Tuesday, May 1, 2012

البؤجة يا اهل الخير



كل سنة و انتم طيبين و دايما متجمعين على الخير
طبعا اغلبنا خلاص عرف نظام البؤجة
و بيجهز لها كل ما يطلع هدوم شتوى او صيفى
و الناس الجديدة اللى لسه متعرفش عنها حاجة اقولهم دوسوا هنا ده بوست قديم فيه كل التفاصيل 




الحاجة اللى احب ااكد عليها تانى و تالت و عاشر
الناس هناك يا جماعة تحت خط الفقر
يعنى اى شىء و اى حاجة ممكن تشارك بها
هدوم صيفى شغال
هدوم شتوى شغال
ملايات ماشى
لعب اوكى
حتى لو حاجات بلاستك
اى شىء هيكون لهم شىء مهم

فى شىء تانى مهم
الجمعية هناك بترحب بأى حد يتطوع معها فى تقديم خدمات للناس
حتى لو ساعة فى الاسبوع
زى تعليم الولاد الكتابة و القراءة
توعية الناس هناك
تطوع اطباء للكشف على حالات ما
كورسات كمبيوتر
اى حاجة ممكن يستفيد بها الناس هناك من خبرة اى حد فينا

ميعادنا يوم الجمعة 11 مايو
من الساعة 11 الصبح لحد 2  بالكتير
التجمع هيكون فى جمعية صحبة خير بمسجد زهراء مصر القديمة 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا
و ده تليفون خالد همس الاحباب 01001345140
لأى حد يحب يسأل على اى شىء

اشوفكم على خير يا اهل الخير

6 comments:

همس الاحباب said...

يا نهار ابيض
تانى رقم 11 ما بلاش يا بنتى
11-11 ما جتش بسبب حالة الوفاة
المرة دى ربنا يستر من رقم 11
عامة كل سنة وانتى طيبة
وربنا يجعله فى ميزان حسناتك
تحياتى

همس الاحباب said...

تانى رقم 11 ما بلاش يا بنتى
11-11 ما جتش بسبب حالة الوفاة
المرة دى ربنا يستر من رقم 11
عامة كل سنة وانتى طيبة
وربنا يجعله فى ميزان حسناتك
تحياتى

أحمد كمال said...

ربنا يبارك فيك، الخير على ايديك لا ينتهي :)

قوس قزح said...

همس الاحباب

و انت طيب يا خالد
سيبها على الله

ان شاء الله يكون يوم جميل

قوس قزح said...

احمد كمال

انت نصيبك فى الخير ده كبير
ولا ناسى :)
ياريت تقدر تيجى انت و المدام

sony2000 said...

جيه بأذن الله