Saturday, October 29, 2011

تبرع جماعى




السلام عليكم

المفروض ان الجمعة الجاية

اللي هي اول جمعة فى نوفمبر

يكون ميعادنا الإعتيادي للتبرع بالدم

ولكن نظرا لأن الجمعة الجاية هتوافق يوم 8 ذو الحجة

وفيه ناس كتير بتصوم التسع أيام الأوائل من ذو الحجة

ونظرا لان التبرع بالدم مش هاينفع مع الصيام

لذلك انا قررت انى أأجل ميعاد التبرع اسبوع واحد فقط

وبكدة يكون ميعادنا يوم 11 نوفمبر 2011

**

وبالإتفاق مع داليا قوس قزح

قررنا ان يوم 11 نوفمبر

مش هيكون تبرع بالدم فقط

ولكن هيكون ميعاد بؤجة الخير كمان

**

اليوم هيكون منظم كالاتى

الساعة 10 صباحا هنتجمع عند هيئة المصل واللقاح بالدقي

وبعد مانخلص التبرع بالدم

وتقريبا ده هيكون بعد صلاة الجمعة

هنتحرك كلنا ونروح على مكان تجمع بؤجة الخير

**

اللى عايز يجى على البؤجة مباشرة

يبقى يجى بعد صلاة الجمعة

واللى عايز يجى التبرع بالدم فقط

ويمشى بعد كدة .... برضه براحته

**

عنوان هيئة المصل واللقاح

الدقي / امام توكيل هيونداى

شارع البطل احمد عبد العزيز

**

عنوان البؤجة

جمعية صحبة خير

مسجد زهراء مصر القديمة

20 شارع احمد خيري

فوق كافتيريا السرايا

بعد محطة مترو الزهراء

بحوالي 100 متر تقريبا

**

ده رقم تليفونى هيكون مفتوح يوميها

01019790270


وده رقم خالد همس الاحباب
0101345140

**

ملحوظة : تغيير ميعاد التبرع بالدم القادم

تغيير استثنائي

يعنى بعد كدة مواعيد التبرع بالدم هتكون زى ماهى

**

اللى عنده أي استفسار بخصوص التبرع بالدم او بؤجة الخير

ياريت يكتب استفساره فى صفحة التعليقات

و ان شاء الله انا وداليا هنرد عليه

**

ياريت تعلنوا عن اليوم ده

في مدوناتكم او على الفيس بوك

فالدال على الخير كفاعله

**

شكرا ليكم واشوفكم على خير ان شاء الله

وكل سنة وانتوا طيبين يا اعز الناس

_____


إنتهى

منقول من مدونة خيخة


12 comments:

همس الاحباب said...

علم يا افندم وتم التنفيذ
كل سنة وانتى طيبة
وعيد سعيد عليكى وعلى اسرتك
وربنا يجعله فى ميزان حسناتكم
تحياتى

مدونة رحلة حياه said...

السلام عليكم
جعله الله فى ميزان حسناتكم جميعا ان شاء الله
وربنا يوفق الجميع لعمل الخير
اول مرة ادخل المدونة هنا
وكانت مفجأة بالنسبة لى انها نفس قالب مدونتى
دومتى بخير

عاشقه الرومانسيه said...

كسلانه تكتبى بوست يادودو ؟ ههههههههههه
ربنا يجعله يوم مليان بالخير ياوش الخير
ويجعله فى ميزان حسناتكم

الطائر الحزين said...

ربنا يتقبل منكم صالح العمل

قوس قزح said...

همس الاحباب

دايما صاحب واجب و سباق للخير
جزاك الله كل خير و بارك لك فى بنوتاتك يا رب

قوس قزح said...

مدونة رحلة الحياة

ده شرف لنا يا فندم
و منورنا دايما :)

قوس قزح said...

دودو

و الله كلام خيخة جميل و مش هاقول افضل منه مش اكتر :)

كل سنة و انتى طيبة يا جميل

قوس قزح said...

الطائر الحزين

منا و منك
كل سنة وانت طيب و بخير

فاتيما said...

كل سنة وانتى طيبة يا دوللى
عيد سعيد عليكى انتى يا رب
واحمد والعياااال

اشوفك ان شاء الله
على الف خير
يا وش الخير

Mano said...

ربنا يقدر حضرتك لفعل الخير ديما
وكل سنة وحضرتك طيبة
عيد اضحي سعيد

Mano said...

ربنا يقدر حضرتك لفعل الخير ديما
وكل سنة وحضرتك طيبة
عيد اضحي سعيد

Mahmoud Bahgat said...

كل سنة و انت طيبة و عيد سعيد عليك دى تانى مرة اجى الاولى كانت فى ابو الريش اليابانية فى رمضان ربنا يوفقكم لفعل الخير