Friday, August 3, 2012

ابو الريش .. الخير والمحبة





كل سنة و انتم زى ما انتم بقلوبكم الصافية الجميلة اللى بتسعى للخير و الحب  بكل اشكاله 
 اتعودنا فى الشهر الكريم ده نتجمع على الخير للاطفال و المحبة بين الاصدقاء
علشان كده جاية ابلغكم بتجمع ابو الريش
ان شاء الله هيكون يوم السبت  11 اغسطس 
و التجمع هيكون على الساعة 4 
فى مدخل المستشفى اليابانى للاطفال بابو الريش
و التبرعات المرة دى هتكون مادية .. يمكن نقدر نشترى بها حاجات ناقصة فى المستشفى 
او نوزعها على الاطفال 
و ان كنت افضل انها تروح لادوات طبية او ادوية علشان يستفاد بها الاطفال اكتر 
و ده رقم تليفون لاى حد يحب يعرف اى تفاصيل
 
01118081147 
بالنسبة للفطار بعد التجمع .. انا محتارة والله 
بس فى اكتر من مكان مطروح
كافتيريا الاوبرا 
و مطعم ابو رامى للمشويات 
ومطعم بحة 
لو فى اقتراحات تانية و افضل ياريت تبلغونى 
و اول ما نوصل لمكان الفطار هاكتب هنا تحديث ان شاء الله


فى انتظاركم يا اهل الخير و المحبة 

تحديث بعد اخذ اكتر من راى .. كانت افضل الاقترحات هى الافطار فى الاوبرا
فى كافتيريا هناك
و دى الوجبات و اسعارها
الوجبة الاولى  

 1/2 فرخة مشوية مخلية – أرز بالخلطة – بوم فريت – شوربة لسان عصفور – 2 سلطة خطراء وطحينة – حلويات شرقية - عيش – مشروب رمضان
السعر 45 جنية
الوجبة التانية 
 مكس جريل – 2 كفتة وكبدة مشوية – شيش – ريشة بتلو – أرز باللخلطة – بوم فريت – عيش – مشروب رمضان – حلويات شرقية
السعر 65 جنية

الوجبة التالتة 
 بيكاتا مشروم – أرز أبيض – بوم فريت – شوربة لسان عصفور – 2 سلطة خضراء وطحينة – عيش - حلويات شرقية – مشروب رمضان
السعر 50 جنية

الوجبة الرابعة 
 250 جم شيش طاووق – أرز بالخلطة – بوم فريت – شوربة لسان عصفور - 2 سلطة خضراء وطحينة – عيش - حلويات شرقية – مشروب رمضان
السعر 45 جنية
الوجبة الخامسة 
 250 جم فراخ بانية – بوم فريت – شوربة لسان عصفور - 2 سلطة خضراء وطحينة – عيش - حلويات شرقية – مشروب رمضان
السعر 45 جنية

الوجبة السادسة
 طاجن خضار باللحمة – أرز أبيض - – بوم فريت – شوربة لسان عصفور - 2 سلطة خضراء وطحينة – عيش - حلويات شرقية – مشروب رمضان
السعر 45 جنية

الوجبة السابعة 
 اسكالوب بانية – أرز باللخلطة - – بوم فريت – شوربة لسان عصفور - 2 سلطة خضراء وطحينة – عيش - حلويات شرقية – مشروب رمضان
السعر 60 جنية

او يقدر اللى يحب يطلب سندويتشات  مش وجبة و دى اسعارها بتبدا من 20 جنيه بيكون معها بطاطس و مخلل

الافضل طبعا لو كل واحد يبلغنى برقم الوجبة اللى عايزها علشان يبقى سهل الحجز 

---------------------------------------------






مدونات مشاركة بالدعوة  للخير

الفارس الاخير .. ابو الريش 
Appy planet ..التجمع الخيرى السنوى لابو الريش 
روح قلب ماما .. يا ابو الريش انشالله تعيش
بت خيخة و اى كلام .. البنسة 
حدوتة مصرية .. الظرف 
سالزيادسو .. ريش على ريش 
قلب مصرى ..ابو الريش ..اهلا يا اهل الخير 
رحلة حياة .. فرصة متفوتهاش ( تجمع ابو الريش )
فضفضة .. ابو الريش 
Sentimental Prints in My Life.. Growing up
حياتى ..لكن مش حرة  فيها .. ابو الريش .. المنسية 

43 comments:

Remas said...

