Tuesday, December 2, 2008


اولا



كل سنة وانتم بخير



و عيد اضحى سعيد على كل مسلم



ثانيا


انا بشكر كل اللى علق عندى على البوست اللى فات و بقولهم جزاكم الله كل خير وان الحمدلله محدش قال عليا انا شخصيا حاجة و ان يوم البؤجة كان يوم ناجح جدا و جمعنا شنط كتير و مبالغ تكفى لشراء بطاطين للناس ده غير ان فى ناس جديدة شاركت معنا و ده معناه ان المشاركات كل مرة بتزيد و ان حتى التجمع بعد البؤجة كان جميل و الناس كانت مبسوطة و فرحانة باللقاء ده و ان كان سبب زعلى هو انى عرفت ان بعض المدونين بيتكلموا على مدونين بشكل مش كويس بالرغم من وجود صداقة بينهم و ده طبعا ضايقنى جدا لان احنا ناس كبيرة و مينفعش نعمل كده خصوصا ان كانت لقاءتنا خيرية او ثقافية ده طبعا غير الشتايم اللى كلنا بنشوفها فى البلوجات .. و معلش اعذرونى الفترة الجاية عن غيابى و ده مالوش علاقة خالص بشعورى ده لانها كانت مجرد حيرة و الحمدلله كلامكم و رغبتكم حسمت الحيرة دى .. بس كل الحكاية انى محتاجة اعيد ترتيب اوراقى و فى نفس الوقت فى اجازات و بكون مشغولة فى الوقت ده من السنة لان كل الاقارب اللى فى دول اوروبية او امريكا بينزلوا مصر علشان هم هناك اجازة

و خيخة ان شاء الله فى الفترة دى ممكن تعمل لقاء او اتنين ربنا يجازيها خير يا رب


ثالثا

و ده الاهم

هى نصيحة لكل ولد و بنت من المدونيين

كل شخص بنعرفه من ورا شاشة الكمبيوتر ممكن جدا يكون غير الحقيقة سوا فى افكاره او مبادئه او حتى صورته اللى رسمنهاله فى خيالنا

و من هنا لازم تكون فى حدود تتحط بينكم فى التعامل و مينفعش ابدا نكون قريبين و اصدقاء من غير عشرة و معاملة واقعية

لما نتقابل فى الواقع اتعاملوا كأن دى اول مرة تتعرفوا على بعض و يكون جواكم كل الحريص اللى بيكون مع اى حد غريب و بعد عدة لقاءات و معاملات واقعية تقدروا تحكموا الشخص ده ينفع يكون صديق او لا

لازم نتعلم كلنا ازاى نفصل بين شخصية المدون و الشخصية الحقيقية

سواء الفصل مع نفسك او مع غيرك

و عمر الصداقة ما كان معناها ان الواحد يكون مجامل و بيتكلم حلو و دمه خفيف .. الصفات دى هنلاقيها فى اغلب الناس .. لكن الصداقة معناها اكبر من كده بكتير و يمكن كمان يكون فعلا اقرب حد لنا هو الشخص اللى بيكون صريح و بيقولنا عيوبنا قبل مميزتنا


اهم حاجة اننا لازم نعرف ان شخصية المدون مش شرط ابدا انها تكون دى الشخصية الحقيقية و لما نتقابل مع الحقيقية لازم نبدا فى التعامل من الصفر



و اخيرا

اتمنى كل شخص بقصد او من غير قصد ضايق حد او قال عليه كلمة يحاول يفكر تانى و يعرف انه غلطان و يحاول يصحح غلطه ده بالطريقة اللى ترضى الشخص اللى ضايقه


و ربنا يهدى الجميع للصواب
و كل سنة وانتم بخير

41 comments:

Empress appy said...

ومع السلام عليكوا
كل سنه وانتى طيبه

محمد حمدي said...

كل سنه وانتى طيبه

وربنا يهدى الجميع للخير

رندا said...

كل سنة وانتــِ طيبة وبخير

عيد سعيد عليكى وعلى اسرتكِ الكريمة

وياربــ تفرحى باولادكِ اوى جداً

بحبك

سبهللة said...

انا جاية اقولك كل سنة وانتى طيبة يا دودو

Mafrousa said...

كل سنة وانتى طيبة
و ربنا يهدى الناس كلها

همس الاحباب said...

هههههههههه
يا سلام على الكلام والحكم
تصدقى انا صدقت الكلام
هههههههه
كل سنة وحضرتك طيبة
وعيد سعيد عليكى وعلى اسرتك
وربنا يكرمك يا ستى
تحياتى

عاشقة القمر said...

كل سنه وانتي طيبه ربن يحقق امنايتكي يارب

Anonymous said...

كل سنه وانتى طيبه والاسرة الكريمة بخير

البت المشمشية حلوة بس شقية said...

