلو والوحش فى كل حاجة حتى فى الايام لازم يكون فى فرح وحزن
اسلوبك بسيط جدا
بس فيه عقلانية وهدوء عالى جدا
دمتى بكل خير
تقبلى مرورى
بنتى العزيزه قوس قزح
ولا مر ولا حلو .. بس هى اقدار وربنا بيمشيها ولازم نتقبلها ... صحيح احنا بشر لازم نحس .. لاكن برضه لازم نفكر بمخنا شويه
ولازم حييجى اليوم اللى تكون فيه كل حاجه حلوه
تحياتى
وعلى فكره المر ساعات بيكون له عوزه برضه
السلام عليكم ورحمة الله وبركاتة
جزاكم الله خيرا على مشاركتى فى حملة (مدونتك هتنقذ طفلك)...و النشر الجماعى لموضوع الحملة الموجود
بمدونتى عن طريق كوبى وبست (نقل ) للموضوع بأكملة ووضعة بمدونتك الجميلة مع اى تعديل تجدوة مناسب مع الاحتفاظ بصلب موضوع الحملة المتمثل فى الاسم و طرق
التبرع الجديدة حتى يتسنى لنا مشاركة عدد اكبر فى الحملة . .
وربنا يكرمك يارب على التعاون ويجعلة ان شاء الله فى ميزان حسناتكم والمسلمين اللهم امين .
ملحوظة :- النشر مستمر ان شاء الله بس البداية كانت فى و29/9 ومن دواعى سرورنا ان تشتركوا معنا فى اى وقت تجدوة مناسب (ساعدونا ليعم الخير بأذن الله )1
عندك حق والله هي فعلا شخابيط الحياهع عباره عن شخابيط طالعه نازله
والحلو متحسيش بيه الا لو عرفتي المر
كل سنه وانتي طيبه ياسكره
انتي هتنوري اسكندريه
يارب اعرف اجي بس مش عارفه وعموما ياستي انا ابقي اجلكوا لحد عندكوا لو محصلش نصيب المره دي نفسي اوي اشوفك وده من زمااااااااااااان
تسلم إيدك يا داليا ولو أني حتى اللحظة بخالف كلامك الجميل ده لأني مشفتش من الدنيا غير المر من ساعة ما فتحت عيني
بس بجد كلماتك عجبتني
تحياتي
طيب واللي خط الحياه نزل بيه من خمس سنين ومش باين له طلوع تاني ؟؟
ماهو الحلو ماتعرفوش حلو
إلا لما تدوق طعم الجواز يا عيني
وعجبي ....!!
إحســــان الراوي
اللي سارح بربابة
كلمات بسيطه ومعبره
تسلم ايدك
ازيك ياداليا مش ناوية تنزلى جديد ولا ايه كل يوم آجى وبردو مفيش
شدى حيلك شوية يا افندم
ما بين و بين نعيش الحياة
يوم فى سابع ارض
ويوم يمكن بالكتير فوق الأرض
نوهم نفسنا بالسعادة
و ان لسة فينا نفس نكمل باقى المشوار
نقول أننا اليوم فى فرح و سعادة
ويجى يوم نكدة زيادة
نعيش و نقول ها يمر
زى الى مر
ماهو مش ممكن ها يكون من الى فات أمر
السلام عليكم ورحمة الله وبركاتة ,,,
موضوع جميل ومعبرا جدااااا
وياريت تشاركى معانا فى حملة نصرة الاقصى والموضوع بسيط جدا وياريت تشوفى موضوعى على مدونتى وتقوليلى رأيك.. رأيك يهمنى اكيدددد ..
السلام عليكم ورحمة الله وبركاتة ..
الله يكرمكوا يارب شاركونى يوم مقاطعة الفيس بوك يوم 24 /10 وياريت تشوفوا موضوع المقاطعة على مدونتى ومعاية بأذن الله
كلمات رقيقة تعبر عن حقيقة الحياة.
اعجبني تعبيرك الصادق.
ومن قبل اعجبت بردك علي بخصوص الاسم.
اتمنى لك كل الخير ومسيرة موفقة ان شاء الله.
اختك
فعلا هى لو ديما حلوه مش حنعرف قيمتها
وبعدين ربنا سبحانه وتعالى بيقول(لقد خلقنا الانسان فى كبد)
انا مستني رايك في مدونتي علي 3 تراكات جداد اتمني تعجبك وتعجب كل اصحابك في المدونه متتأخروووووش
تحياتي الاخويه البلوجريه المهلبيه
حلوة
( الحلو ماتعرفوش حلو إلا لما تدوق طعم المر )
يمكن يا داليا كلامك يكون صح
بس كتير بتبقى عارفه ان الحلو حلو من غير الحاجه لتذوق طعم المر القاسي جدا
تحياتى لك
حلو قوي ، واضح إن المعنى كان مالي ذهنك و انت بتكتبي .. بقى لك شوية ماكتبتيش حاجة كده ، من وقت موضوع الضلمة و العتمة
تحياتي دائما
ليه مفيش بوستات جديده ؟؟؟؟؟؟؟؟؟
محتاجة استفسار منكم من فضلكم
اتفضلوا عندى فى المدونة
ضرورى وشكرا
وحشتينى ى ى ى ى
قوى
داليا العسوله
ازيك ياقمر
المر لازم ندوقه عشان لو يوم جه الحلو نقدر نحس بيه
تحياتى
قوس قزح
سعيد بالتعرف على مدونتك هاقرأ بمزاج بقى سيبنى اغطس كده براحتى
دى غيبة طولية من سبتمبر يلا عاوزين جديد
داليا الجميلة...
إزيك ؟؟؟ عاملة ايه؟؟
يارب تكونى بخير دايما
و بجد مبسوطة جدا بيوم اللقاء
و سعيدة بالتعرف عليكى
ربنا يبارك لك يارب
و يديم تجمعنا على الخير دايما
دمتى بكل الخير
قوس قزح
جميل جدا ما كتبتي
تقبلي مروري
بلاد السحر والخيال
Post a Comment