كل سنة وانتِ طيبة يا دوللي
ويارب دايما مجمعانا على الخير والمحبة في الله
ربنا يجازيكي كل خير عنا جميعاً
وان شاء الله يبقى يوم جميل و مثمر
:)

Empress appy said...

كل ينه وانتم بخير وسابقين للخير

داليا ..قوس قزح said...

Reem
وانتى طيبة و بخير دايما
هيكون جميل بوجودك ان شاء الله يا قمر :)

داليا ..قوس قزح said...

Appy
و انتى طيبة و بخير يارب
وحشنا وجودك معنا
ربنا يجمعنا تانى على الخير يارب

شاب فقرى said...

إن شاء الله وبإذن العلي القدير

إني قادم :)


بس كدهون


وربنا يقدرك دايما على فعل الخير وتجميعنا فى الخير دايما يا داليا


وكل سنة وإنتى طيبة وبألف خير يارب وعقبال كل سنة :)

Hannoda said...

ان شاء الله معاكوا و لأول مرة أحضر اليوم ده رغم اني دايما بتابعه معاكوا و اتمنيت كتير أحضره بس ماصدفش ولا مرة يكون فوقت اكون فيه فمصر.. سعيدة جدا النصيب حايمحلي أكون جزء من عمل جميل زي ده.. ربنا يكتب لكل حد سعى ليه الخير و يفيد بيه الناس .. بجد انا محظوظة جدا لو ربنا سهلي الحضور.. وشكرا ع التاج :)

تحياتي

Anonymous said...

إيه البوست اللي عند خيخة ده
كان كفاية انها تعمل اعلان
دى حاجة تقطع القلب والله
ربنا يجازيكي خير
بس يعنى خلى خيخة تخف من جرعة النكد
هى تشكر برضه بصراحة البوست بتاعها قوي
لولا البوست عندها انا مكونتش هاروح
بس تخيلت بنتى زى البنت اللى فى البوست عند خيخة قلبي وجعني
ربنا يجازيها خير
بس انا هاسبقكم بقى هاروح يوم الجمعة علشان السبت مش مناسب عندى


أحمد

محمد عبد الغفار said...

اللهم اجعلها دعوه خالصه لوجه الله وتقبل الله منك ومن المشاركين

داليا ..قوس قزح said...

شاب فقرى

و احنا فى انتظار مشاركتك المميزة :))

داليا ..قوس قزح said...

hannod

انا سعيدة انك هتشرفينا و تشاركى معنا و ان شاء الله يكون يوم لا ينسى و تحاولى تحضريه كل سنة لو امكن :)

داليا ..قوس قزح said...

احمد

جزاها الله كل خير هى بتحاول تستميل قلوب الناس بقصة هى اقرب للحقيقة بجد

و جزاك الله خير على مشاركتك مهما كان وقتها

داليا ..قوس قزح said...

محمد عبد الغفار

يارب يا محمد ..فعلا المهم النية

كريمة سندي said...

وفقكم الله لما يحبه ويرضاه آمين

عمرو يسرى said...

يقترح وضع رقم تليفون يفتح يوم التجمع او قبله بيوم للتسهيل على الناس الوصول الينا فالكثير قد يخطئ وينتظرنا عند ابو الريش المنيره وليس ابو الريش اليابانى وخصوصا بان الاثنين بجوار محطه مترو السيده

داليا ..قوس قزح said...