كل سنة وانتا طيبة يا احلا دودى وكولى كويس فى العيد وسبيلى حتة وان شاء الله محدش من المدونين يزعل من التانى ابدا ونفضل كلنا اصحاب طالما فى احترام

Anonymous said...

السلام عليكم قوس قزح
كل سنة وانت بالف صحة وعافية وبكل خير وعيد سعيد عليكى وعلى الجميع يارب

وهتوحشنا بويتات حضرتك جدااااااااا وترجعى بالسلامة ان شاء الله وبجد كلامك مفيد جدااااااا عن التعامل مع بعض على ارض الواقع بجد ربنا يكرمك على النصائح الغالية

دمتى بالف خير ويلاسلام

Ahmed Kamal said...

جزاك الله خيرا على النصيحة الغالية دي ، و كل سنة وانت طيبة :)

Unknown said...

كل سنه و انتي طيبه

عيد اضحي مبارك

dreem said...

كل سنة وانتى طيبة وربنا يجعل عيدك سعيد وايامك كلها عيد
تحياتى

ميرا ( وومن ) said...

دودو

كل سنه وانتي طيبة يارب السنه الجاية علي عرفات ان شاء الله

بجد بجد بجد برافو عليكي كل اللي قولتلية صح وموافقة عليه

مش تزعلي بقي علشان مش ازعل انا كمان
مبرووك ألف مبروك علي يوم البؤجة عقبال كل مرة يارب

جنّي said...

السلام عليكم

والمدون الحقيقي هو اللي يحافظ على اخوانه ويحترمهم ويحافظ على الاخوات وكأنهن شقيقاته ..

والعيد فرصة لمراجعة النفس والاتصال بمن اساء اليهم ويعتذر ويعيد عليهم

دعوتك عقلانية جدا

تحيتي وعيد سعيد

بنت مصريه said...

وانتى بالف صحه وسلامه يا رب
وجزاكى الله خيرا انتى وخيخه وكل المتبرعين ف بؤجه الخير يا رب

وانا والله شخصيتى هيه هيه اللى ف المدونه
هههههه
بس انتى فعلا عندك حق ف الموضوع دا

نفسى اشوفك مره ف مدونتى
ههه اتمنى تنورينى يا جميل

!!! عارفة ... مش عارف ليه said...

كل سنة وانت طيبة

وعيد سعيد عليكي إن شاء الله

وأجازة سعيدة بإذن الله


تحياتي
وليد

رئـــــيسـة حزب الأحلام said...

كل سنه وانتى طيبة
وكلامك عين العقل
تحياتى

حزينه said...

كل سنه وانتى دايما بخير وطيبه

حزينه

حلوة الدنيا said...

كل عام وأنت والأسرة والأمة الأسلامية بخير

Ahmed Al-Sabbagh said...

كل سنة وانتم والاسرة بخير
كل سنة وانتم والاسرة بخير

ahmed_k said...

رفع الحجيج أكفهم
يرجون رحمة ربهم
ورفعت كفي أدعوه
يجعل ثوابك مثلهم
وكل عام وأنتم بخير

mahasen saber said...

كل عيد وانتى بالف خير يا داليا
واسرتك واولادك بالف خير وصحه وستر

انا للاسفمش عارفه فيه ايه اصلا انتى زعلانه ومحمود عايز يهد المعبد ويقفل المدونه

ربنا يصلحلكوا الحال جميعا وانا معاكوا طبعا

حلوة الدنيا said...

كل عام وأنت والأسرة والأمة الأسلامية بخير

Beram ElMasry said...

قوس قزح

السلام عليكم ورحمة الله وبركاته
اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

Unknown said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

كلاكيت تانى وتانى said...

