Friday, November 12, 2010

كل عام و انتى صديقتى


يختلط علينا كثير معانى فى حياتنا و نضع مسميات غير صحيحة لها
مثلا الصداقة
ليس كل من يقترب منا و نتعامل معه هو صديق
بل هناك مواصفات لتلك الصداقة يجب ان نجدها فى هذا الشخص
فمن يفسر اى تصرف او كلمة منك بالمعنى السىء ليس صديق
من يوهمك انك على حق و هو يضمر غير ذلك ليس بصديق
من يطمع فى شىء تملكه و يحاول اختلاسه منك ليس بصديق
من لا يصدقك القول بالرغم من انه غير مرغم على الكدب ليس بصديق
من تكون حدود معرفته بك لنيل شىء منك او مصلحة ما ليس بصديق
من يجنح لقطع علاقته بك بعد خلاف بسيط ليس صديق
من يتجاهلك فى وجود اصدقاء اقرب اليه ليس بصديق
من ينتقدك بطريقة فظة امام الاخرين ليس بصديق
من ياخذك باخطاء غيرك ولا يراعى قربك منه ليس بصديق
من يفتش اسرارك تحت اى سبب فى الدنيا ليس بصديق
من لا يرد غيبتك و لا يلتمس لك عذر ليس بصديق

من تخلى عنك عند احتياجك له بدون سبب قهرى ليس بصديق
من يتعهد لك بشىء و ينكر عهده بعد ذلك ليس بصديق
من تكبر عليك و عاملك معاملة التابع له ليس بصديق

من لا يؤثرك على نفسه ليس بصديق




الصداقة جزء من الامومة
اخشى على مشاعر الصديق كما تخشى الام على صحة طفلها


الصداقة جزء من الرجولة
اصبغ الصداقة بصفات الرجولة من جدعنة و شهامة و مسئولية و صلابة


الصداقة جزء من الانسانية
ارتقى بالصداقة فبها ترتقى انسانيتك


الصداقة جزء من الحياة
حافظ علي استمرار الصداقة كما تحافظ على الحياة

غير ذلك ليس بصداقة

اخيرا
كل عام و انتى صديقتى
كل عام و انتى اقرب الناس الى قلبى
كل عام و انتى معنى الصداقة الحقيقية

كل عام و انتى طيبة مفروسة و عقبال 100 سنة


15 comments:

Mafrousa said...

دودوووووووووووووووووووووووووووو
كل اكلام اللى فوق ده فيا و فيكي؟؟؟؟؟
يالهوييييييييييييييى ده كتير جداااااا
هههههههههههههه
انتى مخمومة فيا يا ماما
بصي اه ابصم بالعشرة و بصوابع رجلاية كمان ان كل الكلام اللى فوق ده فيكي انتى يا اعز صديقة
لكن فيا انا؟؟؟!!!! يا حبيبتى ما تلاقيش غير الفرسة
ههههههههههههههه
انتى انسانة جميلة و جمال شخصيتك بيبحث عن اجمل ما فى الشخصيات اللى بتقابليها
(نظام زراير بينداس عليها هههههههههههه وش بيغمز )
هههههههههه
وانتى و حظك بقا فى الزرار يا يفجر فى وشك قنبله ههههههههههههههه يا يظهر اجمل ما فى الشخصيه
هههههههههههه
مرسي على انك صديقتى
و مرسي على المعايدة الجميلة الارديحي ديه من غير ولا كيك ولا حاجة
و مرسي على الكلام الحلو المكتوب ولو انه ينطبق عليكي انتى
و مرسي على وجودك فى حياتي
و الفضل كله يرجع لله وحده اللى بيولف القلوب
بووووووووووسة كبييييييييييييييرة و حضن اكبر

قوس قزح said...

استنى الاول اخد البوسة و الحضن
و بعد كده نتكلم فى موضوع الارديحى دى
موووووووووووواه
حضن جااامد اووى اووى
كل سنة وانتى طيبة يا حبيبتى و عقبال 100 سنة و اكون معاكى بردو ههههههههههههه

اما الارديحى يا ستى
اعملك ايه عيد ميلادك جاى مع عيد اللحمة
يعنى الهدية لازم تكون من الهبر و الموزات و المشويات
و انتى عارفة ان الشعب كله خلاص قاطع اللحمة عفافة نفس مش اكتر
ههههههههههههه

اوعدك لما يجى عيد ميلادك فى شم النسيم هاجيبلك فسيخ و رنجة و ملانة و بصل اخضر
هدايا مصرية اصيلة ..مش لحمة و الكلام الفاضى ده


انا بحبك اوى يا ورسا
ربنا يخليكى لى

Ramy said...

(:

تحليل صادق للصداقة

ربنا يحافظ لك على صداقتك

كل سنة و انت و الصداقة بخير

(:

موناليزا said...

ما أجمل الوفاء والصداقة والحب فى الله
ربنا يديم علينا جميعا نعمة الحب فيه

Kassandra said...

بالفعل الصداقة جنة لمن أوفاها

همس الاحباب said...

اممممممممم
سبحان الله كانك بتتكلمى عنى من 10 سنين ههههههههه
كل سنة وانتى طيبة يا مفروسة
وتعيشى وتفرسينا كمااااان وكمااااان
وكل سنة وانتى طيبة يا ام نور وعيد سعيد عليكى وعلى اسرتك الكريمة
وربنا يديم المعروف ما بينكم
تحياتى

شمس النهار said...

الاول ازيك يارب تكوني بخير
وكل سنه وانتي طيبه ياجميلة

وحشتيني جدا جدا

ثانياااااااا
كل سنه ومفروسه بالف خير وعيد ميلاد سعيد ان شاء الله

:)

momken said...

كل سنه ومفروسه طيبه ايوة بعدها بيوم بس برضو كل سنه وهى طيبه

اما عن موضوعك

ولا كلام بعد كلامك

تلك هى الصداقه وما عداها يطلق عليه اشياء اخرى

متعك الله باصدقاء يتفهمون المعنى الحقيقى للصداقه

تحياتى

فاتيما said...

بوسة وحضن
لعنوان البوست


وبوسة وحضن
للى مكتوبلها البوست

وبوسة وحضن
للى كتبت البوست



كل سنة وانتوا سوا
وكل احبابكم بخير




يا خرابى
مش لاقية كلام اكتبه
أصل
البوست رقيق قوى
:)

Diyaa' said...

:)

مجرد حلم صغنتوت said...

كل سنة وانتي طيبة يا داليا :)
وكل سنة وكل اللي بتحبيهم جنبك ومعاكي وفي فرح دايماً يا رب

كــركــبــة دمـــاغ ㋡ said...

كل سنه وانتي طيبه وبالف خير وصحه وسلامة يا دودووو

وربنا يعود عليكي الايام بكل خير وانتي في احسن حال يااااااااارب

عيد سعيد عليكي وعلى كل حبايبك يارب

(f)

إيمان قنديل said...

كل سنه وانت بخير وصحه وسعاده يا اجدع داليا عرفتها في حياتي

romansy said...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

عاشقة القمر said...

سلام عليكم ورحمةالله وتعاليى وبركاته
من العابدين الفايزين

وعساكم من عواده

والله يتقبل منكم صومكم وحجكم
......
وأن يرجع الحجاج سالمين غانمين

وأن يعيده علينا وعلى جميع الأمة الإسلامية باليمن والبركات

وكل عام وأنتم بخير