كريمة سندى
شكرا لك :)

داليا ..قوس قزح said...

عمرو يسرى

هنعمل كده ان شاء الله :)

حنين محمد said...

صباح الغاردينيا
من مدونة الغالي ابراهيم رزق وصلت هنا
وبجد ابتسمت :)
ربنا يوفقكم ويجزاكم الف خير"
؛؛
؛
لروحك عبق الغاردينيا
كانت هنا
Reemaas

فاتيما said...

عملت تحديث يا دوللى ...

ولو ينفع ترقمى الوجبات اسهلك
والناس تقولك رقم تلاتة او خمسة .. كدا


انا هختار وجبة الفراخ البانيه
:)

وموشكرين يا وش الخير
على كل تعبك دا
وربنا يجعله يوم جميل وخير
زى كل مرة واحسن يا رب


بوسات وحضونات
بكل الوان السما السابعة

داليا ..قوس قزح said...

ريماس

باشكر ابراهيم ان وصل لى من خلاله زهرة جميلة زيك تفتح فى بستانى

شرفتنى بزيارتك :)

داليا ..قوس قزح said...

فاتيما

الشكل الجديد بتاع البلوج ده مش مخلينى اعرف اعمل ترقيم مظبوط :(

هحاول اكتبها بالحروف و خلاص

sabry abo-omar said...

عمل خيرى مشكور ولفتة طيبة يشعر بها الأطفال والمحتاجين كل فترة.. أتابع نشاطكم ودعواتكم الكريمة وأحاول أن أكون معكم هذا العام إنشاء الله.. تحياتى

داليا ..قوس قزح said...

sabry abo-omar
جزاك الله كل خير
و ان شاء الله تكون مشارك معنا

مونتي بوكيه ورد said...

بسم الله الرحمن الرحيم
كل سنه وانتم طيبين يا احسن ناس دي فرصه جميله العاده الجميله دي تجمعنا ونطمن بيها علي الاطفال ربنا يشفيهم وانا كلي امل ان السنه دي والسنين ال جايه يكون الوضع احسن و نشوفهم مبسوطين و المعامله معاهم تكون كويسه فرصه حلوه بنشوف فاتيما القلب الكبير وكل المدونين ال بحبهم من قلبي ويارب يجمعكم دايما بالخير ولان اليوم صعب شوية في وسط الاسبوع هعمل الدعايه علي الفيس عندي و نحول التبرعات من خلال الحساب باذن الله و اتمني نكرر دا كمان هنا في مستشفي الاورام في المنصوره فيها اطفال زي الورد ويارب يحميكم ويجازيكم كل الخير

P A S H A said...

كل سنة وحضرتك طيبة وبألف خير وصحة وسعادة وإن شاء الله يكون شهر خير عليكي وعلى أسرتك الكريمة وعلى المسلمين جميعاً بإذن الله :)

ويا رب دايماً متجمعين في الخير يا أهل الخير

دعاء مواجهات said...

ان شاء الله جاية

اعتقد كافيتريا الأوبر افضل اختيار .. وممكن مطعم بحه بردو .. انما ابو رامى زحمة جداا ف رمضان وقعدتة خنقة

الاوبرا كويسه :)

الازهرى said...

انا هأختار الوجبة الأولى

بعد تفكيييييير عمييييييق لمدة 4 ثوانى تقريبا

ظلالي البيضاء said...