كل سنة وانتى طيبة
ازيك يا داليا
انا سبتلك تعليق عند فاتيما هعملة باست عندك هنا
داليا
شفتى شكل الناس الغلابة بتبقى فرحانة قد اية فعلا لما بتوزعى عليهم الحاجات دى شفتى قد اية فرحتهم واحساسهم بالامتنان والحب والشكر
اعتقد دة ممكن يمسح جواكى اى أثر لكلام فئة مش فاهمة معنى كلمة خير وتكافل اجتماعى والخير فى أمتى الى يوم يبعثون ياحبيبتى اللى بتعملية دة شئ رائع ودايما الاشياء الرائعة بتلاقى هجوم ونصيحتى ليكى تسدى ودانك وقلبك وعقلك عن كل السلبيات وتتذكرى بس صورة الناس والفئة اللى بتتعاملى معاها
اثناء حياتى لقيت كتير من الفئة دى والحمد لله اتعودت انى اصم اذنى عن السلبيات وافكر فى عملى فقط وأشق طريقى وأركز فى انا عاوزة اية وأقدر أقدم اية مش فى الناس بتقول اية والحمد لله عملت اول مركز تدخل مبكر فالشرقية وناجح وبخدم أسر كتيرونظرة امتنان من أم أو شكر من أب بتمسح جوايا كل شئ وأى شئ ودايما بعتبر انى لما بقرر شئ بعملة لله وفى الله وبعتبر الفئة الضالة زى مابسميها او السلبيين ناس بتحاول تتنطط فوق كتافى وانا بنظر لها ومبحاولش ابدااأخر حياتى او أغير تفكيرى بسببها
جمعية رسالة وجمعيات كتير اتكونت بفكرة بسيطة زى بتاعتك وللأسف هوجمت لانة فى اى مكان وأى زمان هتلاقى ناس بتهد وتدمر زى مافية فالدنيا خير فية شر ثقتك باللى بتعملية صدقينى هية اللى هتهدم أى شر
ارجعى لبؤجة الخير لأنها عمل رائع هيفضل ليكى ولولادك وفميزان حسناتك وانسى الفئة الضالة زى مانسيتها اناوتعالى عن الصغائر دى لأنك اقوى واجمل واللى بتعملية افضل من ان اى كلام يأثر فية
بالنسبة لتدخل المدونين فحياة بعض انا بفترض دايما حسن النية بس مش دايما بيبقى الانسان عندة قدرة على تحمل انتقادات الاخرين وزى ما الشاعر الفاجومى بيقول قبل ما تبص فالقشاية اللى فعين جارك بص للشجرة اللى فعينك تقريبا المثل كدة
المشكلة اننا مبنقدرش نحط حدود بين الصداقة والزمالة والمعرفة السطحية وبين الاشتراك فى اعمال الخير والاتفاق على العمل العام دون التدخل فى الحياة الشخصية لغيرنا
قريت عند خيخة تعليق جميل جدا عن الموضوع دة
ونصيحتى ليك انك تتغاضى عن كل المهاترات دى وتركزى ففكرتك الرائعة لأنها زى ماقلتلك صدقة جارية ليكى ولولادك ربنا يوفقك
وياريت ياقمر تعملى بؤجة خير عندنا هنا فى قريتى المليانة فلاحين وغلابة وناس بتتمنى الصدقة ومحتاجاها بجد وغداكم كلة عندى
كتير من الجمعيات بتيجى هنا توزع على الغلابة وبجد كل الناس بتدعيلهم وفية ناس بسمعهم تقول همة بيعملوا اعلان لنفسهم او همة عاوزين يبينوا انهم احسن من غيرهم بس نظرة الشكر والامتنان من الناس بتبقى اعلى من كلام الحاقدين والمهم دايما النية والهدف وخدمة أكبر قدر من البشر
ثقى فنفسك ياداليا لأنك افضل واقوى من كل دة
تحياتى
تحياتى

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

وليد said...

كل عام وحضرتك بخير وربنا يتقبل منك ويعزك ويكتر افعالك الخير ان شاء الله

tarek alghnam said...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد

rovy said...

عيد اضحى سعيد
كل سنه وانتى طيبه و فى احسن حال

Anonymous said...

حتى لو كان هناك اجازة

لاتغيبى كثيرا

كل سنة وانت طيبة

دعاء مواجهات said...

بجد كلامك مهم اوى

وياريت الكل ياخد بية كويس اوى اوى اوى

كل سنة وانتى طيبة ياقمر

اقصوصه said...

عيدك مبارك

وكل عام وانتم بخير :)

احمد الشاعر said...

كل سنه وأنت بخير وسعاده وهنا

وبس

Beram ElMasry said...

العزيزة الغالية . قوس قزح
لعلك وصاحبة مدونة خيخة من القلوب العامرة بالحب وعمل الخير ، لهذا احسست بصدق تعليقك فلك شكرى وتقديرى
لا تحرمى مدونتى شرف التعليق والزيارة

kh said...

السلام عليكم ورحمه الله وبركاته

كل سنه وانتى طيبه


وسلااااااااااااام

مدحت محمد said...

كل شخص بنعرفه من ورا شاشة الكمبيوتر ممكن جدا يكون غير الحقيقة

هى دى الحقيقة

حاجات جوايا said...

كل سنة وانتى طيبة يا جميل
عيد سعيد عليكى وعلى اسرتك الكريمة بإذن الله

كلامك سليم
فيه ناس بتقدر تزيف شخصيتها وتظهر على عكس حقيقتها .. والحرص مطلوب فى كل شئ

ربنا يقدرك دايما على عمل الخير ويتقبل منك ومن كل المشاركين

فى انتظار عودتك

سالى

صبرني يارب said...

دولللللللي لكى تاج عندي يلا بسرعه تعالى خوديه

Sameh Ezzat - (خواطر خاطر) said...

و عمر الصداقة ما كان معناها ان الواحد يكون مجامل و بيتكلم حلو و دمه خفيف .. الصفات دى هنلاقيها فى اغلب الناس .. لكن الصداقة معناها اكبر من كده بكتير و يمكن كمان يكون فعلا اقرب حد لنا هو الشخص اللى بيكون صريح و بيقولنا عيوبنا قبل مميزتنا

اشكرك بدون مجامله