الحمدلله اللى يستاهل الحمد كثيرا
امبارح كان يوم مليان خير فاق كل توقعات الحاضرين
و فعلا طلع رمضان كريم على اطفال ابو الريش
و قدرنا نجمع حوالى 14 الف جنيه
اتخصص جزء منهم لشراء انابيب و ادوات للمعمل و صمامات للمخ
المستشفى حالتها المالية صعبة جدا
خصوصا انها قايمة على التبرعات
مديرة المستشفى اديتنا ورقة فيها بعض الحاجات اللى محتاجها المستشفى ضرورى
قيمة الحاجات حوالى ربع مليون جنيه
كل الحاجات اللى موجودة فى الورقة لعمل عمليات دقيقة لحالات حرجة
منهم 30 صمام لعمليات الميه على المخ
سعر الصمام الواحد 1300 جنيه
فقررنا ان اغلب المبلغ يروح للحالات دى
و الحمدلله قدرنا نوفر سعر 7 صمامات
يعنى سبع اطفال بمساعدتكم هيكونوا بأذن الله عندهم فرصة للعلاج
باقى المبلغ قدمناه للمعمل لانه بيحتاج بصفة دورية و ضرورية لانابيب العينات و التحاليل
بعض الحضور كان جايب عصاير و بسكويت و طلعوا وزعهم على الاطفال
و عرفنا من الاستاذ خالد عونى ان كان فى نفس اليوم متبرعين تانين
منهم اللى اتبرع بشراء جهاز للمستشفى و منهم اللى وزع حاجات على الاطفال
بالنسبة لورقة الاجهزة و الادوات اللى محتاجينها للمستشفى هنزلها لكم علشان اللى يحب يتبرع بحاجة منهم للمستشفى
الناس اللى شاركت معنا فى الخير سوا بالتبرع او الحضور
ابو حميد
طارق العمرى
سامى احمد
وليد الزهيرى
مدحت القاضى
رحاب الفواخرى
محمود فاو
محمود فاو
حمادة الغزالى
محمود سليم
صاحب مدونة المستفز
مصطفى ريان
رامى
مينا
اسامة غزالى و قريبه
رشا عرابى
منار بيطرية
شيرين الكردى
ساجى و اصدقائها رشا و كريم
عبير
احمد سكر
فاتيما
عمرو يسرى
شريف صابر
ضياء
كيارا
عمرو
مروة جابر
معتز على
د/ حسناء
ميرا و خطيبها
ريم سعيد
شريف هجايص و حرمه
سامح خاطر و حرمه و بنوته الجميلة الانسة سمر
مروة عبد الفتاح
وليد الدغورى
رضوى حسين
محمد الغرباوى
غادة محسن
خالد همس الاحباب
بنوتة مدونة جديدة من المنيا هى و اختها و صديق لهم
و شرفنا بعد الفطار
محمد متولى من المنصورة
الصباغ
سوو
سونى
اسفة لو نسيت اسم حد
و شكرا لكل حد ساعدنا فى اليوم ده
رمضان كريم
مواضيع عن اللقاء
http://justlittleideas.blogspot.com/2011/08/blog-post_21.html
مواضيع عن اللقاء
http://justlittleideas.blogspot.com/2011/08/blog-post_21.html
.jfif)
.jpg)
17 comments:
هو أنا ماجيتش ولا إيه؟
مش قلت لك كرم ربنا مالوش حدود؟
واضح ان المستشفى فعلا محتاجه كتير لسه
انا شفت اعلان لهم فى التليفزيون
ربنا معاهم يارب
وباذن الله قبل العيد يكون عندهم كل الفلوس اللى محتاجينها وبزياده
كان نفسى اكون معاكم او على الاقل اسمع صوتكم فى الموبايل بس انشغلت جدا اليوم ده سبحان الله
:(
عقبال كل مره وتكونوا متجمعين فى الخير يا وش الخير
اهوووووو اول اسم اهو