السلام عليكم ورحمة الله ..
أتتني دعوة للانضمام إلى أبو الريش لكنني لم أكن أعرف ما هي هذه الدعوة ولم أكلف نفسي عناء البحث فيها لأن الوضع عندنا في سوريا لا يترك لنا روحاً لقراءة ما لا نهتم به ..
وبما أنني لست من مصر الحبيبة فلم أكن اعرف سابقاً أن هناك مشفى اسمها أبو الريش ..
لكن بما أنني أخيراً دخلت وعرفت القصة والموضوع فقد تمنيت أن اكون معكم هناك .. لكن الأمر يحتاج إلى سفر وتذاكر وطائرات .. والوضع لا يحتمل ..
لذلك نسأل الله لكم التوفيق ولجميع إخوتنا في التدوين فاتيما روح قلب الملائكة وإبراهيم رزق وكل المشاركين .. نقول لهم نحن معكم بقلوبنا وبارك الله في إحسانكم وأياديكم البيضاء ..
دمتم بألف خير وكل عام وأنتم بخير

ظلالي البيضاء said...

قادني إلى هنا مدونة فاتيما .. الأم الرؤوم

P A S H A said...

بعد إذنك فيه حاجة عاوز أقولها وباعتقد أنها ممكن تيجي في بال ناس كتير ويتحرجوا يتكلموا فيها .. مش هاقول أن الأسعارمبالغ فيها أو غالية ، لأنها بالنسبة لأسعار الفطار في رمضان – اللي بيبقى زي الزفت في أي مكان - عموماً تعتبر معقولة ، الفكرة بس في أن اللي ناوي ييجي يفطر ويشرب له حاجة بعد الفطار ده غير مواصلاته – لو هو من القاهرة – على الأقل هايدفع له ميت جنية ! .. وده كده ولسه ما اتبرعش !! .. طبعاً لو فيه زميل حابب ييجي من خارج القاهرة أو ييجي هو وأسرته المبلغ هايدخل له في تلتميت جنية ، يكون اتبرع منهم بخمسين جنية !! .. عشان كده هاتلاقي أن معظم اللي هاييجي اليوم ده ، هاييجي بعد الفطار يقعد مع الناس في الكافتيريا وخلاص ويوفر !! .. يا إما هاييجي التبرع وساعة الفطار هايزوغ وهو كان نفسه يقعد مع الناس !!
أنا عارف أن الفطار مش إجباري للي عاوز يشارك ومش في إستطاعته أنه يفطر ، بس احنا كده بنحط العقدة في المنشار !! .. والظروف تعبانة يا حاجة !! .. لأن اللي بييجي يتبرع عاوز برضة يقعد مع الناس ، وفيه ناس بتيجي في الأساس عشان تشوف الناس وبالمرة تتبرع !
أنا باحاول أفكر معاكم بصوت عالي في حاجة بتيجي على بال كتير مننا بس هايتحرج يتكلم فيها .. وآسف بجد لو صدعتك ، معلش قدرك بقى :) هو دايماً اللي بينظم بيبقى موعود كده :)
دمتي بخير وسعادة

نور الدين (محمد الجيزاوى) said...

كل سنة وانتم طيبين ودايما كتجمعين فى الخير ياداليا

بسم الله الرحمن الرحيم الإجابة : الوجبة الأولى
وبكدة اضمن ان اللى هيجرالى هيجرى للأزهرى وفاتيما
ومؤيد لرأى مواجهات الصين حلوة والاوبرا حلوة

أحمد عبد الحميد said...

بسم الله الرحمن الرحيم.... الإجابة وجبة رقم واحد

داليا ..قوس قزح said...

مونتى بوكيه ورد

و الله يا محمد انا قلت بلاش الجمعة علشان ناس كتير اوى بتكون معزومة او عازمة فيه
كان نفسى تبقى معنا
وموضوع المنصورة انا موافقة عليه جدااا .. بس رتب الدنيا و بلغنى و ربنا يكرمنا ان شاء الله

داليا ..قوس قزح said...