سوووورى يا احمد بس و الله كان بقالى ساعة عاملة اكتب الاسماء و فجاة الجهاز هنج فكتبتها تانى من الاول و بسرعة
و الله شرفتنا بوجودك و كل سنة وانت طيب يا فندم :)
عاشقة الرومانسية
ايوه يا دودو
كرم ربنا كبير اوى
رغم عددنا اللى مش كبير زى كل سنة
لكن الحمدلله جمعنا مبلغ كويس
الحمدلله
رمضان كريم
مساء الورد .. شكراً يا رمضان يا كريم علي انك بتجمعني مع الناس الحلوين الطيبين
علي فكرة انا صحيح وصلت بس مش بعد الفطار انا كنت معاكم برويح طول الطريق بالموبايل ومستعد اشارك معاكم في حملة التبرعات واثبت وجودي قبل الفطار .. المغرب أذن عليا قبل ما اركب المترو فطرت كانز ومولتو وانا روحي معاكم حواليكم .. وكنت معاكم بعد الفطار .. وسعيد برؤيتكم
وعلي فكره كمان كانت معاكم في الفطار ميرا شعبان .. مخدتش بالي ان اسمها هنا .. ان شاء الله نساعد كلنا في تلوين ابو الريش بكل ال محتاجينه و ان شاء الله ربنا هيعينا و يجازيكم كل خير يااااااااااااااااارب
شكراً يا داليا وكل اصحابي المحترمين
شكراً رمضان
:)))
صباح الورد
بارك الله في عملكم هذا وجعله في
ميزان حسناتكم وأتمنى من الجميع
التعاون فيد واحدة لا تصفق وكل شيء
بحساب عند الله عز وجل ...
تحياتي للجميع
البوست عن اليوم شرف يامجمعنا فالخير:)
مونتى
و الله كفاية انك سافرت المسافة دى كلها علشان تكون معنا
انا كنت سعيدة جدا انى شوفتك و ان شاءالله نتجمع على الخير دايما
على فكرة اسم ميرا موجود
هتلاقى مكتوب ميرا و خطيبها
شككتنى فى نفسى :))
ريبال بيهس
اشكرك على تشجعيك و على مرورك الجميل
تحياتى
حقيقي كان يوم جميل واجمل حاجة فيه جمعتنا مع بعض
انا متفاجئة بالرقم اللي وصلتله التبرعات لاننا مش كنا كتير زي السنة اللي فاتت ما شاء الله لا قوة الا بالله ربنا يزيد ويبارك يا رب
ويا رب متجمعين في الخير دايما يا رب
كل سنة وأنت طيبة يا داليا
وبإذن الله تتكرر نشاطاتك الخيرية
بنفس الأداء والنجاح ، وكل مرة تكلل بنجاح أكبر وأكبر
وإسمحيلي استعين ببعض المعلومات اللي جت في البوست بتاعك الخاصة بأبوالريش
مع الإشارة لصاحبة المعلومة طبعاُ
وربنا يوفقك للخير دايماً
شكرا لرمضان
وشكرا لكل من إمتدت يده وقام بعمل الخير
فى شهر الكرم والخير
بصراحه ماقمتم به مشرف
ويستحق التهنئة على هذا المجهود الرائع
جزاكم الله كل خير
وجعل هذا العمل الخيّر فى ميزان حسناتكم
مع تقديرى لكم جميعا
الشكر لله أولا ولكى وللاستاذ خالد لمجهودكم فى تجميعنا
ان شاء الله دايما اصحاب الخير كله
مروة جابر
الحمدلله يا مروة
انا كمان كنت متوقعة ان مش هنقدر نجمع مبلغ كبير كده
بركة رمضان بقى :)
عارف..مش عارف ليه
جزاك الله كل خير يا وليد
و ان شاء الله متجمعين دايما فى الخير
الجوكر
ميرسي لمرورك و تشجيعك
بسنت
الشكر لكم انتم اللى بتسعوا دايما لعمل الخير حتى لو فى مكان بعيد
Post a Comment