PASHA

وانت طيب و بخير يا رب و يرزقك الذرية الصالحة

بخصوص موضوع الفطار .. انا ضفت جزئية جديدة

ان فى كافتيريا تانية بتقدم ساندويتشات بتبدا من 20 جنيه

انا عارفة ان الفطار غالى .. بس صدقنى كل الاماكن اللى بتقدم باسعار اقل من كده مشكوك فى امرها

لو كان فى مكان نقدر نفطر فيه كلنا و كل واحد يجيب اكله معاه كان وفر على ناس كتير .. بس للاسف مفيش مكان مناسب نقدر نعمل فيه ده

وعموما اللى يحب يتبرع و ميقدرش يشارك فى الفطار و يحب يحضر بعد الفطار ممكن ناخد تبرعه عادى بعدالفطار ..و خالد او انا بنروح المستشفى تانى و نسلم التبرع

мαησηα said...

كل سنة وانتوا أحلى ما في رمضان

انا جاية :)

بس مش هافطر معاكوا بقه هاسلم عليكوا واقعد شوية وامشى

معلش اصلى معايا خالتو وهتفطرنى هى على زوقها او يمكن يعجبها ونيجى معاكوا :)

فالاحسن ماتعملوش حسابى :)

وحشنى اليوم ده بجنون ووحشتونى يا كل القلوب الخضراء العامرة بالخير دايما

اشوفكم يوم الخير يا اهل الخير


معلش سامحينى ما اقدرتش والله اعمل يا دودو بوست زى كل سنة انا مطحونة ف الشغل لما نتقابل هاشرحلك :(

دعواتك يا ام القلب صافي ♥
بحبك ♥

داليا ..قوس قزح said...

دعاء مواجهات

هتنورينا و الله
بس بردو مش قلتى هتفطرى ايه :(

داليا ..قوس قزح said...

الازهرى

اربع ثوانى ؟
ده كده يا دوب قريت مش فكرت :)

داليا ..قوس قزح said...

ظلالى البيضاء

يا الله .. من سوريا ؟
ربنا يكون معاكم و فى عونكم و ينصركم على الظالمين
و يصبركم على الايام الصعبة دى
و الله كفاية مرورك ..فعلا نور المكان
مرورك فعلا ظلال بيضاء .. و يطمن القلب ان لسه فى تواصل بين شعب سوريا و العالم من خلال النت

فاتيما دايما بتكون سبب لكل حاجة حلوة :)

داليا ..قوس قزح said...

نور الدين

خلاص هى الاوبرا ان شاء الله
انت لازم تيجى .. عشان انت بدل مينا ..اوعى تغيب انت كمان :(

داليا ..قوس قزح said...

احمد عبد الحميد

ايه حكاية الوجبة رقم واحدة ؟؟
كل الولاد بيطلبوها ليه ؟

داليا ..قوس قزح said...

منون

المهم انى هاشوفك :)

ربنا يعملك الخير يارب و يرضيكى به

وكل سنة و انتى طيبة و سعيدة :)

فاتيما said...

مصاء الخير يا بشر ...


اولا موشكرين يا ضلالنا البيضاء
الطيب من سوريا الجميلة
ربنا يحرسها وياخذ ظالميها وطغاتها يا رب ويحفظ الشعب السورى ..
اللهم آمين



ثانيا
انا اخترت وجبة 5 يا جماعة
عشان نور تصور انى اخترت رقم واحد
وكدهون ..



ثالثا
انا فرحانة قوى انى هشوفكم كلكم



رابعا
انا هبقى عند الباب
من تلاتة ونص احتياطى لأى حد
جاى ..



خامسا
متجمعين ف الخير دايما يا رب


سادسا
ربنا يباركلك يا وش الخير
ويبارك لكل حد شارك واتحمس




و... بس كدا

:)

داليا ..قوس قزح said...

فاتيما

ربنا يكرمك يا رب
و نتجمع دايما على خير

Mahmoud Bahgat said...

كان يوم رائع بجد و بارك الله فيك و ربنا يجعله فى ميزان حسناتك
و انشاء الله عقبال كل سنة بس بلاش نبقى نفطر فى الأوبرا دى تانى